فيديو شرح اشتقاق وحدات القياس لثابت كولوم

👈 موجود هنا 👉

شن تقييمكم واراءكم على أسئلة الخارج؟

يا ريت في حاجة بنبه عليها
أول شي صدقوني النسبة ما هيش مقياس لعلمك

النسبة مجرد شكل لأشكال الفرحة ليك والنسبة فيها توفيق من ربي وقدر من التوفيق في الإجابة في الامتحان وعدم التوتر..

قولوا الحمد لله ع اي نسبة جبتوها وصدقوني ان اهم شي هو المحصلة التعليمية وان نسبتك ح تمشي وتختفي مع مرور الوقت..

وكلنا سواء جبنا 98 او 97 او 87 ح ندخلوا لكليات تكون فيها بداية جديده

الفارق الوحيد هو المعلومات لان وقت تخش للجامعة ضروري تكون متأسس صح بش تمشي امورك..

بالتوفيق ليكم حتى لو جاكم امتحان صعب مش نهاية الدنيا اللي عند ربي خير

وبالتوفيق ليكم جميعاً🫡🤍

ريتو مش ديما نهزب فيكم مره مره نحفز فيكم😎

السَّلاَمُ عَلَيْكُمْ وَرَحْمَةُ اللهِ وَبَرَكَاتُهُ.

بارك اللهُ في كُلِّ من ساهم معنا في حملة فزعة طالب ، الِّتي استهدفت العائلات المُتضررة من الإعصار ، الحملة استطاعت بفضل الله وجهود النَّاس الخيّرة أن تصل الى مُبتغاها ، رسمتم البسمة على وجوه الأطفال و كنتم سببًا في دخول البهجة إلى قلوبهم .

وبمُناسبة قرب حُلُول عيد الاضحى المُبارك ندعوكم لمد يد المُساعدة والمُساندة في حملةٍ ثانية تستهدف العائلات المُحتاجة للأضاحي وتوفيرها لهم، و ما ينقصهم ليكون عيدنا كاملاً مُكتملاً .

نقبل منكم جميع التبرعات ( مالية/رصيد للرقمين ) عن طريق الوسائل التالية :
0931077531 -
0923174352 -

( تواصلو مع مشرفين الحملة عن طريق بوت التواصل لاي استفسار او على الارقام المذكورة أعلاهُ ونجوكم لعندكم في نطاق مدينة طرابلس ).
- (بوت التواصل تيلي) @Fazettalebbot

خيرُ البرِّ عاجله.
آجركم الله على ما أعطيتم وبارك لكم فيما أبقيتم. #حملة_فزعة_طالب

نختتموا يومنا بحملة لدعم اهالينا في درنة

يمكنكم الدعم عن طريق الرصيد او عن طريق قيمة مالية لو كنتوا من اهالينا في طرابلس…

جزاكم الله ألف خير
(لن تنالوا البر حتى تنفقوا مما تحبون🤍)

(ما نقص مالٌ من صدقة)

ح انزللكم فيديوا ان شاء لشرح فكرة السؤال

الإجابة نفس اللي موجودة في كتابكم
وشدة التيار هي التي تحدد سطوع المصابيح او بالأدق (القدرة الكهربائية)

وطبعاً ما تتغيرش شدة التيار لو تغيرت الأقطاب

بالنسبة للسؤال هذا ف رسمته غلط والمفروض وزارة التعليم تعطي درجته

لأن الموجة في الشكل ب لا يوجد فيها قمة وقاع على خط واحد مدايرينهم وهذا مش الشي اللي نشوفو فيه في الجهاز ولا في الرسم…

يا رب اللي مدايرين الأسئلة يكونوا في ناس من القدم يراجعوها معاهم

لأن واضح إن أشخاص جدد ومش مدققين في المصطلحات العلمية

ويكون امتحان الداخل أفضل من هكي..

حتى الأستاد محمد مسعد كان رأيه إن الرسمة غير دقيقة ومن المفترض إن تعطى درجته للطالب..
نطالب وزارة التعليم بإعطاء درجة السؤال…

حل سؤال تحديد شدة المصابيح
لأسئلة الخارج

التحليل الصحيح للسؤال هي بتحديد هل شدة التيار زادت ام قلت

ولا دخل لموضوع اتجاه التيار بالشي هذا…

اقتنعتوا بالموضوع؟
عادي أسألوا وكان مش مقنع ناقشوا لا ضرر في النقاش بالعكس النقاش يوصلك العلم بطريقة صحيحة 🫡🤍

ع الوضع هذا
قبل كنت نقول لطلبتي إن الفيزياء فهم وديما حتى أسئلة النظري تجي للطالب الفاهم يعني ساهلة

لكن ع أسئلة الخارج ديرو دورة حتى ع الفهرس مرات يسألوكم عليه😃

وصلنا 4K🤍🔥

جعلكم الله شاهدين على القناة وزكاة العلم الذي أنشره..🤍

بارك الله فيكم ونعتذر عن أي خطأ ربما سقط مني سهواً او أي تقصير🤍

ويا رب تكونوا إستفدتوا من القناة ونشوفوكم مهندسين ودكاترة ومحاسبين ومحامين….إلى آخره.😂

ويا رب تنجحوا وتفرحونا بنتائجكم صدقونا اي معلم ما يبيش إلا يشوف طلبته متفوقين وفي القمة🤍

ان شاء الله ح انزللكم فيديوات شرح لفيزياء الباب السابع داخل القناة🫡🤍

كهدية لوصولنا 4K🤍🎁

احسن شي الديموقراطية
التصويت يتم الساعة 8

طبعاً للعلم
إن في العديد من الإنتقادات جت وقت نزلت إجابتي لأنها ما كانتش زي الإجابات المنتشرة وقتها

ولله الحمد أغلب القامات التعليمية اتفقوا ع نفس الإجابة اللي واضعها

وحتى لو غلطت ف أني إنسان يصيب ويخطئ

وكنت مقتنع بالإجابات اللي واضعها وما عدلتش في أي إجابة والكل رسي ع نفس الإجابة

فاللهم لك الحمد على توفيقك🤍

آخر فرصة للطلبة اللي ما لحقتش ع الباب التاسع
ح يقعد لمدة ساعة..

https://t.me/+OZZVF3231X0yYWNk

كورس الباب الثامن ح يقعد لمدة يوم مجاني…

https://t.me/+oJ3rt8JoLj5lMmU0

الرابط ح يقعد يوم
الفيديوات ح تقعد..