هوا واضح ان صاحب المنشور الهدف من الموضوع ان يبين نفسه بطل قدام بعض الطلبة وياخد حب اغلب الطلبة

لكن واقعياً الشي هذا غير ممكن من عدة نواحي

اول شي كل حد وقت يبعت فيه عدة اشياء تخلي شركة زي قوقل تعرف ان الشخص هذا مستخدم واحد للتأكد من ان الخدمة تكون صحيحة مئة في المئة

تاني شي حتى لو كان عنده ثغرة امنية ف الوزارة ح تلقى عدد كبير زائد

و 150 الف بعتوا في نفس الوقت وهذا شي واضح ان تلاعب في النتائج

فممكن شي زي هذا يضركم اكثر من يفيدكم

لأن لو لاحظوا تلاعب في النتائج ح يلغوا الفكرة مره وحدة

اماليا كيف يشوف فيا:

اقوى حاجة لما بوي جي قالي ما نستفيدش منك في شي
لأن ما نعرفش رمز حسابه الفيس اللي هوا مدايره

ما نعرفش لو في في القناة طلبة من الخارج
لكن هذا جدولكم وان شاء الله بالتوفيق ليكم🤍

للتوضيح جدول الخارج ما فيش داعي لأنك تنخلع

الطلبة الأعزاء نعتذر ع التأخير
ونبي نبلغكم ان كورس الباب التاسع قد تم بدء التسجيل فيه

قيمة التسجيل هي 20 دينار رصيد ليبيانا

وللإشتراك تواصل عبر هذا الايميل:

https://t.me/elecetricalphy

العزومة من أستاذ الفيزياء كيف تكون🥲😂:

https://www.facebook.com/share/ahRNRsKg9PpSmScT/?mibextid=WC7FNe

قبل ما تاكل جاوب ع الأسئلة كلهم🤣

نموت من الجوع وما ناكلهاش🙂

للتذكير
الطلبة اللي تسإل ع الكورسات اونلاين والأسعار

للعلم الأسعار تعتبر رمزية جداً

-منهج الفترة الاولى من الباب الأول إلى الرابع
سعر الكورس تام 50 دينار

-الباب الخامس والباب السادس
سعر الكورس 25 دينار

الباب السابع

سعر الكورس 15 دينار

الباب الثامن
سعر الكورس 20 دينار

الباب التاسع:
20 دينار
طريقة الدفع رصيد ليبيانا

الكورسات كلها شاملة شرح المنهج
وأسئلة سنوات ✅
للإشتراك تواصل عبر هذا الايميل:

@elecetricalphy

كما للعلم ان فيديوات المنهج تام بتخفيض كبير 100 دينار😁

دفعة 2005 قبل ما تخشو شهادة شن يديرولكم:

عموماً هاذي عادات وتقاليد
حتى انتو توا بتقعدو تخوفوا في دفعة 2007

واحني الدفعة المظلومة اللي قرونا تسعة ابواب

نعرفها القصة هاذي😂

نبذة عن دكاترتنا في الكلية:

مره عندنا دكتور جابتله بنت سؤال سنوات
قاللها ما نعرفش نحله🤣

من يفسرلنا كيف في قانون نيوتن الأول قال:
(إن الجسم المتحرك يبقى متحركاً مالم تؤثر عليه قوى خارجية)

كيف نقدروا نفسروا الحاجة هاذي؟

يعني منطقياً الحركة تبي قوة احني نعرفوا
ف كيف الجسم المتحرك بيقعد متحرك من غير قوى؟؟

ولا القوى ح تكون مطلقة ؟

حاولوا تفكروا براسكم
متعة الفيزياء في الموضوع هذا

التفسير لهذا القانون:

كيف الجسم المتحرك يبقى متحركاً ما لم تؤثر عليه قوى خارجية

واحني نعرفوا في حياتنا ان لو نبوا نحركوا اي شي ضروري نسلطوا عليها قوى؟

هل القانون غير منطقي او من اخطاء نيوتن؟

الموضوع هذا يعتبر من خيال نيوتن الفريد ووقت اكتشافه للجاذبية

العالم نيوتن فسر حركة الاشياء حتى خارج الفضاء

ف مثلاً اكتشفول العلماء في الفضاء الخارجي ان لو حطوا جسم وخلوه متحرك فإنه سيبقى يتحرك


شن السبب في إن هوا ما يتوقفش زينا؟

بسبب إنعدام القوى المضادة لينا (الجاذبية)

وهذا يفسر إن عند إنعدام القوى الخارجية فإنك لو تحركت ح تقعد في حركة لا نهائية إلى أن تؤثر عليك قوى خارجية

الفيزياء مادة ليست حفظ كما تدرس لكم

وديما لاحظوني نحب نبسطلكم الأشياء ونوضحها

الفيزياء مادة ممتعة وكل العلوم والاكتشافات قائمة عليها😁🤍

بعون الله غر نتموا من نطاق المنهج

ح نعطيكم هلبا معلومات تحببكم في تخصصات الهندسة