كان نلقاك اللي مداير المساحة الشاغرة بس

قصدي هيا مساحة فاضية ما فيهاش شي وين الكتلة بس؟

وهكي انتهينا…⏳

تقييمكم للأسئلة؟
الاختبار ما كانش قوي للعلم اي حد قاري الباب التاسع يقدر يحله

درت الاختبار ساهل عن قصد ما نبيش نحبطكم لكن انتو اللي مش قاريين طلعتوا😂

وبالتوفيق ليكم ان شاء الله

ما عمري نحب نحبطكم او شي زي هذا

وللمعلومية ان حتى كان درنا بث للباب مستحيل نشرح كل مواضيع النظري

الباب فيه نظري هلبا تقدر تقراه من الشيت اللي نزلته حتى تاخد اغلب النقاط المهمه.

والاحسن انك تطلع ع شرح بش تخش المعلومة في راسك

وان شاء الله بالتوفيق ليكم🤍

نعطيكم نصيحة بحكم ان الوقت ضيق:

اول شي توا شدها ع مواد الفهم الفترة اهيا اللي ما كملتاش من مواد الفهم افهمه وثبته عندك وحل عليه افكار

بش شني يوم اللي يبدا ثاني يوم عندك امتحان تشدها سنوات بس.

ثاني شي مواد الحفظ قدرلهم ايام في اخر اسبوع

يا سيدي اعطي الاحياء ثلاثه ايام مثلاً وباقيلك يومين او ثلاثة راجع فيهم دين وعربي
وما تخافوش منهم ديما التربية الاسلامية والعربي اتفه مواد

عن نفسي الأسبوع هذا اتبعته وما ندمتش حتى يوم عليه

وصدقوني ان الموضوع مش زي ما تتصوروه اي امتحان بتجيك أسئلة صعبة وبتجيك متوسطة وساهلة

ديما امتحانك ح يكون متنوع وبعون الله انتو قدها ادعوا بس وتوكلوا ع ربي

وان شاء الله بالنجاح ليكم يا رب🤍

بعون الله كلكم تجيبوا نسب عالية وع قد تعبكم وتفرحوا نفسكم وأهلكم
ادعوا بس وربي ح يسهل عليكم🤍

(وقال ربكم ادعوني استجب لكم)

اللهم آمين يارب العالمين 💙🦋

أني الادمن من غير ما يقوللكم🥲

بش ما تصيرش مشاكل كل اوجه النظر تحترم للعلم

في طالب الموضوع مدايرله ضغط نفسي وما يبيش يزيد اسبوعين يقعد يفكر في الامتحانات

وفي اللي يبي وقت يلحق فيه بش يكمل قراية

كل حد وعنده وجهة نظره واهدافه احترموا أراء بعض مش كل شي تبدو تتعاركوا عليه

اللي يبي شيتاتي كلهم كصور وما يفتحش عنده pdf

يلقاهم في صفحتي الفيس:

https://m.facebook.com/story.php?story_fbid=pfbid02DkpcHgsqmSfYMJTnLzmK5bTuNdegzdzkiSWpBNAvgy2pkMBfXGJp67QMQruFNmkil&id=61553776693325&mibextid=WC7FNe

واللي بيدير لايك للصفحة ان شاء الله ينجح بنسبة مليحة😂

نستغرب في ناس كبيره وعاقلة تلعب في عقول طلبة واتعلمهم حاجات هيا شرعياً خطأ ويا بالك ثقافياً

كيف مكتوب مساعدة في الموضوع وانت تصويتك عبارة عن ناس وهميين؟

هذا مع احترامي لصاحب الفكرة لكن اسمه احتيال وتزوير وليست مساعدة

ربي يوعيلنا الجيل الجديد ويخليهم يعرفوا الصح من الخطأ وخلاص وان شاء الله بالتوفيق ليكم

للعلم بش ما تصيرش لخبطة اني ما عنديش اي مشكلة سواء كانت بعد او قبل العيد اللي نبيه هو ان الحاجة الصالحة والعامة لمصلحة الطلبة تصير

وما تكلمتش ع الموضوع إلا لأن لقيت جميع الاراء ايجابية ووجب التنبيه عليها

(كنتم خير أمة اخرجت للناس تأمرون بالمعروف وتنهون عن المنكر)

وبالله بطلوا السلبية وارتقوا بعقلكم

الليبيين عندنا السلبية متوارثة تقوله كيف هكي يقولك هيا (مهروده مهروده)

هيا مهروده صح وكل يوم ممكن تشوفها لتالي لكن كيف بنتقدموا كان كل حد نسب خطأه ع اللي قبله؟

ربي يهديكم ويهدينا ويكون الجيل الجديد هو اللي ح يرفع لبلاد

هوا واضح ان صاحب المنشور الهدف من الموضوع ان يبين نفسه بطل قدام بعض الطلبة وياخد حب اغلب الطلبة

لكن واقعياً الشي هذا غير ممكن من عدة نواحي

اول شي كل حد وقت يبعت فيه عدة اشياء تخلي شركة زي قوقل تعرف ان الشخص هذا مستخدم واحد للتأكد من ان الخدمة تكون صحيحة مئة في المئة

تاني شي حتى لو كان عنده ثغرة امنية ف الوزارة ح تلقى عدد كبير زائد

و 150 الف بعتوا في نفس الوقت وهذا شي واضح ان تلاعب في النتائج

فممكن شي زي هذا يضركم اكثر من يفيدكم

لأن لو لاحظوا تلاعب في النتائج ح يلغوا الفكرة مره وحدة