نبو كتاب الفيزياء pdf اللي عنده يبعت…

جيت نذكرك ان انت شديت النقال بش ادور شرح وبتقرا
وتوا نسيت انك تقرا وقعدت شادها هياجة في النت

ف سيب نقالك يا طالب واقرا😂

شن صاير فيكم في الفيزياء؟

لأن العديد منكم متخوف من الفيزياء
فنقدر نقوللكم ان ممكن الفترة الجاية ح تكون في فقرة بثوث

كل مره نشدو باب او شي زي هذا

بعون الله مش ح نقصر معاكم

لكن نصيحة ليكم شيتات الملخصات عندكم فوق ديرو دوره ع البيبان

بش وقت نفتحوا بثوث ناخدوا أسئلة افكارها مليحة

ماهو لما نقول أحسن حد منلعبش أني ، نحرقوها معاك إن شاء الله 💥

للتوضيح هذا ادمن معاي
تحسابوني ملبوس ندوي مع روحي

ع المهم ردو بالكم حد يسإلني بالله القانون كيف جي

ولا التحويلات بالله يا جماعة الخير

وردو بالكم واحد يسمي ناتج غلط لأن ح ناخده محتوى في البث🤓😂

سؤال خارج محتوى القناة
أكبر عدو للإنسان هو…..

نستنى في حد يقول القراية
نزلت عليكم الثقافة والوعي توا

بما إن أغلبكم كتبتوا (نفسه):

تعالوا نتكلموا ع موضوع النفس شوية…

هل النفس الأصل فيها الفجور ام التقوى؟

الإجابة بدليل علمي من القرءان:
(ونفس وما سواها ( ) فألهمها فجورها وتقواها)
هنا قدمت الفجور على التقوى لبيان أن النفس الأصل فيها الفجور

أو كما ذكر في قصة سيدنا يوسف لامرأة العزيز:
(وما أبرئ نفسي إن النفس لأمارة بالسوِّ إلا ما رحم ربي)

فالنفس أمارة بالسوء وهذا الشيء نلاحظه في حياتنا اليومية

فكم من مرة كاسلتك نفسك عن الصلاة؟
وكم من مرة اغرتك نفسك بفعل المنكرات؟

وصديق رسولنا الكريم (ابوبكر) رضي الله عنه كان يقول (بليت بأربع ابليس والدنيا ونفسي والهوى)

فاللهم اهدي نفوسنا وثبتها على دينك وطاعتك

الباب التاسع يخليك تكره انك ادير ملخصات😂
أول مره ملخص نعطل فيه هكي😂

تخايلوا ان عمكم اينشتاين ما خداش جائزة نوبل ع النظرية النسبية
لأن وقتها كان عالم مش معروف وما بوش ياخدوا ع كلامه😃!

تعرفوا علاش ما خدوش ع كلامه
لأن عمكم التاني اللي طاحت تفاحه ع راسه اخترع هلبا قوانين عرفتوه؟

ما نبوش نقولوا اسامي
المهم كانت قوانين اينشتاين تعاند قوانين عمكم اللي طاحت عليه التفاحه

مشي الجماعة دارو جو هذا ما وجدنا عليه ءاباءنا وكيف تجيب كلام زي هذا

وهاذي الفيزياء ريتو حتى هيا فيها واسطات

وطبعاً هما اخترعوا قوانين وربحوا جوائز عليهم

وانت توا يا صديقي الطالب تقرا وتندب وتدعي عليهم😃

وتخيلوا ان عمكم نيوتن اخترع قوانين الحركة والتفاضل والتكامل
وقت كان عندهم حظر تجول (مرض الطاعون)

يعني زينا حني ايام كورونا شديناها ببجي وافلام وجو

وهوا اخترع فرعين من العلم اللي هما لتوا نستفيدوا منهم

زيدو شدوها ع النت باهي😃!

ع المهم جهزولنا نفسكم وراجعوا الباب الأول

غدوا بث لمسائل الباب الأول ح نحاول نجيبلكم افكار مليحة

يا ريت تراجعوا وتقروا بش ما نتعبوش في البث

وربي يوفقكم جميعاً🤍🤍

وطبعاً ما تنسوش اللي ينشر رابط القناة ويساعد زملاءه ح يبدو يدعوله😂

احتراف التسويق⬆️⬆️⬆️

الوضع حالياً:
ان اني والقهوه عايزين حدى يصحينا😂😃