الوقت يمر
وجماعة الكورس اونلاين يعرفو قوة الكورس🫡🤍

ما تفوتوش الفرصة الشروط مش صعبة
وبدون مجهود كبير تقدرو تفوزو

السلام عليكم ورحمة الله وبركاته
ح نديروا بوست توضيحي للطلبة شن اهم الحاجات اللي تركز عليها في كل باب

البداية بالباب الأول

الباب الأول عندك في بدايته معلومات نظرية هلباااا
تقدر تلخصها في راسك او بالترتيب من الفيديوات اللي منزلهم في القناة

وركزلي ع انك (تفهم) مش تحفظ

الفيزياء فهم مش حفظ.

تبع فيديوات لخص ورتب المعلومات بطريقتك الخاصة وبعدها ح تخش ع القوة الكهربائية والمجال الكهربائي
اللي هوا جانب المسائل في الباب

اول شي ضروري تعرف العوامل اللي تعتمد عليها القوة الكهربائية
وشن هيا اللي بينها تناسب طردي او عكسي

وهذا كله القانون يختصر عليك هذا الشي زي ما شارحين قبل كيف تعرف التناسب الطردي والعكسي وحط في بالك ان في ثوابت (الحاجه اللي ما تتأثرش بتغير حاجة في قانونها) زي مثلاً ثابت كولوم اللي قلنا ان يتأثر بنوع الوسط بين الشحنتين فقط.

بعد هذا كله لو تمكنت من النظري وحسيت نفسك حليت مسائل وافكار كويسة (ما تعتمدش ع شخص واحد او مصدر واحد حل اكثر من مكان)

خش ع السنوات حل من راسك اكبر قدر ممكن من الأسئلة

وصدقني لما نقولك ان الأفكار متكرره لأن انت بروحك تشوف قداش سنة دارو أسئلة قبلك ف أكيد ح تلقى أسئلة نفس الفكرة

وح تلاحظ انت الشي هذا حتى في أسئلة السنوات في أسئلة يعاودو فيها بنفس الأرقام

وختاماً لو عجبكم النصائح هاذي وتبو نكملوا في باقي الأبواب علقولي ان نستمر

وبالتوفيق ليكم بعون الله ح تقدروها وح تجيبوا درجات عالية🫡🤍

✍🏻عبدالمهيمن كشون

يتم وضع اللمسات الأخيره⏳✍🏻

شيت الباب السابع

-تلخيص لمواضيع الباب السابع
-يحتوي ع أمثلة بسيطة تساعد الطالب على الفهم

اللي يبيه صور من:

هنا

نعتذر معش فيه وقت ان نحط في نهاية الشيت حل أسئلة الكتاب المدرسي

شيت أسئلة السنوات قيد التجهيز⏳

والفيديو الخاص بالباب السابع قيد التجهيز
انتظرو ومش ح تندموا🫡🤍

للتذكير
الطلبة اللي تبي تلحق ع المكثف المجاني غدوا ح نكملوا شرح الباب الأول وح نخشوا ع الباب الثاني ان شاء الله🫡🤍

بالتوفيق للجميع 🤍

اي طالب يقدر يحضر الى حين اكتمال العدد

التوقيت من الساعة 3:00-4:30
مكان المركز: اورانج وسعاية بديري مبنى مدرسة الضياء الحديثة

تم إلغاء
الباب السابع
الباب الثامن
الباب التاسع

لطلبة مدينة درنة

وهاذي أبسط حقوقهم جديات بعد الشي اللي صارلهم اكيد يستاهلوا استثناء.

بالتوفيق ليكم جميعاً يارب🤍

بالفعل المفترض يكون في تقليص حتى ليكم لكن الله غالب

السلام عليكم
البوست الخاص بالباب الثاني

الباب الثاني يعتبر نوعاً ما أسهل من الباب الأول لأن النظري فيه محدود نوعاً ما

ركز ع المصطلحات وحدات القياس المشتقة مرن نفسك عليهم

او وقت لما يلعبلك في المصطلحات زي لما يقولك
(وحدة قياس معدل سريان الشحنة الكهربائية)
طبعاً الإجابة أمبير ووضحنا هذا الشي أكثر من مره قبل

وركزولنا ايضاً ع فكرة ان امتى يكون عندك تناسب طردي او عكسي لأن مهمة ديما في النظري

وركز ع ان في حاجات ما تتأثرش بقيمة اشياء معينة
زي مثلاً المقاومة لا تتأثر بتغير التيار وفرق الجهد
ولكن التيار وفرق الجهد يتأثروا بالمقاومة

عندك تنبيه بسيط:
المقاومة النوعية تعتمد على نوع المادة ودرجة الحرارة

اما المقاومة R: تعتمد على طول السلك نوع المادة درجة الحرارة ومساحة السلك

عندنا اخر جانب جانب المسائل
ساهل جانب المسائل في الباب الثاني

لكن حاول تشوف عليه اكثر من مثال وتمرن نفسك علي حل امثلة هلبا من أسئلة سنوات

وبعون الله كان طبقت هذا كله نضمنلك انك خلاص الباب الثاني بنسبة 95% تقدر تتهنى عليه✅

✍🏻عبدالمهيمن كشون

شن صاير فيكم في الفيزياء؟
الوضع تحت السيطرة
ولا السيطرة تحت الوضع؟

لأن العديد من الطلبة يسألوا فيا هل بتعطي مكثف أونلاين
فالحق حالياً في الشك ان نعطي مكثف اونلاين بسبب ضيق الوقت

أي طالب يقدر يلتحق بمجموعة اللي في المركز غدوا ح نبدو في الباب الثالث

وطلبة الاونلاين مرات نديرو بثوث أسئلة سنوات فقط الاسبوع القادم

والله اعلم نلحقوا او لا

وبالتوفيق ليكم🤍

تذكير بمحاضرة الغد

من الساعة 3:00-4:30

ح نشرحوا الباب الثالث غداً🫡🤍

من أصعب البيبان من وجهة نظري وح نحلوا عليه العديد من الأسئلة

تبي تفهم الباب الثالث صح تعالا غدوا وبعون الله كل الشرح ح تستفيد منه🫡🤍

📌مكان المركز :
النوفلين _وسعاية البديري _مبني مدرسة ضياء الحديثة 🧡💚.
https://maps.app.goo.gl/SCatf5Tr9PaZjgZU7
#مركز_اورنج_اكاديمي

شيت أسئلة سنوات الباب السابع

-أفكار أسئلة سنوات من 2012
-أسئلة صواب وخطأ 17
-أسئلة إختر الإجابة الصحيحة 25
-كل الأسئلة مرفق معها الحل النموذجي

اللي يبيه صور من:
هنا

السلام عليكم
تم فتح باب التسجيل لكورس الفيزياء الباب السابع

الكورس شامل
شروحات أسئلة سنوات
شرح المنهج تام
شرح أسئلة الباب

قيمة الاشتراك وبتخفيض كبير 15 دينار رصيد ليبيانا

للإشتراك تواصل عبر:

https://t.me/elecetricalphy