#what is the difference between standalone ups& modular ups
إزيكم يابشمهندسين ....لسه مكملين معاكوا كلامنا عن #ups
عمرك سالت نفسك ايه الهدف من التطور اللي بيتم اجراءه
علي معظم الاجهزة المستخدمة في حياتنا؟ 🤔
👈لو دار في دماغك ان الهدف منه توفير جهد ووقت
وطاقة وفلوس
فانت اكيد فكرت صح......✅
كذلك ups كان ليه نصيب من التطور دا 🤷‍♂️
👈⏪وقبل متقرأ اي حاجة لازم تعرف ان معلومتك
هتبقي ناقصة من غير متشوف الفديو دا
https://m.youtube.com/watch?feature=youtu.be&v=Q13qeLo_EJc
ولو لسه بتسال يعني ايه ups!!! يبقي انت لازم تشوف
البوست دا وترجع تكمل
https://www.facebook.com/111268110547400/posts/161393002201577/
📌ودلوقتي خلينا نتكلم عن standalone ups &modular ups
1️⃣standalone ups
عرفناه قبل modular واستخدمناه لفترة من الوقت
وحتي الان بيتم استخدامه ولكن علي نطاق ضيق.
◀️طب ايه الفرق بينهم وليه مبقيناش نستخدمه كتير؟

اطمن مش هتخلص البوست من غير متعرف الاجابة
بس خلينا نتعرف علي كام مصطلح الاول
( availability - reliability -serviceability)
ايه دول وتعريفهم ايه؟؟؟؟
1️⃣availability: قدرة السيستم علي العمل ...او قياس الوقت اللي السيستم هيبقي شغال فيه .
وهنلاقي ان availability ليها معادلة👈 =(MTBF/ (MTBF+MTTR
التعريف وفهمته لكن المعادلة مبهمة‼️
عشان تفهم المعادلة لازم تفهم المصطلحين التانين الاول
2️⃣reliability: قياس قدرة السيستم علي العمل بدون عطل ودا اللي هي MTBF
3⃣serviceability: هي سرعة رجوع السيستم للعمل وسهولة تلك العملية ودي اللي هي MTTR
◀️لو احتاجت ازود الوقت اللي السيستم شغال فيه (availability) اعمل ايه؟؟؟🤔
ركز معايا في المعادلة اللي فاتت هتلاقي الاجابة موضحه
نفسها 🤷‍♀️..... هتلاقي قدامك حلين يا اما تزود MTBF او انك تقلل MTTR.
📌نرجع تاني لل standalone ups&modular ups ونتعرف اكتر علي التكنولوجي الجديدة اللي قدمها modular وجعلنا نفضله عن standalone
modular ups⏪ قدر انه يزود availability ودا عن طريق زيادة MTBF و يقللMTTR
خليني اقولك ازاي قدر يزود MTBF.
👈modular ups
بيجعل module work as one system but without interdependence ، اوضحلك اكتر ، ups دا قدم تكنولوجي اسمها👇 decentralized technology جعلت كل موديول في ups يشتغل كسيستم مستقل وبالتالي لو حصل اي عطل في اي موديول ميتاثرش باقي السيستم
طب دا حصل ازاي؟ 🧐
عن طريق

وضع كل الهارد وير وسوفت وير في كل موديول وكدا بقا واضح ان السيستم مش معتمد علي موديول واحد او ممكن يقف لو حصل عطل في احدي الموديولز. وال MTTR قدر يقللها ازاي ؟؟؟ بالفعل قللها💫 ودا لانه quick and simple repair by swapping modules وقدم تكنولوجي hot plug and hot swap
اللي اتاحتلي احداث اعمال صيانة دون فصل ups . يعني انا اقدر اعمل صيانة والسيستم اون لاين ؟؟؟

ايوه تقدر....... ودا اللي هنبتدي بيه كلامنا المرة الجاية


متنساش تشجعنا وتتابع قناة اليوتيوب
https://www.youtube.com/c/mohamedkhaled000
وبيدج facebook :
https://m.facebook.com/Mohammed.khaled.000


#ups
#one_week_one_topic
#يتبع

ازيكم يابشمهندسين

⏪ أخر كلامنا عن #ups وقفنا عند صيانة modular ups
📌وقولنا انك لازم تشوف الفديو دا عشان تاخد المعلومة كاملة https://m.youtube.com/watch?feature=youtu.be&v=Q13qeLo_EJc

👈ولو مش عارف احنا قولنا الكلام دا فين دوس علي اللينك دا وارجع كمل
https://m.facebook.com/story.php?story_fbid=162484672092410&id=111268110547400

⏪ 👈ولأن قدرة العين علي حفظ المعلومة كبيرة وعشان تبقي متخيل ايه اللي بيحصل في الصيانة وانت بتقرأ فقررت اوريك عملية الصيانة قبل متكلم عنها المرة الجاية والاخيرة من #ups

متنساش تشجعنا💫 وتعمل لايك للبيدج 👇
https://m.facebook.com/Mohammed.khaled.000
عشان توصلك كل posts💡
وتتابع قناة اليوتيوب👇
https://www.youtube.com/c/mohamedkhaled000

#ups
#one_week_one_topic
#يتبع

إزيكم يابشمهندسين

👈 في اخر كلامنا عن #ups وقفنا عند صيانة الموديولر وقولنا انك لازم تشوف الفديو دا عشان تاخد المعلومة كاملة
https://m.youtube.com/watch?feature=youtu.be&v=Q13qeLo_EJc

📌 ودلوقتي خلينا نكمل كلامنا ونبتدي بالصيانة وهل انا اقدر اعمل صيانة للموديولر والسيستم اون لاين؟؟؟
ايوه تقدر.... ودا لان صيانة السيستم بتبقي عبارة عن فصل الموديول المعطل عن باقي السيستم ودا اللي انت شوفته بعينك البوست اللي فات
https://www.facebook.com/111268110547400/posts/162761368731407/
واحنا اتفقنا ان السيستم مبيتاثرش بعطل موديول💡 وعملية تبديل الموديول بتاخذ من 10-15د وبعد اجراء عملية الصيانة يتم ارسال الموديول المعطل لاي مركز صيانة لاصلاحه
وبكدا يبقي قدر يقلل MTTR 🌟
📌 هنا هيدور سؤال في دماغك وهو ايه مشكلة standalone ups ؟؟
هقولك انه عند حدوث عطل السيستم كله بيتاثر وبنلجأ لوقفه عشان الصيانة وبالتالي MTTR هتزيد
ولان صيانته مش سهلة ف MTBF بتقل وبكدا availability قلت .
◀️N+1 redundancy .
متتخضش وخليني اشرحلك الاساس بتاعها . 📌دلوقتي انا عندي critical loads وحمله 120kw محتاج اطبق عليه N+1......هغذي بإتنين UPS الواحد 60kw وهيكون في واحد pack up لو واحد باظ يبتدي هو يغذي
📌 ولو احتاجنا نزود scale؟؟ العملية سهلة في الموديولر هنزود عدد الموديولز ولو احتاجنا نزود اكتر هنجيب موديولر تاني ونوصلهم توازي🤗
◀️ اما standalone هنلجا مباشرة لتوصيله مع standalone اخر توازي
📌واخيرا modular بيوفر في floor space مقارنة ب standalone

متنساش تشجعنا💪وتعمل لايك للبيدج https://m.facebook.com/Mohammed.khaled.000

عشان توصلك كل posts 💡
وتتابع قناة اليوتيوب👇
https://www.youtube.com/c/mohamedkhaled000
#ups
#one_week_one_topic

Attention please🚩
👈عشان التميز مش بس في المحتوي ✨ومحاولةً منا للظهور بشكل يليق بكل اللي متابعنا ⏪قررنا يكون لينا شعار خاص بينا ونتميز بيه🤞🏻
وبالمناسبة دي خليني افكرك انا بقدملك ايه 👇
هقدملك كل حاجة هتحتاجها في مجال التوزيع الكهربي
ودا هتقدمهولي ازاي؟؟؟🤔
عن طريق👇

▶️1-Youtube videos:
فيديوهات لكورس ديستربيوشن كامل علي قناتي علي اليوتيوب👇
https://www.youtube.com/c/mohamedkhaled000
وهنزلها علي البيدج عشان تقدر تستفسر عن اي حاجة

◀️طب ما انت كدا مقدمتش جديد !!
الجديد عندي اني هقدملك الجانب العملي لدرجة انك في اخر الكورس هتلاقي نفسك طبقت علي مشروع كامل بإيدك كأنك اخدته offline والأكيد ان دا اللي كلنا بندور عليه 🤷🏻‍♂️وكل دا مع الاهتمام بالجانب النظري طبعاً
كدا بس؟👇
كمان هقدملك
▶️2- Free sessions
هتديك معلومات تفصيلية عن مجال التوزيع الكهربي كطبيعة شغل وايه البرامج اللي محتاج تتعلمها عشان توزع كهربا في مشروع كامل وكل دا
free +online🤩

▶️3- On/Offline course
⏪هقدملك فيها كل اللي هتحتاجه في التوزيع الكهربي في الجانب النظري والعملي مع التركيز ع الجانب العملي وهيكون فيه عروض وخصومات علي الكورسز

◀️4- ودا بجانب سلسلة بوستات اسبوعيه علي قناة التلجرام وبيدج الفيسبوك👇
https://m.facebook.com/Mohammed.khaled.000
هتكلم فيها عن موضوع محدد كل أسبوع💫والأكيد إن الفترة الجاية في مفاجأت كتير هنعلن عنها علي البيدج✨

⏪لو عندك اي استفسار او
اي اقتراح ياريت تسيبهولنا في الكومنتات

Attention please🚩

👈الأسبوع اللي فات اتكلمنا عن #ups ووضحنا معظم الأسئلة اللي ممكن تدور في دماغك💫
◀️ومكملين معاكوا الأسبوع دا بموضوع جديد وسلسلة بوستات هنتكلم فيها عن:👇
1️⃣-distribution panel
2️⃣-single phase load
3️⃣-three phase load

4️⃣-شكل اللوحة من جوا ومكوناتها وطريقة التوصيل

5️⃣-هنقدم مجموعة فيديوهات تغطي الجانب العملي وتكون بمثابة تطبيق علي كل كلمة هتقراها

👈وفي اخر بوست في الاسبوع هنقدملك كل المصادر اللي اعتمادنا عليها في بوستاتنا✨

ولو في اي مواضيع حابب نتكلم فيها او اقتراحات للأسبوع الجاي سيبهولنا في الكومنتات✨

متنساش تشجعنا💫 وتعمل لايك للبيدج👇
https://m.facebook.com/Mohammed.khaled.000
عشان توصلك كل posts💡
وتتابع قناة اليوتيوب👇
https://www.youtube.com/c/mohamedkhaled000

#distribution_panel
#one_week_one__topic

طبيعة الإنسان فضولية مبيحبش يقول ميعرفش لازم يخوض التجربة عشان يرضي غريزة الاستكشاف اللي هي جزء مبيتجزأش من طبيعته🤞🏻
وعلي سيرة الاستكشاف فأكيد احتكيت بلوح الكهربا☠️
هتقولي لا مش لازم انا مش مهندس ولا حتي فني!!!😒
👈هقولك مش لازم تبقي مهندس او حتي فني ممكن احتكاكك بيها يكون مجرد انك شوفتها في مستشفي او جامعة او بنك او اي مؤسسة ⏪واكيد دار في دماغك أسئلة زي ايه اللي جواها؟؟ طب ليه مش اي حد يفتحها ؟؟🤔
⏪كل دا هتعرفه لما اكلمك انهاردا عن three phase distribution panel ودي بتظهر في المشاريع تحت مسميات كتيرة {dp: Lp،ACP,PP,LPP}
قبل مبدأ اتكلم لازم تعرف كل اللي هتقرأه محتاج تشوفه عملي ودا اللي هيفورهولك الفديو دا وزيادة 👇👇👇
https://m.youtube.com/watch?feature=youtu.be&v=8tZQTm2aLO4
اكيد ان اول سؤال بيدور في دماغك هي بتتكون من ايه من جوا؟!!🤷🏻‍♂️
اصبر عليا وخليني الأول اكلمك عن اللي بتشوفه من برا قبل متفتح اللوحة..... علي اللوحة من برا هتشوف حاجة اسمها indicator lamp هتشوف منها تلاته
⏪طب دي وظيفتها ايه؟
دي بتعرفني هل phases شغالة ولا مش شغالة
ودلوقتي خلينا نفتح panel ونشوف مكوناتها ايه😌
بس قبل مقولك هي بتتكون من ايه خليني اقولك في الاول انك اول ما هتفتحها مش هتشوف كل مكونتها
مش هشوف كل مكونتها ‼️ اومال ايه اللي هشوفه؟؟🤔
◀️هتشوف مجموعة من circuit Breakers وكمان هتشوف main Circuit Breaker
دا بس اللي موجود في اللوحة من جوا‼️
اكيد لا🤷🏻‍♂️...... في حاجة اسمها المراية دي بيبقي موجود تحتها باقي مكونات اللوحة
👈ودلوقتي خليني اكلمك اكتر عن تفاصيل اللوحة من جوا بدون وجود المراية
⏪هنبدأ ب main Circuit breaker
دا بيبقي رابط علي تلت بارات (red-yellow-blue)
ايه البارات دي و بتعملي ايه
؟🤔
هقولك... 👈فاكر لما قولتك انك لما بتفتح اللوحة بتلاقي مجموعة Breakers علي شكل صفين متوازيين ⏪اهو بقا البارات الخارجة من main circuit breakrs بتمر بين الصفين وكل بارا تبتدي تغدي breaker يمين واخر شمال وهكذا ..
والبارات دي شكلها بيبقي عامل ازاي في اللوحة؟
👇👇👇
دي ياسيدي ممكن انك تلاقيها مرصوصة جنب بعض وممكن انك تلاقيها مرصوصة فوق بعض
وايه كمان هشوفه جوا؟؟💫
هتشوف جوا nutral bar- earth bar- فيوزات
في حاجة تانية هشوفها؟
خلي نفسك طويل معايا... من الحاجات اللي هتشوفها جوا اللوحة RCCB
RCCB‼️‼️
قبل متسألني اي حاجة ... احنا هنتكلم عنه بالتفصيل لأن دا ميتمرش عليه مرور الكرام وهيكون ليه بوست خاص بيه الاسبوع الجي....📌بس دلوقتي خليني اكلمك عن التوصيلات جوا اللوحة.....◀️أول حاجة هنتكلم عنها هو الكابل الأساسي للوحة ...الكابل الاساسي‼️ودا توصيلته ايه؟
اللوحة اللي بنتكلم عنها three phase فأكيد هنحتاج red-yellow-blue-nutral-earth وكدا بقا واضح اني محتاج 5 كور فبناءً علي ذلك هجيب كابل 4كور وواحد سينجل كور
طب وكل واحد من الكابلات دي هيشيل ايه؟
السينجل هيشيلي earth والتاني هيشلي الباقي......👈نرجع للتوصيلة ونقولها واحدة واحدة بالنسبة لتوصيلة النيوترال فدا هربطه مع بارة النيوترال علي نفس الوتيرة earth هيتربط مع بارة earth كدا هيبقالي three phase ودول هربطهم مع main circuit breaker
كدا التوصيلات خلصت؟.... لا مخلصتش مينفعش تخلص البوست واحنا متكلمناش عن توصيلة indicator lamp🤞🏻 .....اللمض دي بيقي داخلها nutral متوصل ب nutral bar وline بيقي متوصل بفيوز ومنها لل main circuit breaker
وايه لازمة الفيوز دي؟🤔
دي بتبقي موجودة عشان protection
احنا كدا خلصنا ...البوست دا خلص لكن كلامنا عن distribution panel لسه مخلصش وهنتكلم البوست الجي عن single phase load
متنساش تشجعنا💫 وتعمل لايك للبيدج 👇
https://m.facebook.com/Mohammed.khaled.000

عشان توصلك كل posts💡
وتتابع قناة اليوتيوب👇
https://www.youtube.com/c/mohamedkhaled00

#distribution panel
#one_week_one_topic

⏪اتكلمنا البوست اللي فات عن three phase distribution panel وعن مكوناتها وعن التوصيلات جوا اللوحة ⏪وان من اهم الفديوهات اللي ممكن تساعدك هو الفديو دا👇
https://m.youtube.com/watch?feature=youtu.be&v=8tZQTm2aLO4
وكل دا موجود في البوست دا👇
https://www.facebook.com/111268110547400/posts/165917371749140/
📌ودلوقتي هنتكلم لو عندنا single phase load هيبقي شكل التوصيل ازاي ؟؟🤔
Single phase load
بيخرج منه
( line-nutral- earth)
وكدا بقا واضح اني هحتاج كابل 3 كور 🤷🏻‍♂️
وهنا خليني اوضحلك التوصيلة اكتر
⏪بالنسبة لل earth هنوصله ببارت earth والنيوترال هيتم توصيله ببارت النيوترال
وline هيتوصل ازاي؟؟؟👇
دا هيتوصل بCB ومنه لل main circuit Breaker
👈واللوحة دي هنوصلها بلوحة تانية ازاي؟
ال main Circuit Breaker للوحة دي هنربطه علي CB للوحة اللي بعديه ومنها للmain circuit Breaker للوحة وهكذا 🤞🏻
◀️ودلوقتي خلينا نتكلم عن توصيلته
📌قبل ما line والنيوترال بيدخلو علي بارت النيوترال وCB هيمروا علي RCCB ومنها لل CB وnutral bar
دلوقتي خليني اختصرلك الكلام اللي قولنا كله
Single phase load
➡👉line 👉RCCB 👉CB👉main CB
➡ nutral👉RCCB👉nutral bar
📌والبوست الجاي هنزل فيديو مهم جدا وهيغطي الجانب العملي والنظري
متنساش تشجعنا💫 وتعمل لايك للبيدج 👇
https://m.facebook.com/Mohammed.khaled.000
عشان توصلك كل posts💡
وتتابع قناة اليوتيوب👇
https://www.youtube.com/c/mohamedkhaled000

#distribution_panel
#one_week_one_topic

👈اتكلمنا البوست اللي فات لو load اللي عندي single phase التوصيلة هيبقي شكلها ايه
⏪👈وختمنا كلامنا ان من المهم تشوف كل حاجة عملي
📌◀️وعشان احنا مبننساش اللي قولناه

انهاردا هنقدملك فيديو مهم جدا هيبقي بمثابة تطبيق علي اللي قريته البوست اللي فات وهيغطيلك الجانب العملي والنظري من قبله
👇👇👇
https://www.youtube.com/watch?v=3ft4JVBNqYM&feature=youtu.be

متنساش تشجعنا💫 وتعمل لايك للبيدج 👇
https://m.facebook.com/Mohammed.khaled.000

عشان توصلك كل posts💡
وتتابع قناة اليوتيوب👇
https://www.youtube.com/c/mohamedkhaled000

#distribution_panel
#one_week_one_topic

هنتكلم انهاردا لو الحمل اللي عندي three phase التوصيل هيبقي شكله ايه؟؟
بس زي متعودنا اننا بنجيبلك الخلاصة في فيديو يغطيلك الجانب العملي والنظري👇
https://www.youtube.com/watch?v=H0Fpnk-zFzI&feature=youtu.be

⏪وخليني افكرك ان البوست اللي فات شوفنا بعنينا طريقة توصيل single phase load
ودا عن طريق فديو مهم جدا 👇
https://www.youtube.com/watch?v=3ft4JVBNqYM&feature=youtu.be

ودا لينك البوست تقدر تبص عليه👇
https://www.facebook.com/111268110547400/posts/166395605034650/

📌دلوقتي هنتكلم ان لو الحمل اللي عندنا مش single دا three phase التوصيل هيبقي شكله ايه؟🤔
👈الاجابة هتبقي بسيطة عليك لو انت قريت البوست اللي فات🤷🏻‍♂️ ودا لأن التوصيلة مش هتختلف عن single غير في حاجة بسيطة
◀️ايه هي الحاجة دي؟
هي ان Breaker اللي load بيدخل عليه بيبقي three phase مش سينجل👉

⏪طب الحمل three phase بيخرج منه ايه؟👇
دا بيخرج منه line و nutral و3phase (red-blue-yellow)
👈ونتيجة للكلام اللي قولته بقا واضح ان عندي 5 كور هحتاجلهم كابل single لل earth وكابل 4كور يشيلي (red-blue-yellow- nutral)
نرجع للتوصيل 👇
بالنسبة لل nutral فهيتربط علي بارة النيوترال وكذلك earth هيتربط علي بارة earth
⏪و red,yellow,blue بيدخلوا علي CB بيكون three phase ومنها RCCB وبعدها main circuit Breaker
◀️بس خليني هنا انبهك لملاحظة مهمة 🤞🏻
ان RCCB داخله هنا مختلف عن single phase load داخله بيكون 3line و نيوترال
📌خليني ألخصلك كلامنا كله
◀️◀️عندي 3phase load هيطلع منه line -earth -red blue -yellow -nutral
ال earth بيتربط علي بارت earth والباقي بيدخل للRCCB ومنها 3phase breaker وعن طريق البارات لل main Ciruit breaker 🤞🏻

متنساش تشجعنا💫 وتعمل لايك للبيدج 👇
https://m.facebook.com/Mohammed.khaled.000

عشان توصلك كل posts💡
وتتابع قناة اليوتيوب👇
https://www.youtube.com/c/mohamedkhaled000

⏪عشان احنا يهمنا انك تستفيد ويهمنا دايما ان المعلومة توصلك كاملة 👈📌جمعنالك كل المصادر اللي اعتمادنا عليها في بوستاتنا
👇👇👇
https://m.youtube.com/watch?feature=youtu.be&v=8tZQTm2aLO4

https://youtu.be/3ft4JVBNqYM

https://youtu.be/H0Fpnk-zFzI

◀️وبكدا يبقي خلصنا سلسلة البوستات الاسبوعية اللي كانت بعنوان distribution panel ✨


متنساش تشجعنا💫 وتعمل لايك للبيدج👇
https://m.facebook.com/Mohammed.khaled.000

عشان توصلك كل posts💡
وتتابع قناة اليوتيوب👇
https://www.youtube.com/c/mohamedkhaled000

#distribution_panel
#one_week_one_topic

Attention please🚩

👈اتعودنا كل أسبوع اننا نتكلم عن topic معين عن طريق سلسلة بوستات..... الأسبوع دا مختلف تماماً 🙅🏻‍♂️
ليه مختلف وايه اللي هيميزه عن غيره؟🤔

◀️المختلف ياسيدي اننا هنتأكد من فهمك بنفسنا
ودا هنعمله ازاي؟ ....هفهمك...👇
احنا الأسبوع دا هنتكلم عن lighting في كورس الديستربيوشن💡
هنزلك كل يوم بوست بيشرح جزئية فيه وكمان هنزلك فيديو بيشرح كل كلمة هتقراها وتشوف بعينك وهنا تبدأ تطبيق عملي ✨

أطبق عملي!! علي ايه؟

◀️هطبق علي مشروع سكن طلابي مكون من خمس ادوار هتوزع فيه الإضاءة وهطبق كل اللي هتقراه وتشوفه طول الأسبوع بحيث توصل في الاخر لمشروع التيكنيكال بتاعه مظبوط والبريزنتيشن كمان

⏪يعني انت هتديني كل الماتريال للبروجكت دا؟!

اكيد هيكون معاك بلانات المعماري منفصلة قبل التوزيع والبرامج اللي هتستخدمها زي الاوتوكاد والدايلكس وطرق تنزليها 🤗

والماتريال دي هتوصلني ازاي؟؟👇
لو سيبت كومنت بالايميل بتاعك هنبعتلك اللوح ولينك جروب الواتس اللي هتبقي فيه 🤗

وهكون معاك طول الأسبوع ارد علي كل أسئلتك لحد متخلص التاسك بتاعتك

👈وفي اخر الاسبوع هقيم اللوح وهختار اكتر شخص كان متابع وطبق بصورة سليمة
◀️وهياخد خصم ع كورس الديستربيوشن في الدورة الجديدة✨

متنساش تشجعنا💫 وتعمل لايك للبيدج 👇
https://m.facebook.com/Mohammed.khaled.000

عشان توصلك كل posts💡
وتتابع قناة اليوتيوب👇
https://www.youtube.com/c/mohamedkhaled000

#special_week
#lighting
#one_week_one_topic

👈ميولنا وطريقة تفاعلنا مع المواقف اللي حوالينا ممكن تتشابه من انسان للتاني بس انها تتطابق مبيحصلش🤷🏻‍♂️ الموضوع عامل زي البصامات احنا متشابهين فإنها موجودة عندنا بس مستحيل بصمة تطابق التانية🙅🏻‍♂️
⏪بس في حاجات بيتفق عليها معظم الناس انها بتضايقهم
زي ايه الحاجات دي ؟؟🤔
زي انك تبقي قاعد في مكان وحاسس انك مش شايف كويس💔
⏪ودا اللي هكلمك فيه انهاردا وباقي الاسبوع وعلي اخر الاسبوع هتقدر توزع اضاء في مبني سكني 5 ادوار بتكنيكال وبرزينتيشن مظبوطين ولو سيبت كومنت بالايميل بتاعك هبعتلك الماتريال اللي هتطبق عليها ولينك جروب الواتس اللي هرد علي أسئلتك عليه طول الأسبوع ولو عاوز تفاصيل اكتر هتلاقيها في البوست دا👇
https://m.facebook.com/story.php?story_fbid=167157931625084&id=111268110547400

ودلوقتي ازاي اعمل ديزاين lighting في اي مشروع بصورة سليمة💡

◀ قبل مشرح وادخل في تفاصيل في كام حاجة لازم تبقي عارفها 👇
لازم تبقي عارف ان الكشافات انواع:
(compact-flourescent-incandescent-high pressure merciry) وغيرها كتير من الانواع
وطالما قولنا ان فيه انواع يبقي اكيد كل نوع بيناسب مكان معين🤷🏻‍♂️
مهو اصل الاضاءة مش موجودة بس عشان تشوف اللي حواليك دي كمان بتساعد علي الاسترخاء والتركيز وبتلعب دور مهم في الشكل الجمالي للمكان ✨
⏪طب عشان اختار الكشاف المناسب المفروض ابقي عارف ايه؟
لازم تبقي عارف ان فيه حاجة اسمها colour temperature ومن اسمها باين انها ليها علاقة بالحرارة🤷🏻‍♂️ وبيبقي في منها نوعين (Cool- warm)
طب عرفني اكتر علي النوعين دول!👇
1️⃣-Warm : دا بستخدمه في الأماكن المخصصة للإسترخاء زي اوض النوم والرسيبشن
2️⃣-cool: فدا بستخدمه في الاماكن اللي فيها حركة كتير او الاماكن المخصصة للشغل زي المكاتب

⏪طب انت عارف انك ممكن تبقي في مكان والالوان اللي حواليك مش حقيقية
مش حقيقية!!!.....اه طبعا👇 دا بيبقي بسبب ان (Colour rendring index(CRI
بتبقي قليلة ...
ايه CRI دي 🤔.. دي ببساطة قدرة الكشاف علي اظهار اللون الحقيقي ◀️وبتتقاس من 0:100 واعلي CRI هي الشمس🌞 ..
ومش دول بس اللي بتختار علي اساسهم الكشافات ....كمان👈 live time والاستهلاك ولازم تبقي عارف ان من افضل انواع الكشافات هي led استهلاكها اقل وإضائتها عالية

◀️ وزي ما الكشافات ليها انواع الاضاء كمان ليها انواع (direct- indirect) :
1️⃣-direct: زي الكشافات الموجودة في البيت
2️⃣-Indirect: بستخدمها في الديكور اكتر

👈في هنا ملحوظة تاخد بالك منها ان الاسقف كمان انواع وساعات نوع السقف بيحكمني في كشافات معينة ...⏪يعني مثلاً في نوع سقف بلاطات 60*60 دا بحتاجله اسبوتات او كشافات 60*60
👈وفي الجبسن بورد ودا بحفر في البورد
وبستعمله 60*60 او اسبوتات
👈وفي سقف خرسانة وطريقة تثبيت الكشافات بتختلف من نوع سقف للتاني
والجزء دا من البوست مشروح بالتفصيل هنا 👇 https://youtu.be/LlWSoRe0H0Y

⏪طب عشان اطلع ديزاين مظبوط في خطوات امشي عليها ؟🤔..اكيد فيه 👇
1️⃣- تتعرف علي المعماري .... ازاي يعني!!👇
يعني تبتدي تشوف عندك كام دور والاوض الموجودة استخدامها ايه وهما قد ايه وهكذا
2️⃣-create room on dialux:ودا عشان تعمله لازم تبقي عارف تلت حاجات

a-ارتفاع الاوضة (hight)
ودا هتعرفه من سكاشن المعماري ..طب لو عندي اوض كتير هقعد ادور ع ارتفاع كل واحدة ؟؟!
👈الصح انك تعمل كدا بس كدا بس بنسبة كبيرة الارتفاع بيبقي 3م🤗
b- lux: 👇
دا بإختصار بيحددلي اضاءة كل اوضة المفروض تبقي قد ايه ودا بتجيبه من اكواد زي الكود المصري والسعودي وغيرهم
C- work plane:
دي بهتم فيها بحاجتين
a-hight:
وهنا بشوف انا مهتم الاضاء تبقي بعيدة عن الارض قد ايه
لا وضحلي اكتر👀 ... هقولك عندك اوضة مكتب هل هتبقي مهتم lux بتاعك يبقي كامل ع الارض ولا ع المكتب؟
المكتب طبعاً..🤷🏻‍♂️ ييقي اهتمامك بالإضاءة هيبقي علي بعد ارتفاع المكتب عن الارض وهكذا
b- wall zone :
انا مهتم الإضاءة تبقي بعيدة عن الحيطة قد ايه ..
وقبل متقول مش فاهم خليني اديك مثال👇
عندك اوضة وفيها دولاب هل هتبقي مهتم بالإضاء اللي فوق الدولاب ولا لما تفتح الدولاب تشوف ...اظن بقا واضح اني ههتم بالإضاء علي بعد سمك الدولاب عن الحيطة🤷🏻‍♂️

يعني work plane دي بتوفر عليا حاجة ليها لازمة يعني؟!
اه طبعاً 👈...بتوفر عليك كتير بدل مكنت هتهتم بإضاء اوضة كاملة وتخلي lux
مظبوط فيها كلها عرفت المناطق المهمه🤷🏻‍♂️
تالت خطوة وصلنالها

3️⃣-اختيار نوع الكشاف:
ودا بيبقي علي اساس حاجات كتير زي(طريقة التثبيت- polar curve -ip -lumen)
4️⃣- insert luminairs:
ودي طريقة توزيع الكشافات علي dialux
أشهر انواعها (field arrangment-linearrangment)

5️⃣-Legend
6️⃣-wairing: أوصل بين الكشافات
7️⃣-naming :أسمي الكشافات
8️⃣-switches
والجزء دا من البوست مشروح بالتفصيل هنا👇 https://youtu.be/VW0w29A25do

⏪وبعد م

عرفت كل دا لازم تكون عارف ازاي تعمل save لل autocad plane as dxf
وكمان تعرفك انواع الاسقف علي plan شكلها ايه
ودا اللي هيشرحهولك الفديو دا👇 https://youtu.be/ni8Jhbvfakw

⏪طب بعد ما اخدت dxf من cad اخده ازاي ع الدايلكس؟🤔
الخطوات التفصيلية هتلاقيها بالظبط في الفديو الخاص بالجزء دا من البوست

طب إزاي ارسم اوضة ع الدايلكس؟؟🤔
هديك نبذة عن الطريقة لكن التفاصيل هتبقي في الفديو
عشان ترسم اوضة بتحتاج تحدد ارتفاعها واللي عادةً بيبقي 3م وخلي بالك انك لازم تبقي فاتح البلانة ع الكاد👈 لان ساعات بيبقي انواع اسقف واسماء مبتظهرش ع الدايلكس. وبتحدد الاوضة اللي محتاج ترسمها وبتبتدي تحدد الطول والعرض وبتختار اذا كان الشكل مستطيل او لا وبتحدد الابعاد الداخلية للاوضة وwork plan وكمان بتشوف معامل الانعكاس لان كل مابيزيد بتزيد اضاءة الكشاف🤷🏻‍♂️
والجزء دا هتلاقيه بالتفصيل هنا👇
https://youtu.be/yFzrYon7lHY

متنساش تشجعنا💫 وتعمل لايك للبيدج 👇
https://m.facebook.com/Mohammed.khaled.000
عشان توصلك كل posts💡
وتتابع قناة اليوتيوب👇
https://www.youtube.com/c/mohamedkhaled000

#Special_Week
#lighting
#one_week_one_topic

البوست اللي فات قولنا
1️⃣-مقدمة في lighting
2️⃣-Steps of lighting design
3️⃣ قدمنا فيديو بيعرفك ازاي تعمل save لل autocad plan as dxf وعرفك انواع الاسقف علي plane وشكلها ايه واخيرا قولنا
4️⃣- ازاي تcreate room علي dialux ودا لينك البوست تقدر تبص عليه👇
https://m.facebook.com/story.php?story_fbid=167367238270820&id=111268110547400

👈 ومكملين كلامنا في lighting task 🤗 وعلي اخر الاسبوع هتقدر توزع اضاءة في مبني سكني 5 ادوار بتكنيكال وبرزينتيشن مظبوطين ولو سيبت كومنت بالايميل بتاعك هبعتلك الماتريال اللي هتطبق عليها ولينك جروب الواتس اللي هرد علي أسئلتك عليه طول الأسبوع ولو عاوز تفاصيل اكتر هتلاقيها في البوست دا👇
https://m.facebook.com/story.php?story_fbid=167157931625084&id=111268110547400

وانهاردا وبعد معملنا create للروم هنبتدي نوزع الإضاءة فيها

⏪طب ايه اول خطوة هعملها؟؟👇
هتبتدي تختار الكاتالوج اللي هتشتغل منه
والكاتلوجات دي هتبقي موجودة علي الدايلكس؟؟🤔
لا مش هتبقي موجودة ..الكاتالوجات دي انت اللي بتنزلها ولو انت متابع من اول بوست فأكيد كاتالوج (fagerhult) اللي هنشتغل منه طول الاسبوع هيبقي وصلك مع الماتريال🤷🏻‍♂️

◀️ولو لسه دا اول بوست اشوفه والماتريال مش معايا؟؟😁

👈تبقي تنزل دلوقتي في الكومنتات وتسيب الميل بتاعك وهنبعتلك كل الماتريال وجروب الواتس اللي هتابعك عليه 🤷🏻‍♂️

⏪ودلوقتي خلينا نكمل... بعد ماهنختار الكاتالوج اللي هنشتغل منه هنعمل ايه؟🤔

⏪هتبتدي انك تحدد نوع السقف اللي علي أساسه هتعرف نوع التثبيت واظن هيبقي سهل تختار نوع الكشافات اللي هتستخدمها🤷🏻‍♂️

⏪ والبوست اللي فات شوفت بعينك ع الكاد انواع الاسقف واشكالها
وانا بعد معرفت نوع الكشاف دا هيترتب عليه حاجة؟؟!🤔
اه طبعاً... بناءً علي الكشاف هتبتدي تحدد
1️⃣- lumen:
وتحديد ال lumne دي مهم؟!🤔
اكيد مهم لأنها كل ما بتزيد الكشاف بيطلع إضاءة أكتر
2️⃣-polar curve:
كل ما كان فارش ومش متركز وقطره كبير كل ما كان أفضل وبيظبط Uo
3️⃣-ip:
دا بيبقي عبارة عن درجة حماية الكشاف من التراب او المايه ودا بيختلف من مكان لمكان
وليه بيختلف؟!🤔 ..مهو اصل مش طبيعي درجة حماية كشاف محطوط في حمام او جراج تبقي زي كشاف محطوط في اوضة نوم🤷🏻‍♂️
وبعد محددت كل دا هعمل ايه؟👇
هتبتدي توزع الإضاءة فهتختار طريقة التوزيع ولتكن الطريقة الشائع👇 field arrangment وبعدها بتحدد lux للأوضة ودا بحدده ازاي🤔 ... قولنا البوست اللي فات اننا بنجيبه من اي كود مصري او بريطاني اوسعودي او غيره🤷🏻‍♂️ وبعد مبتحدده بيبتدي يقترحلك عدد الكشافات المطلوبة 💡وبعد كدا بتشوف شغلك 3D وبتشك علي حساباتك وتتأكد ان U0 و Eav مظبوطين ودا اللي هيعرفهولك الفديو اللي بيشرح الجزء دا من البوست👇
https://youtu.be/0eHTUwt5Wuk

⏪ساعات بيبقي فيه اوض بحتاج اني احط الكشافات علي الحيطة مش علي السقف ... فبالتالي مش هستخدم field arrangment زي الجزء الأول من البوست🤷🏻‍♂️ ... في الحالة دي هستخدم طريقة توزيع شائعة اسمها line arrangment
وبعد مابختارها بعمل ايه؟؟🤔
بتبتدي تحط الكشافات علي الحيطة
◀️وهنا لازم تخلي بالك انك متحطش الكشافات علي الحيطة مباشرة ويكون فيه مسافة
ودا ليه؟!!🤔
هجاوبك علي سؤالك دا بس خليني أقولك انك بعد مبتحط الكشافات بتبتدي تحدد
1️⃣-lux :
وبناءً عليها هيقترحلك عدد الكشافات اللي مطلوبة في كل أوضة وانت هتحدد عدد الكشافات علي كل حيطة
2️⃣-بعد الكشاف عن السقف
بس هتقابلك مشكلة بعد متحط الكشافات علي الحيطة هتلاقيها بصه للأرض
للأرض!!! ودي أعالجها ازاي؟؟🤔
في طريقتين يا اما manual يا اما تغير مباشرةًّ في قيمة X 🤷🏻‍♂️
هنا نرجع لسؤالك ليه محطتيش الكشاف مباشرةً علي الحيطة ؟؟👇
لو كنت عملت كدا كان هيطلعلك ان في ايرور ...اصل by logic في كشاف بيتحط ع حيطة بيبقي باصص للأرض!! يبقي كان معانا حق لما نلفه قبل منحطه🤷🏻‍♂️
◀️ وأخيراً لو فيه حيطين الشغل عليهم واحد فممكن تعمل كوبي بس تاخد بالك من اتجاه الكشافات💡
ودا الفديو اللي شارح الجزء دا من البوست👇
https://youtu.be/2trXycAxHUU

متنساش تشجعنا💫 وتعمل لايك للبيدج👇
https://m.facebook.com/Mohammed.khaled.000
عشان توصلك كل posts💡
وتتابع قناة اليوتيوب👇
https://www.youtube.com/c/mohamedkhaled000

👈اتكلمنا في اخر بوست من بوستات lighting task عن إزاي أوزع الإضاءة بالطريقتين الشائعتين👇
field arrangment- line arrangment

⏪وجبنا فيديوهين بيشرحوا كل اللي اتقال ومغطين كل التفاصيل اللي ممكن تحتاجها
👈 ومكملين كلامنا في lighting task 🤗 وعلي اخر الاسبوع هتقدر توزع اضاءة في مبني سكني 5 ادوار بتكنيكال وبرزينتيشن مظبوطين ولو سيبت كومنت بالايميل بتاعك هبعتلك الماتريال اللي هتطبق عليها ولينك جروب الواتس اللي هرد علي أسئلتك عليه طول الأسبوع ولو عاوز تفاصيل اكتر هتلاقيها في البوست دا👇
https://m.facebook.com/story.php?story_fbid=167157931625084&id=111268110547400 ✨

⏪وانهاردا هنتكلم عن جزئيتين مهمين وهما :
1️⃣- How to export room from dialux to autocad ?commands (copy-rotate-lisp"CB")

👈ولأن الجزء دا محتاج انك تشوفه اكتر من انك تقراه فالفديو دا👇
https://youtu.be/TEqgVDbCx3M

◀️ هيشرحلك بالتفصيل في 3د ازاي تنقل اوضة من الدايلكس للكاد وازاي تحط الأوضة دي علي لوحة الكاد وازاي تستخدم lisp"CB" عشان تغير الكشافات بالسيمبولز بتاعتك وازاي تلف الكشافت بإستخدام rotate 🤗

والجزء التاني من البوست هنتكلم عن 👇
2️⃣-How to create a lighting legend on autocad?

◀️أول ما بتمسك خريطة أول حاجة عينك بتروح عليها ايه؟
أكيد مفاتيحها🤷🏻‍♂️ ...ودا طبعاً عشان تسهل علي نفسك قرايتها وتعرف بسرعة تفهم الرموز اللي عليها
👈نفس الحال مطلوب مننا نسهل علي اي حد فهم شغلنا
ودا هنعمله ازاي؟؟!🤔
هنعمله بإننا هنعمل legend للكشافات اللي استخدمناها ... إيه legend دا ؟؟👀

⏪دا زي مفاتيح الخريطة اللي اتكلمنا عنها فوق عبارة عن جدول فيه رمز الكشاف المستخدم ومواصفاته

وهو انا هعرف مواصفات كل كشاف ازاي؟!!🤔
هرجع لسؤالك دا وأجاوبك عليه بس خليتي اعرفك مواصفات زي ايه اللي بتتحط:👇
1️⃣- طريقة التثبيت
2️⃣- نوع الكشاف
3️⃣- بيستهلك قد ايه
وغيرها من المواصفات

👈وارجع لسؤالك وهو هجيب البيانات دي منين ... طالما وصلت للسؤال دا يبقي انت اكيد خلصت المشروع علي الدايلكس ....🤷🏻‍♂️
وبعد مخلصت المشروع يعني هعمل ايه؟!! ....هتروح luminaires used 👈دي هتلاقي فيها الكشافات اللي انت استخدمتها وبعدها هتختار نوع الكاتالوج اللي انت استخدمته👈 هتكتب اسم الكشاف وarticle number
وبعد ما اكتبهم ؟🤔....هيجيلك بيانات الكشاف اللي انت عاوزها هاتخدها وتحطها في الجدول بتاعك🤷🏻‍♂️

◀️ودلوقتي لازم تبقي عارف ان مش كل الكشافات متوصلة بنفس الطريقة...👈يعني مثلاً في كشافات متوصلة مباشرةً بالترانسفورمر يعني طول ما transformer شغال الكشاف شغال

⏪طب لو حصله عطل الكشافات كلها تقطع؟؟!

ما احنا قولنا ان في كذا طريقة للتوصيل فأكيد مش الكل هيقطع🤷🏻‍♂️

👈في طريقة تانية للتوصيل وهي الكشاف يبقي متوصل بحيث لما الترانسفورمر يعطل يتغذي من generator والكشاف دا بيختلف في توصيفه اني بحط جنبه E دا معناه انه شغال حتي لو transformer عطل 💡

وفي كشافات بتفضل شغالة حتي لو transformer وGenerator باظوا
ازاي يعني؟!!🤔

👈دا لأنهم بيحتوا علي بطاريات ودا بيتضاف في التوصيف وبيتقال كمان البطارية دي بتشتغل قد ايه وبتشغل كام لمبه في الكشاف ولو المشروع كبير وعدد الكشافات كبيرة بيتوصلوا ب CBS💡

ايه CBS دا‼️ ..دا اختصار ل Center battery system

👈وطبعاً عندنا حاجة اسمها كشافات الطوارئ زي Exit signe وWall safty

دول لازمتهم ايه ؟🤔
دول لو حصل إخلاء للمبني تحت اي ظرف من الظروف بيعرفوك المخرج عن طريق اصدار ضوء ضعيف🤷🏻‍♂️
👈والتوصيف بتاعهم
ثابت؟!...لا طبعاً دا بيبقي علي حسب desginer✨

والجزء دا من البوست مشروح بالتفصيل في الفديو دا 👇
https://youtu.be/fWiI2sgblqU

متنساش تشجعنا💫 وتعمل لايك للبيدج 👇
https://m.facebook.com/Mohammed.khaled.000

عشان توصلك كل posts💡
وتتابع قناة اليوتيوب👇
https://www.youtube.com/c/mohamedkhaled000

#special_week
#lighting
#one_week_one_topic

👈البوست اللي فات اتكلمنا في:

1️⃣-how to export a room from dialux to autocad

2️⃣-how to craete a lighting legend
ودا لينك البوست تقدر تبص عليه👇
https://m.facebook.com/story.php?story_fbid=167965881544289&id=111268110547400
◀️وجبنا فيديوهين بيشرحوا كل اللي اتقال ومغطين كل التفاصيل اللي ممكن تحتاجها
👈 ومكملين كلامنا في lighting task 🤗 وعلي اخر الاسبوع هتقدر توزع اضاءة في مبني سكني 5 ادوار بتكنيكال وبرزينتيشن مظبوطين ولو سيبت كومنت بالايميل بتاعك هبعتلك الماتريال اللي هتطبق عليها ولينك جروب الواتس اللي هرد علي أسئلتك عليه طول الأسبوع ولو عاوز تفاصيل اكتر هتلاقيها في البوست دا👇
https://m.facebook.com/story.php?story_fbid=167157931625084&id=111268110547400 ✨

◀️وانهاردا هنعرف ازاي نعمل wiring✨👇

قبل ما ادخل في التفاصيل خليني ابسطلك الموضوع في جملة 👇
اني اعمل wiring معناها ببساطة اني بوصل بين الكشافات بسلوك والسلوك دي ممكن تقول عليها line وليها اسم دارج وهو لينية

◀️والسلوك أو اللينيات دي شكلها ثابت ع الكاد ولا ليها كذا نوع؟؟🤔
زي ما كل حاجة ليها انواع اللينيات كمان ليها اشكال مختلفة🤷🏻‍♂️ ....زي👇
1️⃣-line:
وهنا اللينية بتاخد شكل خط من غير اي انحناء

تاني شكل للينية👇
2️⃣-lisp(EW):

دا بيشتغل علي اللوحة ب (scale (mm
👈غير كدا يبقي في مشاكل
وبياخد شكل لاين مع وجود إنحنائين علي أطرافه

وتالت شكل للينية👇
3️⃣-Arc
دا من اسمه باين انه واخد شكل القوس.

⏪ودلوقتي وبعد ما عرفنا أشكال الخطوط او اللينيات اللي بنوصل بيها هنبتدي نوصل بين الكشافات؟؟🤔

أكيد لا🤷🏻‍♂️ ... لازم تعرف كام حاجة قبل متبتدي توصل الكشافات👈 لأن شغلك مايحتملش يكون فيه اي
عشوائية

◀️لازم تكون عارف ان كل لينية ليها قدرة استعابية
محددة من الكشافات

يعني ايه ليها قدرة استعابية محددة؟!!🤔
يعني ياسيدي كل لينية بتشيل عدد محدد من
الكشافات

وأنا كمصمم اللي بحدد عدد الكشافات دي؟؟🤔

لا بردوا.... 👈 الكود المصري محدد عدد الكشافات اللي اللينية الواحدة تقدر تشيلها 👈وحدد 10 كشافات لكل لينية كل كشاف 100w

◀️طب احنا دلوقتي بنستخدم led وانت قولتلنا في بوست قبل كدا ان حمل led من 50:70w دا مش هيفرق معايا؟؟👀

👈اكيد هيفرق... نتيجة لإستخدامنا الليد بقي عندي مساحة أستخدم من 13:15 كشاف علي اللينية الواحدة✨

👈ومن الحاجات المهمة اللي لازم تعرفها هي ان اللينية الواحدة ليها عدد محدد من الامتار تمشي فيها والمسافة دي
ما تزيدش عن 50م

لحظة كدا هي أصلاً اللينية دي بتوصل من فين لفين؟‼️

👈ما احنا قولنا انها بتوصل بين الكشافات وكمان بتوصل الكشافات باللوحة

طب كدا أبدا اشتغل بقا؟!!

◀️الشروط المهمة للي لازم تتحقق وتاخد بالك منها خلصت👈 بس في حاجة لازم افتح عينك عليها وهي انك تراعي reliability

لا وضحلي اكتر ايه reliability دي؟؟👀

👈هديك مثال يوضحها اكتر
لو انا وصلت 6 اوض بلينية واحدة وحصل عطل فيها او باظت ايه اللي هيحصل؟؟

الكهربا هتقطع عن كشافات الاوض الستة.🤷🏻‍♂️..

◀️صح كدا ومن مصلحتي ان لما لينية تبوظ عدد قليل من الكشافات اللي يتأثر

طب ودا هعمله ازاي؟؟🤔
دا بتعمله بإنك بتقلل عدد الاوض المتوصلين ببعض يعني بدل ما يكونوا ستة خليهم تلاتة وهكذا 🤗

طب ما دا هيزودلي التكلفة!!👀
👈هتزيد اه بس انت بشطارتك تقدر تعمل balance بين الاتنين

الجزء دا من الفديو مشروح بالتفصيل في الفديو دا👇
https://youtu.be/870DDJHS6JI

تاني جزء من البوست هنتكلم عن 👇
2️⃣-How to make perfect wiring in lighting desgin by using autocad?(common mistakes)

◀️دايماً البرزينتيشن بتاعك هو أول انطباع بيتاخد عن شغلك ولأن أول انطباع بيدوم فمينفعش نستهتر بالشكل النهائي اللي هنقدم بيه شغلنا 🤷🏻‍♂️

وانا اظبط الحتة دي وانا بعمل wiring ازاي؟😕

هقولك كام غلطة ممكن تقع فيها👇
1️⃣-حاول تاخد المسافات مش الازاحات وانت بتوصل بين الكشافات

مش فاهم ...يعني ايه اخد مسافات؟!!🧐

👈يعني متوصلش بين الكشافات بصورة مباشرةً حاول تمشي vertical و horizontal ولما توصل متخليش اللاين او اللينية يبدأوا من جوا جسم الكشاف او يقطعوا حدوده
بمعني انك توصل من علي حدود جسم الكشاف

2️⃣-مينفعش لاين يقطع في خرسانة او elevator ولا حتي سلم👇
نمشي vertical و horizontal زي مقولنا قبل كدا

👈وتاخد بالك انك تعمل wiring للسلالم وelevator كل واحد لوحده ما تدخلش معاهم أوض

3️⃣- لازم تهتم ان كل رمز (sympol) علي اللوحة يكون وضعه مظبوط

هو ممكن يكون وضعه مش مظبوط ازاي؟!!

👈يعني مثلاً تكون حاطط الرمز مقلوب فتضطر تعوج راسك عشان تقراه!!🙄

4️⃣-مينفعش تحط واير علي واير او واحد يقطع التاني

ودي اعالجها ازاي؟؟🧐

هتلاقي اجابتك في الفديو اللي بيشرح الجزء دا من البوست👇
https://youtu.be/7xruxxw3mFw

تالت واخر جزء من البوست هنتكلم عن👇
3️⃣-continue