▌多間傳媒報導，中国国企 #招商局 以8.6億向 #優品360 主席 #林子峰 及董事 #許毅芬 購入49%股份，成為優品新任大股東，至於林、許兩人則仍然持股26%。截至2022年9月底，優品360中期盈利超過8,000萬，按年增長2.6倍。

▌林子峰 表示「雙方攜手將有助集團擴大全球採購工作，並將『優品360˚』及『#FoodVille』品牌做大做強。」

▌補充返，FoodVille係「優品360超市版」，目前喺淘大商場、康城、馬鞍山新港城及青衣城有分店。

延伸閱讀：優品360係點樣成為明星藍店？💙

▌2019年，香港街頭多次出現「福建幫」人馬持竹枝、刀等武器襲擊示威者及市民，牽起咗示威者抵制優品360嘅浪潮，原因係 #優品360 公司主席林子峰係福建人，更係多個福建團體嘅頭領，雖然林子峰多次聲稱與黑幫無關、無做過對香港人唔住嘅事，又叫政府成立獨立調查委員會，但點解優品360仍然被認定為藍營商店呢？

1️⃣ 林子峰為香港福建社團聯會永遠名譽主席，而福建社團聯會喺反修例運動期間曾舉行「止暴制亂」誓師大會，公開支持《禁蒙面法》，而且一直係嘅親中政黨嘅樁腳，並落力為政府護航；

2️⃣ 2020年，中聯辦旗下嘅大公文匯集團搞咗個名為「香港有好貨」嘅直播帶貨活動，由多名愛国人士主持，例如何君堯、曹永廉、銀龍老闆娘、某警嫂等，參加活動嘅商戶大部份都係藍店，例如 #四洲集團、#維特健靈、#美心食品、#萬寧、#位元堂等，優品360亦係其中一間；

3️⃣ 優品360自反修例運動至今仍然無懼抵制，繼續喺無綫投放電視廣告。

▌綜上所述，優品老闆雖然口講支持成立獨立調查委員會，但確確實實係愛国陣營嘅一分子，希望各位藍友唔好俾人分化，以為佢兩頭蛇。

#藍店 #TVB廣告商2023