▌男子組合 #農夫 (#FAMA) 日前喺Instagram宣佈明年三月將會舉行二十週年新歌發佈會，雖然有唔少粉絲表示支持，但更多嘅留言係對農夫留喺TVB表達失望，直言「你地嘅歌有一半今日唱出黎都顯得特別諷刺」、「好多歌你哋好意思唱我哋都唔好意思聽啦」，有人亦直接用佢哋昔日寫嘅歌詞嚟表達唏噓，例如「你冇做到個壞人 但係做咗你細個最唔想成爲嘅嗰種大人」、「無論政局 幾動盪 你會選擇退縮」、「飄忽的政治 消失的偶像」。

▌不過，亦有討論區網民認為農夫留喺TVB只係向TVB報恩，有人亦謂農夫喺2020年發行《乜代宗師》主題曲《上善若水》時，已反映佢哋初心未變。

▌農夫約於2014年加入TVB，目前兩人均為TVB基本藝人，曾為TVB拍攝多套綜藝節目及劇集。近日，#鄭詩君 (#C君)被委任為J2創意總監，而 #陸永 亦喺劇集《智能愛人》中出任男主角。

▌《返老還童》歌詞節錄

//幾時先發現自己開始成熟
就係你發現接受到老細嘅凌辱
無論政局 幾動盪 你會選擇退縮
其餘乜都唔驚 你淨係最驚稅局//

//幾時先發現自己做咗大人
就係做錯啲乜嘢事你第一時間賴人
你冇做到個壞人 但係做咗你細個最唔想成爲嘅嗰種大人//

▌男子組合 #農夫 近日喺好耐無更新嘅微博宣佈，已經簽咗中国公司 #樂騰演藝 為經理人，仲話嚟緊會同中国粉絲經常見。

唔少香港網民睇到新聞後都感到唏噓，引用返歌詞回敬農夫，例如「變左做你細個最唔想成為嘅大人」、「堅持堅持 幾多錢一茶匙」、「又希望廣東歌可以代代相傳 真係打得嘅話 南拳都可以北傳」。

▌以下係《am730》報導：

＊＊＊＊＊＊＊＊＊＊＊＊＊＊＊＊
農夫自 #C君 及 #陸永 相繼在無綫拍劇、拍節目之後，鮮有音樂作品，現時C君更是J2台節目創意總監。早前C君被問到擔任創意總監一職會否影響農夫的音樂創作，他表示不會，做音樂仍是他的最愛，但會減少幕前演出。

近日C君與陸永再度活躍微博，他們的微博近一、兩年已很少更新，就連農夫的官方微博上一個帖文已是兩年前。中秋節當日，農夫官方微博上載一張月餅照，而背景則是廣州塔，並留言祝賀大家中秋節快樂。由於事隔兩年再次更新，令不少大陸粉絲大感驚喜，更頻頻留言問是否來廣州開騷、何時出歌等。C君及陸永先後回覆大家，當中的答案不失無厘頭風格。

被問到何時出新歌，C君透露已經做好新歌，現在混音階段。至於何時開騷，C君及陸永答道︰「你來我咪開」、「你去嘅時候就開」、「除了你，還有人到嗎？還是你也不打算去？」、「今次留定一千張票俾你？」。陸永表示因為忘記了微博密碼，所以一直沒有更新，他搞笑說要開一個C君影相會，讓C君做模特兒給大家拍照兩小時，同時他亦暗示新歌隨時在大陸演唱會上發布。

農夫經過中秋節與大陸粉絲互動之後，今日他們宣布跟大陸經理人公司簽約，並預告他們很快將與大陸粉絲見面。他們在官方微博轉載大陸經理人公司的帖文並留言︰「好耐冇見既老友，我們回來了！ 從來冇見過嘅朋友，我們前來了!！ 無論新朋定舊友，出來認識還是聚舊 我地會好快見面！！！」

＊＊＊＊＊＊＊＊＊＊＊＊＊＊＊＊