「#TVB小姐」決賽2023於上星期日完滿結束，已經要用「跨平台」及最高收視一刻遮醜嘅TVB，仍然無法掩飾收視按年下跌嘅事實，決賽「收視」僅得23.7點（約157萬觀眾），與《#東張西望》相約（23.5點）。

#TVB 小姐作為無綫年度盛事，可以同台慶、頒獎典禮媲美作為盛衰指標，不過近年嘅TVB無論係收視定股價都一蹶不振，疫情已過，經濟復甦；中港通關，大批大灣區潛在顧客來港消費；市民放工都即刻返晒屋企，TVB仲有咩藉口掩飾自己嘅失敗？