#TVB 股價近年一直係城中熱話，作為自稱擁有「壓倒性收視」、業務持續向好嘅電視台，股價竟然喺3年間跌咗八成，雖然一眾高層、股評人、藍絲一直唱好，但仍然無濟於事，今日我哋整合咗佢哋近年嘅言論，睇吓佢哋啲分析準唔準？

▌2000年3月 81.50元
TVB股價登上顛峰，惟下個月已經跌到得返50幾蚊。

▌19/1/2021 7.90元
#曾志偉 履新，任職副總經理。

▌19/3/2021 8.66元
#王祖藍 履新，任職首席創意官。

▌24/3/2021 8.21元
TVB於2020年度蝕2.81億。

▌26/4/2021 8.56元
《巴士的報》社長 #盧永雄 以筆名「#陸羽仁」撰文：「我覺得股價回到8元左右可以吸納，博公司下半年業績改善，再加新人事會有新作風，電視廣播也說不定可以翻身。」

▌25/8/2021 7.05元
TVB上半年蝕2.84億。

▌6/11/2021 5.77元
王祖藍回應公司股價新低：「抵買，是入貨好時機﹗」、「公司廣告有增長，又迎接電商商機，對疫情緩和通關也有信心。我剛從藝人轉成管理層，如不觸犯條例，我也想入貨。」

▌8/11/2021 5.90元
盧永雄：「如果從長線投資角度看，要明白買TVB就是買對中國、香港發展的信心，中國好、香港好，TVB會衰嗎？」

▌19/11/2021 5.22元
TVB 54週年台慶，#炎明熹 抽中獎被要求講一句祝賀說話：「TVB恭喜發財。」

▌23/3/2022 4.62元
TVB於2021年度虧損6.5億，主席 #許濤 預期最壞的情況過去，今年廣告收入有望較去年提升，並相信之前加大內容生產投入及擴大電商業務，會陸續取得回報。

▌20/6/2022 4.18元
《頭條日報》引述中信證券：「電視廣播511發力電商及進軍內地初見成效」

▌28/7/2022 3.97元
王祖藍表示沒有留意公司股價破新低，笑言：「現在當然不只入股，有錢直頭買起間公司啦。」

▌24/8/2022 3.79元
TVB上半年蝕2.24億，許濤表示集團最壞時間已過去，5、6月份已錄正數EBITDA。他指出，雖然集團持續對節目加大投入、並準備加大內地內容合作，及部署未來兩個月推動跨境電商發展，明言不用集資。

▌20/10/2022 2.92元
有網民指自己4蚊買入大量TVB，問 #玻璃朱 如何部署，玻璃朱回答「我自己唔會買。」

《認清假兩難(偽二分法)❌》

▌今日嘅任務係Share呢篇文章，有時候教識大家諗嘢比介紹TVB廣告商更有意義。

▌如果畀你揀，你會支持搵《#聲夢傳奇》代言嘅 #大家樂 定係贊助 #MIRROR 嘅 #金拱門？小朋友先做選擇👶🏻 呢個明明係「#假兩難 (偽二分法)」問題！大概意思係特登畀兩個表面好對立嘅選擇你，但其實你可以兩樣都揀、兩樣都唔揀，或者揀第三、四個選擇。

▌返返開初嘅問題，香港唔只得大家樂、金拱門兩間食肆，世界唔只得TVB、ViuTV兩間電視台可以睇，再者，即使支持MIRROR亦唔代表要透過幫襯金拱門嚟表達，反之亦言。不過無論係黃營定藍營，有唔少人都熱愛玩兩二分法，用黃／藍💛💙、正／邪理解香港，理解世界，以下係常見例子：

「抵制TVB嗰班肯定收咗妖台錢」
「你咁反鏡，唔通你係TVB打手？」
以上例子假定世界只有TVB或ViuTV打手，即使我只睇Netflix，我都會因為批評其中一個電視台，而被認定為另一個電視台打手。

「批評黃店，係咪分化L/藍絲？」
雖然分化L或藍絲經常有意無意攻擊黃店，但唔能夠假定批評黃店嘅人都係分化L或藍絲，否則就會造成黃店無論做得幾差，都唔可以被批評嘅局面。

「胡主席開會俾人的走咗，佢應該係忠嘅。」
無論係國際關係定權力鬥爭，都唔能夠簡單地用正邪劃分，因為當中牽涉複雜嘅利益關係。

▌講到呢度，相信大家都對假兩難有一定理解，希望大家以後「指控」人嘅時候，諗吓自己有冇犯邏輯謬誤，又或者見到呢類問題嗰陣，唔好同人打埋啲無謂嘅泥漿摔角。