#Staccato 贊助聲夢學員 #鍾柔美、#潘靜文，間接為引導香港輿情、建設思想輿論陣地作出重大貢獻，實在值得被稱為愛国企業💙🇨🇳 有14億500萬人作為經濟後盾， 貴公司定必生意興隆！小黃人，請你們滾回去光顧那些外國勢力，愛国經濟圈不需要賺你們的錢！😡

#TVB 你可唔可以唔好再間硬捧 #謝嘉怡？戲屎之餘咬字唔清，拍《愛回家》都算因為都未必成日見，但你仲要搵佢拍虎年廣告套餐廣告，係咁LOOP係咁LOOP係咁LOOP「刀智系四萬零蚊JARRRRR」，作為觀眾我真係覺得好受罪😢

P.S.1 #陳楨怡 我知你唔係咁鍾意佢，不過我唔係幫緊你講說話
P.S.2 謝嘉怡係2020年 #TVB小姐 冠軍暨 #東莞小姐，陳楨怡係亞軍，聽講亞軍小姐好唔妥冠軍小姐有劇拍

黃到發金花農係隔離post俾人屈藍恥笑
https://lih.kg/2848971
- 分享自 LIHKG 討論區

#FoodVille 的母公司 #優品360 贊助𝕋𝕍𝔹，間接為引導香港輿情、建設思想輿論陣地作出重大貢獻，實在值得被稱為愛国藍店💙🇨🇳 有14億500萬人作為經濟後盾， 貴公司定必生意興隆，更有望在大灣區打出一片天！小黃人，請你們滾回去光顧759阿信屋、阿布泰、Donki、AEON、大生生活超市、日本城，藍圈不需要賺你們的錢！😡

#LALAMOVE 贊助𝕋𝕍𝔹，間接為引導香港輿情、建設思想輿論陣地作出重大貢獻，已被 #和你Pay (#Wolipay)認可為藍店💙🇨🇳 有14億500萬人作為經濟後盾， 貴公司定必生意興隆！小黃人，請你們滾回去光顧CALL4VAN、巴絲GO，藍圈不需要賺你們的錢！😡

【每周介紹 #TVB 廣告商💙】

1.派嬲、派Like自己揀😡👍🏻
2.留言話畀商家聽你會否幫襯💬🛍️

1️⃣【 #FoodVille 】
▌#優品360 嘅超市版，喺將軍澳康城以及青衣城2期設有分店，360老闆係福建社團聯會永遠名譽主 席，每年都會落廣告支持TVB，競爭對手包括759阿信屋、阿布泰、Donki、AEON、大生生活超市、日本城等💚

https://www.facebook.com/FoodVilleHK
https://pili.app/pg/U7xJBJIC

2️⃣【 #LALAMOVE 】
▌Call車公司，近年多次獲阿里巴巴等中資注資，為咗爭奪市場佔有率，好積極喺TVB同ViuTV落廣告。競爭對手係CALL4VAN、巴絲GO💛

https://www.facebook.com/LalamoveHK
https://pili.app/pg/12TVVW5LD
———————————————————
【‼#TVB 廣告商名單‼】
https://bit.ly/TVBAdData 👈🏻

有人話「信芯園」冠名贊助咗TVB劇集《愛上我的衰神》，對唔住我哋只係見到象牙世家有份贊助，你係咪想講「鳴謝」？

年宵花市連續兩年煞停 花農：「去年已無晒棺材本，諗住可以重生，點知最後都係幻滅」
- 分享自 LIHKG 討論區
https://lih.kg/vHwtxgX

《HKBN用戶被「免費」myTV SUPER追債？》

▌有網民向我哋求助，表示最近收到追數公司電話，向佢追索拖欠 #myTVSUPER (#TVB 旗下，下稱myTV) 約400蚊嘅債務，由於個myTV係綑綁住 #香港寬頻 一齊送嘅，而網民亦一直都無用過myTV服務，連線都無插過，所以感到一頭霧水，於是向香港寬頻、myTV查詢，惟前者表示唔關佢事，叫佢搵返myTV。myTV則回覆該名網民，表示正正係因為網民無用過myTV服務，所以先要收回成本，如果想豁免費用，就要駁返部機睇一次節目。

▌我哋團隊唔係記者，好難判斷呢單新聞材料是否屬實，但過去我哋確實收過唔少留言同私訊，指自己無啦啦俾myTV SUPER收錢，如果你都有類似經歷，可以喺下面留言或者私訊我哋講吓。至於以上呢個個案，如果屬實，我哋推斷myTV可能係要整靚active users條數畀廣告商睇，以游說佢哋落廣告。如果myTV員工睇緊呢篇文，希望你哋可以回應吓，釐清公眾疑慮。

▌其實過去我哋都投訴過香港寬頻強行將myTV SUPER綑綁喺寬頻計劃入面係擾民，有啲顧客唔想要，但香港寬頻又間硬塞舊嘢畀人，整爛整唔見又要賠錢，完全係無妄之災。所以各位如果唔想搞咁多嘢嘅話，都係轉用第間寬頻公司喇。

見到有電腦雜誌share我哋貼文，並加以補充資訊：

//據熟悉電訊行業的知情人士表示，HKBN 和 myTV SUPER 的合作，其中包括 HKBN 會在月費裡面撥出一部分給 TVB 作分成，但如果 myTV SUPER 機頂盒未有被使用，HKBN 就無數可對，TVB 既然不能向 HKBN 收錢就唯有向寬頻客戶追討。//

https://www.pcmarket.com.hk/mytv-super-has-not-been-used-and-customers-are-innocent-of-being-charged-for-the-service/

▌我哋轉載完 HKBN 香港寬頻 苦主個案之後，大家都一呼百應講述自己被myTV SUPER收費同整蠱嘅經歷，大致上都係話唔想要myTV SUPER，但係免費服務期內唔可以Cut，之後無啦啦就俾myTV SUPER收費。

▌為免麻煩，大家應該揀返有信譽嘅寬頻公司，如果你不幸仲用緊HKBN，記得定期check帳單睇吓有無俾人收多錢，如果你真係無得揀，記得千祈千祈千祈唔好要所謂嘅免費myTV SUPER服務！

▌案例1️⃣
案主係香港寬頻用戶，雖然拎咗myTV SUPER解碼器，但無駁線無裝app，有一日收到財務公司電話指佢爭緊myTV SUPER 400蚊，佢打上香港寬頻，香港寬頻話唔關佢事，於是佢轉向myTV SUPER查詢，對方話無使用過服務所以要收返費用，如果想豁免費用，可以插線睇一次節目。

▌案例2️⃣
案主係香港寬頻用戶，獲贈myTV SUPER解碼器及應用程式，但無駁線無裝app，有次check單發現帳單多咗項收費，名為「myTV SUPER (流動應用程式) 合約期後之服務月費」，原來佢個免費myTV SUPER app服務過咗期，要收返「折扣價」10蚊月費。案主表示，之前已經表明過話要取消myTV SUPER服務，但對方稱要到期先可以取消。

▌案例3️⃣
案主原本係香港寬頻用戶，同樣被綑綁住「免費」myTV SUPER服務，不過，喺佢取消香港寬頻服務後，myTV SUPER並無一齊取消，佢大半年後先發現myTV SUPER經銀行自動轉帳收緊佢12蚊月費。

▌其他案例
特登唔拎myTV SUPER解碼器，長期收到電話問佢幾時拎 ，直到有次call維修，個師傅帶埋個盒上嚟；
myTV SUPER瘋狂打嚟sell myTV GOLD；待續…

《香港寬頻苦主大聯盟？》17 Jan

1.派嬲、派Like自己揀😡👍🏻
2.留言話畀 #香港寬頻 聽你有咩不滿💬🛍️

【香港寬頻】
https://www.facebook.com/HongKongBroadbandNetwork
https://pili.app/pg/3ZpISaJ

▌因為 #HKBN 而引起嘅 #myTVSUPER 問題講咗幾年都仲係不斷發生，當中有唔少都係因為HKBN成日強調myTV SUPER服務係免費，迫人拎解碼器、搵人送解碼器上門所造成，既然有咁多HKBN苦主，不妨一次過再上HKBN Facebook講低自己嘅不滿，佢哋應該會叫你PM佢哋嘅，順便睇吓仲有無更多嘅苦主。

有啲sales成日以「免費」為名義氹人拎myTV SUPER盒，你覺得煩嘅，留言囉！
迫你拎咗myTV SUPER解碼器，但你想取消服務取消唔到，留言囉！
迫你拎咗myTV SUPER解碼器，仲要叫你拎返個盒仔返去咁麻煩？留言囉！
無啦啦俾myTV SUPER收咗錢？當初唔係話免費氹人拎嘅咩？留言囉！
———————————————————
【‼#TVB 廣告商名單‼】
https://bit.ly/TVBAdData 👈🏻

#美心食品、#聖安娜餅屋、#大班麵包西餅、#香港榮華餅家、#恆香老餅家 贊助𝕋𝕍𝔹，間接為引導香港輿情、建設思想輿論陣地作出重大貢獻，已被 #和你Pay (#Wolipay)認可為藍店💙🇨🇳 有14億500萬人作為經濟後盾， 貴公司定必生意興隆！小黃人，請你們滾回去光顧那奄奄一息、必然失敗的黃色經濟圈，藍圈不需要賺你們的錢！😡

《TVB精選餅店名單2022 💙》18 Jan

▌幾個月前我哋都出過類似Post，但今次係更新版，希望可以指引到各位藍友爆買。由於農曆新年將至，呢個Post最重要係Share，派嬲派Like都係其次😡👍🏻

▌任務內容
1️⃣【榮華餅家】
https://www.facebook.com/wingwahhk
https://pili.app/pg/dqUuqycj

2️⃣【聖安娜餅屋】
https://www.facebook.com/SaintHonoreCakeShop
https://pili.app/pg/5v8oNux

▌餅店介紹
【#美心食品】由美心、牛奶國際各持50%股份。2021年開始全面重返TVB，投放大量電視廣告、聘用陳庭欣、鄺潔楹、周嘉洛等藝人宣傳、加盟Big Big Shop、多次贊助東張西望等💙 另外，牛奶國際本身都係TVB忠實客戶，旗下惠康、萬寧等都有落過廣告💙

【#聖安娜餅屋】每年定時於中国節慶投放電視廣告、贊助東張西望，老闆馮國經係大灣區研究督導委員會主席🇨🇳、2020年中秋為英勇抗暴嘅警察同胞製作「忠誠勇毅」月餅、產品多為中国製造🇨🇳

【#大班冰皮月餅】每年定時於中秋投放電視廣告。據中国媒體報導，所謂「大班太子爺」所佔之股份極少，而且大班兩年前已經即時同「太子爺」割蓆，各位藍友可以放心幫襯👍🏻💙

【#香港榮華餅家】2021年尾重新喺TVB投放電視廣告💙

【#恆香老餅家】2020年率先贊助由阮兆祥、黎耀祥主持嘅節目《雙祥見》，2021年亦有喺myTV SUPER落過短暫廣告💙

【#超羣麵包西餅】超羣屬於合興集團旗下，自身並非TVB廣告商，但姊妹品牌獅球嘜、吉野家喺2021年就分別喺myTV SUPER、翡翠台投放廣告💙

【#鉅記餅家】2021年起似乎已經無再贊助TVB，但係其專頁仍然有落蕭正楠嘅Hashtag

———————————
《與TVB無連繫之餅店💚》
A1 Bakery、君蘭餅店、759麵包工房、Donki、AEON Bakery、凱施餅店、山崎麵包

【#凱施餅店】於2019年被指控「凱施太子店員工稱示威者搞事」，咁薄弱嘅原因就想藍友爆買支持？咪玩喇！💚

【#山崎麵包】於2019年被指向警方披露客人資料，使一名家庭主婦被捕。山崎麵包事後已澄清，該名主婦並未向山崎提供住址，所以根本無嘢可以提供畀警方💚

▌喺政府對武肺零容忍政策之下，尋日漁護署署長梁肇輝「強烈建議」於上年12月22日或之後，喺香港任何地方購買倉鼠嘅人，都要將倉鼠交畀漁護署人道毀滅，有關行政措施屬於建議性質，並非引用法例充公倉鼠[1][2]。有網民向我哋投訴，無綫新聞台喺報導事件時，懷疑歪曲漁護署署長言論，誤導市民「要」交回倉鼠，有關內容出自頻道底下嘅跑馬燈，上面寫住「上月22日起曾在其他寵物店買倉鼠市民，要交出倉鼠人道毀滅，若倉鼠呈陽性主人須檢疫。」

▌呢句新聞訊息有咩問題？漁護署嘅說話係「強烈建議」市民「要」交出倉鼠，整體嚟睇係不具有強制性質，署長喺稍後回答記者問題時亦表示措施並非「引用法例充公」。而無綫新聞斬咗「強烈建議」呢一部份，就咁寫市民「要」交出倉鼠人道毀滅，意思就變成市民必須交出倉鼠，令人錯覺措施具有強制性，如果無綫要簡潔地保留署長原有意思，應該寫「應交出倉鼠」而非「要交出倉鼠」，又或者加返「政府呼籲」喺前面。

▌編者係咪雞蛋裡挑骨頭？梗係喇，做新聞就係要咬文嚼字，確保語意表達正確，文字遊戲呢家嘢，無綫新聞應該比我更清楚。
———————————
[1]《明報》：https://news.mingpao.com/ins/%E6%B8%AF%E8%81%9E/article/20220118/s00001/1642493274730
[2]《香港01》：https://www.hk01.com/社會新聞/725621/交倉鼠非法例要求-自願交鼠無賠償-要簽棄養書日後生死無權過問

facebook嘅神奇演算法唔肯派我哋個post畀人睇，得閒撳入去like
https://www.facebook.com/sayno4tvb2.0/photos/a.112777623771951/483816613334715/

#免費的東西最貴
#提防myTVSUPER
#檢查HKBN賬單

▌之前講過「禁堂食令」谷起咗 #TVB (AKA #老人台) 收視，原本徘徊喺16-20點收視水平嘅劇集都大幅躍升，根據1000部收視記錄儀得出嘅數據，《#鐵拳英雄》同《#異搜店》嘅 #電視直播收視 為20.9點及25.5點。其實公佈電視直播收視呢個做法就用咗半年有多，不過懷疑有人嫌收視仲係太低，喺報告上特別標注埋 #七天跨平台直播收視 平均有21.7點，即係將電話電腦睇直播嘅數加埋入去，點知過多兩日，TVB嘅友好媒體《星島日報》直頭用埋 #七天跨平台總收視，再將七日內重溫節目嘅數字加埋入去，推到個收視上24.8點，睇漏兩眼都以為套劇真係咁收得。

▌至於另一套劇集《異搜店》，原本頭兩個禮拜電視直播收視都唔過20點，之後適逢政府宣佈「禁堂食令」，令其收視喺第三、四週躍升至22.3點及25.5點，而有人亦特別強調 #大結局嗰集嘅跨平台直播收視 高達28點，跟住男主女角再喺《東張西望》慶祝，玩數字玩到出神入化，期待日後加入「加權收視」、「大灣區跨平台總收視」、「七天跨物種跨平台總收視」，以完善收視計算制度。

▌另外，《鐵拳英雄》演員（冇 #王君馨）喺出席宣傳活動時，竟然搵啲女演員坐爆、踢爆男演員大髀中間嘅汽球，以 #曾志偉 及 #查小欣 嘅道德標準而言，畫面同意識都極度不良(見LINK)，希望你哋「#唔好教壞細路」，多謝。

https://www.instagram.com/p/CY59T2SPjlR/