إذا الواحد راح على أي مدينة كبيرة بالعالم بيشوف كيف الناس اللي إجوا عليها من برا ما كانوا مجرد ضيوف عابرين بالعكس صاروا جزء من هويتها وتركوا أثر واضح فيها. حلب مثال قريب وواضح الأرمن والشركس وغيرهم ما عاشوا فيها وبس وإنما شاركوا بصناعة شخصيتها وتركوا بصمتهم بالتجارة والصناعة والأكل والحرف والعمران وصاروا جزء من قصة المدينة نفسها.

وهي القصة مو خاصة بحلب. إسطنبول ما صارت إسطنبول من شعب واحد ولا من مرحلة وحدة ولشبونة وبرشلونة ومارسيليا كلها مدن تراكمت فوق بعضها طبقات من البشر والثقافات وكل جماعة مرت فيها تركت شي يضيف للمكان ويغنيه ويخليه أجمل وأغنى وأكثر تنوع.

أما المسكينة دمشق فدائماً عندي إحساس إن أغلب اللي إجوا عليها تعاملوا معها كمكان إقامة مؤقت مو كمدينة لازم ينزرع فيها ويتبنى مستقبل معها. مع إنها كانت الحضن والملاذ للجميع وكانت تستقبل الناس بأصعب الظروف وتفتح أبوابها لكل حدا قصده وما سألت حدا من وين إجا ولا شو قصته.

والمفارقة إن اللي بيسكن الشام عن جد غالباً ما بيحب يسكن بمكان تاني بالأرض. بتضل معلقة فيه بطريقة غريبة حتى لو تركها سنين طويلة. يمكن لأنها مو مجرد مدينة يمكن لأنها حالة كاملة.

واليوم بتمنى من قلبي ترجع دمشق مثل ما كانت أو على الأقل تقرب من دمشق الخمسينات والستينات وقت كانت الروضة فعلاً روضة ووقت كانت الشام القديمة تحفة عمرانية حقيقية مو مجرد ذكرى بصور قديمة ووقت كان في احترام أكبر للمكان ولتاريخه ولجماله.

وبصراحة بتمنى تخلص هالمدينة من كل اللي عم يشوه هويتها ومن كل المشاريع اللي عم تتعامل معها كغنيمة مو كمدينة عمرها آلاف السنين ومن كل الناس اللي عايشين فيها بدون أي إحساس بالانتماء إلها أو الحرص عليها. لأن دمشق بتستحق ناس تضيف إلها مو ناس تستهلكها وبس.

وتأتي هذه الاحتجاجات بعد إضراب عمال شركة "زنوبيا"، الذين طالبوا برفع الرواتب بقيمة 100 دولار، وبحسب ما تم تداوله، رفضت إدارة الشركة هذا المطلب، فيما قدم نائب رئيس مجلس الإدارة، مقترحاً بزيادة قدرها 500 ألف ليرة سورية، إلا أن اللجنة العمالية رفضت العرض معتبرة أنه لا يلبي الحد الأدنى من الاحتياجات الأساسية في ظل ارتفاع تكاليف المعيشة والتضخم

خلال اللقاء حكى المحافظ عن المشاريع والخدمات اللي عم تشتغل عليها المحافظة بكل المناطق من شمال إدلب لجنوبها ومن شرقها لغربها.
وسألتو بشكل خاص عن أوضاع كفرنبل وريف ادلب الحنوبي وخاصة موضوع الكهرباء والمياه، بالإضافة لمشكلة فتحات الصرف الصحي والأمراض اللي ممكن تنتج عنها.
بالنسبة للكهرباء قال إن العمل مستمر على مشروع مد الكهرباء من الزربة باتجاه ريف إدلب وما أعطانا موعد قريب لوصولها لكنه أكد أن المشروع مستمر حتى توصل الكهرباء لكفرنبل والمناطق المحيطة فيها وبعدها لكل منزل بشكل مباشر.
أما بخصوص المياه فقال إن منظمة UNICEF تبنت مشروع محطة المياه في كفرنبل من فترة والكل بانتظار بدء العمل فيها بشكل رسمي وأضاف إن في خطط لتمديد شبكات المياه لتشمل المدن والنواحي المختلفة.
وبالنسبة للصرف الصحي أوضح أن في مشاريع قادمة للبلديات وإن كل مجلس بلدي رح يكون إلو مخصصات مالية ومشاريع خاصة فيه يديرها حسب احتياجات منطقته.
ونتمنى نشوف هالوعود على أرض الواقع بأقرب وقت خاصة بالملفات الخدمية اللي عم تهم أهالي كفرنبل بشكل يومي.