Toshkent hayvonot bogʻining tundek qora oqqushlari.

Biz qordek oq oqqushlarga oʻrganib qolganmiz. Ular haqida ertaklar toʻqiladi, afsonalar yaratiladi. Ularning vafodorligi haqida she’rlar bitiladi, qo‘shiqlar kuylanadi. Biroq, tabiatda qora oqqushlar ham mavjudligini koʻpchilik bilmaydi.

Bu qushlarning vatani Avstraliya hisoblanadi. Ushbu ajoyib qushlar kuchli qanotlari va yaxshi uchishiga qaramay, qish mavsumini yashab turgan yerlarida oʻtkazadilar, yaʼni issiq oʻlkalar uchib ketmaydilar. Ular vaqti-vaqti bilan oziq-ovqat izlab «uy»larini tark etadilar, lekin tezda qaytib keladilar.

Koʻpchilik hamisha bir savol qiynaydi «qora oqqushlarni oq oqqushlardan  tim qora patlaridan tashqari nima ajratib turadi?» Javob quyidagicha: qora tanlilar tana vazni jihatidan qarindoshlaridan ancha ortda qoladilar. Voyaga etgan qora narning vazni taxminan 7 kg, oq narlarning vazni esa (tabiatda 6 ta tur mavjud) - 8-13 kggacha yetadi. Qora boʻyinli oqqushlarning vazni atigi 3,5 kg dan 6,5 kg gacha boʻlishi mumkin.

Boshqa barcha jihatlarda sezilarli farqlar mavjud emas. Qora oqqushlar ham xuddi oq birodarlari kabi sadoqatli boʻlib juftlariga bir umr vafo qilib oʻtadilar. Qushlarning unlari nar va urgʻochi tomonidan quriladi. Ular joʻjalarni birgalikda bosib chiqaradilar. Chaqaloqlar inlarida bor yoʻgʻi bir necha soat kuchga toʻlishadi holos, shundan soʻng ota-onalari ularni hovuzga olib boradilar.

Faqat nasl berish davri farq qiladi. Qora oqqushlar uchun – bu Oʻzbekistondagi qish mavsumidir (chunki ularning vatani Avstraliyada bu vaqtda jazirama yoz va koʻpayish ayni avjida boʻladi).

Kamyob va «Qizil kitob»ga kiritilgan qushlarni hamisha Toshkent hayvonot bog‘ida ko'rishingiz mumkin!

Telegram | Instagram | Facebook

#Rasmiy_munosabat

Ijtimoiy tarmoqlarda Toshkent shahar, Uchtepa tumani, 11-mavzesida joylashgan "Enjoy house" MCHJ tomonidan hududdagi  20 va 30-sonli uylar oralig'idagi yer maydoni o'zboshimchalik bilan egallab olinganligi, unda qurilish ishlari olib borilayotganligi to'g'risida xabar e'lon qilingan edi.

Ushbu holat yuzasidan Uchtepa tumani ekologiya, atrof-muhitni muhofaza qilish va iqlim o'zgarishi bo'limi davlat inspektorlari tomonidan yuqorida ko'rsatib o'tilgan manzilda o'rganish ishlari olib borildi.

Olib borilgan o'rganishlar natijasida, ushbu MCHJ tomonidan hududdagi to'rt tup daraxtni tag qismiga yaqin kovlab, ularning ildiz qismiga shikast yetkazganligi aniqlandi. Aniqlangan holat yuzasidan qurilish kompaniyasi mas'ul xodimlarga nisbatan MJtK ning 79-moddasi 1-qismiga bilan ma'muriy bayonnoma rasmiylashtirilib, jarima belgilandi. Shuningdek, mazkur hududdagi barcha daraxtlar davlat inspektorlari tomonidan xatlovdan o'tkazilib, daraxtlarni asrash va saqlashga doir qonunchilikda belgilab qo'yilgan tartib-qoidalar yuzasidan qurilish mas'ullariga nisbatan ogohlantirish xati berilib, kafolat xati rasmiylashtirilib olindi.

Toshkent shahar Ekologiya boshqarmasi matbuot ximati
Telegram | Instagram | Facebook