🖌ԵԱՏՄ-ի և Սինգապուրի միջև ազատ առևտրի գոտու համաձայնագիրը կստորագրվի հոկտեմբերի 1-ին Երևանում կայանալիք ԵԱՏՄ բարձրագույն խորհրդի նիստի ընթացքում. ԵՏՀ արդյունաբերության և ագրոարդյունաբերության համալիրի հարցերով նախարար Ալեքսանդր Սուբոտին

📍Օգոստոսի 19-ից արդեն ուժի մեջ են մտել ՌԴ տարածք մրգերի, բանջարեղենի, ծաղիկների և եղևնիների ներկրման հետ կապած նոր սահմանափակումները:
▶️ Սահմանափակումները Եվրասիական տնտեսական հանձնաժողովի կոմից սահմանվել են դեռևս 2017թ-ի հուլիսից:

Ըստ վիճակագրական կոմիտեի տվյալների` 2019թ-ի առաջին կիսամյակում կարտոֆիլի գծով ցանքատարածությունները նվազել են. ամենամեծ անկումը գրանցվել է Վայոց Ձորում՝ կազմելով 22.5%:

💣Կարևորը՝ Ամուլսարի փորձաքննության վերաբերյալ.
✔️Ըստ Բաբկեն Թունյանի՝ եթե բավարար հիմքեր չկան հանքի գործունեությունը դադարեցնելու համար, այսինքն հիմքեր, որոնցով հնարավոր կլինի արբիտրաժի դեպքում այդ դատը շահել, միանշանակ պետք է շահագործվի։ Բ. Թունյանի կարծիքով՝ այս պահին տնտեսական ռիսկերն ավելի մեծ են և տեսանելի, քան բնապահպանական ռիսկերը։
✔️Ալեն Սիմոնյանը հիշեցրել է, որ Նիկոլ Փաշինյանն է Ամուլսարի վերաբերյալ քրեական գործի հարուցման պատճառ դարձել, ուստի ըստ նրա՝ այս հարցի հետ կապված վարչապետից շահագրգիռ անձ գոյություն չունի: Ա. Սիմոնյանը վստահեցրել է, որ եթե լինի գոնե 0,1% կասկած, որ Ամուլսարի հանքի շահագործումից կտուժի Ջերմուկը, Սևանա լիճը, ապա այդ հանքը չի շահագործվի։
✔️Լենա Նազարյանը գրել է, որ զեկույցի հետ կապված իր մտահոգությունները չփարատվեցին, և նա մնում է իր դիրքորոշմանը, որ զեկույցն առավելապես հակասական է կոնկրետ որոշում կայացնելու համար։
✔️Վարազդատ Կարապետյանը ասել է, որ եզրակացության մեջ կան կետեր, որոնց առկայության պայմաններում Ամուլսարի հանքի շահագործումը թույլատրելի չէ։ Նա գրել է, որ որևէ անկախ փորձաքննություն չի կարող հերքել հարյուրավոր վտանգների ու կենսական սպառնալիքի առկայությունը։ Նա հորդորել է օգնել կառավարությանը, տալ այն հիմքերը, որոնցով շրջակա միջավայրի վրա ազդեցության նոր փորձաքննություն պետք է անցկացվի։

❗️ Հայաստանի տնտեսական աճը 2019թ.-ի երկրորդ եռամսյակում կազմել է 6.5%։

ՀՆԱ հավելաճին նպաստել են
✔️ առևտուր և ծառայություններ ոլորտը՝ 4.91%-ով
✔️արդյունաբերությունը՝ 1.82%-ով,
✔️շինարարությունը՝ 0.06%-ով։

📍ՀՆԱ-ի հավելաճին բացասաբար է ազդել գյուղատնտեսությունը՝ -1.01 տոկոսային կետով։

📍Դանիայի Jyske Bank-ը, որը երկրում մեծությամբ երրորդ բանկն Է, հիփոթեքային վարկեր Է տալիս տարեկան մինուս 0,5 տոկոս հարկադրույքով, այսինքն՝ փաստորեն լրացուցիչ վճարելու են այն փոխառուներին, ովքեր կորոշեն նոր բնակարան գնել: Համաշխարհային պրակտիկայում սա առաջին դեպքն է, երբ հիփոթեքը տալիս են բացասական տոկոսներով. այսինքն՝ ամեն ամիս վարկի մնացորդը կնվազի այն գումարով, որը գերազանցում Է ամսական վճարը: Այդպիսով, վարկը լիովին վերադարձնելու համար կարելի կլինի բանկին վճարել ավելի քիչ, քան սկզբում պարտք ես վերցրել:
🔗Bbc.com

ℹ️Կարևորը՝ Ամուլսարի հարցի շուրջ.

✔️Նիկոլ Փաշինյանը տեղեկացրել է, որ «ԷԼԱՐԴ»-ի եզրակացությունն ուղարկվում է Շրջակա միջավայրի նախարարություն՝ պարզելու արդյո՞ք եզրակացության մեջ կան տվյալներ, որոնք Հայաստանի օրենսդրության համաձայն Ամուլսարի հանքի շահագործման համար Շրջակա միջավայրի ազդեցության նոր գնահատում իրականացնելու անհրաժեշտություն են առաջացնում:
✔️Քննչական կոմիտեն հրապարակել է Ամուլսարի գործով փորձաքննության եզրակացության վերաբերյալ վերլուծություններն ու գնահատումը։

📌📈Ընթացիկ տարվա առաջին յոթ ամսվա ընթացքում նախորդ տարվա նույն ժամանակահատվածի համեմատ ՀՀ պետական բյուջե հաշվեգրված հարկային եկամուտների և պետական տուրքի ծավալն ավելացել է մոտ 23%-ով։

📌2018թ. տարեվերջին կենսաթոշակառուների թվաքանակը կազմել է 463 072 մարդ, որոնցից աշխատանքային կենսաթոշակառուների թվաքանակը կազմել է 460 548, զինծառայության հետ կապված կենսաթոշակառուների թվաքանակը` 1 866, այլ օրենքներով սահմանված կենսաթոշակ ստացող կենսաթոշակառուների թվաքանակը՝ 658 մարդ:
🔺Կենսաթոշակառուներին նշանակված կենսաթոշակի միջին չափը կազմել է 40 հազար 477.9 դրամ:

📊➡️2019թ.-ին հունվար-հուլիսին տնտեսական ակտիվության ցուցանիշը նախորդ տարվա նույն ժամանակահատվածի համեմատ կազմել է 6.8%, իսկ հուլիսը հուլիսի նկատմամբ՝ 8.1%։

❌ «Լիդիան Արմենիա» ընկերության հիմնական արտադրական ցուցանիշները.
✔️Ընկերությունը հաստատված պաշարների սահմաններում գործելու է 10 տարի.
✔️Յուրաքանչյուր տարում 10 մլն տոննայի հանքաքարի շահագործում
✔️ Յուրաքանչյուր տարում 1200 ԱՄՆ դոլարով հաշվարկած մոտ 250 մլն ԱՄՆ դոլարի արտադրանք և արտահանում

❌Սպասելիքները.

🔺Շահագործման ընթացքում նախատեսվում է ստեղծել 750 ուղղակի աշխատատեղ՝ 450-500 հազար ՀՀ դրամ միջին ամսական աշխատավարձով։ Որոշ գնահատումների համաձայն՝ յուրաքանչյուր ուղղակի աշխատատեղ ստեղծում է 4-5 անուղղակի աշխատատեղ։
🔺Յուրաքանչյուր տարում պետբյուջե կվճարվեն 45-50 մլն ԱՄՆ դոլար ռոյալթիներ և հարկեր։
❌Կազմակերպության գործունեությունը հարկերի և աշխատավարձերի տեսքով կունենա 800 մլն դոլարի ազդեցություն ՀՀ քաղաքացիների եկամուտների վրա։ Առկա է նաև չգնահատված ազդեցություն.
Տիգրան Խաչատրյան

✅ՀԾԿՀ նախագահ Գարեգին Բաղրամյանը տեղեկացրել է, որ քննարկում են «Վեոլիա ջրի» սակագնի վերանայման հարցը, բայց, ելնելով մի շարք հանգամանքներից՝ սակագինը փոփոխության չեն ենթարկի և կթողնեն նույնը։ Ըստ Բաղրամյանի՝ ընկերությունն այս պահին ֆիքսված 180 դրամ սակագնի փոխարեն առաջարկում է 181.8 դրամ։
✅ Գազի գնի առնչությամբ Գ. Բաղրամյանը նշել է, որ ռուսական կողմի հետ բանակցությունները դեռ շարունակվում են, և ամսի 29-ին կամ 30-ին ռուսական խումբ է գալու՝ բանակցության շրջանակներում նորից քննարկումներ անցկացնելու։

📊Հուլիս ամսվա վերջի դրությամբ նախորդ տարվա նույն ժամանակահատվածի համեմատ առևտրային բանկերի կողմից ներգրավված ավանդների ծավալներն աճել են 17%-ով.
🔺Ոչ ռեզիդենտներից ներգրավված ավանդների ծավալներն աճել են 50%-ով։
🔺Ռեզիդենտներից ներգրավված ավանդների ծավալներն աճել են 7.9%-ով, ընդ որում ՀՀ դրամով ներգրավված ավանդներինը՝ 17.7%-ով։

📌Հոկտեմբերի 1-ից կբարձրանան անտառապահների և անտառապետերի, ինչպես նաև հրշեջ-փրկարարների աշխատավարձերը:

🖌🔍Հիփոթեքային վարկի ամենացածր տոկոսադրույքներն ըստ երկրների

🎯Ամենալայն տարածում ունեցող վարկատեսակներից մեկի՝ հիփոթեքային վարկի տոկոսադրույքները որոշ երկրներում ապշեցնող ցածր մակարդակ ունեն: Օրինակ՝ 🔗Financialadvisory կայքի փոխանցմամբ՝ Եվրոպայում հիփոթեքային վարկի տոկոսները տատանվում են 1-2%-ի, ԱՄՆ-ում և Ճապոնիայում՝ 2-3%-ի, իսկ Չինաստանում՝ 4-5%-ի շրջանակներում: Այս համատեքստում ավելի հեռու է գնացել Դանիան՝ առաջարկելով բացասական՝ -0.5%-ով հիփոթեքային վարկեր: Սա նշանակում է, որ վարկ վերցնողը տոկոսագումար ընդհանրապես չի վճարում, իսկ վերջնական հաշվում նույնիսկ ավելի քիչ մայր գումար է վերադարձնում, քան վերցրել էր սկզբում:

📋🔺Պատկերը սակայն լրիվ այլ է հետխորհրդային երկրներում. օրինակ՝ ՌԴ-ում հիփոթեքային վարկի տոկոսները տատանվում են 10-15%-ի, Վրաստանում 9-10%-ի, Ադրբեջանում՝ 8%-ի, Թուրքիայում՝ 8-9%-ի, իսկ Հայաստանում՝ 12-15%-ի շրջանակներում:

📍💰Վերջին երկու տարիների ընթացքում Հայաստանում դրամային վարկերի տոկոսադրույքներն իջել են 3%-ով, իսկ դոլարային վարկերինը՝ 1%-ով. Կենտրոնական բանկ

🌐2019 թվականի հոկտեմբերի 27-ից Եվրասիական տնտեսական միության և Իրանի Իսլամական Հանրապետության միջև ազատ առևտրի ժամանակավոր համաձայնագիրը կսկսի գործել. ԵՏՀ

☑️2019թ.-ի Համաշխարհային տնտեսական ֆորումն անցկացվելու է Աֆրիկայում.

Աշխարհի 40 ամենաարագ զարգացող երկրների կեսը գտնվում է Աֆրիկայում։ Այն ունի ցանկացած մայրցամաքի ամենաերիտասարդ բնակչությունը։ Համաշխարհային տնտեսական 28-րդ Ֆորումին, որը տեղի է ունենալու սպետեմբերի 4-6-ը, ավելի քան 1000 տարածաշրջանային և գլոբալ առաջնորդներ՝ քաղաքականությունից, քաղ.հասարակությունից, բիզնեսից և այլն, քննարկելու են, թե ինչպես կարող է Աֆրիկան զարգանալ՝ հիմնվելով իր ներուժի վրա։
🔗Weforum.org

❗️Ընթացիկ տարվա հունիսին նախորդ տարվա նույն ժամանակահատվածի համեմատ ՀՀ-ից դրամական փոխանցումների արտահոսքն աճել է գրեթե 2 անգամ։
🔺 2019թ. հունիս ամսին ընդամենը փոխանցումների ամսական արտահոսքի աճը նախորդ տարվա նույն ամսվա նկատմամբ հիմնականում պայմանավորված է ավտոմեքենաների ծավալների ներմուծման աննախադեպ շարունակական աճով, ինչպես նաև 2018թ. հունիսին արձանագրված ցածր մակարդակով՝ այն զգալիորեն զիջել է հունիս ամսին նախորդող և հաջորդող ամիսների մակարդակներին:
🔗Կենտրոնական Բանկ

📊 2019.-ի հունիս ամսվա դրությամբ ՀՀ համախառն միջազգային պահուստները նախորդ տարվա նույն ժամանակահատվածի դրությամբ ավելացել են 11.3%-ով՝ կազմելով 2 մլրդ 216.3 մլն ԱՄՆ դոլար: