Full Step 2 CK Experience

جزء مش مهم ممكن تعديه

بعد ما خلصت ستيب وان كان فاضل سكة ١٠ ايام على اند رواند و عملى الولادة لميت الدنيا و دخلت الامتحان و خلصنا قبل رمضان بيومين كدا ، اخدت شهر رمضان اجازة و جمعت المصادر و ظبطت الدنيا و مكنش عندي خطة واضحة أو معيار ثابت همشي عليه فى ستيب وان بس قولت هبدأ علطول بعد العيد مع اول شهر أبريل و ان شاء الله بتساهيل ربنا امتحن فى شهر ١١ بس امتحنت بعدها فى شهر فبراير ٢٠٢٦ يعنى بعدها ب ٣ شهور ، و طبعا فى ستيب تو عشان بسكور فلازم تجيب فيها اخرك .

Phase 1

بدأت مع شهر ٤ بعد العيد علطول كنت مستقر على حاجتين هما ال innercircle notes و اليوورلد و بالفعل فضلت شغال فيهم شوية أقرا السيستم من الانر سيركل و أحل من اليوورلد الاسئلة و كنت بحل بمعدل ٦٠ سؤال فى اليوم و هكذا لغاية ما عديت اول شهرين مثلا و مكنتش مرتاح للانر سيركل خالص و كنت حاسسها ناقصة كتير لأنى بحب استفيض فى المعلومات مبحبش الحاجة المختصرة مع انها كانت ١٥٠٠ صفحة و شبه اليوورلد فى الجداول و الصور فقولت أشوف مصدر مستفيض شوية عشان نسبة الاجابات الصح تزيد فلقيت TEMPU ساعتها اشتركت معاهم و كان عاجبنى جدا اوي و فيه كل حاجة ، حتى لو الموضوع مش عندك عنه ملعومات كافية تقدر تقرأه من الصفر و توصل لأعلى ليفل دي كانت الميزة عن الانر سيركل لكن كان طويل اوي و صعب عليا انى المه كله و انا براجع و و دا اللي اكتشفته فى الآخر بس هوا افضل مصدر فى رأيي ل :
Ethics
Biostat
Quality and Patient safety

بصراحة جامد جدا فى دول أوي ، و فضلت ع الوضع دا لغاية ما خلصت يوورلد فيرست رن و كانت النسبة بتاعتى 66% للصح .

Phase 2

بعد خلصت اليوورلد لأول مرة و خد ٣ شهور و نص بدأت المرحلة التانية .

▪️ طريقة المذاكرة:
كنت براجع السيستمز من Tempu و احل ال mistakes بتاع يوورلد و هكذا و خدت فى النص nbme 8 للتجربة و جبت فيه بتاع ٧٣% و فضلت مكمل بقا لغاية ما خلصت

📍 هنا دي كانت بداية مرحلة انى اخد نوتس لأول مرة و كنت باخدها على انكى من ال mistakes و كانت بتبقى عبارة عن بنسخ الكيس سيناريو و معاه الإجابة و صور و جداول و اجزاء من ال explantion و اعمل كارد و هكذا و فضلت مكمل ع الوضع دا لغاية ما الحزمة وصلت فى اخر حاجة فى التحضير لغاية 4000 كارد انا اللي عاملهم على حسب اخطائى انا .

Phase 3

بعد ما خلصت مراجعة ال mistakes و خدت النوتس اللي كنت براجعها من anki كل يوم ٥٠ كارد ولا حاجة و كنت بفوت ايام فى النص بدأت المرحلة دي بال
CMS forms

▪️ طريقة المذاكرة :
كنت بقرأ ملفات Dr high yield و احل بتاع ٣ فورمز مثلا ، يعنى الباطنة و احل عليها ٣ فورمز بس من الموجودين كل يوم واحد و اراجعه و اخد منه نوتس على انكى و اخر اليوم ممكن اجيب شوية كروت من انكى و هكذا و اسيب فى كل سيستم فورمين مثلا

و فضلت كدا بتاع مثلا ٢٠ يوم و قولت أخد لى self assessment ، فأخدت
nbme 10
و ساعتها جبت فيه 254 و كنت فرحان اوي أن دا اول سكور و بداية مبشرة جدا و اقدر بقا اعلى الاسكور جامد لفوق 265 خلال الفترة الجاية و على الاسكور بالفعل ل 267 فى NBME 16 و دا لوحده اخد بتاع ٤ شهور عشان الاسكور يرفع كدا بس يشاء ربنا انى اجيب سكور زي اول اسكور جبته بتاع nbme 10

Phase 4

طبعا لقيت الاسكور حلو بتاع nbme 10 قولت بقا همشي بنصيحة الناس اللي بتجيب سكورات عالية و احل الحاجة الزيادة اللي بيحلوها و هيا Amboss و 📍دي كانت اكبر غلطة اتعملت

▪️ طريقة المذاكرة :
مسكت امبوس غسيل و مكوة كل يوم كنت احل 120 سؤال و اخد منهم نوتس و خلصته كله فى شهر و للأسف عشان مليان معلومات low yield و اسلوبه فى الاسئلة محنك زيادة عن اللزوم فللأسف شتت دماغى اكتر و ضيع عليا وقت و اخر ما خلصته اخدت NBME 11 و جبت 244 و عندها ادركت انها كانت خطوة غلط

Phase 5

من المرحلة دي و من قبلها بطلت اقرأ خالص من اي مصدر لأن المشكلة مش نقص معلومات أد ما هيا تكمن فى استراتجية الحل فكنت باخد نوتس و اراجع منها بس

و رجعت بقا كملت باقى ال CMS كان فاضلي حوالى نصهم و كنت براجع معاهم من انكى و ختمت المرحلة دي ب NBME 12 و جبت فيه 255 و اخيرا الاسكور رجع يظبط تانى

Phase 6

عيدت اليوورلد كله تانى من الأول كنت بحل 160 سؤال فى اليوم لحد ما خلصته و بعده اخدت UWSA 1 و UWSA 2 و الاسكور مش بيزيد زيادة اللي كنت منتظرها و دخلت فى مرحلة ال Plateau. و دي أسوأ مرحلة بتبقى مش طايق نفسك عمال تذاكر و تحرق فى نفسك و الاسكورات مش بتزيد و الأخطاء مش منطقية حتى عشان يتغلط فيها و جزء كبير منها بسبب ال Cognitive errors اللي التغلب عليها كان صعب

📍 و عيدت كمان ال CMS forms كلها من حتة على كورسولوجى اسمها CMS collection بتخليك تعمل بلوكات من الاسئلة و بتكون مشكلة مش على الباطنة بس او الجراحة بس لاء بتبقى كله فى بعضه

و بعدها اخدت Nbme 13 و جبت 258 و بعده 14 كان نفس الاسكور

Phase 7

ركزت اكتر انى اشوف الأخطاء بتحصل ليه و اعملها تحليل تفصيلى و مسكت ال amboss study plans حليتها كلها و دي أهم حاجة فى امبوس و كنت باخد بلوكات من امبوس كدا timed و exam mode عشان كانت بتدي تجربة شبه الامتحان الرسمي و كنت بحلها بغرض تبقى فى مود الامتحان بس

و اخدت nbme 9 و جبت 263 و هنا اخيرا عديت ال ٢٦٠ و كملت زي ما انا كدا راجعت كروت انكى و ركزت بالذات ع المعمولة على أخطاء ال cms و ال nbme كلها و عيدت كمان ال nbmes القديمة كنت باخد اتنين مع بعض احيانا و هكذا لحد اخر ١٠ ايام قبل الامتحان

اخدت فيها ال new free و اخدت nbme 15 جبت ٢٦٥ و اخر حاجة كانت nbme 16 اللي هوا اشبه حاجة بالأمتحان اخدته قبل الامتحان بحوالى ٤ ايام و جبت فيه 267 و كنت متطمن خلاص انى ان شاء الله هعدي ال 260 مرتاح ع الأخر لكن ربنا كاتب لنا كدا و الحمد لله اولا و اخيرا

Exam day

ليلة الامتحان حجزت فى فندق كنزي و الاوضة كانت ع الشارع فكان فيه دوشة من الطريق نزلت اغيرها قالو فى تكسير و إصلاحات فى فيلا جمبنا فالجمب التانى اسوأ فحصل معايا سيناريو مكنتش متوقعه و هوا انى منمتش ليلتها خالص مع انى عمري ما جالى ارق قبلها و كنت واخد معايا melatonin و قولت مش هستخدمه لكن استخدمت قرصين منه و اخدت دش مرتين و برضه معرفتش انام غير تقريبا ٤ ساعات نوم متقطع فى اخر الليل بعد الساعة ٢

قومت من النوم صليت الصبح و ماشي متفاؤل خير و شربت قهوة قبل الامتحان و كان معايا ريد يول شربت علبتين و كنت منظم اليوم كويس جدا فى البريكس زي ما كنت محددها و كنت بطلع اصلي فى البريكس و ما اتضغطش خالص فى الوقت و كان اليوم ماشي معايا بسلاسة جدا جدا و مفيش بلوك قفل معايا فى الوقت كان ممكن اسيب فيه كمان من ٣ ل ٥ دقايق و كنت متوقع سكور ٢٦٥+ لأن الامتحان كان سلس معايا و مشي زي الفل بس الحمد لله ربنا كريم و الاسكور برضه فى الامان


أخر حاجة كلنا بنسعى و التوفيق و النتيجة دي بتاع ربنا فى الأول و الاخر و لازم نرضي بالمقسوم مهما كان ، انا مثلا فى ستيب تو حليت بتاع 23الف سؤال ، فى ستيب وان كان مجمل عدد الاسئلة كلها اللي حليته ميكلمش 6000 هما اليوورلد و ال nbmes ، بس عشان الاسكور لازم تاخد بكل الأسباب

‼️ فى الكومنتس هتلاقي كل الاسكورات بتاعتى بالترتيب :


☎️ For any Question :

@Dr_Osama_Ramadan

First aid for USMLE step 1 2026

My Anki Cards Package

Including more than 3500 cards made from Uworld, Amboss, CMS forms and NBMEs

The most Updated

The Most Updated

includes all subjects/systems @USMLEAnki

مصدر ممتاز للباطنة ممكن تجربه

Divine

نبذة مختصر عن مصارد step 2 ck للي لسه فى البدايات:

تبدأ البداية أزاي و تختار أي المصادر المتاحة و الموجودة
Inner circle notes

White coat

TempU

وضحت دا بالتفاصيل فى الريكوردات (سرعهم × ٢) اللي تحت دي عشان الناس بتكسل تقرأ

المصادر التانية اللي مش مشهورة فى التحضير ؟

DIP notes

Elhusseiny step 2 ck files

Melhman files

My notes step 2 ck (anki)

مصادر للسماع :

Dr wael tawfiq


💡For any Questions :

👉 @Dr_Osama_Ramadan 👈

Audio from Osama Ramadan

Audio from Osama Ramadan

Audio from Osama Ramadan

Audio from Osama Ramadan

نعتذر عن التأخير لأسباب لم تكن فى الحسبان ، لكن الحمد لله على كل حال .

بليل هينزل كل حاجة عن الموضوع و بطريقة هتفيد الكل بإذن الله.

Everything You Need for USMLE Step 1:

فى البوست دا ان شاء الله هنتكلم عن مصادر ستيب وان و نبذة سريعة عن الكورسات المشهورة .

🪧 قبل ما نبدأ ، لو لسه عايز تعرف يعنى ايه ستيب وان و ايه التكاليف و الكلام دا روح اقرأ البوست دا :
https://t.me/Medical_Data_Channel/3620

الكتب أو مصادر القرءاة

▪️ First aid

دا مصدرك الاساسي سوء كنت مرتاح ليه من الأول و لا كان صعب عليك تقرأ منه و بعدين هترجعله ، هوا أفضل مصدر شامل كل المعلومات اللي بتتسأل و ملموم و سهل عن غيره تقدر تراجع المحتوي منه بدون تضييع وقت فى زيادات مش مهمة

▪️ Dr.Shebl Endpoint notes :

كتب ممتازة على الرغم من أنها قديمة شوية لكن عادي تقدر تعتمد عليها خصوصا لو هتسمع فيديوهاته و ميزتها أنها ماشية بنفس ترتيب الفيرست ايد فى الشرح .

▪️BnB & Bootcamp Data

كمصادر فيديوهات للسماع و ملفات تقرأ منها المحتوي و الاتنين كويسين لو ليك فى الداتا الانجلش و عايز حاجة تنجزك تقدر تعتمد عليهم فى الفيرست رين و بعدين تبقا تراجع من الفيرست أيد أو تعتمدهم هما و بس .

▪️Mehlman’s Files

المفروض انها للمراجعة للأمتحان بعد ما تخلص الفيرست ايد مرة و اتنين و تلاقي اسكورك مش بيعلى لكن البدأ بيها بصراحة مش حاجة ينصح بيها.

▪️Elhusseiny’s Essentials for USMLE

ممكن نقول عنها كويسة لو هتابعها مع الكورس بتاعه لو انت البيزك عندك ضعيف لأنها كبيرة جدا و فيديوهات الكورس كذلك طويلة، لكن لو حد البيزك عنده قوي و عايز ينجز لاء مش هتنفع معاه ،
و بيقولو هينزلو نسخة محدثة منها قريب .

▪️ Dr.Ta7 notes

ممتازة كذلك لعشاق شرح و طريقة دكتور تاح فى توصيل المعلومة بس هيا مش متاحة فري لأنها تابعة للكورس و محدش بيعتمدها غير اللي عنده فى الكورس و غير كدا محدثة بإستمرار يعنى حتى النسخة المتاحة على قنوات التليجرام دي قديمة .

▪️TEMP U

مكتبة جربتها فى ستيب تو و بصراحة جميلة و منظمة و شاملة نوتس من كذا مصدر من مصادر المعادلة و موضحة كل حاجة و بأسلوب ابسط من الفيرست ايد لكن المشكلة أنها برضه كبيرة و بعد ما بدأت فيها فترة كبيرة رجعت سبتها عشان انها صعب تتلم شوية أو محتاجة وقت على عكس حاجة ملمومة زي الفيرست أيد ، لكن فى المجمل مصدر محترم أوي و متعوب فيه و خصوصا فى حاجات زي ال Ethics , Biostat . و منزلين حاجات فري ع الموقع تقدر تجربها .

▪️Uworld Library

كمصدر معلومات فهيا مكتبة شاملة و منظمة و زي الفل بس برضه بتشرح الموضوع بالتفصيل باللى عليك و اللي مش عليك ، ممكن بس ترجع لها لو فيه موضوع مش فاهمه و عايز تقرأ عنه كويس ، لكن فى المجمل لو هتذاكر منها حاجة كفاية أوي النوتس اللي تبع بنك الاسئلة. و بتبقا متاحة على إشتراك كورسولوجى

▪️Amboss library

ممتازة بس لازم يكون عندك اشتراك ع الموقع و ممكن تدمج بين المكتبة و بنك الاسئلة و تقدر تدمج بينه و ما بين Anki و تبقى المذاكرة امتع ، بس هوا عموما امبوس مش ضروري خالص لستيب وان ، كفاية اليوورلد .

▪️ Anki cards :

مينفعش خالص يبقى هوا مصدرك فقط و خصوصا الحزم المعمولة الجاهزة اللي هيا عبارة عن الآلاف من الكروت، و ممكن بدل ما يساعدك يشتتك أكتر، ممكن تستخدم الحزم المعمولة دي لو حسيتها مش كتيرة و مش هتضيع وقت معاك لو عايز تراجع ع المدي البعيد ، لكن بالنسبة ليا مستخدمتوش نهائى فى ستيب وان ، و استخدمته فى ستيب تو كنت باخد عليه نوتس و عملت حزمة خاصة بيا أنا مستخدمتش حاجة من الحزم المعمولة

▪️ Others :

كتب كابلان و BRS و sketchy و Pathoma و الكلام دا خلاص محدش بقا يعتمدها من ساعة ما الامتحان بقا pass or fail ، لأنها كتب كبيرة و انت مش محتاج كل دا. إلا سكتشى مثلا فى الفارما و الميكرو و باثوما لو فيه سيستم معين مش ظابط معاك .

For any Questions :

👉 @Dr_Osama_Ramadan 👈

بالنسبة لفيديوهات الشرح أو السماع

الحاجة الأفضل و ماشيين بسيستم و كدا كلها مصادر مدفوعة ، يعنى الداتا الأنجلش مدفوعة بس ممكن تلاقيها متسربة و من ضمنهم كان دكتور شبل لكن بعد ما الفيديوهات اتسربت هوا قال انه مسامح فيها و تعتبر وافية و كافية و تقدر تعتمدها حتى لو مش ناوي تكمل و عايز تذاكر حاجة تقوي البيزك بتاعك .

📝 هتكلم عن الكورسين المشهوريين سريعا كدا ، و هنقيم من حيث السيستم و الشرح و النوتس و كدا بتقييم 4 جيد جدا ، 5 ممتاز .

📍 Dr Elhussieny course for step1 :-

السيستم : 5 ، الموقع عنده شامل كل حاجة الشرح و الكتب و الاسئلة اللي محتاجها سواء يوورلد أو NBMEs و محدثة باستمرار و فيه نظام AI للتقييم و المتابعة و المساعدة فى التعلم محترم جدا و الموقع ممتاز و عن تجربة
عيبه الوحيد متقدرش و انت بتحل تعرف تنسخ نوتس او تنزل صورة يوورلد أو جدول منه على عكس كورسولوجى تقدر تنسخ و تنزل أي حاجة غير ان كورسولوجى شامل بنوك اسئلة تانية غير اليوورلد زي Amboss و melhman بس الصراحة فى ستيب وان مش محتاج غير اليوورلد .

الشرح : 4 و الفيديوهات طويلة جدا .
نظام المتابعة : عن طريق الموقع فقط و حل الاسئلة بينزل كفيديو صغير مع كل سؤال لكن مفيش حد يتابعك ك mentorship مثلا و دا النظام عموما .
الكتب : 4
مدة الاشتراك : سنتين و نص و تقدر تجدد سنوات اضافية كل سنة ب ٢٥% من سعر الكورس.

💡 و دا فيديو بيشرح النظام عنده :
https://youtu.be/iWjToiGC3Ug?si=n1yuLCyQxp8iKjHs

👌 و على نفس القناة تقدر تدخل تشوف الحاجات المتاحة فري من الشرح و تجرب بنفسك و تختار اللي يريحك .

📍 Dr.Ta7 step 1 course :

الشرح : 5 , و لو فيه تقييم أعلى من كدا كمان يستحقه ، شرحه رائع جدا و بالنسبة للطول قريب من الحسينى .
السيستم : 4 ، مفيش موقع شامل لكن الموضوع بسيط و عنده تقدر تسمع المحاضرات لايف لأنه بيجدد الشرح مع كل سايكل و تقدر تسمع المحاضرات اوفلاين و من غير نت يعنى تحملهم و تسمعهم على تطبيق خاص بيهم على عكس الحسينى لازم نت عشان تقدر تسمع ع الموقع ، و حل الاسئلة بيبقى فيديوهات حدود ساعة بتنزل بعد كل محاضرة شرح ، و الاسئلة النظام عنده بيتيح اشتراك من كورسولوجى طول مدة الكورس ، و بيعمل امتحانات دورية خلال السايكل كل ما يخلص سيستم أو جزء معين يعنى يعتبر نظام متابعة افضل شوية بس برضه مفيش حد يتابعك ك mentorship مثلا.

الكتب و النوتس : 5 ، النوتس بتاعته المحدثة بصراحة حلوة جدا و بينزل الاسئلة مشروحة فى كتاب تانى بحيث لو عايز تذاكر من الاسئلة فقط تقدر عادي .

مدة الإشتراك : سنتين و نص تقريبا أو مدة السايكل لحد ما تخلص و غير متاح التجديد

💡دا فيديو بيشرح النظام عنده :
https://youtu.be/-4vkh2xkRog?si=wt9JZQobOgHuA-pO

👌 و على نفس القناة تقدر تدخل تشوف الحاجات المتاحة فري من الشرح و تجرب بنفسك و تختار اللي يريحك .

💎 و أقل حاجة مينفعش تعدي على قناة تاح و متسمعش بلاليست الفارما سواء بتسمع غيره أو مبتذاكرش معادلة حتى

For any Questions :

👉 @Dr_Osama_Ramadan 👈

USMLE Examination System

يمكن بدري شوية الكلام عن الموضوع دا بس عشان التعديل الجديد اللي نزل فى النظام و هيطبق فى النص التانى من السنة الحالية، مع انى مش حاسس أنه هيفرق حاجة على عكس البعض شايفه هيكون أفضل .

Step 1

المفروض أنه كان امتحان بتقدر تحجزه و بتمتحنه فى يوم واحد و كان مدته 8 ساعات و عبارة عن 7 بلوكات اسئلة ، كل بلوك مدته ساعة فقط و يحتوى عدد اسئلة 40 سؤال ، فيكون الإجمالي 280 سؤال فى 7 ساعات ، و معاك ساعة تقسيمها بريكس مختلفة تطلع تاكل حاجة تغسل وشك ، تصلى زي ما انت عايز .

و كل الاسئلة بنظام Clinical case-based scenarios زي ما هتشوف فى اليوورلد و ال nbmes

📍 التعديل الجديد بقا : نفس مدة الامتحان 8 ساعات و نفس عدد الاسئلة 280 سؤال ، لكن الفرق هيكون أن عدد البلوكات بدل 7 هيبقى 14 و عدد الاسئلة فى كل بلوك هيبقى 20 سؤال و هيكون البلوك مدته نص ساعة .

Step 2 CK

الإمتحان عبارة عن 8 بلوكات اسئلة فى 8 ساعات + ساعة بريك ، فتبقى مدة الامتحان 9 ساعات و كل بلوك بيبقى 40 سؤال ما عدا بلوكين بيكونو ناقصين سؤالين يعنى عددهم 38 سؤال عشان بيكون فيهم اسئلة abstract أو drug ads بتبقى طويلة شوية و بالتالي بيكون إجمالي عدد الاسئلة 316 .

📍 التعديل الجديد : زي ما قولنا فوق بالظبط المدة زي ما هيا و عدد الاسئلة زي ما هوا الفرق ان عدد البلوكات هيبقى الضعف و عدد الاسئلة فى كل بلوك هتبقى النص و بس

Step 3

متشغلش بالك بيها خالص دلوقت لأنك مش محتاجها ضروري للماتش و متقدرش تمتحنها غير فى امريكا .

🪧 و دا الكلام اللي نازل ع الموقع الرسمي :
https://share.google/wOurkGaDP3JtazQMH

For any Questions :

👉 @Dr_Osama_Ramadan 👈