🚨 Index :

👨‍🦯توهان و حيرة ما قبل التحضير
https://t.me/Easy_USMLE1/5

Step 1

📍My experience in 5 months :
https://t.me/Easy_USMLE1/6


▪️ Sources : https://t.me/Easy_USMLE1/26

Step 2 CK

📍My experience : https://t.me/Easy_USMLE1/8


▪️Sources :https://t.me/Easy_USMLE1/19

💡For any Questions :

👉 @Dr_Osama_Ramadan 👈

دي تجربتى فى استبس ال USMLE و هكتب الإتنين ورا بعض بما انى أخدتهم ورا بعض :

بسم الله قبل أي حاجة هبدأ ب Step1 و هقسم الكلام لمراحل زي ما كنت عامل فى التحضير :

مرحلة ما قبل البدأ ( ممكن تعدي الجزء دا لو مش فاضي تقرأ )

انا الموضوع بدأ معايا فى اجازة سنة اولى كأي حد سمع عن الموضوع و جاله الشغف و الحماس و دوست فعلا و جبت الكتاب و كنت بادئ انا و صديقى عبدالرحمن موسى بس للأسف كنت ماشي بطريقة عشوائية و مش محدد معالم طريقى و مش عارف إذا كان السفر يناسبنى ولا لاء كعادة أي حد فى السن دا و الوقت دا مع نقص خبرته و فضل الوضع على كدا لحد ما وقفت اخر سنة تانية خالص لمشاكل فى اتخاذ القرار و مشاكل مادية و بعدين ركزت بقا انى اتعلم طب اكتر من مصادر محترمة شوية و استفيض شوية فى المعلومات يعنى من الفراغ فى سنة تالتة كانت الناس بتسمع دكتور علام علام و انا كنت مع دكتور الهواري فى مدة الشهر و نص اللي كانو يا دوب و مش مكفيين سمعت معظم منهج الباطنة مرتين و ذاكرته مرتين
و بعد تالتة قولت انزل دروب امتياز كدا أشوف الوضع فى الشغل و الدنيا ماشية ازاى و للأسف اتصدمت صدمة كبري من النظام و العشوائية و الشغل المهين فقولت لاء لازم ارجع افكر جديا فى الموضوع بتاع السفر و مش همشي ورا حد معين ولا ورا تريند أنا هقارن بنفسي و اشوف و قومت ساعتها اشتركت مع دكتور نجيدة و و قولت اقارن طرق السفر كلها و اشوف ايه الأنسب و الأسهل و الأسرع و الأقل تكلفة مادية قعدت ع الوضع دا ابحث و ادور و اخيرا لقيت اعلان لكورس ال MRCS بتاع دكتور المطري و انا كنت من عشاقه ، فدخلت الايف المجانى و كان بيتكلم عن شرح للطريق و بعدها شرح لنظام الكورس و كدا و اقتنعت بالكلام و قولت دي اسهل و اسرع و اذاكرها السنتين دول و امتحن فى الامتياز و اطير على بريطانيا و ابقا اخصائى جراحة و بالفعل اشتركت فى الكورس و لكن للأسف لقيتنى مش مرتاح لأنى ميولى مش ناحية الجراحة خالص قولت هاجى على نفسي و عادي و نزلت شوية فى استقبال الجراحة بتاع مستشفى أم المصريين عشان اقنع نفسي أن الجراحة حلوة و هتمشي معايا و لكن للأسف لقيت الوضع مش نافع ، دخلت فى حالة اكتئاب و مش عارف اوصل لنتيجة و أقول لنفسي انت كدا ولا نافع فى الشغل ولا نافع فى السفر ولا نافع فى حاجة و قعدت من جديد اجيب كل طرق السفر و اسمع فيديوهات و اقرأ تجارب لناس و اشوف كمان حتى تجارب الناس اللي ناجحة من غير سفر يمكن لمدة تزيد عن ٥ شهور على هذا الوضع ،و يظل الوضع على ما هوا عليه لحد ما صاحبى عبد الرحمن موسي ( اللي قولتله ع الفكرة و شجعنا بعض نبدأ فى سنة اولى و هوا كمل و انا سيبت الحوار ) لقيته امتحن ستيب وان و نجح و دا كان فى شهر ٧ سنة ٢٠٢٤ ، ساعتها قولت تعالى تانى يلا نقرا فى الموضوع أكتر و بعد تفكير و تمحيص قولت خلاص الطريق دا هيكون أنسب حاجة بالنسبة لى ، جريت فى موضوع جواز السفر و عمل الأكونت و حطيت عليه فلوس عشان خلاص هلزم نفسي و لابد انى هبدأ يعنى هبدأ و ظبطت كل حاجة قبل امتحانات سنة رابعة هيا خلصت يوم ١٩ ديسمبر ٢٠٢٤ تقريبا و انا بدأت بالظبط يوم ٢١ ديسمبر و كنت عامل خطة انى لازم فى خمس شهور حياة أو موت لازم تبقى خلصت و كدا اللي هما عبارة عن ٣شهور و نص اجازة مع شهر و نص مستقطع من أول رواند فى سنة خامسة

Full Step 1 Experience ( in 5 months )

Phase 1 In prepration

انا كنت مقسم ال ١٥٠ يوم من قبل ما ابدأ ل ٣ خمسينات لكل مرحلة ٥٠ يوم و كنت عامل جدولى من قبل ما ابدأ على كدا حتى الراجل اللي كان متابع معايا فى الأول ( دكتور محمود مراد ليه كل الشكر ) لما عرضت عليه الخطة قلى طب كمل بس و هنشوف و زي ما تمشي ، مكنش مقتنع المهم بدأت و دوست يعنى و طبعا كنت متفرغ تفرغ تام للموضوع بنام و اصحى على نفس الحاجة حتى كنت معتزل سوشيال و كل حاجة طول الفترة ما عدا الواتس و التلجيرام بس

▪️ طريقة المذاكرة فى المرحلة دي :

كانت عبارة عن انى كنت بسمع فيديوهات دكتور شبل يعنى اسمع فى الفيوم حدود من ٤ ل ٦ ساعات فى اليوم ( متوسط ٥ ساعات ) و اقرأ من كتبه لأنى كنت كاره الفيرست ايد فى الأول #(و تراجعت عن دا فى الآخر )# ، المهم كنت بسمعهم ورا بعض من الساعة ١٠ الصبح لحد قرب المغرب كدا و بعد المغرب ممكن احل ١٠ اسئلة يوورلد او اقصي حاجة ٢٠ على حسب بقا و اللي اسمعه كنت بذاكره تانى يوم من الفجر لغاية الساعة ١٠ كدا و اكمل باقى اليوم زي ما قولت

فضلت ع الوضع دا لغاية ما خلصت المحتوي فى الفترة المحددة و اكتشفت فى اخرها ان الفيرست أيد افضل حاجة تذاكر منها مع فيديوهات شبل و ممكن تفتح الكتاب و انت بتسمعه لأنه ماشي بنفس الترتيب .

Phase 2

بدأت المرحلة دي مخلص المحتوي ، سماع للمحتوي و مذاكرة لأول مرة و حالل جزء بسيط من اليوورلد كان بقالى حوالى ٣٠٠٠ سؤال

▪️طريقة المذاكرة :

كنت بذاكر الشابتر أو السيستم على بعضه من الفيرست ايد و اقعد احل عليه اسئلته كلها يعنى و ممكن كنت اقسمه يعنى مثلا اقوم الصبح اقرأ فسيولوجى الكارديو و احل اسئلته ، باثولوجى اليوم التانى و احل اسئلته و لو فضل حاجة منه كنت بجيبها فى يوم لوحدها لغاية ما اخلصها ، كنت بحل بمعدل ٨٠ سؤال فى اليوم لو هقرأ من الفيرست ايد حاجة و ممكن اوصل ل ١٢٠ سؤال لو اليوم دا للحل فقط و كنت بحل عدد كبير نسبيا لأنى مكنتش بقف كتير ع السؤال ، لو الفكرة واضحة و بسيطة خلاص مش لازم اضيع وقت و معظم المعلومات إن لم يكن كلها موجودة فى الفيرست حتى لو ما خدتش بالك منها و غلطت فى حاجة و انت بتراجع الفيرست ايد هتلاقيها موجودة و انتهت المرحلة دي بأنى اخدت اول nbme اللي هوا كان nbme 25 و جبت ساعتها ٦٩% و ساعتها بلغت الدكتور محمود مراد اللي كان متابع معايا ساعتها اهتم اكتر و عرف انى طبقت كلامى زي ما قولتله فى البداية و قلى خلاص احجز و حجزت بالفعل يوم ٩ فبراير ٢٠٢٥ و الفترة دي اخدت منى ٤٠ يوم كمان مش خمسين

Phase 3

بدأتها بعد ما اخدت nbme 25 و كنت يا دوب حليت اليوورلد مرة واحدة و قارئ المحتوي مرتين مرة مع السماع من ورق دكتور شبل و مرة تانية فى المراجعة و كانت كلها من الفيرست ايد .

▪️ طريقة المذاكرة خلال المرحلة :

كنت باخد ال nbme و بعدها اشوف غلطاتى فى اى سيستم اكتر و ابدأ بيه فى المراجعة و بين كل واحد و التانى اقل من اسبوع و الحمد لله كان الاسكور بيرفع بين كل واحد و التانى و خلال المرحلة دي راجعت الفيرست ايد كله برضه و فضلت ع الوضع دا لغاية ما دخلت الامتحان

🪧 تأكيد على كام حاجة :

📝 معدتش اليوورلد فى حاجة غير ال ethics و الميكرو ع السريع عيدت الاسئلة كلها فى اخر اسبوع قبل الامتحان

📝 مكنتش باخد نوتس نهائى و لا عيدت حاجة من ال nbme مرتين ، غير بس بصيت ع ال mistakes .

📝 مستخدمتش melhman files و ما حبتش طريقته ولا فى ستيب وان ولا تو

📝 مستخدمتش Anki و معظم الحزم الموجودة مليانة حشو و مش منظمة زي ما انت عايز بحيث تركز على الديفكت اللي عندك أنت ، لأن كله فى قلب بعضه

📝 محلتش حاجة من ال study plans بتاع امبوس

📝 ال ethics بتظبط بالحل و استخدمت فيها ملف شبل

📝 ال biostat فيه شرح لدكتور اسامه السواح ممتاز و تمشي ع الفيرست ايد و تظبت المسائل
بفيديو تاح بتاع ال
magic biostat

Exam day

بيت قبلها فى المدينة مكنش احسن حاجة بس نمت خمس ساعات على عكس ما كنت متعود بنام ٨ بس قولت اصلح دا فى ستيب تو و حجزت فندق و كان سنياريو اسوأ بمراحل مما توقعت فالحمد لله ، روحت الساعة ٧ و كان معايا بروتين بار و مية و قهوة تلجت عشان البتاع اللي كانت فيه كان بايظ بس كنت معتبرها ice coffe و كنت بشرب منها و عادي و الحمد لله كنت رايح منظم الوقت اللي هطلع فيه بريك و كل حاجة و الدنيا مشيت زي الفل و عدي اليوم .


🥅 My scores in NBME

NBME 25 (20/12) : 69%
NBME 26 (26/12) : 70%
NBME 27 (31/12) : 67.2%
NBME 28 (9/1) : 71.5%
NBME 29 ( 15/1) : 74%
NBME 30 ( 22/1 ) : 72%
Newfree120 ( 2/2): 78%
NBME 31 ( 2/4 ) : 77.5%

💡 الموضوع اخد منى حدود ١٤٠ يوم بالظبط بدأت يوم ٢١ ديسمبر ٢٠٢٤ و دخلت امتحنت يوم ٩ فبراير ٢٠٢٥

☎️ For any Question :

@Dr_Osama_Ramadan

.

Full Step 2 CK Experience

جزء مش مهم ممكن تعديه

بعد ما خلصت ستيب وان كان فاضل سكة ١٠ ايام على اند رواند و عملى الولادة لميت الدنيا و دخلت الامتحان و خلصنا قبل رمضان بيومين كدا ، اخدت شهر رمضان اجازة و جمعت المصادر و ظبطت الدنيا و مكنش عندي خطة واضحة أو معيار ثابت همشي عليه فى ستيب وان بس قولت هبدأ علطول بعد العيد مع اول شهر أبريل و ان شاء الله بتساهيل ربنا امتحن فى شهر ١١ بس امتحنت بعدها فى شهر فبراير ٢٠٢٦ يعنى بعدها ب ٣ شهور ، و طبعا فى ستيب تو عشان بسكور فلازم تجيب فيها اخرك .

Phase 1

بدأت مع شهر ٤ بعد العيد علطول كنت مستقر على حاجتين هما ال innercircle notes و اليوورلد و بالفعل فضلت شغال فيهم شوية أقرا السيستم من الانر سيركل و أحل من اليوورلد الاسئلة و كنت بحل بمعدل ٦٠ سؤال فى اليوم و هكذا لغاية ما عديت اول شهرين مثلا و مكنتش مرتاح للانر سيركل خالص و كنت حاسسها ناقصة كتير لأنى بحب استفيض فى المعلومات مبحبش الحاجة المختصرة مع انها كانت ١٥٠٠ صفحة و شبه اليوورلد فى الجداول و الصور فقولت أشوف مصدر مستفيض شوية عشان نسبة الاجابات الصح تزيد فلقيت TEMPU ساعتها اشتركت معاهم و كان عاجبنى جدا اوي و فيه كل حاجة ، حتى لو الموضوع مش عندك عنه ملعومات كافية تقدر تقرأه من الصفر و توصل لأعلى ليفل دي كانت الميزة عن الانر سيركل لكن كان طويل اوي و صعب عليا انى المه كله و انا براجع و و دا اللي اكتشفته فى الآخر بس هوا افضل مصدر فى رأيي ل :
Ethics
Biostat
Quality and Patient safety

بصراحة جامد جدا فى دول أوي ، و فضلت ع الوضع دا لغاية ما خلصت يوورلد فيرست رن و كانت النسبة بتاعتى 66% للصح .

Phase 2

بعد خلصت اليوورلد لأول مرة و خد ٣ شهور و نص بدأت المرحلة التانية .

▪️ طريقة المذاكرة:
كنت براجع السيستمز من Tempu و احل ال mistakes بتاع يوورلد و هكذا و خدت فى النص nbme 8 للتجربة و جبت فيه بتاع ٧٣% و فضلت مكمل بقا لغاية ما خلصت

📍 هنا دي كانت بداية مرحلة انى اخد نوتس لأول مرة و كنت باخدها على انكى من ال mistakes و كانت بتبقى عبارة عن بنسخ الكيس سيناريو و معاه الإجابة و صور و جداول و اجزاء من ال explantion و اعمل كارد و هكذا و فضلت مكمل ع الوضع دا لغاية ما الحزمة وصلت فى اخر حاجة فى التحضير لغاية 4000 كارد انا اللي عاملهم على حسب اخطائى انا .

Phase 3

بعد ما خلصت مراجعة ال mistakes و خدت النوتس اللي كنت براجعها من anki كل يوم ٥٠ كارد ولا حاجة و كنت بفوت ايام فى النص بدأت المرحلة دي بال
CMS forms

▪️ طريقة المذاكرة :
كنت بقرأ ملفات Dr high yield و احل بتاع ٣ فورمز مثلا ، يعنى الباطنة و احل عليها ٣ فورمز بس من الموجودين كل يوم واحد و اراجعه و اخد منه نوتس على انكى و اخر اليوم ممكن اجيب شوية كروت من انكى و هكذا و اسيب فى كل سيستم فورمين مثلا

و فضلت كدا بتاع مثلا ٢٠ يوم و قولت أخد لى self assessment ، فأخدت
nbme 10
و ساعتها جبت فيه 254 و كنت فرحان اوي أن دا اول سكور و بداية مبشرة جدا و اقدر بقا اعلى الاسكور جامد لفوق 265 خلال الفترة الجاية و على الاسكور بالفعل ل 267 فى NBME 16 و دا لوحده اخد بتاع ٤ شهور عشان الاسكور يرفع كدا بس يشاء ربنا انى اجيب سكور زي اول اسكور جبته بتاع nbme 10

Phase 4

طبعا لقيت الاسكور حلو بتاع nbme 10 قولت بقا همشي بنصيحة الناس اللي بتجيب سكورات عالية و احل الحاجة الزيادة اللي بيحلوها و هيا Amboss و 📍دي كانت اكبر غلطة اتعملت

▪️ طريقة المذاكرة :
مسكت امبوس غسيل و مكوة كل يوم كنت احل 120 سؤال و اخد منهم نوتس و خلصته كله فى شهر و للأسف عشان مليان معلومات low yield و اسلوبه فى الاسئلة محنك زيادة عن اللزوم فللأسف شتت دماغى اكتر و ضيع عليا وقت و اخر ما خلصته اخدت NBME 11 و جبت 244 و عندها ادركت انها كانت خطوة غلط

Phase 5

من المرحلة دي و من قبلها بطلت اقرأ خالص من اي مصدر لأن المشكلة مش نقص معلومات أد ما هيا تكمن فى استراتجية الحل فكنت باخد نوتس و اراجع منها بس

و رجعت بقا كملت باقى ال CMS كان فاضلي حوالى نصهم و كنت براجع معاهم من انكى و ختمت المرحلة دي ب NBME 12 و جبت فيه 255 و اخيرا الاسكور رجع يظبط تانى

Phase 6

عيدت اليوورلد كله تانى من الأول كنت بحل 160 سؤال فى اليوم لحد ما خلصته و بعده اخدت UWSA 1 و UWSA 2 و الاسكور مش بيزيد زيادة اللي كنت منتظرها و دخلت فى مرحلة ال Plateau. و دي أسوأ مرحلة بتبقى مش طايق نفسك عمال تذاكر و تحرق فى نفسك و الاسكورات مش بتزيد و الأخطاء مش منطقية حتى عشان يتغلط فيها و جزء كبير منها بسبب ال Cognitive errors اللي التغلب عليها كان صعب

📍 و عيدت كمان ال CMS forms كلها من حتة على كورسولوجى اسمها CMS collection بتخليك تعمل بلوكات من الاسئلة و بتكون مشكلة مش على الباطنة بس او الجراحة بس لاء بتبقى كله فى بعضه

و بعدها اخدت Nbme 13 و جبت 258 و بعده 14 كان نفس الاسكور

Phase 7

ركزت اكتر انى اشوف الأخطاء بتحصل ليه و اعملها تحليل تفصيلى و مسكت ال amboss study plans حليتها كلها و دي أهم حاجة فى امبوس و كنت باخد بلوكات من امبوس كدا timed و exam mode عشان كانت بتدي تجربة شبه الامتحان الرسمي و كنت بحلها بغرض تبقى فى مود الامتحان بس

و اخدت nbme 9 و جبت 263 و هنا اخيرا عديت ال ٢٦٠ و كملت زي ما انا كدا راجعت كروت انكى و ركزت بالذات ع المعمولة على أخطاء ال cms و ال nbme كلها و عيدت كمان ال nbmes القديمة كنت باخد اتنين مع بعض احيانا و هكذا لحد اخر ١٠ ايام قبل الامتحان

اخدت فيها ال new free و اخدت nbme 15 جبت ٢٦٥ و اخر حاجة كانت nbme 16 اللي هوا اشبه حاجة بالأمتحان اخدته قبل الامتحان بحوالى ٤ ايام و جبت فيه 267 و كنت متطمن خلاص انى ان شاء الله هعدي ال 260 مرتاح ع الأخر لكن ربنا كاتب لنا كدا و الحمد لله اولا و اخيرا

Exam day

ليلة الامتحان حجزت فى فندق كنزي و الاوضة كانت ع الشارع فكان فيه دوشة من الطريق نزلت اغيرها قالو فى تكسير و إصلاحات فى فيلا جمبنا فالجمب التانى اسوأ فحصل معايا سيناريو مكنتش متوقعه و هوا انى منمتش ليلتها خالص مع انى عمري ما جالى ارق قبلها و كنت واخد معايا melatonin و قولت مش هستخدمه لكن استخدمت قرصين منه و اخدت دش مرتين و برضه معرفتش انام غير تقريبا ٤ ساعات نوم متقطع فى اخر الليل بعد الساعة ٢

قومت من النوم صليت الصبح و ماشي متفاؤل خير و شربت قهوة قبل الامتحان و كان معايا ريد يول شربت علبتين و كنت منظم اليوم كويس جدا فى البريكس زي ما كنت محددها و كنت بطلع اصلي فى البريكس و ما اتضغطش خالص فى الوقت و كان اليوم ماشي معايا بسلاسة جدا جدا و مفيش بلوك قفل معايا فى الوقت كان ممكن اسيب فيه كمان من ٣ ل ٥ دقايق و كنت متوقع سكور ٢٦٥+ لأن الامتحان كان سلس معايا و مشي زي الفل بس الحمد لله ربنا كريم و الاسكور برضه فى الامان


أخر حاجة كلنا بنسعى و التوفيق و النتيجة دي بتاع ربنا فى الأول و الاخر و لازم نرضي بالمقسوم مهما كان ، انا مثلا فى ستيب تو حليت بتاع 23الف سؤال ، فى ستيب وان كان مجمل عدد الاسئلة كلها اللي حليته ميكلمش 6000 هما اليوورلد و ال nbmes ، بس عشان الاسكور لازم تاخد بكل الأسباب

‼️ فى الكومنتس هتلاقي كل الاسكورات بتاعتى بالترتيب :


☎️ For any Question :

@Dr_Osama_Ramadan

First aid for USMLE step 1 2026

My Anki Cards Package

Including more than 3500 cards made from Uworld, Amboss, CMS forms and NBMEs

The most Updated

The Most Updated

includes all subjects/systems @USMLEAnki

مصدر ممتاز للباطنة ممكن تجربه

Divine

نبذة مختصر عن مصارد step 2 ck للي لسه فى البدايات:

تبدأ البداية أزاي و تختار أي المصادر المتاحة و الموجودة
Inner circle notes

White coat

TempU

وضحت دا بالتفاصيل فى الريكوردات (سرعهم × ٢) اللي تحت دي عشان الناس بتكسل تقرأ

المصادر التانية اللي مش مشهورة فى التحضير ؟

DIP notes

Elhusseiny step 2 ck files

Melhman files

My notes step 2 ck (anki)

مصادر للسماع :

Dr wael tawfiq


💡For any Questions :

👉 @Dr_Osama_Ramadan 👈

Audio from Osama Ramadan

Audio from Osama Ramadan

Audio from Osama Ramadan

Audio from Osama Ramadan