....

سلام عليكم ورحمة الله وبركاته، يا رب تكون اموركم كلها بخير ، البوست دا موجه لشباب سنة اولى و ناس كتير ما تعرفش الكلمتين دول :

مش هقولك لازم تجمع درجات على أد ما تقدر بدون ما تعرف إيه الأهمية بتاعتها ،

لازم تكونوا عارفين ان التخصص بعدين و الأماكن الكويسة اللي تتعلم فيها التخصص ليها تقديم و رغبات زي بالظبط الثانوية كدا و لما تسجل رغباتك و تكتب فيها الكليات اللي انت عايزها ، بس المجموع بقا مش بتاع اخر سنة بس زي الثانوية لاء المجموع بيبقى التراكمي بتاعك بتاع ال ٥ سنين اللي هوا بيكون حوالى ٥٠٠٠ ،
و نقطة كمان و هيا ان الأفضلية فى تعلم التخصص هوا انك تاخد نيابة جامعة دي حاجة معناها انك تتعلم التخصص بعد ما تخلص الامتياز فى مستشفى الجامعة و دا بيبقى احسن من اللي بياخد التخصص بتاعه برا مستشفى الجامعة لأنه بيبدأ بعد الامتياز علطول مش محتاج يستنى سنة تكليف الأول و بعدين بقا يقدم على التخصص و يسجل الرغبات تبع مستشفيات وزارة الصحة زي ما قولت فوق ،
بس تاخد بالك ان نيابات الجامعة دي لأول ٢٠٠ ع الدفعة او ال ١٥٠ على حسب بياخدوا كام حد عندكم و على حسب احتياج مستشفى الجامعة، و برضه توزيع النيابات جوا مستشفى الجامعة بين ال ٢٠٠ او ال ١٥٠ الأوائل دول برضه على حسب الرغبة يعنى الأول ع الدفعة بيطلع يقول انا هاخد رمد و التاني مثلا يقول هاخد قلب و التالت و الرابع و الخامس يقولوا هناخد رمد و هما محتاجين ٤ بس رمد ، كدا مفيش أماكن تانى للرمد يعنى حتى لو انت ترتيبك السادس و عايز رمد مش هتلحق في نيابة الجامعة و تتضطر تاخد تخصص تانى و هكذا يعنى مش معنى انك من ال ١٥٠ الأوائل و هتاخد نيابة انك اكيد هتاخد الحاجة اللي انت عايزها لاء مفيش كدا الموضوع متوقف على الدرجات و الترتيب ع الدفعة و ميزة كمان نسيت اقولها فوق ان نيابة الجامعة زائد انها بتعلمك افضل تعليم بس مضغوطة طبعا مش مريحة فأنها بتلزم ان يكون جيشك سنة واحدة بالنسبة للبنين يعنى مش هيجيلك ظابط احتياطى اما لو ملكش نيابة جامعة عادى ممكن تاخد ظابط احتياطى ،

بالنسبة للجامعات الخاصة و الأهلية الجديدة اللي ملهاش مستشفى جامعة فأنتو مفيش نيابات جامعة عندكم سوء مرتب او لاء بس مهم انك تجيب درجات عشان برضه التخصصات برا نيابة الجامعة برضه بالدرجات ،

اي نعم فيه طرق و حاجات كتير تدوش فيما يخص طريقك بعد التخرج و سفر و حوارات كتير بس دي أهم نقاط يعنى لازم تعرفها كطالب اولى و ناس كتير بتدخل متعرفش الكلام دا و بيرجعوا يندمو انهم ما اهتموش بسنة اولى ولا اهتمو يجيبو درجات لأن حرفيا سنة اولى هيا اللي بتفرق فى الترتيب و اللي بيحجز ترتيب من سنة اولى خلاص الي حد ما هوا كدا ضمن نفسه لو فضل على نفس المستوى، فدي من الحاجات اللي انا نسيت اقولها لكم و المفروض تكونوا عارفينها من قبل دخول الكلية حتى ، لأن محدش بيتكلم عنها و معظم الناس متعرفش عنها حاجة ،

ربنا يوفقكم و يهون عليكم الأمور و دعواتكم 🙏

عموما انا ممكن الخص لك دا فى جملة واحدة و هيا :
أنك المذاكرة و المجهود هما اللي وصلوك للكلية و خلوك تبقى مميز ، فلازم تفضل تذاكر عشان تبقى شاطر فى المهنة و فى تخصصك و لازم تفضل تذاكر عشان تبقى الشخص دا ، يعنى هتفضل تذاكر علطول مفيش راحة

و اخيرا الطب مش صنعة هتتعلمها بنزولك المستشفى و الوقفة فى الاستقبال و تاخدلك غرزتين و صور حلوة و كدا ، لاء و لو كدا ملوش لازمة الدراسة فى الكلية خالص و اي حد يقدر بقا يمارس المهنة و ينزل يتعلمها كأنها صنعة و نبقى كلنا صنايعية مع احترامنا للصنايعية طبعا لأنهم متقنين شغلهم بالطريقة دي لكن احنا لاء ،

فلازم تذاكر و تتعلم و تفضل تتعلم و تذاكر و هكذا و تصبر ع التعليم لازم تصبر لأنك مش هتتعلم من اول مرة ولا تانى ولا عاشر مرة حتى ، لكن الاستمرارية هتوصلك فى النهاية و هتحس بالفرق لما بقى تكون عندك علم و نازل تطبق اللي اتعلمته مش نازل تبصمج الحالات

اللي يقدر يتبرع يعمل كدا حتى لو ١٠٠ج محوشها مثلا ،
بنية التوفيق فى الامتحانات و فى حياته عموما

...

لو حد من سنة اولى تايه ممكن يبدأ من هنا ،
لحد ما تتسهل و ربنا يإذن و نحدث المحتوي لأفضل من كدا .

فولو هنا يا شباب فضلا

https://www.instagram.com/grad_wear_?igsh=MW0wYWZsc2FkMGUwNw%3D%3D&utm_source=qr