السلام عليكم و رحمة الله و بركاته 🫶

عودة من جديد فى سلسلة بوستاتنا المتواضعة و اللي بتمنى تفيدكم ❤️

زي ما تكلمنا امبارح عن شوية البرامج اللي هتحتاجهم و قولنا من ضمنهم برنامج التليجرام اللي هوا اهمهم بلا منازع ، هنتكلم النهاردة بقا فى البوست دا عن شوية بوتات فى التليجرام مهمة و هتسهل عليك كتير .

❇️ قبل أي حاجة ادخل على الاعدادات و دور على حاجة اسمها ال chat folders و قسم التليجرام لمجلدات يبقى القنوات مجمعة لوحدها و الجروبات لوحدها و الشات البرايفت لوحده و البوتات لوحدها و هكذا عشان يبقى عندك الدنيا منظمة و مرتبة .

🔰 نبدأ بقا :

1⃣ بوتات تحويل لينكات يوتيوب لفيديوهات و دول كذا حاجة
- اولهم البوت دا @YtbDownBot ، و دا افضلهم و شغال علطول و دا بتبعتله اللينك سواء من يوتيوب أو الفيس بيبعتلك الفيديو فتقدر تحمله بسهولة جدا و مش بيستهلك نت خالص ، و بيبعتلك الفيديو بجودة كويسة علطول بس مش انت اللي بتختارها هوا اللي بيختار الجودة المناسبة أيا كان الحجم و يبعت .

- طيب لو عايز تختار الجودة المناسبة و الحجم المناسب لو باقتك ع الأد و عايز تحمل فيديو من اليوتيوب او تحوله لريكورد يبقى عليك بدول :
@YouTube_downloader_video_mp3_bot
@utube_xbot
@utuberabot

▪️دول لو هتحمل فيديو طب خليك عايز تحمل بلايلست على بعضها :
@YoutubePlaylistDLBot
@YTPlaylistRoBot
@urluploader_cbot
و بتقدر على فكرة تختار الجودة و الحجم المناسب ليك و تحمل فيديو ولا ريكورد

2⃣ لو عايز تضغط ريكورد حجمه كبير :
@audio_compressorbot
@m2vbot

3⃣ لو انت بقا معاك لينك لملف سواء فيديو او pdf او ايا يكن سواء كان لينك درايف أو لينك ميديا فاير أو Dropbox أو أي موقع تقدر تحمل من عليه مباشر ، بتبعت اللينك لواحد من دول و هوا بيبعتلك الملف دا ع التليجرام جاهز تقدر تحمله منه :
@uploadbot
@urluploadxbot
@urluploader_cbot
@AnyURLDLBot

طب لو اللينك كان من على ميجا تقدر تحمله بدول :
@MegaLinkDLbot
@otrMEGAbot

4⃣ لو عندك ملف مضغوط سوء بصيغة zip or rar و محتاج تفكه للملفات اللي جواه على اعتبار انك عايز تحمل حاجة بس معينة أو تبص على محتواه ، عندك دول :
@UnzipRobot
@unzip_edm115bot
@UnzipTGBot

5⃣ لو عايز تحول ملف ورد او باور بوينت او excel لصيغة pdf :
@Pptxtopdfbot
@jadikanpdfbot

6⃣ لو عايز تحول مجموعة صور إلى pdf :
@PhotaDFBot
@DD5BOT
@Img2PDFs_bot

7⃣ بوتات الترجمة الفورية :
@translato_rbot
@Dghj34bot
@TG_GoogleTranslatorbot

8⃣ بوتات شبيه chat gpt بس مش أفضل من الموقع نفسه :
@GPT4Telegrambot
@chat_gpt_robot
@JWGPT3_bot

9⃣ بوت حساب الجيميل ، بتسجل عليه بحسابك و بعدها بيبعتلك اى رسايل تجيلك ع الايميل:
@GmailBot

🔟 بوتات الرفع ، يعنى لو لينك لملف ولا حاجة و عايز ترفعه علطول على حسابك فى جوجل درايف أو حساب ميجا الخاص بيك من غير ما تحمله و بعدين ترفعه لاء هوا تبعت اللينك بتاعه للبوت و هوا يرفعهولك على حسابك .

- لو عايز ترفع على جوجل درايف :
@TheGdriveXBot

- لو عايز ترفع على ميجا
@MegaUploadXbot

1⃣1⃣ لو عايز تستخرج نص من صورة :
@text_extractor_bot
@TT4BOT

‼️ دول أغلب الحاجات اللي بشتغل بيها ، و لو فيه حاجة معينة عايزها أبقا اعملها سيرش على التليجرام.

و بكدا نكون وصلنا لنهاية موضوع النهاردة ، ما تنساش بقا الدعوة الحلوة و بالتوفيق للجميع 🥰.

زي مش بستخسر فيك وقتى ، انت كمان ما تكسلش تعمل شير و و السلام الختام 🤝

🔰 قناة سنة أولى:
https://t.me/Easy_Introduction
🔰 القناة العامة:
https://t.me/Medical_Data_Channel
🔰 الجروب للأسئلة :
https://t.me/+9OwpzHTIVKYzYThk

اللي داخل جديد يمشى ع الفهرس دا بالترتيب و هيفهم كل حاجة

ورق شرح دكتور أيمن خنفور اناتومى و امبريو

Channel updated 🌟🥳

🦚 Overview

الموديول دا أو بعض مواده لازم تبدأ بيهم في الكلية و طبعا و انتا لسه داخل الكلية و لسه مش فاهم حاجة و مش فاهم في المواد دي اي حاجة و احيانا هتكون بتفكر تسيب الكلية و غيره و غيره لأن كلنا مرينا بالفترة دي و عدت عادي لكن مش كان فيه قناة للداتا زي كدا و مش كنا عارفين نسمع مين أو كدا لكن انا هقولك علي الخلاصة :

1️⃣ Anatomy

❇️ Contents: intro , Skeletal system

هتبدأ بدكتور سامح تسمع معاه الدورة التمهيدية فى الاناتومى حتى لو لقيته ناقص عادى اسمعه بس ، و بعدها هتسمع بقا المقرر عليك من شرح دكتور وهدان او دكتور أيمن خنفور دول افضل اتنين شرحهم كامل و هتفهم منهم ان شاء الله و مش هيكون ناقصك حاجة تانية ، و اسماء الدكاترة الزيادة اللي بنضيفهم دا عشان يبقى معاك خيارات كتير لو حابب تجرب .

و المذاكرة المفروض هتذاكر بقا من مكان ما ترتاح يا من ورق كليتك ياما من ورق الدكتور و تزود عليه إضافات ورق الكلية عندك .

❇️ Embryology:

و دا الجزء التانى معاك من المادة و دا صعب شوية بصراحة محتاج يتفهم براحة و مش اي حد هيعرف يشرحهولك و يفهمهولك كويس زي ما انت عايز فأنا هقولك على طريقة حلوة :
فيه شوية فيديوهات قديمة جودتهم مش كويسة اوى لدكتور سامح غازى هما حوالى ٧ ساعات و تقدر تسرعهم بيرسم فيهم و بيعيد اكتر من مرة لحد ما تحفظ وراه من غير ما تحتاج تذاكر دا مبدئيا و بعدهم تقوم بقا داخل بقا على دكتور احمد فريد او أيمن خنفور تجيب معاهم بقا كدا درس بدرس و تذاكر بقا المعلومات و دي أحسن طريقة تفهمك و تحفظك .

2️⃣ Physiology

❇️ Contents:
Introduction and body fluids
Autonomic nervous system

هتسمع مين ؟ دكتور ناجي اسكندر الراجل دا عظيم لأبعد درجة و و حرفيا افضل حد شرح فسيولوجى أو دكتور محمد فايز شرح عظيم برضه .

و دكتور ناجى بيتسمع على ديجرامه الجامد جدا و هوا بيشرح على كتاب اسامه ابو النصر و ممكن تعتمد عليه كمصدر ليك ، أو أنك تطبع ديجرام دكتور ناجى و تسيب دهر الورقة فاضى عشان تزود فيه بخط ايدك الحاجات البسيطة اللي تتشرح عندك زيادة فى الكلية عشان يبقى معاك مصدرك الكامل ، و دكتور محمد فايز تسمعه بقا و تذاكر من ورق كليتك علطول .


3️⃣ Histology

❇️ Contents:1-Cytology
2- Epithelium
3-Connective tissue

نسمع مين ؟
دكتور إيمان نبيل شرح بالتفاصيل و رسوم و فيديوهات توضيحيه و شغل متعوب فيه جامد ، أو دكتور شيرين حامد شرح مختصر و وافى و كافى .

اللي هتسمعه منهم تذاكر بقا من ورقه أو عادى ممكن تعتمد مصدرك تذاكر منه علطول لأن الهستو مفهوش لخبطة ولا حاجة هتلاقى الكلام موحد و مفيش غير زيادات بسيطة خالص ، فممكن تسمع حد منهم و تذاكر من كتاب كليتك علطول عادى بشرط تكون فاتح الكتاب قدامك و انت بتسمع و ماشي معاهم جزئية بجزئية عشان بعد ما تخلص ما تحسش انك تايه .

🔺 ملحوظة : ال intro لدكتور إيمان نبيل مش مهمة اوى و عادى ممكن ما تلاقيهاش فى كتابك بس انت اسمعها كدا من غير مذاكرة عادى هيا اغلبها هيتشرحلك فى السكاشن و بداية المنهج الفعلية من ال cytology ، اما intro دكتور شيرين حامد فهيا مبسطة و سهلة خالص و وقتها قليل و برضه سماع بس


4️⃣ Biochemistry

❇️ Contents:
Carbohydrate chemistry
Lipid chemistry
Protein chemistry
Enzymes

دا البعبع بقا بتاع اول موديول فى سنة أولى و هيا مادة البايو و بصراحة صعبة شوية .

نسمع مين ؟ عليك بدكتور أنس الدهشان شرحه ممتاز جدا المشكلة ان الفيديوهات بتاعته عبارة عن ريكوردات على ورقه بس ممكن ما تبقاش أزمة بالنسبة ليك عادى ، يليه دكتور محمود الطويل شرح فيديوهات و المراجعة بتاعته جامدة جدا ، ثم دكتور ولاء سرحان شرح فيديوهات على سبورة و مختصر و كويس اوى .

لو هتسمع دكتور انس لازم تذاكر من تفريغاته و تزود عليها ، لو هتسمع دكتور محمود الطويل هتذاكر من كتابه و ممكن مش تحتاج تزود عليه حاجة اصلا .

و السلام الختام ❤️

🔰 قناة سنة أولى:
https://t.me/Easy_Introduction
🔰 القناة العامة:
https://t.me/Medical_Data_Channel
🔰 الجروب للأسئلة :
https://t.me/+9OwpzHTIVKYzYThk

فاضل تعرفوا هتذاكروا إزاى و كيفية التغلب على المشاكل اللي هتواجهكم فى البداية مع المذاكرة و اللي بتخلى بعضكم يتوه و يزهق و يمل و يفضل يتراكم عليه المنهج و ما يلحقش نفسه او إنه يقع ضحية لحد من الطلبة بتوع الكورسات اللي بيحبو يستغلوه فى فترة ضعفه دي ، ان شاء الله هنوضح كل حاجة و انت من دلوقت ابدأ حمل الداتا و رتبها بناءا على البوست اللي فوق دا و ما تنساش الشير الجميل عشان كل زمايلك يستفادو و شكرا 🥰

الناس اللى لسه داخلين جديد، يجيبو الفهرس دا من بدايته بالترتيب ورا بعضه عشان ما يحصلش توهان

السلام عليكم و رحمة الله و بركاته:

بالنسبة لموضوع طريقة المذاكرة :

🔸 بص مش هقولك تذاكر كام ساعة عشان تجيب امتياز ولا هقولك ذاكر بعينك أو بالورقة و القلم لأن دي أساليب مختلفة بينا كل واحد فينا و ليه اسلوبه فأنت شوف اي اسلوب ماشي معاك فى المذاكرة زي ما كنت فى الثانوي و كمل ، لكن الفكرة انك بتقرا الموضوع بفهم بس و مش بتمسك الصفحة تحفظها كأنها قرءان لاء ، بتقرأ قرءاة عامة بعد ما تكون فهمتها و تركز على حاجات معينة كدا اللي تحسها ممكن تيجى سؤال MCQ لأن معظم الإمتحان بيبقى mcq و الريتن بيبقى قليل و بتبقى حاجات سهلة و معروفة و الدكاترة بتأكد عليها.

🔻 يعنى إجمالا كدا المفروض إنك هتسمع المحاضرة لحد من الدكاترة زي ما رشحت و وضحت فى البوست دا بالتفصيل ، و بعد كدا تبدأ تذاكرها و معاك طريقة من اتنين عشان ما تلاقيش نفسك تايه و مشتت ، انت يا تذاكر من ورق الدكتور اللي بتسمع له و بعد ما تخلص وراه تشوف كتاب الكلية او ملفات الدكتور اللي بيشرح المادة عندك لو شوفته مزود حاجة هتكون بسيطة و تكتبها بأيدك على الورق و كدا معاك مصدرك الشامل الكامل و مش محتاج حاجة غيره أو أنك تسمع الداتا علطول و تذاكر من ورق كليتك من غير ما تبص فى غيره و دا برضه عادى لأن الداتا كدا كدا معظمها فيديوهات و يفضل تفتح المصدر اللي هتذاكر منه قدامك و انت بتسمع المحاضرة ،

- طيب لو انت لقيت عندك محاضرة زيادة مش موجودة فى الداتا ( و دا قليل ) هتقوم تبحث عنها يوتيوب و تسمعها و تذاكرها بنفس الطريقة ، طب لو لقيت عندك شابتر زيادة فى مادة او ترتيبة مواد الموديول عندك مش زي ما ع القناة ، انت تقدر تدخل ع القناة العامة اللي الفهرس بتاعها متقسم بطريقة المواد تختار المادة و تختار الدكتور و هتلاقى بوست طويل فيه كل شرحه متقسم شابترز و كل حاجة باللينك بتاعها .

⚠️ و بس الموضوع مش صعب ، اكيد لازم هتحس بتشتت و تعب و توهان فى الأول دا طبيعى جدا و كله مر بنفس المرحلة دي ما تقلقش و اسأل ناس معاك اكبر منك تعرفك إيه المهم للامتحان اكتر حاجة عشان تركز عليه و لازم يكون عندك ثقة بنفسك و قناعة بالشرح اللي معاك اللي هوا أفضل من اي كورس كل ميزته إنه هينظملك وقتك بس شرح و محتوى علمى مش الأفضل.

▪️ بالنسبة لموضوع الدكتور مسامح أو لاء ، مبدئيا انت كل المصادر اللي عندك ذاكر منها و ما تشغلش بالك كلها مفهاش مشكلة حتى لو لقيت حد تانى بيقولك مش مسامح ، لأن القنوات عامة و انا مش بنزل حاجة بدون رضى صاحبها و لو طلب منى امسح كتاب خاص بيه أو حاجة انا بمسحه ، فمش عشان حد قلك كلمتين تيجى تتعبنى انا و تقولى مسامح و مش مسامح و بتاع، و بالنسبة لكتاب فلان و فلان اللي هوا مش سامح بتداوله إلا بشرائه من المكتبة هقولك النوع دا انا بنزل الكتاب عشان حضرتك تاخد عنه فكرة عامة عشان تشوف حضرتك تنظيمه و الوان ولا لاء عشان تشوف هتشتريه ولا لاء، تروح انت تطبعه يبقى انت المسؤول مش انا عشان فيه ناس زمايلك من جامعات تانية الكتاب مش متوفر عنده عشان يشتريه فمضطر يطبعه ، و عموما زكاة العلم نشره ، و دي آخر مرة أوضح حاجة تخص الموضوع دا بالذات.

🚸 و أخيرا بالنسبة لموضوع الحضور دى حاجة ترجع لنظام كليتك ، بس اللي بيكون عليه غياب و بتحتاج تشوف فيه المكيروسكوب أو التجارب أو الشرح دا بيكون فى السكاشن و غير كدا المحاضرات انت كدا كدا مغطيها فى الداتا و بس ، و نأسف على الإطالة و السلام الختام ❤️

🔰 قناة سنة أولى:
https://t.me/Easy_Introduction
🔰 القناة العامة:
https://t.me/Medical_Data_Channel
🔰 الجروب للأسئلة :
https://t.me/+9OwpzHTIVKYzYThk

شباب احنا كدا تقريبا وضحنا كل حاجة تخص بداية طريقك فى الكلية ، أهم حاجة استعين بالله و لازم تدرك إن البداية هيا أصعب حاجة فى الطريق و الحاجات الصعبة عليك دلوقت هتيجى بعدين هتقول دى كانت حاجات تافهة جدا ،أهم حاجة استعين بالله و حافظ على حقوق ربنا عليك و بر والديك و مساعدة اصحابك بكل اللي تقدر عليه ، ما تبخلوش على بعض بحاجة و بس و اللي عايز حاجة يبقى يبعتلى و ربنا معاكم ❤️

و ان شاء الله مكملين معاك لحد ما تخلص الكلية و بعد الكلية كمان و الله الموفق

الداتا

السلام عليكم شباب 🫡

بالنسبة للناس اللي بتسأل على اسئلة للتدريب ، المفروض فيه جزء خاص بالأسئلة بيكون موجود فى فهرس كل مادة ع القنوات و غير كدا لو هتركز يبقى لازم تركز على اسئلة كتب القسم عندك فى جامعتك او اسئلة الدكتور اللي بيشرح المحاضرات او الإمتحانات التجريبية اللي بتكون على مدار الشرح .

🔰 دا تطبيق ابو بكر عليه اسئلة للتدريب
https://play.google.com/store/apps/details?id=asu.mcq


🔴 هنا بقا كويزات للمواد مقسمة أجزاء:

▪️Anatomy

General part 1
https://docs.google.com/forms/d/e/1FAIpQLScltA_fzd40SkZcJuwBS5vInSGYXMHghdbyYepcO6q7vGPsTw/viewform?usp=sf_link

General part 2
https://docs.google.com/forms/d/185q-HChzzkp_RThA9PTpIBAbbABANzKZvztJtTMuxUs/viewform?edit_requested=true

General embryology part I
https://docs.google.com/forms/d/e/1FAIpQLSdztCDPFR6N-q71K6KKhPactGialf4kRcLsUWvvNLvgv-_Smg/viewform

General embryology part II
https://docs.google.com/forms/d/e/1FAIpQLSf0kk-hMri_FOGKDVsh2qR35OhVeJ9SOkoROK4zWTIfYJcTKg/viewform

General Embryo part III
https://docs.google.com/forms/d/e/1FAIpQLScebeTWGUUss8ytcZKfjKSMVSHPGY4Lk4_G6s178iRSeaBrmw/viewform

▪️ Histology

Cytology Mcqs part I
https://docs.google.com/forms/d/e/1FAIpQLSdQZ4-Chh7ObS3FFi7I8vrY1NH14hvHJXZxOgXzyNCWXRLAUA/viewform

Cytology Mcqs Part II
https://docs.google.com/forms/d/e/1FAIpQLSd8Gwmm2Oe2XhAXFjG3jLSlTUzo0FsK6WRsTvz9ofcPYKZq5Q/viewform

Connective tissue MCQs
https://docs.google.com/forms/d/e/1FAIpQLSfxZXkLlAEAUkSRFNEHVo-4SEpd3YZHIna64gd6D8W57pt8aA/viewform

Epithelial tissue Mcqs part I
https://docs.google.com/forms/d/e/1FAIpQLSdH1dr7UGeRIZKGUdDWlb861ABe6-92d2yEHuJ5xSHWv5V3Eg/viewform

Epithelium MCQs part II & problems
https://docs.google.com/forms/d/e/1FAIpQLSd4p9bVuFQZNk055Ai3UdvA0vSFn1sHgOmA9pbYnVUNSvvPcQ/viewform

▪️ Physiology

General 1
https://docs.google.com/forms/d/e/1FAIpQLSfKoC4kZceiclxeVHe-BiaWaKIX0LjIUU2Z0G3HPNbQ68IOPg/viewform

General 2
https://docs.google.com/forms/d/e/1FAIpQLSeP4cRw4dyPi_CldBLrTEZxontWQWykh9Lxfzu_wYsDf-OJUQ/viewform

ANS part I
https://docs.google.com/forms/d/e/1FAIpQLSfGyuEyV65FgxM7SYgxoC_iZpfIq90KGBFqrNUEoEAmYYUHYw/viewform

ANS part II
https://docs.google.com/forms/d/e/1FAIpQLSeumfeQbS5bHaujcKhErs6rYfoZp2b3K-xJRyqMPmOfqwal1g/viewform

ANS Mcqs part III
https://docs.google.com/forms/d/e/1FAIpQLScT5VUOQoZQkP30wSyqpXEgskX603Ks1s4wuGGrXWNDEykmRQ/viewform

ANS part IV
https://docs.google.com/forms/d/e/1FAIpQLSc9lprTAJhGSSA1QkR-zoeVIW-c2qDugsSG446Po0YMaI5nMg/viewform

▪️ Biochemistry

Carbohydrate part1
https://docs.google.com/forms/d/1FndFkct800-FBHbXPQHV16manz1PQR9oB9A8D8NZItQ/viewform?edit_requested=true

Carbohydrate part 2
https://docs.google.com/forms/u/0/d/1SlL2wIcUVM2STn5-71lroOY_P0DhSei7CRLBYStTzMA/viewform?usp=sharing&edit_requested=true

Lipid Mcqs
https://docs.google.com/forms/u/0/d/1AC7ABQhuvSuqGHsnvoz8DrElmGCdFStIvTB-pDazyWc/viewform?usp=sharing&edit_requested=true

Enzymes MCQs
https://docs.google.com/forms/d/e/1FAIpQLSedQC93G4v9wlS-_n7784_Z0nT2b6TLRMi4MZDmojkfkXspBA/viewform


و تأكدوا انها شدة و هتزول و ربنا يهون عليكم الصعاب ❤️

🔰 قناة سنة أولى:
https://t.me/Easy_Introduction
🔰 القناة العامة:
https://t.me/Medical_Data_Channel
🔰 الجروب للأسئلة :
https://t.me/+9OwpzHTIVKYzYThk
🔰 بوت الوصول السريع للداتا :
https://t.me/Easy_Access_Bot

ميكرو و بارا
https://t.me/Easy_Biomedical_Module

المراجعات اللي تلم معاك الدنيا

قناة الباثو و الفارما

https://t.me/patho_pharma

قناة ال genetics

https://t.me/Easy_Genetics

السلام عليكم و رحمة الله و بركاته

جمعة مباركة عليكم يا شباب

دا شرح ال soft skills ( احد المواد الممتدة ) للزميل الدكتور عمر عبد العزيز جزاه الله خيرا ❤️

رابط pdf الشرح :

https://drive.google.com/drive/folders/1k-FXBku-x1C31wHZU-Ggv2JrD35JW984

رابط الplaylist:
https://www.youtube.com/watch?v=9ccEQdD__I4&list=PLWXCSgY1Um2fcEihu05uUKVWu9jUcC8lN

المحاضرات فيديوهات و ورق بينزلوا ع اللينكات دي

السلام عليكم و رحمة الله و بركاته 🫶

مرحبا بيكم يا دكاترة ، البوست دا موجه لدكاترة سنة أولى عشان قرب الإمتحانات و الزنقة اللي هما فيها و المنهج المتراكم.

المراجعات اللي فى البوستات اللي هتنزل دي ، ان شاء الله كافية تلم بيها اللي انت ما سمعتوش كشرح خالص و عايز تلم بيه المنهج أو تراجع بيها اللي سمعته و ذاكرته حتى من اول السنة و احتمال كبير تكون نسيته و محتاج تفتكره.

المراجعات مش طويلة و هتلملك الدنيا ان شاء الله و اختار اللي يعجبك منهم و اسمعه لأن فيه أكتر من حد فى البوست رتبتهم بناءا على الأفضلية فى الشرح و الوقت من وجهة نظرى لكن ممكن نختلف عادى فأنا حطيتلك كل المتاح و انت اختار .

اهم حاجة ركز دلوقت على تنظيم وقتك و ركز على المهم حساب نظامك ، و ركز على اسئلة كتب القسم و الإمتحانات السابقة و الاسئلة اللي الدكاترة بينزلوها فى المحاضرات او الكويزات او الفورماتيفز دول مهمين جدا جدا اهم من المذاكرة نفسها عشان تعدى و دا فى كل الجامعات مش جامعة معينة ،

و قلل التوتر و الضغط على نفسك و نظم وقتك كويس المرحلة الجاية و شوف المهم و اعمله الأول و ان شاء الله الامور تبقى بسيطة و كله يعدى و ينجح و يجيب تقدير و يبقى مبسوط و تأكد أن دى أصعب فترة عليك فى الكلية محتاجة تحمل و بعد كدا الموضوع هيبقى أهون.

دمتم بخير ❤️