هويتي وصورتك ،
كل سفر هنّة وياي
بوحدة اعبُر مُدن ،
والثانية أيامي.

من چانت سَراگي الباب ما تنلاح
حَبيتك يالمگذل ..

لابَيك جَيه وتجي
ولا بَيهه حيل انساك
ضلينه
بس بَالحلم
نتلاكه انة وياك

ماتلكه مَثلي يهدلك الحيل
نَعسان بس يسهرلَك الليل .

إنتَ ربحي
ولو رحت
هم تبقى ربحي
عيب أسميك الخسارة .

اعوف الناس كِلها وانتچي عليك .

يَا ترف يَا شيمة أهلك
ياحرز شايل حِرز
ياحلو ياصَنعة الله
اصفن بوجهك واسَافر
ترمش عيُونك وأَفز .

تعال بروحي ابدلك شلي بالروح .

اجيت وعندي ملگه
ينافس الچيلات
بس ردك البارد
موت اللهفة .

تجي نشرب چاي ونسمع هيثم يوسف
واكلك غير عيونك اني شعندي؟

اواسي الناس كلها
ومن يجيني الدور
أضمهن بالگلب
واتجه لفراشي

انه فصلت العُمر كُلّه على گدك .