چا والنَاس والوهَواس واثار البچي ونُوحَه !
ترى التعَبان مِن روحَه ما أظن تُبرد جروحه ! .

تجيِ لو ماتجيِ گضيِنهَ الأيامَ
وصرنهَ وياهو يدري شلونَ صرنهَ .

عِفت كِل الوجوه و رَكزت بيك.

وآنه حَاير بين أنسّى وبين أحِن .

كلشي بالدِنيا عكب عيونج غريب

خليني يَمك يا ضَوى ،
مَا احَب لحِظة بدَونك
مِن الدِنيا اني شحصَلت
أمّي وجمِال عيوَنك .

للراحل علي رشم

بروحك چم سمة وما غيّمت وياي
عليه تزخ عطش ومنشف السبعة
بگصايب ياحلم شديت روحك خيط
خيطك من يمر دخان ما گطعه
ثكلت بروحي جثة وما لكت جناز
وخيالك كمت أشوفه منين ما اضيعة
اليسافر للببجي يأخذ عيوني متاع
على جفني ولام جايه مخيطه الدمعه
اليفاركني شبر أبقه التفتلة سنين
وأتاني بيا جرح يا لجمة الترجعه

لـ عِلي رُشم