Ethio lyu lyu ኢትዩ ልዩ ልዩ

በመንገድ ትራንስፖርት ትራፊክ መቆጣጠሪያ ደንብ ቁጥር 395/2009 እርከን ሁለት (2) የጥፋት ዝርዝር ስር 21 የጥፋት አይነቶች ያሉ ሲሆን በየጥፋቱ አንድ (1) ነጥብ የሚመዘገብ ይሆናል፡፡

የጥፋት አይነቶቹም ከታች ተዘርዝረዋል፡-

1 ለእግረኛ ወይም ለተላላፊ ተሽከርካሪ ቅድሚያ ያልሰጠ፣
2 በጠባብ መንገድ ላይ ወይም በመታጠፊያ መንገድ በ12 ሜትር ውስጥ ተሽከርካሪ ያቆመ፣
3 በምድቡ የአሽከርከሪ ብቃት ማረጋገጫ ፈቃድ ኖሮት ከተፈቀደለት ደረጃ በላይ የሆነ ተሽከርከሪን ያሽከረከረ፣
4 በትራፊክ ደሴት ላይ ያሽከረከረ ወይም የመንገድ አከፋፋይ ደሴትን /መስመር/ በማቋረጥ ያሽከረከረ፣
5 ከተፈቀደለት ጊዜ በላይ የተበላሸ ተሽከርካሪን መንገድ ላይ ያቆመ ወይም አቁሞ የጠገነ፣
6 የሚታጠፍበትን አቅጣጫ ሳይዝ ወይም ደርቦ የታጠፋ፣
7 ሁለት መስመር ባለው መንገድ ላይ በቀኝ በኩል ተሽከርካሪ የቀደመ፣
8 ምልክት ሳያሳይ ተሽከርካሪ ያቆመ ወይም ከቆመበት ቦታ ያንቀሳቀሰ፣
9 ለአደጋ አገልግሎት ተሽከርካሪ ቅድሚያ ያልሰጠ፣
10 ወደ ማይሄድበት አቅጣጫ ምልክት ያሳየ፣
11 አፈር፣ አሸዋ፣ ድንጋይና ተመሳሳይ ነገሮችን የሚመለከተውን አካል ሳያስፈቅድ በተሽከርካሪ ወይም በእግረኛ መንገድ ላይ ያራገፈ አሽከርካሪ፣
12 ከሚገባው በላይ ጭስ እያጨሰ ወይም ዘይት ወይም ነዳጅ እያፈሰሰ የሚሄድ ተሽከርካሪን ያሽከረከረ፣
13 የአደጋ አገልግሎት ተሽከርካሪን የአደጋ አገልግሎት ስራ ላይ ሳይሆን አላአግባብ የተፈቀደለትን ድምጽና የአደጋ ምልክት መብራት በመጠቀም ያሽከረከረ ፣
14 ከ7 ዓመት በታች የሆነ ህፃንን ከአዋቂ ጋር ሳያስቀምጥ ወይም ለደህንነቱ ሲባል በተሰራው ማቀፊያ ውስጥ ሳያስቀምጥ ያሽከረከረ፣
15 በተሽከርካሪ የውጪ አካል ላይ ሰው የጫነ፣
16 አደጋ ሊያደርስ የሚችል ጭነትን ከሕዝብ ጋር የጫነ፣
17 በጭነት ተሽከርካሪ ውስጥ በሕግ ከተፈቀደለት ውጪ ሰውን ያሳፈረ፣
18 የመጫን አቅሙ እስከ 25 ሰው በሆነ ተሽከርካሪ ከ3 ሰው በላይ ትርፍ የጫነ፣
19 የመጫን አቅሙ ከ25 ሰው በላይ በሆነ ተሽከርካሪ ከ5 ሰው በላይ ትርፍ የጫነ፣
20 የትራፊክ ተቆጣጣሪ ትዕዛዝ ያልፈጸመ ወይም የተሳሳተ መረጃ የሰጠ ወይም እንዲቆም ሲታዘዝ በእንቢተኝነት ሳይቆም የሄደ፣
21 በተራፊ ጭነት ላይ ተገቢውን ምልክት ሳያደርግ ወይም በተሽከርካሪው ላይ የተጫነውን ጭነት በሚገባ ሳያስር ወይም ሳይሸፍን ያሽከረከረ፡፡

157 views11:30