ماليِ أرىَ لــون السماءِ تغيرَ
أوجاءَ عاشـوراء! إمَ ماذا جرىَ
أوفاطِمٌ نـَشرت قمِيص حُسينِهـاا!
أمْ صـار وجهُ العرشِ اشعثَ اغْـبـَرَ
مـال النجـومِ تلاطمـت بـِضيائهـاا
والدمـع مِن حـُور الجِنان تـَحدرَ

هذه الجانت تهابه المناير
مكطع واكصر من السيف صاير
الرمح كد ما افتر براس الحسين
وصل للكاعد يدور اعلى باله

جا ساقي العطاشه.يطيح
عطشان؟
وبصفه النهر
مولاتي ترضين؟
مابيها مجال اتقاسم وياك
واخذ
منكم بكد ما اهلي منطين
السهم اليلوحك كون
يخطيك ويتصوب
بصدري! براسي! بالعين!
وابوي
الوجع منه يشيله مولاي
وامي
صير حصتها النياشين
انه من ارد افكر جنا
وياك
يدك بابي المجدي اطيله
الفين
اذا يطلع وليده بايده
للموت
يا جنه اللي يفكر بيهه الحسين ..!!!!

ما طاحن جفوفك لا جذب هيهات
يرفضهة العقل مايهضم الفكرة
شلون تكطعن موهاي بيهة أشكال
اليحلف بي جذب جا بيمن يسطرة؟
لبدوا ورة الشجرة وضربوا الجفين
شنو تباوعٍ عليهم باقية الشجرة!
هو العنكبوت انقذ رسول اللّٰه
أدري العنكبوت أفضل من الشجرة؟
مرد الروس عدنة وهاي شيء معروف
اجة السجاد ردهن كلمن لنحرة
مرد جفوف ماكو شعِجب؟
مامعناه مامكطوع اساسا مو علم ذرة
دور صبع ابوه ورجعة السجاد
زين جفوف عمة شعجب ، شتفسرة؟
ما لحك؟ ، نساهن؟ ، كال لا بعدين؟
شنو تعاجز يروح يجيبهن؟ ، كفرة
لتثق بالرواة الراوي مو قرآن
ولازم تقتنع مو فقط بس تقرة هسّة
يجوز أصبعة نكول لاحة السيف مو
فرضة وشعيرة اليمنة واليسرة القمر
من ينثلم ، واضح يكشفة الليل
وقمر هاشم قمر لتشكك ب بدرة
اذا راسة أنثلم وجفوفة ما معناه
يصير هلال أذن مو قمر للعترة
سفينة على الحسين نكول صح لولا؟
سفينة وللنجاة يابشرة البشرة
مجاذيف السفينة جفوف ساقي الماي
اذا يتكطعن تبحر على القدرة ؟
مو من فاطمة ،
بس من علي الكرار
ولو ربك عمرهة مخلي بي فترة
ورة المحسن ترس جاجابتة الزهره

نوزع ماي واحنه حسابنه وي الماي
نصبنالك مواكب يلتدور فياي

عند سماع معسكر عمر ابن سعد
بوجود العباس ابن علي (ع) بمعسكر الحسين هرب الجيش وهرب أحد القاده الى عمر ابن سعد
قائلا سيدي :
مو بس اني حتى النخله شردها
مو جندي الدخل للحرب قائدها
وصل للعلكمي وبهيده يترس ماي
مثل اليقره بل ايه ويجودها
اذا عندك جنود ، امر وجندها
هاي جيوشك العباس هددها
مثل ما يحصد الفلاح زرع الكاع
الكتيبه الحمره كلها اليوم يحصدها
نعد نجم السمه اسهل علينا هواي
بس الموته ما نكدر نعددها
توسط جيشنه وصيح بحركه هناك
لا عبالكم زينب لوحدها
كلي عناد لتخلونه يترس ماي .
بزريه علي ياهو اليعاندها
مثل ميكود واحد جف الاعمه بليل !
القاده من الشوارب هيج كايدها
طشر جيشنه لمن برز عباس
مثل البيده جامه وللارض هدها

تعال امسح ادموعك وارسم افراح
على اعيونك وخدك والشفايف

ومعليك بحزن ذيج المواضيع
وراح اختارلك احلا السوالف

واعرفني وبعد لا تعرف الناس
وانه وياك انساها الطوايف

ومعلينه بعد بالرايح وجاي
ومعلينه ولو بس ابقه خايف

اخاف اعليك من عين اليحسدوك
ومن اعيون تجار العواطف

والتفخيخي خايف لا يمر بيك
وخايف لا تمر بحزام ناسف

يا بو اشراع الترف يمهجج الريح
اضمك وين من عين العواصف

تعال بروحي ابدلك شلي بالروح
اجازف بيه وبيك وما اجازف

اشكد شايف عشك واحبابنه هواي
بس مثلك عشك صدك مشايف

درب تفكيري كثره البيه يمرون
ولكيتك بالدرب بس انت واكف

وشغلت الفكر كله وصرت موضوع
وانت بهل الامر ما انته عارف

وكلت لل روح احبك والكلب كال
ما كو اشكال عدنه وما يخالف

وانه الصادك بحبك واحلفت بيك
بطولك بالوجه بالعشك حالف

وميلادك محبتك صارت اليوم
يضل كل يوم ميلادك يصادف

يابو نضرة التكتل انت معذور
اذا تكتل بشر لتكول اسف

سر بيك وعجيب وثكلك البيك
عليك من الجمال هواي ضايف

نهر حسنك يروي اوجوه الاحزان
خذن منه اشكثر ما صار ناشف

الغبشه عيون وجهك طلعتك خير
المشرق شوفتك والوكت كاشف

لحن صوتك لحن كل العصافير
وميعزفه ابد هيهات عازف

وجرح البيك جن جرح الرياحين
كل ما تنلجم بالعطر نازف

وكلبك طين حري وشيمته الكاع
وشايل طيب كل ذيج الصرايف

ومثل كلبك كلبنه وشوفنه اشلون
نضحي بكلشي الك لمن نوالف

يا نايحه إعله أمچ تعالي
و گلّيلها أشتردين حالي
✥ ✥ ✥
يا ناعيه شعندچ نواعي
گليلها إتريضي بوداعي
يالروحتچ ما إلها داعي
بجفاچ دمي إعليچ هالي
✥ ✥ ✥
يا طارشه لصوب المنيه
يا رايحه أو ما بيچ جيه
تعطلين بس هاي المسيه
وطروشنه إعله الموت تالي
✥ ✥ ✥
يا ماشيه خَلي أشتكيلچ
بجفاچ ما ينطاگ ليلچ
لو چان ترديني أجيلچ
يأم حسن يمي إشبگالي

✥ ✥ ✥
لا لامه أفراشچ وأشيله
مفروش وتسيرين ليله
ياريتها الگعده طويله
وتطول ساعات اليالي
✥ ✥ ✥
يرويحتي أو يا نظر شوفي
مجروح گلبي أوياچ روفي
وإنچان ما تردين عوفي
خليچ بس يرتاح بالي
✥ ✥ ✥
مديت طولي أوياچ وافي
ولفيت راسي بالچفافي
تلوليلي يأم صوت دافي
وبچفوفچ يبن دلالي
✥ ✥ ✥
فزيت و فراشچ لگيته
مديور لاچن عدليته
بي ريحتچ و توسديته
شميتها ومدري شجرالي
✥ ✥ ✥
محمد الحسيني

بعد مثل الحواجب كلمن العين
نبت حدر الضلع ريش الملامة
مسكين الندى يعوف البساتين
بوردها وجاي متعنيله جامة
نار يروحلك طير المراسيل
ويجي من بروتك موش بسلامة
الحمامة التوصلك لو عندك احساس
تجيني تسابك جناح الحمامة
كلبي يسولف بصدر المكاتيب
وبصبعي يطبعن سنون الندامة
بصابيعي العلامة تريدني انساك
خاف اكتبلك تكضني العلامة
كلت محتاجلك بس تدري الفلوس
فدوة تروح لدموع اليتامة
وعذرتك خاف ربك يعذر الناس
وشوفك جايني بيوم القيامة
كسرت خاطري من تنجبر عيب
الكبر عد خاله شيردة العمامة
شفت نيتك ظهر جدر المعازيب
وكلت ما اصير فوك الليل شامة
وعرفت الحب كتل من شفت صياد
يغمز يالله يطلعن سهامة
حمل كربك وبعدك بس يبو عيون
بثكل الحمل ونستها النشامة
ل حسن فرحان

عندي ورده صغيره كلش
بين شدات الورد
ترضى احطها بمزهريتك ؟

ردت اغليك وخسرتَك
شجابني ويمَك اجيت
شكَد نصحتك لا تروح
شچنت تسمَع مِن حجيت
المثلي ما ينعاف ساعه
بكُل رساله تشوف احِبك
عَلى ياهيَ الـ نسيت

بجيتك
يا نبع يا طيش يمرجف سراكي البوب
بجيتك
والدمع تيزاب يكشط بلجلد ويذوب
واجيتك
بس خفت تندار لو جيتك
ودعيت الله يعثرني كبل لا اوصل دروبك
وأتذكر ايام الطيش
أيام الجانن محليات عمري بشوفة
اسلوبك
يلملعب الدنيا وياك من تلعب
هاي اخر محطة وبيها ننزل راح
وهذا اخر وداع
ومنها ما ارتاح

تعال العين الك تبره

ظلام وطلعتك گمره

جنت اكلك لا تجيني
وتمشي كل هاي المسافة
انا وحدي جان اجيتك
يا حزن وحياة حزنك ما عرفتك
جنك مغير مشيتك
حاط ريحة رخيصة كلش
يا رخيص
شكد بجيتك

خذني يمك بعد ما ظل كل عذر لا تعتذر

خذني يمك كبل لا ينحط صفر يم الصفر