قميصَك والتتن..
والزلف مـن يعرَگ
حِلم تالي الوسن .. غرگان
سوالفنه الصفت ذكرى
طفل مرسُوم
بخيال العوَاجر
والعمر خلصَان
يرَايح والحزن صُوبين
وحدي برحلة النسيَان

فرشولِي ريش ومَانمت
بَس يمك اغفه اعله الجَمر

_

تخوفنِي فِكرة مِن أفز ما الگاك .

دَفيت بيّا حِضن و انطيت بيه

والله اتمنى اجرَب نومة الليل
ومثل باقِي البشر يرتاح بالي
لا گادر واغير واقع الحَال
ولا گادر اصيرن لا ابالي
ويگولون الوكت مقسُوم نصين
نهار وليل شو كلهن ليالي
بلا زحمَة الزمان شعنده ويَاي
شنو الباقين حنضل وانا حَالي
لا كاتلي سيد لا خنت جَار
ولا رديت محتَاج من اجالي
من كثر الشَلتهن فوك المتُون
وصلت لمرحَلة اتعب من خيالي
الي تصير الدمُوع افراج مسجُون
ثبت بَس الدمع صَاحب مثالي
عجيبة الناس تحسدني اعلى يا حَال
وانا الما كاض ربحِي ولا حلالي

أذا دفنونِي اسولِف بيك للميتين
ديواَن بمحبتَك انصَب هناك .

تعَال هسه

چًنت أباوِعلك إذا ذكروا وَطن مابي أمان .

الهوَى يلتم عليه مِنين ما ذكرُوك

عَدها عيُون بوية يغمن اليل
يسطرن والتخزره يصِير تمثَال
تخِيل ..
ناعسَات
وسود
وگبار
وأكو نظرَات عدها تسوي زلزَال ..

أحس الشِعر عگبك مَاله داعِي
مو مَالت شِعر مالت نوَاعي .

_

ناسيك بَس بالحَچي والله أني مو كَدها .

منو انتَ وعليك ابچي بَـ توالِي الليل !