وممكن تخش من الرابط ده علطول
https://www.headandneckconference.co.uk/
عرفونى اشتغل معاكم ولا لا

مساء الخير
مين اللى شاف ولو اجزاء من المؤتمر اللى رفعناه قبل العيد
https://t.me/ENTpractice/789
لو شفت اعمل صح ولو مشوفتش شوف وتستفيد إن شاء الله وبعدين اعمل صح 👍

بنفكركم بالويبينار بتاع بكرة إن شاء الله للى يعرف يحضر من ٧-٨ مساءا إن شاء الله
How to get started with endoscopic ear surgery
ده رابط التسجيل للى عاوز يحضر
https://insights.karlstorz.com/webmail/934323/695795571/1aa636012b0babb42f73d2b0d836fbd8dd9895367d8df5b6a7fcf9c3adef0ec3

السلام عليكم ورحمة الله
مين عنده حساب على بنك المعرفة المصرى اتواصل معاه نجرب حاجة مفيدة إن شاء الله
انا عملتها من حسابى بس عاوز اتاكد أنها reproducible
يكتب هنا وانا هبعتله

صباح الخير
🌸🌺🌷
جمعتكم مباركة ودعواتنا لأهلنا في فلسطين والسودان
نذكر أنفسنا وإياكم بقراءة سورة الكهف وكثرة الصلاة والسلام على سيدنا محمد
🌸🌺🌷

السلام عليكم ورحمة الله وبركاته
أخى وحبيبى د. أحمد الجنيدى مشكورا جزاه الله خير الجزاء دلنا على الكورس ده
anterior, anterolateral & lateral skull base surgery on fresh frozen cadaver
اللى هيتعمل ان شاء الله يوم 30-6 ومتاح التسجيل ليه وحضوره اون لاين
وده رابط التسجيل
https://entrain.live/login
وجزء من جمال الكورس انه بعد التسجيل له هتخش تحت
If Already Registered? Click Here
هيدخلك على منصة فيها كتب جميلة هنرفعها هنا برده لتعم الفائدة و كمان Previous Year Panel Discussion & Instructional Session
خشوا وشوفوها هتلاقوا حاجات جميلة ان شاء الله

السلام عليكم ورحمة الله وبركاته
لو حابين تعرفوا طريقة ومزايا الدخول على incision academy لو مصرى من غير ما تكون فى الزمالة أو ايميل جامعة عرفونى ونعمل منشور عنها لعرض مزاياها الكتير ولتعم الفائدة وكله يستفيد ( ملحوظة بعت ليهم ايميل لطلب فتح الدخول لكل HINARI A and B countries ومنتظر الرد فلو وافقوا هعرفكم إن شاء الله)

السلام عليكم ورحمة الله
بنتابع معاكم يا شباب مين اللى سجل على Docmatter وفتح معاه عادى ومين اللى معرفش يسجل أو عنده مشكلة يعرفنا ونحاول نساعد إن شاء الله
https://t.me/ENTpractice/825

فى الفترة الأخيرة المنشورات بتوصل لعدد قليل من المشتركين فى القناة والجروب فلو المحتوى بيظهر لك عرفنا ولو بصح 👍

السلام عليكم ورحمة الله
بنرحب بكل الزملاء الاعزاء اللى انضموا مؤخرا للقناة والجروب وبنقول ليهم نورتونا وللى ميعرفش ده رابط الجروب الملحق بالقناة
https://t.me/+XWpunXPO3GpiZWNk
وده رابط الدعوة للقناة لو حابب تضيف حد ينورنا
https://t.me/ENTpractice
هتلاقوا فى المنشورات المثبتة بعض التجميعات لبعض المصادر اللى رفعناها على القناة ( للأمانة مش متحدثة كلها فلو حد يحب يساعد بأنه يجمع الحاجات اللى شبه بعض مع بعضها لتسهيل الوصول إليها يبقى جزاه الله خيرا)
وفى النهاية يا ريت دايما اللى عنده مصدر أو حاجة ممكن تساعد ميترددش ويرفعها على الجروب وإن شاء الله لك ثواب نشر العلم
( لو بتظهر لك المنشورات يا ريت تعرفنا حتى ولو بصح 👍)

السلام عليكم ورحمة الله وبركاته،

لا تنسونا من صالح دعائكم.

Incision Academy دي منصة للتعليم الجراحي في التخصصات المختلفة. دوراتها معتمدة من الكلية الملكية للجراحين. هنتكلم الأول عن مزاياها وبعدين إزاي تخش عليها مجانًا لو انت مصري
(لحد ما يردوا علينا بخصوص السماح للدول اللي في HINARI category A and B).

فيها مزايا كتير جدًا، هنحاول نذكر بعضها الخاص بالأنف والأذن:

أول حاجة، فيه قسم للـ anatomy 3D model، تلف فيه براحتك وتشيل الـ structures وتبص إيه اللي وراها علشان يبقى تخيلك للـ anatomy أوضح.
ثاني حاجة، دوراتهم هتضغط على courses وتخلي اللغة EN بس، وبعدين filter وتختار في discipline تختار head and neck surgery. هتلاقي حتى الآن 79 دورة من أول:
examination
Ear
Nose
Throat
Neck
Thyroid
تعليم الـ basic surgical skills من أول الخياطة والتعقيم وغيرها كتير (لو هتتلبخ، هاتها من collections فوق).
بعض العمليات الخاصة بالأنف والأذن زي:
tracheal access surgeries
mastoid
laryngectomy
neck dissection
submandibulectomy
parotidectomy
(ملحوظة: كل شوية بيضيفوا حاجات جديدة).
إزاي بقى تخش عليها؟ مش لازم تبقى في الزمالة أو الجامعة علشان تقدر تخش على Incision Academy. ممكن تخش عليها عن طريق بنك المعرفة المصري. تخش على الرابط ده:
https://my.incision.care/login

هتلاقي تحت خالص log in with EKB، هتضغط عليه وتدخل بيانات حساب بنك المعرفة المصري بتاعك، هيدخلك على الموقع. ولو لسه معندكش حساب على بنك المعرفة، ممكن تعمل حساب مجانًا من هنا:
https://www.ekb.eg/ar/register

اختار (القراء) ودخل بياناتك وهيتعمل لك حساب تقدر من خلاله تستفيد من المزايا الكتير اللي بيقدمها بنك المعرفة.

لو عرفت تدخل، عرفنا وفرحنا. ولو فيه مشكلة، عرفنا ونحاول نساعد. We are more than happy to help.
لو بتوصلك المنشورات عرفنا حتى ولو بصح 👍
#علم_ينتفع_به
#ومن_أحياها

السلام عليكم ورحمة الله وبركاته
ازيكم يا دكاترة
يا رب تكونوا دايما بكل خير وسلامة
مين معانا زمالة مصرية علشان فيه فرص وحاجات كتير مفتوحة على المنصة التعليمية بتاعتها فلو تعرفها عرفنا فى التعليقات ولو مهتم عرفنا ولو حد من الزملاء يعرف المسئول عن المنصة علشان نتواصل معاه نكون شاكرين

السلام عليكم ورحمة الله
بتابع معاكم اعرفكم بالرد
بخصوص editorial fellowship المقدمة من JAMA otolaryngology كنت بعت ليهم ايميل اتاكد هل مفتوحة لل international otolaryngologists ولا لا ردوا عليا النهاردة أنها حاليا مفتوحة للى فى أمريكا وكندا لأسباب من ضمنها in-person participation ولو فتحوها بعد كده هيبعتولى واعرفكم إن شاء الله
https://t.me/ENTpractice/822