من إحدى منشوراتى على حسابى الشخصي على الفيسبوك بصوا على الصورة اللى فوق وبعدين اقرأوا المنشور وهحط رد أخويا دكتور أيمن رضوان بخصوص النقاط الهامة الخاصة بالجزء الباطنى اللى محتاجين نعرفه فى النقطة دى فى التعليقات
.......
من مناقشاتى مع أخى أيمن عبد العزيز علمنى
Four quadrant method of clinical reasoning by Dr. Ayman Radwan

1- Most common to consider first
لما نيجى نفكر لازم اول حاجة تيجى فى بالنا هى most common
2- Most serious to exclude first
ولازم لو فيه حاجة خطيرة نستبعدها ضرورى علشان ده بيبفرق فى مسار المريض
3- less common to consider later
وبعدين نفكر ايه الأسباب الأخرى الأقل شيوعا اللى ممكن تعمل الصورة دى
4- Marginal complexity to consider if reasonable doubt of two or more conditions is found
لو عندنا شك منطقى أنه ممكن يبقى layered diagnosis بتشخيصين أو أكثر
.........
كتير بطبق الطريقة دى وبتخدمنى جدا فى تقييم مرضى الصداع والدوار و اضطرابات التنفس أثناء النوم فى الأطفال بالإضافة إلى شكاوى الأنف والاذن والحنجرة العادية زى ما اتكلمت فى منشور(مبحبش سياسة إطفاء الحرائق)
......
المرة دى هنستكمل على المثال اللى اتكلمنا عليه فى حالة ال hyperthyroidism اللى بدأت carbimazole و جالها sore throat زى ما الزملاء الكرام قالوا بنخاف من agranulocytosis
-محتاجين نعرف الاول ايه هى agranulocytosis ؟
-هل لازم يبقى المريض فى أول فترة العلاج؟ ولا طول ما هو بياخد العلاج تظل الفرصة قائمة؟
-هل لازم تبقى sore throat ؟ يعنى لو جه ب sinusitis أو أى other infection هنعامله برده كده ولا لا؟
- الخطأ اللى بعض الأطباء بيعمله أنه بعد ما يعمل صورة الدم وكله سليم و sore throat مش مرتبطة ب carbimazole related agranulocytosis and bone marrow failure للاسف يقول للعيان وقف الدوا احتياطى!
- هل الموضوع ده مع carbimazole ولا فى أدوية تانية ممكن تسببه محتاجين نخلى بالنا من بعضها علشان بيجيلنا مرضاهم كتير؟

لو حاببين ابقى اكمل على فترات بمنشورات تعميقية فى نقطة واحدة ونحللها كده عرفونى ....لو حاسين إن الدنيا تقيلة او مش حابين انى ارفع الحاجات اللى زى كده هنا خالص وارجع اكتفى بصفحتى على الفيسبوك لهذا النوع من المناقشات عرفونى برده.
كل عام وأنتم بخير

أحيانا وانت بتتكلم مع العيان ممكن تحس أنه متردد فى قبول النصيحة الطبية اللى بتقدمهاله.
هنا ولو طبقنا مبدأ حسن الظن محتاجين نرجع خطوة لورا ونشوف ايه تصوره اصلا ومخاوفه وتوقعاته ونرد عليها
وهو ما يسمى
Break the ICE
I - ideas
C - concerns
E- expectations
......
وانت بتتكلم مع المريض أحيانا تصوره ومخاوفه بيبقى مختلف عن اللى فى بالك فبدل ما تبقى بتتكلم فى وادى والعيان فى وادى تانى استخدم طريقة ICE علشان تشوف منظور المريض وتشوف هو شايف الأمور ازاى وترد على تخوفاته وتشوف توقعاته

هتفرق كتير معاك ومع المريض
......
هضرب لك مثال بسيط للتوضيح
طفلة جاية مع والدها عندها التهاب شديد فى الاذن الوسطى على الناحيتين والتهاب بالانف والجيوب الأنفية والتهاب باللوزتين والدنيا قافلة خالص بس ما أثار اهتمام هو حجم الطفلة ....حجمها اصغر من سنها كتير
......
وزى ما اتكلمنا فى منشور ( مبحبش سياسة إطفاء الحرائق)
بالتاريخ المرضى والفحص الطبي البنت حتى قبل ما تتعب الدور ده بتشخر وهى نائمة وتفتح بقها بل وتوصل أنها بيجيلها نوبات توقف التنفس اثناء النوم...
البنت دى بتبذل طاقة كبيرة علشان بس تاخد نفسها وهى نائمة......فيقول للاب أننا محتاجين بعد ما دور الالتهاب يعدى نجهز التقييم لعمل عملية اللوز والحمية ....فحسيته متردد ..فبالسؤال ...طلع عنده تخوف من التخدير فى السن ده ...فبطمنه وأنه ده السن المعتاد ( عندها ٤ سنوات) وانه حتى لو أصغر بس طالما الأعراض كده محتاجين نعملها...فذكر حادثة ليس لى علم بتفاصيلها وقتها بخصوص تخدير طفل لعملية أخرى لتخصص آخر ...
فذكرتله المثال اللى الأستاذ الدكتور Dr David McIntosh بيذكره كتير ...تصور لو حد بييجى كل يوم بالليل يخنق البنت وهى نائمة هل هيبقى عادى بالنسبالك وتقول تاخد دوا أو أما تكبر هتتحسن؟ فقال لى لا صراحة. قولتله هو ده نفس اللى بيحصل بس من داخل مجرى التنفس
......
الخلاصة: حتى تبرئ ذمتك أمام الله وتبقى وصلت اللى عندك محتاج تشوف الشخص اللى قدامك شايف الأمر من ناحية ايه ....وده جزء من معنى informed consent مثلا انك تبقى مفهمه احنا بنعمل التدخل ده ليه وهل ليه بدائل أخرى سواء جراحية أو دوائية وليه بنوصى بده على دول ...
وقابل للتطبيق في باقى الجوانب سواء الجراحية منها أو الاختيارات العلاجية
#من_حالات_عيادة_ENT

2025 الكتاب المميز جدا

الكتاب المنتظر hazarika 5th ed
قريبا علي الجروب بإذن الله

Fish bone foreign body

عيان وهو بياكل سمك حس بشكة شوكة فى حلقه والشكة مكملة بيشرب مية مبيتروحش بعد فترة زى العادى مبيحصل معانا .... لأ ده كمان قادر يحدد أنهى جانب بالظبط اللى فيه الشكة
......
هنا عندى نصيحتين الاولى للمريض والثانية لشباب أطباء الأنف والاذن والحنجرة
نصيحتى للمريض:
لو سمحت متحاولش لا تاكل قطن ولا عيش ولا تحاول تحط صباعك ترجع ولا حاجة من الكلام ده كله... ...توجه لأقرب مكان فيه خدمة أنف وأذن طوارئ متاحة ....انا عارف أنه احساس صعب...بس الحاجات دى ممكن تضر وتخلى الجزء البارز من الشوكة بتاعة السمكة يتكسر فيتبقى بس الجزء المدفون فده بيصعب استخراجه.
بالنسبة لشباب الأنف والاذن:
اسأل المريض هيساعدك ال pharynx has good sensory localization يعنى هيقولك بتشكنى هنا ويشاور على ناحية فوق او تحت. اشهر الاماكن اللى بتبقى فيها اللوزة نفسها و بعدين ال base of tongue و vallecula ثم pyriform
......
يعنى مش معنى انها مش فوق ومش شايفها ب tongue depressor تبقى نزلت وشكت وده باقى أثرها .... محتاجين نستبعد انها مش تحت خصوصاً لو فيه strong history and good localization
.......
فلو مش عندك الخدمة فى المستشفى حوله لمستشفى أو مكان يقيم باقى الاماكن ويستخرجها إن وجدت علشان ميحصلش مضافعات لاقدر الله
.....
هنا عندى تعقيب ويا حبذا لو معانا على الصفحة أطباء أشعة...فى المعتاد الأشعة x ray مش بتبين fish bone بس هل فيه تفصيل حسب نوع السمك ولا ممكن تعملوا modification يزود ال diagnostic yeild
.....لو التاريخ المرضي قوى وملقيناهاش بالمنظار هنحتاج نعمل CT
#من_حالات_عيادة_ENT

خلى ال red flags دى معاك لحين لما نبقى نتكلم فى التفاصيل بأمثلة لسة حاصلة النهاردة إن كتب لنا الله لنا العمر بعدين ....بس ضرورى متهملش حاجة صارخة زى دول وتقول ده صداع هيكون إيه يعنى ....لا بعد الشر بيكون حاجة كتير ....عندنا red, yellow and green flags of headache
مبدأيا لو ثبتنا دول هتبقى بداية كويسة نبنى عليها ونخش فى تفاصيلها وكمان ازاى الاطفال مختلفين فيها عن الكبار وهكذا

كل عام وانتم بكل خير
رمضان مبارك 🌷🌹

زمايلنا الكرام
مبارك عليكم الشهر الفضيل
نقطة مهمة تكرر التنبيه عليها لكن من باب "وذكر"
مينفعش يبقى الفيصل فى أننا نعمل عملية اللوز من عدمه تحليل الميكروب السبحى وأننا نخوف العيان ...احسن تنزل على قلب الواد أو رجليه أو ما شابه...الحمى الروماتيزمية ليها خصائص لتشخيصها ...وأسباب أننا نعمل اللوز للطفل مش من ضمنها إن دكتور طلب تحليل ASOT وطلع عالى فنلحق
نعملها للواد.
ده انا من سنة ونص تقريبا كنت عملت لقاء حوالي ساعة ونص مع أستاذى الدكتور طارق عبد الفتاح عن مفاهيم مغلوطة عن اللوز واللحمية وافردنا للنقطة دى بالتحديد نقاش مفصل.
لو حد لسه متابع جديد او مكانش شاف اللقاء وحابب نعيد نشره عرفونى فى التعليقات
ومتنسوش تشاركوا المنشور مع اللى ممكن يستفيد

بفكر اعمل لايف صغير النهاردة الساعة عشرة اتكلم عن مفهوم evidence based practice والتصور الغير منضبط ليه وفكرة واقتراح بخصوصه فى تخصصنا.
مين مهتم؟