السلام عليكم
حبيت نفيدكم بشيء اني شخصيا استفدت منه هلبا
في برنامج مخصص للاندرويد فقط يلي هو Find Device او العثور على جهازي عبارة عن برنامج من تطوير شركة قوقل نفسها(امن100٪) في حالة لا قدر الله راح منك التلفون او انخنب تقدر تفورم تلفونك وانت في مكانك في الحوش باستخدام تلفون تاني حتى ولو تلفونك مثلا الخناب مشي بعيد زي امريكيا والخ... وتقدر تفورمه وميقعد فيه شي باش ميصيرلكش عملية ابتزاز
طريقة الاستخدام: اول شي تنزل البرنامج في تلفونك وتكتب البريد الالكتروني ورمزك وحيطلعلك قائمة فيها تلفوناتك ومنهم الجهاز الرئيسي يلي خاش بيه
البرنامج هذا فيه3خيارات زي ما موضحة بالصورة
الخيار الاول: هو مثلا لو كنت شاك ان التلفون ضاع منك في الحوش او القاعة بمجرد ماترص على تشغيل الصوت حيدير صوت قوي ومتكرر باش تزبط تلفونك وين وتقعد تدور فيه وباذن الله حتلقاه كان قريب منك مع العلم تقدر تكرر الامر اكتر من مرة
الخيار الثاني: هو عبارة على انك تسكر التلفون وميقدرش يخشله بكل الا لين تكتب رمز التلفون يلي مدايره باش يخش(نفس نظام الايكلاود تقريبا) تقدر تكتب ملاحظة ورقم تلفونك في حال ان تلفون ضاع منك وكان عند ولد او بنت حلال ويقدرو يتواصلو