زملائنا الاعزاء نشوفكم اليوم ب٤ العصر ان شاء الله في مستشفى الصدر للحديث حول
Most common mistakes in emergency department
مع الزملاء المقيمين الدوريين
والخريجين الجدد او الستاجير اذا يحبون يحضرون هله بيهم

الفعالية برعاية نقابة الاطباء النجف

تسجيل ندوة اليوم

زملائنا المقيمين الدوريين والخريجين الاعزاء راح نسولف في ندوة نقاشية حول
Analgesia in emergency department
في يوم الاحد ساعة ٤ عصرا في مستشفى الصدر
نشوفكم ان شاء الله

تهديكم منصة MediScore أطيب التحيات، وتزف إليكم بشرى انطلاق:

🎉 تطبيق MediScore🎉

🔹أولُ منصةٍ تعليميةٍ إلكترونيةٍ طبيةٍ تخدم شريحة الأطباء المقيمين المقبلين على امتحانات البورد (التنافسي والبرايمري والفاينل).
🔹توفر لكم المنصة الكتب المعتمدة في امتحانات البورد العراقي والعربي بشكل اختبارات الكترونية تسهل عليكم دراسة المادة ومراجعتها بطريقة تفاعلية وسلسة.

التطبيق متوفر على:
🔹 أجهزة iOS📱
🔹 أجهزة Android📱
🔹 أجهزة اللابتوب 💻

🔴 استغل عرض الافتتاح واحصل على تخفيض 50%.

لتثبيت التطبيق أضغط هنا ⬇️
https://mediscoreplatform.com/?pswutlzoq=install
——————————————
الاختصاصات المتوفرة حالياً:
🔴 الطب البشري: 🥼
1.الجراحة العامة 🩺
2.النسائية والتوليد 🤰
3.الباطنية 🫁
4.التخدير والعناية المركزة 💉
5.الجراحة البولية 🔬
6.جراحة العظام والكسور 🦴
7.الأنف والأذن والحنجرة 👃👂👄
8.طب الأطفال 👶
9.طب الأسرة 🤱
10.الجلدية 🫱
11.الأشعة التشخيصية 🩻
12.أشعة علاجية 🩻

🔴 طب الأسنان: 🦷
1.جراحة الفم والوجه والفكين 👄

🔴 الصيدلة: ⚕️
1.الصيدلة السريرية 💊
——————————————
User Telegram: t.me/mediscore
Channel Telegram: t.me/mediscore2023

زملائنا الاعزاء المحاضرة في قاعة رقم ١ قرب البدالة ان شاء الله

محاضرة مهمة حول geriatric anesthesia قدمتها للزملاء طلاب بورد التخدير
وان شاء الله تستفادون منها

https://youtu.be/oCLeR6ldwx8?si=d33RT6DGkzFGhste

محاضرة geriatric anesthesia بصيغة PPT لمن يحب ان يستفاد منها
وعادة اخلي بيها الكثير من التفاصيل لمن يحب يقراها ويرجع الها

محاضرة الاخيرة مع الزملاء المقيمين الدوريين حول analgesia in emergency department
https://youtu.be/XVPj3xPeVwE?si=t6cGCwbRZHrgRUPn

محاضرة للزملاء الاعزاء طلاب بورد تخدير حول
anesthesia in trauma patients and damage control resuscitation
من المواضيع المهمة في الحياة العملية
https://youtu.be/a9AlLLp8t38?si=VBvgAtqMMPfCc60m

ملاحظات مهمة عن حساب fluid balance الشكر الجزيل لدكتور احمد هاشم القرقجي @Quriqchee على جمعها وترتيبها

زملائنا المقيمين الاعزاء نتشرف بدعوتكم لحضور المحاضرة التي تقيمها نقابة الاطباء حول 
التعليمات الادارية والقوانين المهمة للطبيب
التي سيقدمها
استاذ ابو حسام ( علي كريم مسرهد ) الذي يمتلك خدمة في دائرة الصحة ٤٢ سنة
مدير موارد بشرية ١٤
مدير مكتب المدير ٧ سنوات
مدير قسم الامور الادارية والمالية والقانونية ٣ سنوات
مدرب معتمد في الادارة من قبل الوزارة

وسوف نتناول بها الكثير من التحديات والمشاكل الادارية التي يواجهها المقيمين

المكان القاعة الكبرى في الالماني
الزمان الاربعاء ١٥/١ من ١٠ صباحا الى ١ ظهرا

السلام عليكم
من الامور اللي اغلب الاطباء يشتبهون بيها ومهم فهمها بالطوارئ هي:

O2 therapy in COPD patient

مثل ما الكل يعرف انه شكو مريض copd لازم ننطيه اوكسجين قليل (القليل اللي محد يعرفه شكد 🙃) بس بالحقيقه هي مو هيج.

بالبدايه خلي نعرف منين اجت هاي السالفه؟

بالناس الطبيعين تنظيم التنفس يعتمد على  ال central chemoreceptor اللي موجود بال medulla ويعتمد على ال Co2 level بالدم كلما زاد(hypercapnia) يتحفز.

وبما انه الناس اللي عدهم copd بعضهم (مو كلهم) يصير عدهم chronic Co2 retension ومع الوقت راح تقل حساسيه ال central chemoreceptor وبعد ماتشتغل فراح يبدي الجسم يعتمد ع ال periphral chemoreceptor اللي هي موجودة ب carotid and aortic bodies واللي هي من أساسها تعتمد على ال O2 كل ما قل (hypoxemia) تتحفز.

لذلك مريض ال copd اللي عنده chronic Co2 retension يعتمد ع ال hypoxic Drive ومن نجي ننطي O2 راح نطفي هذا ال centre.

نجي نسأل :
كل مريض copd هو عنده chronic Co2 retension؟

الجواب: لا طبعا لذلك راح نقسم المرضى اللي يدخلون الطوارئ اعتمادا ع ال ABG :

اولا:المرضى اللي ال ABG مالتهم طبيعي  يعني ال paco2 وال Pao2 هذول ننطيهم اوكسجين حالهم حال البقيه اذا نحتاج لاي سبب.

ثانيا: المرضى اللي ال Pao2 نازل وال paco2 نازل وهذا مايعرف ب type 1 respiratory failure هذوله هم ننطيهم حالهم حال البقيه. 

ثالثا : المرضى اللي ال Pao2 نازل وال paco2 صاعد وال ph نازل وال hco3 طبيعي وهو مايعرف ب
Acute type 2 respiratory failure

هذول هم ننطيهم اوكسجين نفس بقيه العالم.

يبقى عدنا الناس اللي paco2 صاعد وال Pao2 نازل وال ph طبيعي وال hco3 صاعد وهو مايعرف ب
Chronic type 2 respiratory failure

وكذلك الناس اللي Pao2 نازل وال paco2 صاعد وال ph نازل وال hco3 صاعد وهو مايعرف ب
Acute on chronic type 2 respiratory failure

هاي الفئتين اللي ننطيهم اوكسجين قليل التركيز لان نتوقع ال central chemoreceptor عندهم طافي ومعتمدين ع ال hypoxic Drive. 

زين شكد ننطي O2 بهيج مرضى؟

(Target spo2 88%_92% )

وهذا بالعاده نحصله ب nasal cannula نبدي ب 2L ونصعد ونشوف ال response او اذا متوفر ال venturi mask ع 4L ونصعد لحد مااحصل ال target او حت اذا ماعدنا نستخذم ال face mask ونبدي ب 5L ونصعد. 

طبعا اذا ماحصلنا اللي نريده بذني ممكن نصعد بعد لغير delivery device وممكن نحتاج bibab او حت intubation والها ال indication الخاصه بيهن.

الشغله المهمه بهيج مرضى انه اني لازم ارفع ال Pao2 ع الاقل لل 60mmHg وهنا لحد هذا ال level يعتبر أمن و ماعندي خوف انه يطفي ال hypoxic Drive.

ملخص الكلام : فقط اخر فئتين يحتاجون controlled O2 therapy والبقيه لا.

هواي مرات clinically اذا ماكو signs of Co2 retension نكدر ننطيunlimited O2 خاصه بال mild cases.

من الشغلات المهمة بهيج اجواء باردة الي لازم نخليها ببالنا خصوصا بالناس الكبار بالعمر هي hypothermia

طبعا الهايبوثرميا تبدي من توصل درجة حرارة الجسم جوة 35 وبيها تلث مجموعات

اكو شي اسمه Cold stress الي هو ميعتبروه هايبوثرميا من 35 الى 37
المايلد هايبوثرميا من 35 الى 32
المودريت من 32 الى 28
السفير جوة ال28

الكونشيوس ييدي يقل بالمودريت هايبوثرميا وانت نازل

الشغلة المهمة الي لازم نعرفها اذا شاك بالهايبوثرميا كون تتاكد ان المحرار الجاي تستخدمة يقيس الحرارة الجوة 35 لان قسم ميقرن جوة هذا الرقم


طبعا الاسباب ينقسمن قسمين
قسم اله علاقة بالانفايرومنت مثلا الجو كلش بارد وواحد طالع برة او نايم برة
وقسم ماله علاقة بالجو وانما اكو سبب ثاني مسوي نزول بحرارة الجسم مثل شنو ؟

هنا الاسباب اما شي ضارب مكان تنظيم الحرارة hypothelumus او خارج هاي المنطقة مثل sepsis او drugs او hypoglycemia و hypothyroidism و adrenal insufficiency وغيرهن

ملاحظة مهمة وهي لا تعتمد على chilling و ال shivering لان هذني ممكن يفقدهن المريض جوة ال35

باقي تقسيمات الاعراض راح اخليهن بالصورة اسفل المنشور

اهمشي تخليه ببالك اذا ماعدك environmental cause كون تدور على الsecondry cause واهم واحد بيهن هو الهايبوكلاسيميا

نجي للعلاج
ويتقسم الى انواع

النوع الاول Passive external rewarming يعني نشيل مصادر البرودة مثلا ملابسة اذا مبللة او اذا اكو مصدر برودة خارجي نشيلة ونغطيه بالبطانيات ونخليه بغرفة دافيه

النوع الثاني Active external rewarming وهنا نبدي نستخدم مصادر حرارة خارجية مثل الصوبات وغيرها او نحمي قطع قماش ونخليهن عليه

النوع الثالث Active internal (core) rewarming وهنا الموضوع شويه معقد ومانشوفه يمنا بس بالمناطق القطبية او البيها ثلوج

طبعا في حال بقى المريض هايبوثرميا رغم اجراءاتك فهذا ممكن sepsis لان الانفكشن يقلل من عملية ال rewarming او ممكن adrenal insufficiency لذلك يفضل ان تبلش ستيرويد و انتي بايتك بهيج حالة وهنا صار عدنا اندكيشن اخر للستيرويد بالسبسيز وهو الرزيستنس هايبوثرميا ويفضل ان يكون دكساميثازون 6mg

20% من السبسيز بيشنت يجون للمستشفى وعدهم هايبوثرميا ! وهي تعتبر poor prognostic sign
النسبة مو قليلة لذلك نحتاج نعرف شون نتعامل وياهم وطبعا ابو الهايبوثرميا المورتالتي عدة تكون اعلى من الي يجي وهو عدة fever 🥵

د. احمد عبد محسن @ahmed12692
طالب بورد باطنية

تقيم نقابة اطباء النجف محاضرة علمية حول
المسؤولية القانونية للطبيب
يقدمها الدكتور الاخصائي رضي جواد باقر محمد البياتي

والدعوة عامة لكل الزملاء الاخصائيين والمقيمين في حضور هذه المحاضرة المهمة والضرورية
مع شخصية كبيرة وبخبرة واسعة في القضايا القانونية والادارية
نراكم ان شاء الله يوم الجمعة ٣١/١/٢٠٢٥ الساعة ١٠ صباحا  في القاعة الكبرى في مستشفى النجف التعليمي

عمامنا وزملائنا الاعزاء نتشرف بحضوركم غدا في هذه المحاضرة المهمة للحديث عن المشاكل القانونية التي يتعرض لها الطبيب