سلام عليكم الله يساعدكم زملائنا الاعزاء
ان شاء الله باجر ب٩ الصبح انتخابات نقابة الاطباء في مستشفى الالماني
هدفنا هو ان نكون في خدمة الزملاء الاعزاء وان نسعى جاهدين لتطوير القطاع الطبي العام والخاص وحل المشاكل التي يواجهها الزملاء واقامة الفعاليات العلمية والحملات الانسانية وتكريم الاطباء الفاعلين وغيرها الكثير مما يوفقنا الله اليه
وان شاء الله نكون عند حسن ظن كل من يضع ثقته فينا
د. محمد حسين عبد مناف زوين
مرشح عضوية مجلس نقابة النجف
تسلسل ١٣

الشكر لله
ولجميع الزملاء الذين وضعوا ثقتهم فينا
وماكان يكتب لهذه الخطوة بالنجاح لولا الجهود الكبيرة التي بذلها فريق العمل من الاخوة الاعزاء
زيد الشريفي وحسين البصري ومرتضى علي ورياض مدلول وزيد الفحام وسراج الكلابي
وان شاء الله نوفق ان نكون في خدمة الزملاء الاعزاء وان نساهم في تطوير القطاع الصحي ومساعدة المرضى بقدر استطاعتنا .

سعيد جدا بجهود دكتور علي اسعد الوائلي في مبادرته لتحسين الخدمات المقدمة للمرضى واتمنى له كل التوفيق والنجاح في هذه الخطوة الرائعة
وان شاء الله كل الزملاء الاخرين يتبنون خطوات مشابهة لتطوير اماكن عملهم ومساعدة المرضى

ضمن برنامجها العلمي تستضيف نقابة اطباء فرع النجف الدكتور نصرت العطار اخصائي طب الطوارئ للحديث حول emergency medicine pearls يوم الاربعاء ١٠ صباحا في القاعة الكبرى في مستشفى النجف التعليمي

خلي نسولف عن thiazide

هذا العنصر المظلوم على الرغم من كثرة استخدامه
الميكانزم باختصار هو يثبط عمل Na_CL بالدستل تيوبيول فراح ينفقد عدنا الصوديوم وبهاي الحالة يقل الضغط

* مثل منعرف بيه نوعين نوع هو thiazide مثل hydrochlorothiazide ونوع ثاني يسموه thiazide like مثل chlorthalidone و indapamide
الفرق بيناتهم هو بالميكانزم الثاني يعني thiazide like شوية يسوي فيكات اكثر مثلا يسوي انهبشن للcarbonic anhydrase وكذلك شوي يسوي vasodilation وهاي بيها هواي نضريات وسوالف مندخل بيهن
بس بالمحصلة عدك thiazide like اقوى من الthiazide نفسة

*ملاحظة زغيرة من المريض يستخدم الثيزايد اول مياخذه يصير عدة فقدان بالسوائل وهنا يشتغل جرص التنبيه مال الجسم ويتحفز renin system وهذا راح يسوي فازوكنستركشن ويرجع يصعد الضغط من جديد لحد ما يتعود الجسم على الوضع الجديد ويبدي يستجيب ورة شهرين تقريبا يالة يستقر
هاي المعلومة تفيدنا انه احنة اذا اطينا ACE او ARB وي الثيزايد ممكن يطينا شغل كلش حلو وينزل الضغط اكثر

*نكدر نستخدم الثيزايد لمرضى الضغط او عجز القلب مادام عدي الGFR اكثر من ٣٠ ويمتى ماقل عن هذا الرقم راح تتاثر فعاليته هواي والسبب هو ميكدر يشتغل بوسط حامضي ومثل منعرف اهل CKD عدهم الاسدتي عاليه فهنا يشتغل بشكل افضل الloop diuretic طبعا هو ايضا هم تقل فعاليته بس مو بنفس نسبة الثيزايد

ملاحظة : Loop diuretic have no place in the routine management of hypertension in patient with preserved GFR .
يعني مريض كلياتة مابيهن شي وماعدة عجز قلب ولا سوائل زايدة ما اوصل للloop ابد

احنة نعرف اهم استخدامات الثيزايد هو مرضى hypertension ومرضى الheart failure

بالنسبة للسايد افكت نقسمهن باختصار
الاولى dose dependent metabolic
يعني هايبوكليميا هايبو نتريميا وهايبرلبديميا وغيرهن بس هذني نكدر نقللهن اذا جانت الدوز قليلة

والثانية non dose dependent
مثل sleep disturbance و sexual dysfunction وتقليل الدوز هنا ماراح يقلل السايد افكت

نشوفكم باجر زملائنا الاعزاء

استراحة فريق العمل بعد فترة من التعب والتحضيرات برفقة عمنا العزيز د. نصرت العطار وان شاء الله نوفق لخدمة زملائنا واصدقائنا الاعزاء

تشرفت اليوم بتكريم من قبل اخوتي الاعزاء د. محمد عبد الخضر اخصائي جراحة الجملة العصبية والمعاون الفني في مستشفى الصدر ود. ذر باقر فاينل بورد جراحة بولية واعتز كثيرا بهذا التقدير من اخي الكبير د. محمد عبد الخضر فهو قدوة لنا في الحرص والاخلاق ومساعدة المرضى واخي الكبير د. ذر هو الاخر قدوة في النشاط والحرص والاخلاق العالية والتواضع واسال الله عزوجل ان يوفقهم وان يعيننا للاقتداء بهم

ضمن البرنامج الرمضاني...😍

ندوة بعنوان "كيف تختار تخصصك الطبي" في مركز ريادة للتدريب والتطوير يقدمها الدكتور محمد زوين.
يوم الأحد 17/3/2024
الساعة: 9:00 مساءً

الاصدقاء ننتظر حضوركم.. سارعوا لحجز مقاعدكم من خلال الرابط
https://forms.gle/bqzQvvrmjrC6fEtPA