اصدقائي المقيمين الدورين
خلي نسولف شويه عن buscopan لان اشوف هواي جاي ينصرف بالطوارئ فخلي نحجي عنه وانتو تقيمون بعد اذا مرضاكم يحتاجوه او لا
اني ماراح اكللكم ولا اطيكم امثلة

اول شي راح ابدي بالعكس راح اسولف عن side effect و الwarnings

* كل الكارديوفزكلر دزيز هي contraindication يعني كل الهارت فيلر وكل الاسكمك وكل البردي كارديا وكل التكي كارديا وكل الارثميا هي كونترا اندكيشن للبسكوبان

* هو يسوي urinary retention
لذلك كل الاولد ايج الي عدهم prostatic hyperplasia ايضا كونترا اندكيشن

* الي عدهم glaucoma

* الي عدهم hyperthyrodism
ليش لان ابو الهايبر ثايرودزم هو معرض للارثميا والبسكوبان ايضا يسوي ارثميا فراح تزداد الخطورة

* اكو كلام انه بالاولد ايج يفضل عدم استخدامه

* الي عدهم git obstruction ايضا

* الي ياخذون b agonist مثل جماعة الربو هذولة معرضين للارثميا اكثر لان يصير عدهم شغلتين تسوي تكي كارديا ( قبل سبوع شفت هيج كيس عدة ربو وعلى علاج واخذ بسكوبان وصار الريت مالتة ١٤٠ )

هسة نجي للاندكيشن مالتة ؟
* يفيدنا بspsam يعني اذا جان عدنا colicky pain يعني مو كل الابدومنل بين راح يفيدني بيها

فقط بهذا النوع من الحالات ممكن يفيدنا
يعني اذا عدي ابدومنل بين بسبب بنكريتاتيتس ماراح يفيدني لذلك كون اخذ هستري عدل حتى اعرف البسكوبان هنا يفيد او لا

بالنهاية اذا اخذنا بعين الاعتبار الاعراض الجانبية والموانع لاستخدام البسكوبان راح يقل استخدامنا بنسبة كلش جبيره

وملاحظة اخيرة اخوان احنه لازم منكتب ادوية حتى نترس الطبلة لو حتى نقنع المريض احنا لازم نعرف شنو جاي نكتب وليش جاي نكتب وهل هذا الي كتبناه امين للمريض لو غير امين واذا غير امين هل يستحق نجازف بالمريض علمودة يعني عدي اندكيشن قوي يستحق اعرض المريض لكل هاي السايد افكت لو اكدر استغني عنه بغير علاج
مثلا الاكتليز بيه سايد افكت قاتل بس الاندكيشن يستحق اعرض المريض للمضاعفات اذا ماكدرت انقله للقسطرة واني ماريد اخوفكم بس اريد احطكم بالصورة وشكرا

د. احمد عبد المحسن طالب بورد باطنية @ahmed12692

خلي نسولف شوية عن Anaphylaxis
من الكيسات الي لازم الطبيب يشخصها بسرعة ولازم يحلها ويوكف عليها لحد ما تستقر حالة المريض هي كيسات الانفلاكسيز

الانفلاكسيز من الكيسات الي ماتحتاج الى تحاليل واشعات حتى تشخصها واصلا ماعدك وقت تسوي هاي التحاليل حتلو متوفرة لان الموضوع دقايق فقط واهمشي بيه الهستري

اكو هواي كرايتريا لتشخيص الاتفلاكسيز راح احاول الخصها الكم وبنفس الوقت اذكر sign and symptoms

احد هاي الكرايتريا تگول اذا عدنا ثنين من هذني بعد التعرض لل allergen

* عدي skin and mucosal tissue
يعني اشوف مثلا swollen lips او itch

* عدي respiratory compromise
يعني اشوف دزنيا او وويز او سترايدر او هايبوكسيا

* عدي reduced BP
يعني اشوف علامات مال hypoperfusion
طبعا اكو قسم يكولون انه الضغط السيستولك اما اقل من 90
او الضغط نازل بنسبة اكثر من 30% من الضغط الاصلي مال المريض
مثلا اذا هو ضغطة العادي 140 واجاك ضغطة 100 هذا توكف عدة

* عدة GIT symptoms
مثلا فومتنك او ابدومنل بين او غيرها

ثنين من هذني هذا يعتبر انفلاكسيز

ملاحظة مهمة : skin symptoms هاي تصير بنسبة 90% من العدهم انفلاكسيز يعني ممكن تشوف انفلاكسيز بدون سكن سبتومز واني شايف هيج كيس

هسة نجي للعلاج

اول شي خلي ببالك انه اليكتل المريض شغلتين لو رسبايرتري لو كارديك فركز عليهن وخليك اورينتد لهذا الشي

الشغلة الثانية خليها في بالك اذا مريضك hypotension ماراح يصيرلة استجابة مثالية للادرنالين لذلك لازم تعدل الضغط بهاي الاثناء

الشغلة الثالثة الي لازم تخليها في بالك مريضك صار عدة سترايدر او شفتة رسبايرتري دسترس لازم تيوب ولا تتاخر بيه كلما تتاخر يصير اصعب

زين هسة اني بالطوارى شنو اول خطوة اسويها ممكن تنفع بانقاذ حياة المريض ؟
الجواب : ادرنالين عظلي 0.5mg يعني حسب الامبولة المتفورة عدنا يطلع نصف سي سي كلما تتاخر بهذا الاجراء كلما تزداد المورتالتي
طبعا الجرعة هي 0.01 mg/kg بس احنه نستخدم 0.5mg كتوتل دوز للسرعة

ممكن تنتظر من 5 الى 15 دقيقة يالة تعيد الدوز اذا ماشفت اكو رسبونس تكدر تحوله على ادرنالين انفيوشن وليس iv وطبعا دوز الانفيوشن تجيب نص سي سي ادرنالين تحلها ببطل مغذي كامل وتمشها سي سي كل دقيقة هاي باختصار وبيها تفاصيل بعد هاي الجرعة

ممكن نطي انفيوشن اذا حسينه انه العظلي ماجاي بشتغل بسبب الهايبوتنشن وبنفس الوقت جاي نطي فلود وماجاي يصعد الضغط هنا ممكن نحول للانفيوشن

طبعا iv بيه سايد افكت هواي لذلك يضوجون منه

الخطوة الثانية هي fluid therapy وافضل شي تستخدمة هو النورمل سلاين وتبدي ب1 الى 2 لتر تمشيهن بسرعة وممكن تزود الكمية حسب الاستجابة وممكن توصل ل7 لتر حسب ما يكول ابتوديت

ماصار رسبونس للضغط رغم الفلود ممكن تخليه على نور ادرنالين او دوبامين او غيرهن مع الفلود

بالنسبة glucagon شاوفوه يفيد جماعة الانفلاكسيز الي ياخذون ببتا بلوكر ومايصيرلهم رسبونس للادرنالين لان يشتغل على الهارت عن طريق غير طريق البيتا رسبتر

بالنسبة لل H1 antihistamines تفيدك فقط اذا عدك skin symptoms يعني ماتفيدك للرسبايرتري ولا للكارديك

بالنسبة لل steroid عليها كلام قسم يكولون تفيد قسم لا بس الماشي انه يطوها بالانفلاكسيز والافضل هو methylprednisolone

زين سويت هذني الفوك كلهن وماصار رسبونس وبعدة المريض shock and stridor
او سمعت بالهستوري الاهل كلولك هاي ثاني مرة يصير هيچ !

هنا فكر بheredatory angioedema

د. احمد عبد محسن @ahmed12692
طالب بورد باطنية

شوكت اكول هذا المريض دخل ب Acute kidney injury
حتى اخذ اجراء بدون تاخير لان كلما اسرع تعاملت وي الموضوع كلما نسبة عودة وظائف الكلية تكون اكثر

اكو عدنا كرايتريا اذا تحققت وحدة منهن فهذا اكيوت كدني انجري

*زيادة بالكرياتنين 0.3mg خلال 48 ساعة
*زيادة الكرياتنين اكثر من 1.5 مرة خلال 7 ايام
*نسبة UOP اقل من 0.5cc/kghr خلال ست ساعات

اي وحدة من هذني تتحقق كافية
ولازم تنتبه على شغلة انه الزيادة بالكرياتنين من البيز لاين كون تعرف هو شكد الكرياتنين الاصلي مالتة حتى تعرف الزيادة الي صارت فوكاه

يجوز مريض الكرياتنين مالتة اساسا هو 2mg فهنا هذا CKD وليس AKI ولكن اذا البيزلاين 2mg وهسة لكيتة 2.5mg وهاي الزيادة خلال يومين هنا تكدر تعتبرة صاير اكيوت اون كرونك

زين هسة اني هنا شلون اعرف هذا AKI لو هذا CKD في حال المريض ماعدة تحاليل قديمة وميعرف بروحة ؟
نكدر نعرف من خلال السونار ندزة سونار راح تطلع عدنا small kidneys ونشوف decrease cortical thickness and echogenicity
وكذلك تشوف عدة anemia
وكذلك تتابع الكرياتنين تشوف في حالة زيادة مو ثابتة

طبعا AKI بيها ستيجات تلاثة مو مهم نعرفها حاليا

ملاحظة : مريض عدة vomiting وسويتلة تحاليل وطلع اليوريا والكرياتنين طبيعيات هنا متكدر تكول ماعدة AKI لمن تشوف urine output
وهاي دائما تصير اليوريا والكرياتنين بالبداية بعدهن بس المريض عدة نقصان هواي باليورن وتكدر من خلالها تعرفة هذا AKI

زين شنو استفاد من عرفت هذا صار AKI واني بعدني مقيم دوري ؟

اول شي لازم تعرف علاج الpre renal AkI هو في الغالب Supportive
شوف وين الخلل وعدلة
مثلا هايبوفوليميا لازم تعوضة سوائل كافية
بنفس الوقت تتجنب الدركات الي تاثر على الرينل مثلا ACE i و NSAID وكذلك عدل الالكترولايت وغيرها من الامور الممكنة

لذلك البداية هي يمك في حال انت بمستشفى برفري تكدر تسوي هاي الخطوات وتحولة واكون احالتك اورينتد وانت تكدر تساهم وتمنع تحولة الى renal failure لان كلما زادت الفترة مال AKI كلما زاد احتمالية عدم رجوع الانسجة ويصير عدنا بيرمننت دمج

د. احمد عبد محسن
طالب بورد باطنية @ahmed12692

من الكيسات اللي الواحد يشعر بنتيجة
تعبه وياها بنهاية الكول هي الـ DKA.

أولاً: تشخيصه مو كلش سهل، مرة واحد
مكتوب على طبلته (HYS) وطلع DKA.
فأي أحد يجي وجع ببطنه، tachypnea،
مشوّك، DLOC، فلازم نجيك السكر، وراها
ندز ABG لتأكيد التشخيص.

ثانياً: ندز تخطيط، U&E ، CBC، GUE، وويه
ورقة التحاليل، ورقة لخ نكتبلهم كانيولا عـ٢،
مغذيات نورمل عـ ٢ / نصف ساعة، + فولي.

ثالثاً: بين ما يخلصن المغذيات، نشوف التخطيط
بيه علامات هايبركاليميا لو لا؟ وكذلك S. K …

فإذا نورموكاليميا أبدي بوتاسيوم وفلود وانسولين
واذا هايبركاليميا بس انسولين وفلود
واذا هايبو فبس بوتاسيوم وفلود …

ونمشي عالچارت …

*هذا السيناريو الشائع للبالغين، أكو كلش هواي حجي بعد،
بحيث لحد آخر يوم روتيشن نقره شغلات جديدة عنه.

احد علاجات السكر النوع الثاني المشهورة هو SGL2
من امثلتة الشهيرة empagliflozin و dapagliflozin و Canagliflozin
ماريد احچيلكم فارما عنه بس اكو شغلة مهمة لازم ننتبه عليها
هذا العلاج بيه سايد افكت وهو يسوي euglycemic DKA
هواي من عدنا يمكن متعود يشوف المريض السكر نوع اول او يشوف المريض عدة الرندوم عالي يالة يبدي يفكر بالDKA

بينما هذا العلاج يسويلك سايد افكت بالعكس تماما وهو تشوف الرندوم طبيعي والمريض نوع ثاني من السكر عدة وممكن هو يكون  DKA

الحل انه كل مريض عدة سكر وجاي عدة vomiting او poor oral intake او nausea لازم نركز وياه زين ومنعتمد بس على قياس السكر ونبدي ندور على بقية الشغلات مرات يجيك بس يكلك مالي خلگ وحيل ماعدي تشوفه dehydrated وهو عدة سكر لازم تاخذ خطوة متقدمة
بعد الهستوري نسأل عن هذا العلاج ونسأل شنو جاي ياخذ ادوية اذا هو نوع ثاني واذا شفنه هذا العلاج لازم نتوقف وناخذ حذرنه بشكل جيد

شلون اكول هذا DKA وهو سكره نورمل ؟
تشوف هذني الشغلات وتذز هذني التحاليل

تشوف ketonuria ب General urine
تشوف metabolic acidosis with high anion gap ب ABG
تشوف ketonemia

هذني كلش كافيات حتى توصل للتشخيص خصوصا اذا المريض جاي ياخذ هذا العلاج الي ذكرناه فوك

اهم خطوة توقف العلاج وتعاملة كDKA

ملاحظة مهمة : SGL2 لازم ينكطع قبل العملية اذا المريض عدة عملية باقل شي تلث ايام لان ممكن يصير ديهايدريشن ويدخلة بDKA

ملاحظة ثانية : اني ذكرت الموضوع بالخصوص لان جاي نشوف هواي كيسات تجي بهذا الشكل فيحتاج ننتبه عليها بشكل جيد خصوصا الهستوري وشكرا

د. احمد عبد طالب بورد باطنية @ahmed12692

خلي نسولف عن علاج بالطوارئ  acute sever asthma والشغلات المتوفرة عدنا والماشيه راح نحچيهن

*الاوكسجين اول شي نبلش بيه بس مو الكل نطيهم اوكسجين مثل ماجاي يصير عدنه فقط اذا جانت Spo2  اقل من 90‎%‎ نبلش بالاوكسجين ويفضل منصعده لحد ال100‎%‎ يعني 95‎%‎ كافي شافوا بيه نتائج افضل مما لو تصعد spo2 لل100‎%‎ خصوصا الي عدهم COPD


*الشغلة الثانية nebulizer beta-agonist
طبعا المادة المستخدمة عدنا المعروف ventoline او بalbuterol

زين شون استخدمه ؟
اول شي الجرعة هي 5mg كل عشرين دقيقة ونكدر نعيدها تلث مرات كل عشرين دقيقة
بعدين نكدر نطيها كل ساعه الى اربع ساعات عند الحاجة ونكدر نوصل بالجرعة الى 10mg
تقريبا هاي الكمية تحتاج من 5 الى 15 دقيقة حتى تتبخر ويستنشقها المريض بشكل كامل يعني كون يكعد يستنشق لمدة من خمسه الى خمصطعش دقيقة
طبعا يحتاج خمس دقايق فقط حتى يشتغل وممكن يبقى لحد اربع ساعات فعال داخل الجسم

طبعا محلول الفنتولين الواحد سي سي بيه 5mg والدوز العادية الي نبدي بيها 2.5mg يعني نص سي سي تخففها بثنين ونص سي سي نورمل سلاين هاي الجرعة العادية

اما اذا عدنا acute sever asthma فنطي 5mg نعيدها كل عشرين دقيقة مثل ماكلنه فوك
اذا تريد تحصل نتائج حلوة واستجابة جيدة لازم نتبع الجرع العلمية

هاي الجرعات والاستخدام هو خاص بالبالغين وليس الاطفال لان الاطفال الهم حساب ثاني بس باختصار وحتى مندوخ بالاطفال نطي 2.5mg مو اكثر لحد عمر الخمس سنوات وراها نكدر نوصل لل5mg بالاعمار الفوك خمس سنوات

*الشغلة الثالثة muscarinic antagonists 
وهذا تطي 0.5mg تبخير كل اربعه الى ست ساعات والمكزمم دوز مالته 2mg
طبعا اسمه التجاري الشائع هو atrovent وهذا يجي ثنين سي سي بيها 0.5mg يعني مال جرعه وحده

*الشغلة الرابعة Systemic glucocorticoids
تكدر تطيها عن طريق الفم او عن طريق الوريد بما يعادل 40 الى 60mg
من prednisone باليوم يعني اذا تريد تطي dexamethasone شوف مايعادل هاي الجرعه وهكذا ومو كلش اكو فرق بين الوريدي او عن طريق الفم اذا المريض يكدر يبلع ومتوفر  ويفضل تبدي بيه بسرعه باول ساعه

*الشغلة الخامسة Magnesium sulfate 
تطي 2g خلال عشرين دقيقة وطبعا هذا بيه كلام بين المصادر بس بالنهاية شافو بيه فائدة من حيث انه يسوي برونكودايليشن ولازم بعد ساعه اذا ماصارت استجابة للعلاجات الفوك

بقت شغلة مهمة وهو اراقب وضع المريض حتى اعرف يمتى ممكن يحتاج intubation
اراقب paco2 من تبدي تصير نورمل او بيها زيادة معناها دخل عدي المريض برسبايرتري فيلر لان هي مفروض تكون اقل من النورمل

كذلك اشوف المريض خاف يصير confusion واشوف الرسبايرتري ريت واشوف spo2 كلهن اراقبهن حتى اعرف يمتى يحتاج تيوب

acute asthma exacerbations are associated with mild hyperventilation and a low PaCO2. However, with worsening airflow limitation, the high work of breathing leads to fatigue, a resultant decrease in the minute ventilation, and an increase in PaCO2. Thus, during an acute asthma exacerbation, a PaCO2 of 42 mmHg or greater, while technically "normal," may suggest incipient respiratory failure. On the other hand, hypercapnia alone is not an indication for mechanical ventilation in the absence of decreased mental status or exhaustion.

طبعا Leukotriene receptor antagonists ماله اي اندكيشن بحالة الاكيوت اسما الا اذا except in patients whose exacerbation was triggered by ingestion of aspirin or a nonsteroidal anti-inflammatory drug

وكذلك ماكو اندكيشن للانتي بايتك اذا ماعدنا infection

د. احمد عبد طالب بورد باطنية @ahmed12692

الصورة من المحاضرة القيمة لاستاذنا د. محمد سعيد عبد الزهرة حول continous quality improvement

anesthesia in trauma patiat

من الحالات الصعبة الي عادة تشكل تحدي في التخدير هي حالات النزف في الحوادث وكيفية تخديرها
هذا PPT بسيط وفقنا الله لتقديمه في الميتنك لطلاب البورد
وان شاء الله يكون مفيد للزملاء اطباء التخدير
وقد نشرح عنه لاحقا اذا توفرت فرصة مناسبة

eclampsia
هذا الوحش مال النسائية 😅😅
اي مريضة حامل او بعمر reproductive age group اذا اجتنا في حالة fit او postictal كون نفكر بال eclampsia السبب انه حوالي 25‎%‎ من المريضات تجي اول presentation على شكل fit بدون ارتفاع ضغط او Proteinuria ، وبعدين من خلال التحاليل والتاريخ المرضي يتضح انه هذه seizure كانت بسبب eclampsia .
لذلك القاعدة تقول absence of hallmark feature of pre-eclampsia should not offer the emergency Physician reassurance, nor defer workup or even initiating treatment for eclampsia .
وايضا اكو نسبة حوالي 25‎%‎ تحدث بعد الولادة postpartum الغالبية منها تكون خلال اول 48 ساعة لكن بعضها قد تحصل على طول فترة puerperium النفاس الي هي 6 اسابيع .
وفي هكذا حالات بالنسبة للمريضة واهلها قد يفوتهم يبلغون الطبيب انه عدها ولادة قبل كم اسبوع .
ولا ننسى unsuspected pregnancy الي ممكن تخفي عنا المرض .
العلاج وما يتعلق به :
1- نبدي مع magnesium sulfate :
الي يعتبر 1st line anticonvulsant, وايضا افضل علاج في prevention of seizure .
الامبولة تجي عادة ام 100mg/1ml وبيها 10 مل او مكتوب عليها 10‎%‎ ، يعني بالمحصلة الامبولة كلها بيها 1gm . نعطي بالبداية infusion 4-6 gm خلال ربع ساعة ، نخلي 4 او 6 امبولات  ب 100 مل NS ويخلص خلال ربع ساعة .
بعدين نخلي المريضة على maintenance بجرعة 1-2 gm/hour ، يعني نكدر نخلي 5 او عشرة امبولات في NS ونعيده كل خمس ساعات لمدة 24 ساعة .واذا رجعت fit نعيد bolus مرة ثانية لكن بجرعة 2gm .

2-  اذا ما فاد نكدر نعطي IV labetalol الي نعتبره 1st line antihypertensive الامبولة تجي بيها 20ml كل مل بي 5mg يعني الامبولة كلها بيها 100mg .
بالبداية bolus 20mg يعني 4ml وريدي بطيء وبعدين  نكدر نعطي 40–80 milligrams IV every   10 minوكون ما نتجاوز 300mg او نعطي infusion بجرعة 1-2 mg/min يعني نخلي الامبولة في NS بحيث كل 1mlمن العلاج في 1ml من NS ونعطي 60 قطرة بالدقيقة ( microdrops ) .
3- اما hydalazine : المعروف باسم apresoline ، الامبولة تجي 20mg/ml وتكون جرعته 5mg وريدي يعني ربع سي سي  وريدي بطيء ، ونكدر نعيده بعد عشرين دقيقة واقصى جرعة هي 20mg . والهدف نوصل للdiastolic BP جوه 105 . 
4- نقلل IV fluid لان المريض معرض لل pulmonary edema .
5- واخيرا obstetric consultation من اجل early fetal delivery  .

@DrMohammadZwain
https://t.me/EMclinicalnotes

فرصة رائعة ان اكون مع زملائنا الاعزاء المقيمين الدوريين للحديث عن tips on choosing medical speciality
اتمنى لهم كل الموفقية والنجاح

Head trauma

طبعا من النعم العظيمة التي انعم الله علينا بها اليوم هو تطور العلم والمعرفة بحيث نكدر نعالج اصابات الراس البسيطة والشديدة ويطلع المريض ويرجع لحياته وعائلته واحيانا يبقى يعاني من اعاقة شديدة قد تبقيه طريح الفراش
الكلام في العلاج طويل ومعقد ولكت نكدر ناخذ بنظر الاعتبار هذه القواعد في العلاج :
١. نعطي للمريض deep sedation
٢. السيطرة على الضغط والمحافظة عليه من الهبوط والصعود
٣. المحافظة على الاوكسجين
٤. المحافظة على التغذية بشكل صحيح
٥. المحافظة على علاج الطبيعي
٦. الوقاية من التخثر
٧. الوقاية من الالتهابات
٨. تعويض السوائل والاملاح
وغيرها الكثير من التفاصيل
لكن اتباع هذه القواعد كفيلة ان تساعد الكثير من المرضى في الخروج من العناية المركزة


https://journals.lww.com/ejaintensivecare/Fulltext/2023/08000/Eight_rules_for_the_haemodynamic_management_of.2.aspx?context=LatestArticles

Management of Head trauma

الحمد لله تشرفت قبل عدة ايام بالقاء الصديق العزيز د. قاسم الجبوري @QassimMD طبيب مقيم دوري من الديوانية في موقف لانقاذ حياة مريضة .
وتحدث لي عن انجازاتهم الكبيرة التي حققوها في العناية المركزة للاطفال من رعاية feeding و infection control التي  اسهمت بشكل كبير في انخفاض الوفيات .
واقعا هكذا نفوس كبيرة تعطينا جرعة من الامل في العمل المستمر لتطوير واقعنا وتحسين مستوانا .
وان شاء لله اوفق للحديث في الايام القادمة رغم الانشغالات عن بعض القضايا المهمة التي نستطيع تحسينها وتطويرها في مكان عملنا
وفي الاخير ادعو لكل الاشخاص العاملين بالتوفيق في الدنيا والاخرة على مجهودهم الاستثنائي الذي يقومون به .

🟠 4 أيام فقط تفصلنا عن معرض بغداد الدولي للكتاب للفترة من 18-9 الى 27-9 مع احدث اصدارات الكتب الطبية العالمية ومع هدايا وعروض حصرية لزوار المعرض

zwainbooks.net
07807201108
#تنصح_به_الكتب

هذه البصمة بيها اجابة لبعض الاسئلة الي يراسلني عليها هواي من الزميلات والزملاء الاعزاء بخصوص التخدير

السلام عليكم دكتور
اتمنى تكون بخير
انا طالبة طب / جامعةالكوفه
عدنه بحث مشترك مع بقية الدول بخصوص
الموضوع chest pain among physicians
على مستوى الوطن العربي(هالموضوع بده ينتشر بالآونة الاخيره هواي )
ويمكن اول بحث مخصص للاطباء فقط 💪🏻💖


فكرة البحث : أنوا أكيد الاطباء اللي في الوطن العربي تقع تحت ضغط عمل و مجهود أعلى من أمكانياتهم الشخصية لهواي اسباب ،فحابين نشوف اثر هذا المجهود البدني والنفسي على صحة القلب من خلال أننا هنجمع داتا من الاطباء التي تتعامل مع مرضى (اطباء مقيمين _ طلاب بورد _استشاريين )

المشمولين بالبحث: هم كل طبيب عام متخرج ،يتعامل مع المرضى بأستمرار ،العمر من ٢٤-٦٠ سنة بأي محافظة من العراق


ياخذ وقت :
5-7 minutes
عبارة عن اسئلة بسيطه واختيارات

*اتمنى تشاركون بيه وتملوه على وقت فراغكم ،نحتاج عدد كلش هواي بالرسبونس لان هالبحث على مستوى دول واكيد كلنا نريد نعرف حل لهالموضوع لان كلنا معرضين اله بالمستقبل.

واذا طلب منكم إيميل ف اي ايميل تستخدموه عادي مارح يطلع يمنا، ومخلي حته لا يملي الاستبيان نفس الشخص عدة مرات ..

وإن شاء الله بس تطلع نتائج البحث ندزهم 🫧🩵
https://docs.google.com/forms/d/e/1FAIpQLSfzlBz_VVZkmfFtxxLFJWJ8cFKdlV9pjztsBnCbZ5x-9WK6Bg/viewform?usp=pp_url&entry.936689536=57421275%3D234238097DC54c0977259754372687ة