من يجي مريض CKD نعتبر الـ ECG من ضمن الڤايتلز … لأن من أهم الشغلات الطارئة عدهم هي الـ hyperkalemia، وتنلگف بالتخطيط كـ
tented T wave ➡️ no p wave ➡️ wide QRS ➡️ sinusoidal qrs

فبمجرد نشوف أي وحدة من ذني نكتب بالباص العلاج الآتي، ويمشي بالترتيب:

١- كالسيوم گلوكونيت ڤياله بيها ١٠ سيسي تمشي خلال ١٠ دقايق
(*نتجنبه ويه الياخذون ديجوكسين)

٢- ندفع إنسولين ٥ وحدات وريدي بعد تجييك السكر
اذا السكر أقل من ٢٠٠ ⬅️ ٥٠ سيسي هايبرتونك
واذا أكثر من ٢٠٠ ⬅️ ميحتاج هايبرتونك

٣- تبخير (١٠ ملغ فنتولين تتخفف بـ ٤ سيسي نورمل ويبقى يتبخر ١٠ دقايق)

٤- لازكس ٣ امبولات بعد أن نجيك ضغطه ويطلع مو هايبو

نعيد التخطيط حتى نشوف نتيجة الشغل، والكالسيوم نگدر ننطي ٤ ڤيالات بالساعة الأولى …

مرة وحدة نمشيها راح تبقى بالبال … ونحاول نكون يم الأخوة الممرضين خاف تصير خربطة بالترتيب او بالدوزات … لأن مرات المريض يبقبق صدره ويمشيله ٥٠٠ سيسي GW !

Classification of shock
هواي مرات يجينا مريض وما نعرف شكد فاقد دم ونريد نعوضه ونبقى محتارين نعوض بطل واحد او ٢ او ١٠ شلون نحدد ؟
هنا تجي اهمية تصنيف shock الى class بحيث نكدر نعرف اقل كمية ممكن ان يكون فقدها المريض .
طبعا كل class محدد بي presentation مالته وشكد فاقد المريض دم لكن نخلي في بالنا ان هذا التصنيف يحدد اقل كمية ممكنة ، يعني المريض ممكن اعراضه مال class 3 بس هو في الحقيقة فاقد دم مال class 4 لذلك ما نشتبه ونعتبره التصنيف اقصى كمية دم ممكن ان يفقدها وانما اقل كمية دم فقدها المريض .
لكل class اكو علامة مميزة نكدر نحفظها ونهتم بيها مثلا class1 نلكه فقط pulse pressure زايد
و class 2 نلكه فقط tachycardia و class3  نلكه hypotension و class 4 نلكه disturbe level of consc.  لكن دائما ما نمشي على عامل واحد ونجمع كل الاعراض والعلامات في تصنيف shock لان هواي اكو عوامل ممكن تسبب خطا في الحساب مثل تناول b-blocker او athletic او غيرها .
ناخذ مثال male وزنه ٧٠ كيلو وجابوا للطواريء يعاني من نزيف وجان وعيه مشوش
شلون نعرف انه شكد فقد دم ؟
هنا نجي راسا ، مدام وعيه مو تمام معناها هو class 4 ( طبعا كون نستثني head trauma ) او نعتبر الوعي المشوش بسبب النزف الى ان نتاكد من خلاف ذلك . 
وحسب الجدول نعتبره فاقد اكثر من 40% من حجم دمه او اكثر من 2000 مل دم . طبعا اذا جان وزنه مثالي ( 70 كيلو ) نكدر نمشي على  2000 مل .
لكن اذا جان وزن المريض ١٠٠ كيلو ؟
هنا نحتاج نمشي على النسبة  40%
مبدئي male عدهم 66ml/kg
و female عدهم 60ml/kg
بالنسبة لهذا المريض اذا فرضنا وزنه ١٠٠ كيلو تصير حجم الدم 6600 مل
40% الي فاقدها تساوي لترين ونصف دم تقريبا .
وتعويض plasma  نكدر 1:1:1 يعني لكل بطل دم نعطي بطل بلازما وبطل صفائح .

@DrMohammadZwain
https://t.me/EMclinicalnotes

مرات نعالج الربو بالطوارئ بطريقة شويه ربش، فلو نسوي under لو overtreatment، رغم أنه الأسسمنت الأولي لعله مياخذ أكثر من دقيقة …

فمن يجينا المريض وهو أصلا عنده ربو، وويزي چست، ودزنك، وتأكدنا هاي مو كاردياك (ماكو علامات هارت فيلر)، فنشوف هل هاي تهيّج عادي ينحل بـ inhaler بالبيت (بس هو ما عنده كالعادة)، لو هاي acute severe asthma؟

الأكيوت نعرفها من أكو "وحدة" من ذني الـ ٣:
نبض > ١١٠، نفس > ٢٥، ميگدر يحجي جملة كاملة.

فهنا نبدي: ١- أوكسجين ١٠٠٪؜، ونگعد المريض،
٢- ڤنتولين (٥ ملغ)، وندزهم أتروڤنت (0.5 ملغ)
تبخير ينخبطن وننطيهن كل ٢٠ دقيقة، ٣ مرات.
٣- بردنزلون حب ٥٠ ملغ، أو H.C ڤيالتين.

بهالأثناء نبحوش عن أي علامة للـ life threatening
وهي: spO2 < ٩٢٪؜، ضغطه هايبو، GCS < ١٥، بالسماعة سايلنت چست، مزورگ، ميستجيب للعلاج.

وجود وحدة منهن يعني شغلتين: أولاً: ندز أشعة خاف نيموثوراكس، و ABG خاف pCO2 طبيعية أو صاعدة.

ثانياً: نحط غرامين MgSO4 بـ ١٠٠ سيسي مغذي يمشي خلال ٣٠ دقيقة (٧٠ قطرة بالدقيقة) … ونبلّغ الأقدم.

عائلة داڤدسون ترحّب بكم بأحدث اصداراتها العالمية

اقتني عائلة الكتب الآن مع خصم رائع لفترة محدودة!
🔶 Davidson principles and practice of medicine

🔶 Davidson Essential of medicine

🔶 MacLeod Clinical examination

🔶 Macleod Clinical Diagnosis

🔷 السعر قبل الخصم 163 الف.
🟠 السعر بعد الخصم 150 الف.

تتوفر خدمة التوصيل لكل المحافظات
07807201108
Zwainbooks.net
#تنصح_به_الكتب

كلمتين عن mechanical ventilator
من الاجهزة الصعبة ويحتاجلها هواي متابعة ومطالعة حتى تكدر تستوعبها .
نكدر نقسم modes مال ventilator الى 3 اقسام رئيسية :
اولا controlled ventilation  هنا المريض ماعنده اي effort وكل التنفس مالته عن طريق الجهاز بحيث لمن نخلي respiratory rate 12 يبقى 12 بدون اي زيادة
ثانيا assissted ventilation هنا المريض  عنده shallow breathing و bradypnea بحيث لمن نخلي RR على 12 راح نلكه الجهاز يؤشر انه المريض جاي ياخذ 18 ، 6 ملات المريض و 12 ملات الجهاز .

ثالثا supportive ventilation هنا المريض RR طبيبعي لكن عنده shallow breathing ويحتاج مساعدة من الجهاز بدون لا نتحكم RR .
طبعا كل قسم بي يتفرع الى اقسام فرعية :

مثلا controlled ventilation تشمل pressure controlled ventilation و volume controlled ventilation .ماكو فرق بينهم للمريض العادي لكن المرضى الي عدهم respiratory disease يحتاج كل واحد منهم ترتيب خاص بيه .

اما في حالة assisted ventilation فبيها عدة modes منهن bilevel و dynamic bilevel و vc-simv و pc-simv و PRVC . ويشتركن كلهن انه نكدر نتحكم بالنفس الي يدفعه الجهاز والنفس الي ياخذه المريض بالاضافة الى RR ، بيهن صعوبة ويحتاجن شرح عملي .

اخيرا supportive mode يشمل CPAP اذا جان المريض على mask و supportive ventilation اذا جان على تيوب والمشترك بيهن انه مانكدر نتحكم بال RR .

@DrMohammadZwain
https://t.me/EMclinicalnotes

هذه مجموعة من الفيدوهات لمن يحب يوسع اطلاعه في هذا الموضوع
وهناك الكثير على اليوتيوب

الف الحمد لله من الحالات الي كانت استجابتها رائعة للعلاج
هذا الحجي الي دخل للعناية septic shock with acute kideny injury وجان على vassopressor وخليناه على CRRT واستخدمنه OXIRIS filter وكانت الاستجابة ممتازة وتحسن المريض وطلع من العناية بعد 48 ساعة

رب ضارة نافعة
كل احنا نعرف ان احد اهم complication of subcalvian cv line هو pneumothorax
لكن الي صار ويانه كان سبب لانقاذ المريض وتحسنه
رجال عمره حوالي ٥٠ سنة دخل للعناية المركزة بسبب subarachnoid hemorrhage وبقى على mechanical ventilator وبدا يتحسن لكن للاسف بعد كم يوم صار عنده ventilator associated pneumonia وبدا وضعه يسوء وبذلنه وياه جهود كبيرة لكن التحسن كان طفيف و بطئ جدا ، الى ان في احدى المرات جاي نبدله CV-line وبشكل غير مقصود اجانا fluid غير طبيبعي بالسرنجة ولونه اصفر .
هنا توقفنا وعرفنا انه هذا عنده plerual effusion
راسا سوينا US وكان يطلع عنده large amount fluid في كلا الرئتين وبعدها خلينا bilateral chest tube وبدا يطلع الفلود بكميات كبيرة وصلت الى 3000 ml ، بينت التحاليل لاحقا انه exudate ويمشي مع parapneumonic effusion
طبعا راح تسالون انه شعجب ما مسوين CXR
والجواب انه سوينا اشعة للصدر قبل لا نكتشف effusion بكم يوم وماكان بيها شي غير علامات consolidation .
المهم انه كانت استجابة المريض رائعة جدا بعد سحب السوائل وكدرنا نفصله من ventilator بعد ٢٤ ساعة تقريبا والان المريض يستعد للخروج من العناية ويرجع لحياته الطبيعية بين اهله وعائلته .
كل هذا بفضل جهود فريق عمل العناية المركزة الرائع من اطباء وممرضين وبتوفيق رب العالمين .

@Drmohammadzwain
https://t.me/EMclinicalnotes

The foly in Er
اكو هواية medical indications for foly cath in ER
لكن بنفس الوقت هواية اكو foly مالها داعي

مشاكل الفولي قد تشوفها عادية لكن واقعا المريض يدفع اثمان باهضة بسببها خاصة كثر المحاولات

الصحيح و العلمي انه الفولي محاولة واحدة فقط عن طريق طبيب مقيم أو ممرض متمرس بوضع lidocaine gel و اللي للغاية منه lubricant اكثر مما هو anaesthetic

ثم وضع الفولي
اذا ما اجت أو واجهت أي صعوبة بهاي الحالة استدعاء طبيب جراحة المسالك البولية يكون mandatory و هو عنده اساس علمي يشتغل عليه وهو single gentle trial ما اجت هنا ينترك الموضوع
الأسباب كثيرة
لكن كثر المحاولات قد تعرض المريض بحالة تليف و تضيق الاحليل و اللي تتعالج ناضوريا و تحت التخدير النصفي بعملية اسمها optical urethrotomy أو بضع تضيق الاحليل ناضوريا

هاي العملية تتطلب قص التضيق و المريض وراها يكون عرضة لحدوث التضيق مرة أخرى و أخرى
بعدها يكون النسيج المبطن الاحليل غير صحي و غير قابل للاستشفاء

الا بعملية نوعية تستغرق 4-5 ساعات تسمى تجميل الاحليل أو urethroplasty
و اللي احيانا قد يحتاج بيها المريض ترقيع من الفم
اتخيل كل هذا بسبب محاولة foly فاشلة

لهذا لطفا الانتباه لهذه المأساة اللي يدفع المرضى ثمنها كثيرا فيما بعد

د. ذر باقر طالب بورد جراحة بولية @derbaqer