tachcardia algorithem
من الامور الي ممكن نحير بيها وندوخ في التعامل معها هي تسارع ضربات القلب ، لكن باستخدام algorithem راح يسهل الموضوع كثيرا
١. اول خطوة نقسم المريض اذا كان stable فننزل للخطوة التالية واذا كان unsable حسب معايير المذكورة نعطي synchronized DC shock
٢. بعدها نشوفه narrow لو wide من ناحية QRS complex
٣. فاذا كان narrow وirregular فهذا على الاغلب atrial fibrilation واذا كان regular فهو على الاغلب SVT واثنينهن نعالجهن كما مذكور في algorithem
٤. اما اذا كان wide و regular فهو اما VT او SVT with block واذا كان irregular فهو يمشي مع AF with block او polymorphic VT .
٥. في البداية قد نواجه صعوبة لكن في كل مرة نواجه كيس tachycardia نرجع بيها لل algorithem راح يصير جزء منا وما يستغرق غير ثواني
لتحميل الصورة بدقة اعلى
https://www.resus.org.uk/sites/default/files/2021-04/Tachycardia%20Algorithm%202021.pdf

@Drmohammadzwain
https://t.me/EMclinicalnotes

مشهد مريت بي امس اثر بي كثيرا
واقف بالباب مال العناية واجاني رجال و يمه اطفال ثنين وطلب مني يدخلون يشوفون مريضهم ، سالته شنو يصير المريض منهم ، فقالي امهم . هنا كلبي نعصر عليهم وخليتهم يدخلون .
وره ما دخلوا تابعتهم اشوف شنو راح يسوون .
واذا بيهم يقبلون امهم وهي على سرير ومربوطة على جهاز التنفس الاصطناعي ووضعها جان تعبان جدا واحتمال تحسنها قليل .
كلش تالمت عليهم وتمالكت نفسي بالقوة .
اسال الله عزوجل ان يحفظ جميع الامهات من كل شر وسوء ويرزقهن الصحة والعافية
هذا الموقف هو واحد من مئات المواقف الي نمر بيها لفقد الناس احبائهم واعزائهم
فالي يحب يتبرع ويدعم لتوفير الادوية والمستلزمات المنقذة للحياة للمشاركة في حفظ ارواح الناس وصحتهم بامكانه ارسال حوالة او زين كاش على الرقم 07803377234
او على حساب الماستر كارت 2612705232

@Drmohammadzwain
https://t.me/EMclinicalnotes

الـ septic shock من أبرز مسببات الوفاة للمرضى عدنا،
ولهذا هنا كون نكتشف الـ sepsis من وكت
قبل لا توصل للشوك …

الخطأ اللي نرتكبه هو اعتمادنا على صعود الـ WBC والصخونة حتى نگول sepsis،
والواقع أنه هاي مو ضمن الكرايتيريا …
ولهذا هواي sepsis ما ندگنزهم لأن WBC نورمل، والعكس صحيح …


أولاً: شلون نشك أكو sepsis؟

اذا شكيت أكو إنفكشن + ٢ من ذني:
(RR > 22, SBP < 100, GCS < 15)
بأوكسفورد يگول بس وحدة منهن كافي.

ثانياً: شنو ندز؟

١- ندوّر على مصدر الإنفكشن: أشعة صدر، تحليل إدرار
٢- نشوف إذا أكو end organ damage: فندز مثلاً RFT, LFT
٣- ندز ABG علمود الـ Lactate، وCBC، وblood C&S

ثالثاً: شلون نعالج؟

بمجرد الشك بوجود sepsis ابدي العلاج، لأن كل ساعة تأخير تزيد المورتالتي ١٠٪؜ حسب ديفدسن، والعلاج هو:

١- أوكسجين، ويكون high flow
٢- نورمل سلين ٢٠ مل/كغم + نورادرينالين إذا بقى هايپو
٣- IV Ab (Tazo or mero + vanco)

نعيد الـ lactate وره ساعتين حتى نشوف الاستجابة.

د. محمد السوداني
@M7md_alsudani

adult bradycardia
سولفنا سابقا عن tachycardia واليوم نسولف عن تباطئ ضربات القلب وهذا المخطط رائع جدا
ملخصه اذا المريض وضعه مستقر وضغطه وتخطيط القلب زين يبقى مراقبة فقط واذا لا يحتاج نتداخل من خلال الادوية او pacemaker .
https://www.resus.org.uk/sites/default/files/2021-04/Bradycardia%20Algorithm%202021.pdf

@Drmohammadzwain
https://t.me/EMclinicalnotes

الـ Antibiotics عادةً مو علاج طارئ بحيث
اذا ما ننطيه للمريض بسرعة يصير بيه شي،
ولهذا كون الواحد يعوّد نفسه لا إيده والأزثرو
لو السفترياكزون ... الخ.

بس أكو حالات يكون المضاد الحيوي محوري
ومو مال يتأخر مثلاً الـ Neutropenic fever
لأن خطية ينتهون بـ septic shock …

السيناريو المعتاد هو مريض بالسرطان
وماخذ كيمياوي قبل أيام ويجيك مصخن …

حتى أگول هاي neutropenic fever لازم
عندي شرطين: صخونة أكثر من ٣٨.٣، أو
أكثر من ٣٨ لمدة ساعة + neutro < 500

أبدي بتازوسين أو ميرونيم، وأضيف ڤانكومايسين
إذا المريض مكان الكانيولا ملتهب، عنده نيمونيا،
أو مشوّك أو عنده skin infection …
+ فلاجيل اذا عنده أعراض بجهازه الهضمي هم …

بعد من ضمن الحالات اللي هم نبدي رأساً antibiotics
هي الـ clinically suspected bacterial meningitis
انطيه سفترياكزون ٢ غم + ڤانكومايسين …

شنو بعد كيسات بيها الـ Antibiotics طارئ؟

د. محمد السوداني

مشروع بحثي على مستوى مجموعة من كليات الطب يهدف لدراسة انتشار حالة التعرض للوخز او الجروح بالادوات الحادة بين العاملين في السلك الطبي العراقي وكيفية التعامل معها او عدم الابلاغ عنها!

Prevalence and Underreporting of Needlesticks and Sharp Injuries (NSIs) Among Healthcare Workers in Iraq.

نتمنى من زملائنا الاطباء واطباء الاسنان و الكادر التمريضي ملئ الاستمارة لمساعدتنا في دراسة المشكلة بشكل افضل


.
https://docs.google.com/forms/d/1nWiKYV03eePgBN_S6KR1KIEa7LaXUf2MyJU8cXUdx8k/edit?usp=sharing_eil_se_dm&ts=636f3c40

Case study From Imam ali hospital.

A 60 years old female presented to ER at imam ali hospital with acute DLOC.
المريضة فجاة فقدت وعيهه،
PMH: HF,HTN, IHD.

👍Exam:
- agitated patient
حجية تعيط ومتسمع كلام
- no peripheral pulse
- BP undetected
- chest crepits.

See photo 1
**
(((Part 1 managment)))
A, patent, B, RR= 26. Spo2 = undetected.
ربطنا المريضة مونتر
➡️
Patient recieved 4 amp. Of atropine, No benefit.
➡️
اتصلنا بغير مستشفى عمود
Pacing ..
بس ما استقبلونا...
➡️
سوينا للمريضة
Adrenaline infusion,
شون؟ جبنا امبولة وحدة ام ١ ملغ
حطيناها بطل مغذي نورمل ٥٠٠ سي سي
ومشيناها ٢٠ قطرة بالدقيقة،
ليش سوينا هيج؟
لان هم كايدلاين، وهم برديكارديا وهم شوك.
⬇️⬇️⬇️

هذا لل EcG ورا نص ساعة
Af + LBBB

See photo 2
****

((((Part 2.)))
هذا الجارت مالتنه😁
ورا نص ساعة بس
المريضة بدت تصحى، ال pulse صار ٧٠،
Bp 100/60

➡️ اطينا للمريضة ٤ امبولات لازكس ع ٣ ساعات...كل ساعه نضاعف الجرعة

➡️ ورا تقريب ٤ ساعات.. سوينا
Tapering,
لحد ما كطعنا
شوية شوية المريضة رجعت و بالاخير ع ايد د محمد طارق رجعت المريضة تمشي وكلش طبيعية

(((Part 3 )))
الي تبعنا بالمنجمنت هي هاي الصورة؛
وشكرا خاص لد محمد زوين قناته الرائعة،
الشغلات الي جنه نخاف منهه هي
Hyperkalemia,
جان نورمل...

بالاخير المريضة جانت
Slow Af
وطلعت بسلامه مع اتفاقية مع
Cardiologist

شكر خاص لدكتور Muhammed Tariq Mutar و
نورا التميمي
و لدكتورة نبأ ، مقيمة قدمى طب باطني في م. الامام علي ع.

من يجي مريض CKD نعتبر الـ ECG من ضمن الڤايتلز … لأن من أهم الشغلات الطارئة عدهم هي الـ hyperkalemia، وتنلگف بالتخطيط كـ
tented T wave ➡️ no p wave ➡️ wide QRS ➡️ sinusoidal qrs

فبمجرد نشوف أي وحدة من ذني نكتب بالباص العلاج الآتي، ويمشي بالترتيب:

١- كالسيوم گلوكونيت ڤياله بيها ١٠ سيسي تمشي خلال ١٠ دقايق
(*نتجنبه ويه الياخذون ديجوكسين)

٢- ندفع إنسولين ٥ وحدات وريدي بعد تجييك السكر
اذا السكر أقل من ٢٠٠ ⬅️ ٥٠ سيسي هايبرتونك
واذا أكثر من ٢٠٠ ⬅️ ميحتاج هايبرتونك

٣- تبخير (١٠ ملغ فنتولين تتخفف بـ ٤ سيسي نورمل ويبقى يتبخر ١٠ دقايق)

٤- لازكس ٣ امبولات بعد أن نجيك ضغطه ويطلع مو هايبو

نعيد التخطيط حتى نشوف نتيجة الشغل، والكالسيوم نگدر ننطي ٤ ڤيالات بالساعة الأولى …

مرة وحدة نمشيها راح تبقى بالبال … ونحاول نكون يم الأخوة الممرضين خاف تصير خربطة بالترتيب او بالدوزات … لأن مرات المريض يبقبق صدره ويمشيله ٥٠٠ سيسي GW !

Classification of shock
هواي مرات يجينا مريض وما نعرف شكد فاقد دم ونريد نعوضه ونبقى محتارين نعوض بطل واحد او ٢ او ١٠ شلون نحدد ؟
هنا تجي اهمية تصنيف shock الى class بحيث نكدر نعرف اقل كمية ممكن ان يكون فقدها المريض .
طبعا كل class محدد بي presentation مالته وشكد فاقد المريض دم لكن نخلي في بالنا ان هذا التصنيف يحدد اقل كمية ممكنة ، يعني المريض ممكن اعراضه مال class 3 بس هو في الحقيقة فاقد دم مال class 4 لذلك ما نشتبه ونعتبره التصنيف اقصى كمية دم ممكن ان يفقدها وانما اقل كمية دم فقدها المريض .
لكل class اكو علامة مميزة نكدر نحفظها ونهتم بيها مثلا class1 نلكه فقط pulse pressure زايد
و class 2 نلكه فقط tachycardia و class3  نلكه hypotension و class 4 نلكه disturbe level of consc.  لكن دائما ما نمشي على عامل واحد ونجمع كل الاعراض والعلامات في تصنيف shock لان هواي اكو عوامل ممكن تسبب خطا في الحساب مثل تناول b-blocker او athletic او غيرها .
ناخذ مثال male وزنه ٧٠ كيلو وجابوا للطواريء يعاني من نزيف وجان وعيه مشوش
شلون نعرف انه شكد فقد دم ؟
هنا نجي راسا ، مدام وعيه مو تمام معناها هو class 4 ( طبعا كون نستثني head trauma ) او نعتبر الوعي المشوش بسبب النزف الى ان نتاكد من خلاف ذلك . 
وحسب الجدول نعتبره فاقد اكثر من 40% من حجم دمه او اكثر من 2000 مل دم . طبعا اذا جان وزنه مثالي ( 70 كيلو ) نكدر نمشي على  2000 مل .
لكن اذا جان وزن المريض ١٠٠ كيلو ؟
هنا نحتاج نمشي على النسبة  40%
مبدئي male عدهم 66ml/kg
و female عدهم 60ml/kg
بالنسبة لهذا المريض اذا فرضنا وزنه ١٠٠ كيلو تصير حجم الدم 6600 مل
40% الي فاقدها تساوي لترين ونصف دم تقريبا .
وتعويض plasma  نكدر 1:1:1 يعني لكل بطل دم نعطي بطل بلازما وبطل صفائح .

@DrMohammadZwain
https://t.me/EMclinicalnotes

مرات نعالج الربو بالطوارئ بطريقة شويه ربش، فلو نسوي under لو overtreatment، رغم أنه الأسسمنت الأولي لعله مياخذ أكثر من دقيقة …

فمن يجينا المريض وهو أصلا عنده ربو، وويزي چست، ودزنك، وتأكدنا هاي مو كاردياك (ماكو علامات هارت فيلر)، فنشوف هل هاي تهيّج عادي ينحل بـ inhaler بالبيت (بس هو ما عنده كالعادة)، لو هاي acute severe asthma؟

الأكيوت نعرفها من أكو "وحدة" من ذني الـ ٣:
نبض > ١١٠، نفس > ٢٥، ميگدر يحجي جملة كاملة.

فهنا نبدي: ١- أوكسجين ١٠٠٪؜، ونگعد المريض،
٢- ڤنتولين (٥ ملغ)، وندزهم أتروڤنت (0.5 ملغ)
تبخير ينخبطن وننطيهن كل ٢٠ دقيقة، ٣ مرات.
٣- بردنزلون حب ٥٠ ملغ، أو H.C ڤيالتين.

بهالأثناء نبحوش عن أي علامة للـ life threatening
وهي: spO2 < ٩٢٪؜، ضغطه هايبو، GCS < ١٥، بالسماعة سايلنت چست، مزورگ، ميستجيب للعلاج.

وجود وحدة منهن يعني شغلتين: أولاً: ندز أشعة خاف نيموثوراكس، و ABG خاف pCO2 طبيعية أو صاعدة.

ثانياً: نحط غرامين MgSO4 بـ ١٠٠ سيسي مغذي يمشي خلال ٣٠ دقيقة (٧٠ قطرة بالدقيقة) … ونبلّغ الأقدم.

عائلة داڤدسون ترحّب بكم بأحدث اصداراتها العالمية

اقتني عائلة الكتب الآن مع خصم رائع لفترة محدودة!
🔶 Davidson principles and practice of medicine

🔶 Davidson Essential of medicine

🔶 MacLeod Clinical examination

🔶 Macleod Clinical Diagnosis

🔷 السعر قبل الخصم 163 الف.
🟠 السعر بعد الخصم 150 الف.

تتوفر خدمة التوصيل لكل المحافظات
07807201108
Zwainbooks.net
#تنصح_به_الكتب

كلمتين عن mechanical ventilator
من الاجهزة الصعبة ويحتاجلها هواي متابعة ومطالعة حتى تكدر تستوعبها .
نكدر نقسم modes مال ventilator الى 3 اقسام رئيسية :
اولا controlled ventilation  هنا المريض ماعنده اي effort وكل التنفس مالته عن طريق الجهاز بحيث لمن نخلي respiratory rate 12 يبقى 12 بدون اي زيادة
ثانيا assissted ventilation هنا المريض  عنده shallow breathing و bradypnea بحيث لمن نخلي RR على 12 راح نلكه الجهاز يؤشر انه المريض جاي ياخذ 18 ، 6 ملات المريض و 12 ملات الجهاز .

ثالثا supportive ventilation هنا المريض RR طبيبعي لكن عنده shallow breathing ويحتاج مساعدة من الجهاز بدون لا نتحكم RR .
طبعا كل قسم بي يتفرع الى اقسام فرعية :

مثلا controlled ventilation تشمل pressure controlled ventilation و volume controlled ventilation .ماكو فرق بينهم للمريض العادي لكن المرضى الي عدهم respiratory disease يحتاج كل واحد منهم ترتيب خاص بيه .

اما في حالة assisted ventilation فبيها عدة modes منهن bilevel و dynamic bilevel و vc-simv و pc-simv و PRVC . ويشتركن كلهن انه نكدر نتحكم بالنفس الي يدفعه الجهاز والنفس الي ياخذه المريض بالاضافة الى RR ، بيهن صعوبة ويحتاجن شرح عملي .

اخيرا supportive mode يشمل CPAP اذا جان المريض على mask و supportive ventilation اذا جان على تيوب والمشترك بيهن انه مانكدر نتحكم بال RR .

@DrMohammadZwain
https://t.me/EMclinicalnotes