امس اكثر من مرة سالوني اميلكم noradrenalin
لان مفقود من المستشفى كلها وجاي نمشي لمريضة وجانت النتائج ممتازة وصحتها تحسنت كثيرة
كان جوابي الهم هذا من تبرعات الشرفاء والمخلصين
وحبست في داخلي مشاعر الشكر والتقدير لكل من جاي يساهم ولو بمبلغ بسيط في التبرع لتوفير الادوية المفقودة وجاي يساعد في انقاذ ارواح المرضى .
الحمد لله اغلب الادوية المنقذة للحياة اصبحت متوفرة في المستشفى وان شاء الله متنقطع من خلال دعمكم المستمر .
للتبرع ارسال صورة رصيد او حوالة او زين كاش 07828196338

@DrMohammadZwain
https://t.me/EMclinicalnotes

هذا ABG كلش لطيف
مريضة دخلت للعناية من العمليات
عدها pheochromocytoma ولمن شايلين adrenal gland مباشرة صاير عدها severe hypotension وبقت علىagressive rescusitation مع vassopresser الى ان وصلت للعناية المركزة اطيناها sedation على morphine  وخليناها على mechanichal ventilator  واعطيناها  infusion noradrenaline من خلال CV line وبقت close obsrevation . وبهذا الاثناء سحبنا الها ABG وكانت النتيجة هيuncompansated metabolic acidosis كما متوقع يعني metabolic acidosis with respiratory acidosis طبعا هو متجه باتجاه compansation وما باقي الا القليل من خلال wash of CO2 لان
expected CO2=40-{1.2×(24-current HCO3)}
الي حسبناه يطلع 26.2 والقراءة مال PaCO2 هي 27.2  ,لكن من خلال anion gap جان عدها normal anion gap الي يساوي 7.5 و بما انه هي hypoperfusion المفروض lactic ketoacidosis الي هو من ضمن اسباب high anion gap لذلك المفروض يطلع AG عالي .
تفسيرها انه ماخذه كميات كبيرة من normal saline اكثر من 3 لتر لذلك زادت كمية CL وحسب المعادلة
AG= Na–(CL+HCO3)
فاذا زادت كمية الكلور راح تطلع anion gap طبيعية
العلاج فقط نحافظ على الضغط بالمستوى الطبيعي ونعدل hypokalemia  الحمد لله المريضة تحسنت وثاني يوم سوينالها extubation وطلعت للردهة وامورها مستقرة .

@DrMohammadZwain
https://t.me/EMclinicalnotes

انجاز كبير
تفتخر العناية المركزة في مستشفى الصدر بتحقيقه
وهو تماثل مريض مصاب ب severe tetanus
بعد جهود عظيمة بذلت لاكثر من ٢٥ يوم خرج اليوم
المريض من العناية المركزة بعد تحسنه تماما .
اول ما سوولنا استشارة جان المريض البالغ من العمر ٤٠ سنة راقد في الجملة العصبية ، جان مجرد ما تلمس المريض تصير عنده attack of muscle spasm وبدات تزود تدريجيا وتشتد وبدات تظهر مضاعفاتها .
دخلنا المريض للعناية وخليناه على mechanical ventilator كان تحدي كبير جدا في مواجهة  muscle spasm الي جانت تتكرر بالدقائق ، ومضاعفات spasm من ارتفاع الضغط و hypoxia و غيرها .
وصل مرحلة بدينا نفقد الامل ، لكن عناية رب العالمين جانت حاضرة وبدأت attacks تقل تدريجيا ولاسيما بعد ان سوينا trachiostomy .
هذا الجهد العظيم هو حصيلة تعاون اطباء وومرضي العناية المركزة بقيادة دكتور فائز احمد وبالتعاون مع اطباء الجملة العصبية بقيادة دكتور شهاب التميمي .
الشكر لله ولكل العيون التي سهرت من اجل انقاذ ارواح الناس وحفظ صحتهم .

@DrMohammadZwain
https://t.me/EMclinicalnotes

Opioid
من الادوية الي تخاف منها الاطباء هي المخدرات لذلك نلكه اغلب المرضى يبقون يشكون من الالم وما ياخذون ادوية كافية لشدة الامهم .
اشهر المخدرات الي متوفرة في المستشفيات هي
اولا  pethedine
ثانيا  morphine
ثالثا fentanyl
نسولف عليهم بشكل موجز
بالنسبة لل pethedine تجي الامبولة بيها 100mg/2ml ويعطى في حالات المريض stable vitally وماعنده cardiac disease لان يسوي tachycardia وايضا نحذر اذا عنده renal failure لان يسوي neurotoxicity وبي drug interaction خطير مع MAO inhibitor ويسويserotonin syndrom وعادة يوصف في fractures وغيرها من الاصابات الي المريض شاب وما ياخذ ادوية مزمنة وماعنده chronic disease بحيث ما نخاف من اي مشاكل .
جرعته من 25–50 mg يعني نصف مل الى مل واحد وريدي ومن 50–100 mg يعني واحد مل الى 2 مل عضلي او تحت الجلد  .
بالنسبة للmorphine فيفيدنا بالمريض unstable ولاسيما في RTA وSTEMI وفي العناية المركزة
الامبولة تجي 10mg/ml نكدر نعطي عضلي او تحت الجلد 10mg يعني واحد مل و وريدي 5mg يعني نصف مل . ونكدر نعطي infusion للمرضى الي عدهم الالم مستمر لفترات طويلة ان نخلي امبولة كاملة في 500ml ونسرعه حسب حاجة المريض .
اما fentanyl هو اكثر دواء مفضل في المريض vitally unstable وعادة نستخدمه ك analgesia في general anasthesia وما ينفع يعطى في الردهات او الطواريء  لان risk of respiratory depression فيه اعلى من باقي opioid لان هو اقوى من morphin ب ١٠٠ مرة .
الصورة تجمع الاخوة الثلاثة مع عدوهم naloxone 😅😅
@DrMohammadZwain
https://t.me/EMclinicalnotes

اللازكس
من الاستخدامات الغبية للdiuretic هو استخدامه في urine retension
بشرفك باعتبارك طبيب ودارس postrenal obstruction باي الية راح يطلع lasix ادرار المريض ،
ممكن نستخدمه في renal cause of oligurea بس في postrenal الي سببه انسداد اسال نفسك شلون راح يطلع urine ؟
بالعكس ممكن يسبب مشاكل لان راح يسبب زيادة في urine output وبما انه عدنا انسداد راح يسبب ضغط على kidney وممكن ان يسبب renal injury .
دائما فكر ولا تمشي على كلشي تشوفه كدامك .

@DrMohammadZwain
https://t.me/EMclinicalnotes

ان شاء الله باجر راح نسولف مع زملائنا المقيمين الجدد في مستشفى الصدر في النجف حول التحديات الي راح تواجههم في العمل في المستشفى
باجر في دار الاطباء الجديد ساعة ٥ العصر
الي يحب من الزملاء من باقي المستشفيات يحضر يراسلني لان المكان صغير
نشوفكم باجر ان شاء الله .

نصيحتي لكل زملائنا وزميلاتنا الجدد
لا تخلي روتين الاقامة الدورية يستهلكك  ويلهيك عن الهدف الاساسي من الروتيشن
تلتهي بالطبلات والكيس شيت والجاراتات والتور (على الرغم من اهميتها) وتنسى شي اسمه تدريب وتعلم .
تنسى تطور مهاراتك وامكانياتك ،صحيح بيها تعب واجهاد عليك
ان تقوم بعملين في ان واحد .
روتين واجبات المستشفى و training يصبح متعب ، لكن راح تبدي تشعر بقيمة جهودك وتعبك بعد فترة من الزمن لمن تثمر هذه الجهود وتصبح طبيب ناجح وتمتلك مستوى عال من العلم والمهارة يغبطك عليه زملائك واصدقائك .

@DrMohammadZwain
https://t.me/EMclinicalnotes

خدر بيدك محد يفيدك 😅😅😅
حسوني الوردة جاي يخدر نفسه وره ما عفنا شوية

تحضير الدم والاسم الرباعي
طبعا على الرغم من ان الفرق بين كتابة الاسم الرباعي عن الاسم الثنائي هو ٤ او ٥ ثواني فقط
لكن الى الان اكو تقصير شديد قي التعامل مع هذا الموضوع من قبل جميع كوادر المستشفى ،  الي يعتبر خطأ قاتل بمعنى الكلمة .
تاخذ من وقتك ثواني وتكتب الاسم الرباعي او على الاقل الثلاثي مع اللقب راح تجنبك خطا فادح يؤدي بحياة المريض
لان التشابه بين اسماء المرضى وابائهم لا تعد ولا تحصى وما يحتاج نثبت هذا الشي لان شايفي كثيرا في حياتنا اليومية
وفي حالة حدوث حالة ABO incombatibility مراح تكون معذور قانونا وشرعا واخلاقا .

@DrMohammadZwain
https://t.me/EMclinicalnotes

بعض الزملاء الجدد شايلين هم الدوام في المستشفيات وتحمل المسؤوليات لان التدريب والتعلم في السنة السابقة كان مو كافي واغلبه الكتروني .
طبعا حقهم يقلقون من هذا الموضوع المهم لان هذه ارواح ناس ومسؤولية اخلاقية .
حتى نكدر نتجاوز هذا التحدي يحتاج نبذل جهد اكبر في الفترة الاولى من التعيين ونتعب في التعلم والتدريب ونسأل ونبحث وندرس حتى نكدر نسد الفراغ الي تركه قلة التدريب في السنة الاخيرة من كلية الطب .
اهم كتابين يحتاج نقراهم كثيرا ونرجعلهم بالصغيرة والجبيرة خلال الفترة الاولى من الدوام هم
Oxford handbook of emergency medicine 5th edition
Tintinalli's emergency medicine manual
8th edition

@DrMohammadZwain
https://t.me/EMclinicalnotes

Classification of shock
هواي مرات يجينا مريض وما نعرف شكد فاقد دم ونريد نعوضه ونبقى محتارين نعوض بطل واحد او ٢ او ١٠ شلون نحدد ؟
هنا تجي اهمية تصنيف shock الى class بحيث نكدر نعرف اقل كمية ممكن ان يكون فقدها المريض .
طبعا كل class محدد بي presentation مالته وشكد فاقد المريض دم لكن نخلي في بالنا ان هذا التصنيف يحدد اقل كمية ممكنة ، يعني المريض ممكن اعراضه مال class 3 بس هو في الحقيقة فاقد دم مال class 4 لذلك ما نشتبه ونعتبره التصنيف اقصى كمية دم ممكن ان يفقدها وانما اقل كمية دم فقدها المريض .
لكل class اكو علامة مميزة نكدر نحفظها ونهتم بيها مثلا class1 نلكه فقط pulse pressure زايد
و class 2 نلكه فقط tachycardia و class3  نلكه hypotension و class 4 نلكه disturbe level of consc. 
ناخذ مثال male وزنه ٧٠ كيلو وجابوا للطواريء يعاني من نزيف وجان وعيه مشوش
شلون نعرف انه شكد فقد دم ؟
هنا نجي راسا ، مدام وعيه مو تمام معناها هو class 4 ( طبعا كون نستثني head trauma )
وحسب الجدول نعتبره فاقد اكثر من 40% من حجم دمه او اكثر من 2000 مل دم . طبعا اذا جان وزنه مثالي ( 70 كيلو ) نكدر نمشي على 2000 مل .
لكن اذا جان وزن المريض ١٠٠ كيلو ؟
هنا نحتاج نمشي على النسبة 40%
مبدئي male عدهم 66ml/kg
و female عدهم 60ml/kg
بالنسبة لهذا المريض اذا فرضنا وزنه ١٠٠ كيلو تصير حجم الدم 6600 مل
40% الي فاقدها تساوي لترين ونصف دم تقريبا .
وتعويض plasma  نكدر 1:1:1 يعني لكل بطل دم نعطي بطل بلازما وبطل صفائح .

@DrMohammadZwain
https://t.me/EMclinicalnotes

ET-tube in patient with disturbed level of conscousness
في المرضى الي وعيهم مشوش هواي نسمع ان هذا المريض ما يحتاج تيوب لان عنده spontinous breathing و SPO2 طبيعي .
الخطا هنا ، يرجع للindication of ET-tube الي من ضمنهن airway protection الي مالها علاقة ابدا بنسبة الاوكسجين في الدم وانما تعتمد على GCS .
فاي مريض سكور مالته اقل من 8 يحتاج تيوب حتى نحمي المجاري التنفسية من aspiration pneumonia الي ممكن ان تسبب بوفاة المريض لاحقا .
@DrMohammadZwain
https://t.me/EMclinicalnotes

ضروري نسعى لتوفير I GEL LMA في كل ردهات الطوارئ لانها تنقذ هواي حالات وما تحتاج اي خبرة او اجهزة اضافية .
مثلا مريض جاي تشتغله CPR ومجاي يصير effective chest expansion هنا كون نخلي للمريض ET-tube لكن نحتاج وياه laryngoscope و الاهم نحتاج خبرة ، الي هواي يفتقدوها .
الحل انه نخلي laryngeal mask airway (LMA) ومن افضل انواعهن هو I GEL الي ما بي بالون ينفخ لتثبيته في مكانه .
استخدامه سهل جدا وما يحتاج اي خبرة او ادوات ويتثبت مباشرة بال ambuo bag .
واكو هواي كلام عنه في اليوتيوب
تكدرون توفروه من خلال رفع مطالعة لادارة المستشفى لتوفيره في اقسام الطوارئ لاهميته في انقاذ حياة المرضى .
وما نكتفي برفع مطالعة وانما نتابع الموضوع ونأكد حتى يتوفر وما تضيع المطالعة في ركام الاوراق الرسمية .
https://youtu.be/ijAeVvgh7sg

الصورة لمجموعة من IGEL LMA
بمختلف الاحجام بعد ان وفرهن دكتور فائز مسؤول العناية المركزة جزاه الله خير
لكن المشكلة بعد نحتاج نوفرهن في الطوارئ
بعد ان تابعت اليوم المطالعة الي رافعيها الزملاء الممرضين .
حتى يتوفرن يحتاجن من شهرين الى ثلاث اشهر لان سالفة طويلة وروتين رهيب ومشتريات .
طبعا سعر ٦ قطع ب١٥٠ دولار
ونكدر نستخدمهن بعد غسلهن وتعقيمهن لاكثر من مريض
فالي يحب يتبرع ويساهم يكدر يرسل صورة رصيد او حوالة او زين كاش 07828196338

@DrMohammadZwain
https://t.me/EMclinicalnotes