Carrdiac arrest في صالة عمليات العيون
اليوم كاعدين بامان الله ننتظر نخلص اخر مريض في العمليات واذا فجأة يجينا احد الممرضين يركض ، دكتور الحك تخربط المريض بالعيون ، احنا هم ركضنا وراه ، وصلنا للمريض شفنا unresponsive ، abnormal breathing ، pulseless .
هنا بدانا بال ACLS بقيادة عمنا اخصائي التخدير د.علي نعمة خلينا et-tube وبدانا بchest compression وكملنا باقي خطوات ACLS الى ان  رجع pulse خلال وقت قصير اقل من عشرة دقائق وحولنا المريض على mechanical ventilation .
طبعا الهستوري مال المريض عنده عملية في عينه تحت التخدير الموضعي ومعطي فقط topical lidocain و topical adrenaline .
وتخربط فجأة وكان التفسير الاقرب لحالته هو oculocardiac reflex الي ممكن تسوي bradycardia او حتى asystole  .
الحمد لله رجع المريض spontinous breathing وشلنا tube وبعد فترة قصيرة رجع وعيه وكعد واعي تماما وحولنا راسا الى الطواريء الباطنية حتى يكملون management للمريض .
تعتبر Cardiac arrest في صالة العمليات في المرضى الي الغير متوقعين ، disaster لذلك كون نتخذ اجراء سريع وصحيح .
باثناء فحص pulse احد الي جانوا واقفين بجانبي جان خايف نبدي CPR باعتبار هذا الموقف كارثي وجان متردد انه اكو pulse ، في حين جان ماكو اي pulse في carotid artery واصريت انه ماعنده pulse وما توقفنا عن CPR الى ان رجع pulse واضح بعد فترة قصيرة .
القاعدة الذهبية في التعامل مع pulse في CPR تفحصه خلال ٥ ثواني فقط مو اكثر و اذا كنت متردد فاعتبره غير موجود وابدي CPR .

@DrMohammadZwain
https://t.me/EMclinicalnotes

دواء IV labetalol فعال جدا ولاسيما في مرضى الي عدهم intracranial hemorrhage الي يكون الضغط عادة resistant , يستجيب راسا ل labetalol infusion .
تجي الامبولة بيها 100mg/20ml نخلي امبولتين في 500 ml GW ونمشي حسب الضغط عادة من 10 الى 15 قطرة بالدقيقة كافية وراح يستقر الضغط الي هو من اولويات في مرضى ICH .

الشكر الجزيل لكل الزملاء والزميلات على تبرعاتهم ودعمهم

مراعاة الاولويات
من اهم الامور الي نتعلمها في الطب هو logical thinking في مراعات الاولويات الي نركز عليها كثيرا لكن الى الان الكثير يفشل في التعامل معها .
اعطيكم مثال
سولنا استشارة للعناية المركزة قبل فترة ، وصلت للمريض لكيته وعيه مشوش وضغطه هابط وجان داخل بcalss 4 hemorrhagic shock ويردون مني انقله للعناية لان SPO2 نازل ، بدل ان يصبون جهدهم على aggressive resuscitation  ، كان قراري بوقتها ان الاولوية الان هي لرفع الضغط بكل الوسائل الممكنة وبالنسبة لل breathing نحاول نصعد SPO2 باي وسيلة ممكنة بال ambu bag ، وان حالة المريض لا تتحمل نقل لاي مكان اخر واي ثانية نضيعها في وضع على mechanical ventilator راح تشكل خطر كبير على حياة المريض وبالفعل توفى المريض بعد نصف ساعة .
حالة اخرى اتصل بي الطبيب من مستشفى اخرى يردون سرير عناية مركزة لمريض صاير عنده anaphylactic shock وضغطه 50/20 وخاليله ET-tube وعلى ambu bag .
جان الطلب مالتهم  غير صحيح لان  مريض ما مستقر ممكن يموت بالنقل وبالتالي نخسر المريض لعدم مراعاة الاولوية ، لان هكذا مريض اذا سوينا secure لل airway ونبقى ننفخله بال ambu واذا صعد SPO2 لمستوى مقبول بعد ما نحتاج نضيع وقت على mechanical ventilator  ونصب جهودنا على resuscitation لان هي الي راح تحدد حياة المريض .
الكلمة الاخيرة مريض داخل في shock تبذل كل جهودك في تعديل الضغط ولا تضيع وقتك على امور ثانوية ودائما ركز على life threatening conditions .
@DrMohammadZwain
https://t.me/EMclinicalnotes

ادفع باللي يعجبك
اي اي انت اللي راح تحدد سعر الكتاب - مو بس هاي لا همين شكد ماراح تخلي سعر راح يروح كاملاً لمساعدة الفقراء والمحتاجين و احنا بشهر رمضان شهر الخير والعطاء 🌹.

اختار اي كتاب من الكتب المعروضة بالمنشور واختار السعر اليعجبك وراسلنا
@zwainbook
الحملة تنتهي حتى انتهاء الكمية الموجودة

#زوين_للكتب_الطبية
#ادفع_باللي_يعجبك
#رمضان_الخير_و_العطاء
@zwainbook

هذه الكيس عظيمة ونادرة جدا
مع عمتنا الغالية دكتور بشرى جعفر اخصائية النسائية في الساعة ١٢ باليل
ومع الزملاء الاعزاء مقيمي التخدير
ان شاء الله اسولفلكم عنها في اقرب وقت
اندعوا للمريضة تكوم بالسلامة لان هي بالعناية المركزة حاليا .

طبعا تاخرت اكتب عن هذه المريضة لان خفت تتدهور حالتها لكن الحمد لله بعد ان سوينالها extubation وطلعناها للردهة لذلك اكدر اسولف عنها ، واكول بجهود فريق عمل كادر العناية المركزة من اطباء وممرضين وبالتنسيق مع اطباء الجملة العصبية تحسنت حالة مريضة شابة عمرها ٢٠ سنة مصابة ب mysthenia gravis بعد رقود لمدة 11 يوم في العناية على mechanical ventilator . جانت القصة مؤلمة جدا ومرت باوقات حرجة تعبت بيها و تاثرنا عليها كثيرا وتمنينا من كل قلبنا تطلع باسرع وقت وترجع لعائلتها .
بدت قصتها لمن انصابت بpneumonia وهي مشخصة مسبقا ب mysthenia gravis فبدات تشعر بضيق نفس وبدا SPO2 مالتها يقل ودخلت ب respiratory distress وبدت تفقد cough reflex قررنا نخليها على ET-tube وبقت على تيوب لمدة كم يوم ومرت باوقات صعبة وتدهورت صحتها لكن المفاجاة الكبيرة انها صار عدها rupture membrane لان هي اساسا حامل وبالشهر الرابع لذلك بالتنسيق مع طبيبة النسائية الي قررت ندخلها الى صالة العمليات ونسوي عملية قيصرية وبالفعل على وجه السرعة دخلناها للعمليات وطلعنا الجنين الي جان صغير جدا وبالكوة يجر النفس وعمره اقل من ٢٤ اسبوع وجان طبيب الاطفال حاضر واخذه راسا للخدج  .
كان تحدي كبير وحالة نادرة ولله الحمد نجحت العملية وطلعت المريضة بسلام وصعدت للعناية من جديد وبقينا نتابع حالتها باستمرار وبدينا وياها weaning من جهاز التنفس الاصطناعي الى ان كدرنا نشيلها عنه  ونخليها على face mask و بعدها طلعناها لردهة الجملة العصبية .
الله يحفظ جميع المرضى ويمن عليهم بالصحة والعافية .

الله يساعدكم زملائنا وزميلاتنا الاعزاء
من اكثر الناس الي نحتاج نساعدهم في هذا الشهر الفضيل هم المعينين وموظفي الخدمات في المستشفى ودار الاطباء
الي يبذلون جهود كبيرة مقابل اجور زهيدة وبخسة من الدولة ومعظمهم حالته المادية ضعيفة جدا وهم بين اصحاب عوائل او شباب يردون يكونون عائلة .
مساهمة بسيطة منكم ممكن تكون كبيرة في نظرهم
للتبرع ارسال رصيد او حوالة على زين كاش
على الرقم 07828196338

@DrMohammadZwain

https://t.me/EMclinicalnotes

Ventilation during CPR
من اهم reversible causes في carrdiac arrest من ضمن 4H هو hypoxia الي نحتاج نهتم بيها اثناء CPR .
بالبداية نحتاج نسوي effective bag mask ventilation واهم علاماتها هو chest rise ، فاذا مجاي يصعد صدر المريض معناها ineffective ventilation وبالتالي نحتاج نبحث عن السبب اما في tachnique او في المريض .
لذلك نحاول نسوي seel جيد على فم المريض ونمنع تسريب الهواء وايضا نضغط الماسك على الفك بطريقة C-E وكون مسوين head tilt chin lift  نميل الراس الى الخلف ونرفع الفك الى الاعلى ونكدر نخلي pillow  بين اكتف المريض من الخلف حتى نسيطر اكثر ويتحقق head tilt افضل .
واذا مافاد نلزم الماسك بايدينا اثنينهن ونخلي شخص اخر يساعدنا ويضغط bag اذا مافاد نخلي oral airway مع nasal airway ونخلي الماسك فوقهن ونستمر بال ventilation .
اذا كلهن مافادن وبقى ماكو chest rise معناها احتمال كبير السبب في المريض ونحتاج نسوي bypasd للpharynx حتى ننجح في تهوية المريض.
ونكدر نخلي LMA الي عادة كافي لتهوية الرئة في الحالات الطارئة وما يحتاج laryngoscope  وانما نخلي blindly
واذا جان غير متوفر نخلي ET-tube وحتلو جنت فقط شايف procedure وما مدرب عليها بشكل كاف حاول بيها لان احسن ما تفقد حياة المريض .
اكو هواي فيديوهات على هذا الموضوع في youtube تكدر تشوفهم وتتعلم منهن .
وتذكر القاعدة effective bag mask ventilation افضل من اضاعة الوقت في ادخال ET-tube اذا كنت غير مدرب .
https://youtu.be/zUGw90iL0Qw
https://youtu.be/9GPPLR_3aBE

@DrMohammadZwain
https://t.me/EMclinicalnotes

زملائنا الاعزاء تفاعلكم مع القناة اقل بكثير من السابق
وحتى اكو الكثير من المشتركين جاي يطلعون من القناة
اتمنى اسمع منكم حول السلبيات الي جاي تلاحظوها ومقترحاتكم لمعالجتها .

اشكر كل تعليقاتكم وكلماتكم الطيبة
الي تمثل بالنسبة الي الكثير
واتمنى ان اكون دائما عند حسن ظنكم
واسال الله التوفيق في الاستمرار في نشر العلم والمعرفة

التعب في الخفارات
من شب على شيء شاب عليه
عود نفسك ان تبذل اقصى جهدك وطاقتك في اداء واجبك ومسؤليتك في الخفارات والدوام من اول ايام دوامك . 
كل الذكريات تنسي ، التعب والراحة والاسترخاء وقلة النوم لكن الي يبقى اداء الواجب اما ان تقصر بي او تؤدي على احسن وجه .
محد يتذكر تعبه او راحته قبل شهر او سنة لكن التقصير في حياة وصحة مريض راح تبقى ومتنسي واذا تنساها انت يتذكرها المريض واذا ما يعرف بيها المريض الله يدري بالتقصير .
دير بالك تتعلم من حجي المحيطين بيك وشقاهم وضحكم وتهاونهم في اداء واجباتهم ، لان هذا التهاون راح يصبح ندم عظيم لمن تعرف بنفسك سببت بفقدان شخص عزيز ودمرت حياة عائلة كاملة .
اللود يخلص والتعب يخلص وكل شي يخلص بس التقصير يبقى ، يبقى بسجلك كدام ضميرك وكدام زملائك وكدام رب العالمين .

شنو هذا acid base disturbance وشنو سببه وشنو علاجه

الجواب النموذجي من عمنا اخصائي التخدير والعناية المركزة
نسولف عن الموضوع بشكل اكثر في اقرب وقت

Metabolic acidosis
من المواضيع المهمة الي نواجهها كثيرا في المستشفى ولاسيما مرضى sepsis
بالبداية نحتاج نعرف شلون نحدد primary acid base disturbance
اكو ثلاث قواعد مهمة
١. اذا جان PH و PaCO2 اثينهن في نفس الاتجاه اما صاعدات او نازلات فهذا metabolic
٢. واذا جانن متخالفات واحد صاعد وواحد نازل فهذا repiratory
٣. واذا جانن واحد متغير والثاني طبيعي ففي هذه الحالة اذا جان المتغير PH فهذا metabolic واذا جان المتغير PaCO2 فهذا respiratory .
نجي للصورة الي عدنا للمريضة الي clinical feacture مالتها septic shock وللتحليل مالتها فقط PH نازل لذلك نعتبرها metabolic acidosis .
بعدها نتجه الى الخطوة التالية حتى نعرف compansated ام لا
وهذا من خلال معادلة خاصة بكل acid base disturbance وفي حالة metabolic acidosis المعادلة هي
expected Pco2 = 40 - {1.2×(24 - current HCO3)}
وفي حالة مريضتنا يطلع الناتج 27.8 الي تعني كون الجهاز التنفسي يطلع CO2 حتى نخلص من acidosis ويوصل مستواه الى اقل من 27.8 وبما ان المريضة هنا paco2 هو 36 اذن هي uncompansted metabolic acidosis او نكدر نكول secondary respiratory acidosis يعني المريضة عندها primary metabic acidosis with secondary respiratory acidosis .
لا تدخون بالتسميات المهم هي uncompansated .
هذا الحجي نطبقه لكل انواع acid base disturbane نحتاج نحدد priamary و secondary disorder لكن المعادلة تختلف حسب الخلل .
في metabolic acidosis  فقط ركز هنا  يعني ما نسويها بغير مكان
نطلع anion gap حسب المعادلة لان تفيدنا بالتشخيص
anion gap = Na - (Cl + HCO3 )
في هذه المريضة يطلع الرقم 18.1 يعني high anion gap لان الطبيعي ( 4 ± 7 )
وعدنا اسباب metablic acidosis تنقسم الى  high او normal anion gap
وفي حالة مريضتنا احد اسباب high AG هو lactic acidosis الي يصير في حالة septic shock .
طبعا المريضة هي post op. Intestinal obstruction ودخلت للعناية المركزةseptic shock .
خلينها على mechanical ventilator و vassopreesor و fuid replacement و antibiotic وغيرها من العلاجات
واليوم تحسنت وسوينالها extubation وتستعد لمغادرة العناية .
@DrMohammadZwain
https://t.me/EMclinicalnotes

Metabolic alkalosis
من اكثر acid base disturbance شيوعا في المرضى و الي ما يتلفت اله هو metablolic alkalosis .
مثل ما وضحنا بالمنشور السابق اذا جانت PH متغيرة PaCO2 ثابت نعتبره metablic
وهذا الي موجود في حالة مريضنا لذلك هو metabolic alkalosis .
يبقى نبحث عن secondary responce وهنا ايضا عدنا معادلة خاصة بيه
Expected PaCO2 = 40 + {0.7 ×(current HCO3–24)}
ويساوي 56 الي هو اعلى من قراءة المريض 41.9 يعني المريض ما جاي يسوي CO2 retension حتى يعادل القاعدية مال bicarbonate والكمية المطلوبة كون فوك 56 والي ما متحقق في هذا المريض لذلك هو uncompansated metabolic alkalosis او primary metabolic alkalosis with secondary respiratory alkalosis . وعادة metabolic alkalosis صعب يصير بيها compansation لان يتطلب تقليلrespiratory rate و volume وهذا الشي صعب لذلك عادة هو uncompansated .
بعدها نجي نبحث عن السبب الي عادة اما زيادة في دخول HCO3 الى الجسم او زيادة في امتصاصه . واضح هذا المريض عنده hypokalemia الي ممكن يكون سبب او نتيجة alkalosis .
في حالة كان السبب hypokalemia او hypocloremia راح يصير زيادة بامتصاص bicarbonate لاسباب مذكورة في الصورة وتحتاج شرح طويل 😅 .
هذا المريض بعد ان بدأنا وياه kcl infusion صعد البوتاسيوم وتحسن alkalosis مباشرة .

@DrMohammadZwain
https://t.me/EMclinicalnotes