#الزائدة_الدودية
راح انسولف عن appendicitis :
1. طبعا تشخيصها clinical بشكل رئيسي والأمور الي نعتمد عليها في هستوري هي تقريبا ستة تقريبا :
‏ 1- RLQ pain
‏ 2-Migration of pain to the RLQ
‏ 3- Presence of pain prior to vomiting
‏ 4- No history of prior similar pain
‏ 5- Vomiting
‏ 6- Pain worsened when driving over speed bumps الالم يزداد اثناء المرور على طسة خلال القيادة .
اما في examination فايضا ستة تقريبا :
‏ 1- RLQ tenderness
‏ 2- Abdominal wall rigidity
‏ 3- Pain focused at McBurney’s point
‏ 4- Rebound tenderness
‏ 5- Temperature > 38.3°C
‏ 6- Psoas sign
طبعا اكو score للحساب ، لكن يبقى clinical judgement هو الأفضل في التشخيص .
2. بالنسبة للفحوصات :
‏1- WBC مع C-reactive protein اذا اثنينهم صاعدين فهذا ايرجح بشكل كبير وجود appendicitis , اما اذا جان واحد منهم صاعد فقط ، فالاحتمال ايقل بشكل كبير .
‏2- GUE مهم ايضا علمود نعرف خاف مصدر الالم هو renal colic او pylonephritis .
‏3- pregnancy test مهم جدا وروتين حتى نستثني ectopic pregnancy .
‏4- US عادة يستخدم ومناسب للأطفال والحوامل .
‏5- CT مع IV contrast الذي يستخدم اذا جان السونار غير واضح ، لكن غير شائع استخدامه عدنا بالطواريء استخدامه .
3. العلاج :
‏1- nil per mouth :لا شيء عن طريق الفم
‏2- IV fluid
‏3- antipyreric
‏4- opioid analgesia : طبعا عادة ميعطى للتخوف من اخفاء physical finding ، لكن اكو ادلة كافية ان opioid ما اله اي تأثير على تقليل finding خلال الفحص .
‏5- antiemetic
‏6- antibiotic : نكدر نعطي ciprofloxacin 400mg Iv مع metronidazole 500mg Iv
‏7- surgical consultation .

ان شاء الله راح انسولف بجم حلقة عن علاج الالتهابات في الطواريء تحت هذا الهاشتاك #علاج_الالتهابات_في_الطواريء
أشهر انواع الي نواجها هي اربعة تقريبا :
‏1- gastroenteritis
‏2- meningitis
‏3- respiratory infection
‏4- urenary tract infection

راح نبدي بالgastroenteritis
راح نسولف مباشرة بالعلاج
‏1- fluid نمشيله 500 مل نورمال سلاين او رنكر لاكتيت لكن في حالات الجفاف الشديد نبديله رأسا لترين سوائل خلال ساعة الى ان يطلع urin .
‏2- diet كون المريض يأكل الأكلات التالية موز والتفاح والتمن والخبز لان بيها خاصية توكف الإسهال بالاضافة الى بوتاسيوم .
‏3- antibiotic اذا كنا شاكين في ان السبب bacterial نطي ciprofloxacine 500mg مرتين باليوم لمدة ثلاثا ايام و metronidazole ابو 750 ثلاث مرات باليوم لمدة خمسة ايام والاشياء الي تخيلنا انشك ان السبب هو بكتيري : اذا جان الإسهال بي دم او المريض عنده حمى عالية او المريض toxic او مسافر لان نسبة ان يكون الإسهال بكتيري في المسافر هو 80‎%‎ . وبالنسبة للأطفال والحوامل نكتب azithtomycine . اكو ملاحظة لطيفة ومثيرة للجدل انه لكوا ciprofloxacine يعطى حتى بالإسهال الفايروسي وممكن ان يقلل من الإسهال .
‏4- antiemetic اذا عند المريض قيء نكدر نطي metoclopramide
‏5- antidiarrhial كون نحذر من وصفها الا في حالة الإسهال الفيروسي لان في حالة الإسهال البكتيري تعتبر contraindicated أشهر واحد بيهم هو loperamide .
هذا الكلام الفوك هو كله يدخل ضمن empirical treatment يعني بدون اي تحليل او فحوصات مختبرية وإنما نعتمد على التاريخ المرضي والفحص السريري .

#علاج_الالتهابات_في_الطواريء
اليوم راح انسولف حول التهاب السحايا meningitis

1- اكو عبارة مهمة جدا انه مطلقا لا تاخر إعطاء المضادات الحيوية علمود تسوي LP او ادز المريض CT وإنما يأخذ المريض المضادات الحيوية اعتمادا على التوقع suspicion ونأجل التشخيص النهائي بعدين وره العلاج .
2- بالنسبة لempirical treatment الإعمار من شهر الى 49سنة نكتبلهم ceftriaxone و vancomycin في حين الإعمار الجوه الشهر او فوق 50 سنة نضيفلهم ampicillin علمود Listeria
3- نعطي المريض dexamethazone قبل المضادات الحيوية او بعدها مباشرة حوال 10mg
4- مننسى السوائل وعلاج الحمى ومراقبة الأملاح لان خاف ايصير عنده SIADH
5- نعطي لأهل المريض او حتى الأطباء اذا جان اكو contact مع secretion مال المريض فيأخذون ciprofloxacine ابو 500mg جرعة وحدة .
6- بالنسبة للviral meningitis فعلاجها supportive لكن كون انصير حذرين لان تشخيصها هو diagnosis of exclusion , وإذا واجهنا صعوبة في التمييز وهذا امر وارد عادة ، نعتبره bacterial meningitis وإذا جان عدنا شك بالherpes simplex نعطي وياه acyclovir .
Dr.Mohammad zwain

#علاج_الالتهابات_في_الطواريء
راح انسولف عن upper respiratory tract infection الي هن ثلاث فقط :
‏1- acute bronchitis
‏2- common cold
‏3- influenza
راح نبدي بالتهاب القصبات الحاد acute bronchitis
اهم مايميزه هو الكحة سواء ناشفة او مع البلغم وقد يرافقه حمى او حرقة في البلعوم او احتقان الأنف لكن تبقى الكحة الي صارلها جم يوم (acute) هي الميزة الرئيسية ، علاجها من الأخير هو لاشيء لان هي self limited وكل العلاجات الي تستخدم من مضاد حيوي الى مانع للاحتقان decongestant الى أدوية الكحة ماكو فرق بيها عن placebo وحتى مضاد الهستامين هم مابي فائدة ، فقط المضاد الحيوي شافوا بي فائدة بسيطة لكن مترجح على (drug resistance ) الي راح اتصير بالمستقبل لذلك لا يفضل وصفه .لكن وجدوا ان الخنقة والكحة ممكن ان تستجيب لل salbutamol bronchodilator .
اما بالنسبة للنشلة او common cold فتتميز بsneezing و rhinorrhia و sore throate وcough اهم مافي كل هذا انه مابيها systemic symptoms لذلك نكدر انميزها عن influenza ,
علاجها فقط decongestant و antihistamine .

فيما يتعلق بال influenza فتتميز بالfever و myalgia و headache و sore throate و dry cough . عادة العلاج هو symptomatic أيضا مثل صاحبه لكن في حالة كان المريض عنده risk factor ومعرض للcomplication ففي هذه الحالة نوصف antiviral الي يشمل oseltsmivir و zanamivir
بالمناسبة هذا الكلام قد يقال انه خاص بالستشارية وموسم الطواريء لكنه مذكور في كتب الطواريء وانت تواجهه بالعمل في ED وخاصة بالعراق لان بعد انتهاء عمل الاستشارية كل المرضى يجون للطواريء

Dr.mohammad zwain

#علاج_الالتهابات_في_الطواريء
اليوم راح انسولف عن التهاب الرئة pneumonia .
احيانا من الصعب التمييز بين acute bronchitis التي سولفنا عنها في الحلقة السابقة والتهاب الرئة لهذا نخلي سماعتنا على صدر المريض وانحاول نسمع crepitation فإذا ما سمعنا هذا ميستثني احتمال التهاب الرئة ونحاول اندز المريض CXR وإذا طلعت الأشعة مابيها شي وجان عدنا suspicion بالpneumonia نعالج وفقا لهذا التوقع .
نعطي علاج empirical ونقسم المرضى الى قسمين :
قسم نطيهم علاج ويرجعون لبيتهم (outpatient) وقسم ندخلهم للمستشفى ونطيهم علاج (inpatient) .
بالنسبة للoutpatient نطيهم azithromycine لمدة خمسة ايام اول يوم يأخذ 500mg والأربعة الباقية يأخذ ابو 250mg , وإذا اجانا المريض وكال خذت أدوية مال التهابات وماصرت زين او عنده أمراض comorbidtiy نعطي levofloxacine ابو 750mg مرة وحدة باليوم لمدة خمس ايام .
بالنسبة للinpatient فنطبكهن اثنيهن azithromycine و levofloxacine .
اما اذا المريض داخل بالمستشفى وصارلة ثلاث ايام تقريبا وصارت عنده pneumonia فنكتبله levofloxacin مع cefepime مع vancomycin .
وطبعا كلما المريض يأخذ الأدوية من وكت تكون النتائج افضل لهذا ينصح ان يبدي المريض بالعلاج خلال اول ست ساعات من التشخيص .
Dr.Mohammad zwain

#علاج_الاتهابات_في_الطواريء
الحلقة الاخيرة
اليوم راح نحجي عن التهاب المجاري البولية UTI
راح نقسمه المرضى ثلاثة أقسام simple و complex و complicated .
1-بالنسبة simple UTI الي يعانون فقط من التهاب المثانة cystitis نكدر نكتبلهم trimethoprim /sulfamethoxazole حباية وحدة لمدة ثلاث ايام .
2-اما بالنسبة complex UTI تشمل الي عدهم pyelonephritis فإذا جان الاتهاب بسيط او متوسط نطيهم ciprofloxacine ابو 500 mg لمدة سبعة ايام . وإذا جان شديد بحيث يحتاج دخول الى المستشفى نطيهم ciprofloxacin ابو 400 مرتين باليوم لمدة اسبوعين .
3- بالنسبة complicated UTI الي تشمل UTI في الحوامل نطيهم ceftriaxone مرة وحدة باليوم لمدة يومين بعدين نطيهم nitrofurantion مرة وحدة باليوم لمدة عشرة ايام .
Dr. Mohammad zwain

اليوم راح نحجي عن إصابات الرأس
‏ #head_trauma
وشنو الامور التي نحتاج ان نراعيها كميقيمين دوريين :
1- اي مريض عنده إصابة في الرأس نتوقع عنده إصابة في العنق until prove otherwise . لذلك انخليله cervical collar اذا متوفرة او على الأقل منحرك الرقبة قبل لا تطلع نتائج x-ray مالت العنق الي هي lateral , AP ، و odontoid view .
‏2- air way : اهم فقرة انه اذا جان GCS اقل او يساوي 8 نحتاج نسوي call لجماعة RCU لان يحتاج intubation . واذا جان فوق 8 كون نراقب Spo2 مينزل جوه 90
‏3- circulation : اهم شي نحافظ على systole فوق 90 ، من خلال fluid و blood واذا ما ارتفع الضغط نستخدم vasopressor .
‏4- position : نخلي مستوى الرأس حوال 30 درجة اعلى من الجسم .
‏5- glucose : يحتاج ان نراقب السكر بحيث ميصعد لان يسبب ضرر على الدماغ بحيث يكون بين 100-180 .
‏6- temperature : نحتاج ان نراقب المريض بحيث تبقى حرارة طبيعية ، لان الحمى تسبب ضرر للدماغ .
‏7- seizure treatment and prophylaxis : اذا انشمر المريض يحتاج نطي Iv lorazepam ، اما prophylaxis ففي حالة وجود abnormal finding in head CT , اذا جان GCS اقل من عشرة ، وبعد الشمرة ، هذني ثلاث حالات يحتاج تطي بيهن phenytoin بجرعة 18mg/kg بسرعة 25mg/min تفاصيل الجرعة انسولف عنه في حلقة seizure
‏8- elevated ICP : كون نراقب العلامات والأعراض التي تشير الى ارتفاع موجودة في الأسفل ، في حالة وجود هذه العلامات نحتاج ان نعطي mannitol 0.5gram/kg , فإذا الشخص وزنه 70 كيلو وحسبناله على 0.5gm راح ايكون 35gm وبما انه باينت ابو 500ml بي 50gm يعني في كل 100ml اكو 10gm لذلك نعطي 350 ml كون يخلص خلال 30-60 دقيقة وبالامكان إعادته وره ست ساعات .
Indicators of rising ICP include
severe headache, visual changes, numbness, focal weakness, nausea, vomiting, seizure, change in mental status, lethargy, hypertension, coma, bradycardia, and agonal respirations. Signs of impending transtentorial herniation include unilateral or bilateral pupillary dilation, hemiparesis, motor posturing, and/or progressive neurologic deterioration.

راح نحجي اليوم عن علاج الربو في الطواريء #asthma
1-اول علاج هو الأوكسجين وكون نسعى ان يبقى spo2 فوق 90‎%‎ .
‏2- nebulized salbutamol بجرعة 5mg وبما انه solution بي 5mg/ml ناخذ 1ml ونخففه باربعة مل نورمال سلاين حتى ايصير خمسة مل . ونكدر انعيدها بعد 20 دقيقة لثلاث مرات . واذا ردنا نعطي continous nebulizationفراح اتكون بجرعة 15mg/h .
‏3- ipratropium : على شكل nebulized solution بجرعة 0.5mg ، وبما انه solution بي 250ug/ml لذلك راح ناخذ 2ml . وايضاً نكدر انعيده بعد 20 دقيقة لثلاث مرات .
‏4-steroid : نعطي hydrocortisone بجرعة 100mg ونكدر انعيدها بعد ست ساعات .
5- اذا شكينا بوجود infection نعطي مضاد حيوي مثل azithromycin او amoxicillin مع او بدون clavulanic acid .
‏5- magnesium sulfate : نحتاجه فقط في حالة sever asthma .
6- اذا بدا يدخل في Respiratory failure يحتاج اندخله الى RCU .
Dr. Mohammad zwain

سلام عليكم
راح انسولف بجم حلقة عن علاج cardiovascular disease في الطواريء تحت هاشتاك #علاج_الامراض_القلبية_في_الطواريء
اول شي راح انسولف عن علاج الجلطة القلبية (ACS) acute coronary syndrome الي تشمل stemi و nonstemi و unstable angina والعلاج المذكور يشملهن كلهن . راح انسولف عن العلاجات المتوفرة عدنا بالمستشفى . ادوية ACS تنجمع في 8 أدوية ومتحتاج اي دوخة راس 🤕 .
1- اول شي نعطي هو aspirine 300 mg ، الحباية الوحدة 75mg لذلك يكرط اربع حبايات chewable .
2- ادور نعطي اخو الاسبرين الي هو clopidigrel أيضا نفس الجرعة 300mg كل حباية 75 لذلك يبلع اربع حبايات .
‏3- heparin او enoxaparin ، طبعا LMWH افضل من الهييارين بهواي جوانب ، ونكدر نعطي بجرعة 1 mg/kg وبما غالب المرضى وزنهم 75 كيلو ، لذلك نحتاج 75mg وبما انه الامپول بي 60 mg لذلك تقريبا نعطيها كلها ، ونعيدها كل 12 ساعة تحت الجلد . اذا ما كو enoxaparin بالمستشفى نكدر نطي هيبارين loading 5000IU وبما انه الامپول بي 5000IU/ml نعطي ml واحد وبعدين maintenance وهذا محد يستخدمه بالطواريء لأسباب غير علمية لكن هو سهل كون نعطي 1000IU كل ساعة ، يعني نخلي مل واحد الي بي 5000IU في بطل مغذي ابو 500 يعني صار في كل 100مل مغذي 1000IU ونخلي المغذي يخلص خلال خمس ساعات . وهكذا حققنا المطلوب الي هو 1000IU بالساعة .
4- الدواء الرابع هو عمنا الجبير actalase اسمه العلمي alteplase من عائلة thrombolytic الجرعة مالته نعطي 15mg loading , بعدين 50mg خلال نصف ساعة ، وبعدين 35 خلال ساعة مجموع الجرع هو 100mg طبعا الي يشوفها ينعطى مرة وحدة بعد مينساه لان هو يجي على شكل vial فميحتاج تخفيف . كون مننسى انه نكتبه اذا ماعدنا PCI خلال تسعين دقيقة او ساعتين .
بقى عدنا اربع أدوية انسولف عنهن بالحلقة الجاية ان شاء الله .
Dr. Mohammad zwain

نكمل الحلقة الثانية من #علاج_الأمراض_القلبية_في_الطواريء
وبقالنا اربع أدوية من ادوية acute coronary syndrome
‏5- nitrates : بي ثلاث انواع لكن الي نستخدمه بالطواريء هو glyceryl trinitrate , الهدف من استخدامه شغلتين اينزل الضغط وايقلل الالم ، يعني لمن نبدي كون الضغط sys فوق 90 ونبدي حباية تحت اللسان ونعيدها ثلاث مرات كل خمس دقائق اذا الالم ما قل نحول على IV ، الجرعة هي 10 مايكروغرام في الدقيقة اشلون راح نحسبها ، الامبول بي 10 مل وكل مل بي gm1 لذلك ناخذ مل واحد ونخلي في 100cc مغذي يعني صار عدنا كل cc بي عشرة مايكروغرام ، يعني كون يخلص cc واحد بالدقيقة حسب المطلوب ، فإذا جان خالي بmicro drip كون 60 قطرة بالدقيقة وإذا بالset العادي ف15 قطرة بالدقيقة .
6- مورفين نعطي 5 mg ونعيده كل 5-15 دقيقة الى ان ايروح الالم ، الموجود بالطواريء عادة هو tramadol لكن هو weak opioid وما مذكور في الكتب انه يصير نستخدمه في ACS لكن اذا ما كو شنسوي .
7- نجي للb-blocker اول شي شغلة IV نذبها على كتر لان طلع ايسوي مشاكل ، يبقى oral ميعطى الا بعد ان يستقر المريض وكون ماعنده موانع استخدام ، يعني الخلاصة ان لا نستعجل عليه وناجله بالاخير كلش واصلا اكو ايكولون متحتاج تطي بالطواريء ، الا اذا اكو indication .
8- بالنسبة للstatin هم مو لازم نبدي بي بالطوارئ ومن الممكن ان يتاخر ، يعني من الأفضل ان نبدي بي خلال 24 ساعة .
Dr.Mohammad zwain

سلام عليكم
#علاج_الأمراض_القلبية_في_الطواريء
هاي اهم حلقة من بين كل الحلقات السابقة ، لان الموضوع محير وأيدوخ وهو شنسوي في حالة الشك هل هذا الالم الي يعاني منه المريض هو acute coronary syndrome او لا واشلون راح نتعامل مع المريض واحنا نعرف انه normal ECG does not exclude heart disease فشنو الحل .
اكو موضوع جديد ايسموه low probability acute coronary syndrome , يعني اكو احتمالية لكن مو عالية فشنسوي ، اكو scores وشغلات وماندوخ نفسنا بيها لكن الفكرة :
1- اذا جان المريض عنده (History not strongly suggestive of ischemia, ECG normal, unchanged from previous, or nonspecific changes ) يعني عنده الم بس انته ما مرتاح وما مطمئن بحيث كلبك ميطيك تكل للمريض روح ما بيك شي بهاي الحالة نطي :
‏ 1- aspirin
‏ 2- nitroglycerin
‏ 3- morphine
‏ 4- b-blocker اذا عنده indication
2- اما اذا جان المريض [ History suggestive of ischemia with absence of high risk features, and any of the following: pain at rest, new onset of pain, crescendo pattern of pain, ischemic pattern on ECG not associated with pain (may include ST depression < 1 mm or T-wave inversion greater than 1 mm) ]
بهاي الحالة نطي الأدوية الي ذكرناهن فوق ونظيف عليهن
‏ 1-clopidogrel
‏ 2-heparin او enoxaparin
لكن كون نراعي انه المريض ماعنده مشاكل قد تتفاقم اذا اطينا هذني الأدوية الفوك لان كون مننسى انه احنة في حالة شك وما متاكدين من التشخيص فنحاول ان نكون اون سيف سايد .
ويبقى المريض تحت المراقبة ونعيدله ECG كل 15-30 دقيقة وانسويله cardiac enzyme تقريبا بعد 8 ساعات وانشوف اذا عنده شي او لا .
Dr. Mohammad zwain

#علاج_الامراض_القلبية_في_الطواريء
اليوم الحجي عن pulmonary edema
1- اول علاج هو الأوكسجين وانكعد المريض setting position
2- ادور نطي nitroglycerin الجرعة هي 0.4microgram/kilogram/ min اشلون نحسبها ، مثل ماكلنا انه الامبول بي 10 مل وكل مل بي ملغم واحد ، نفترض انه شخص وزنه 70 كيلو راح ايصير المجموع 28 مايكروغرام ، تقريبا 30 مايكروغرام في الدقيقة ، انحصلها لمن انخلي مل واحد في 100 cc مغذي راح ايصير في كل مل مغذي 10 مايكرو غرام ، يعني نحتاج نطي 3 مل في الدقيقة ، وبما انه السيت العادي يطي 15 قطرة في الدقيقة ، لذلك نطي 45 قطرة بالدقيقة .
‏3- furosemide نطي بجرعة mg 20-80 وبما انه الامبول بيها 20mg/2ml يعني نطيها كلها دايركت أقصى جرعة هي 1.5gm يعني تقريبا 8 امبولات مو اكثر ، اكو بعض المقيمين يتفاخرون انه أعطى لأحد المرضى 20 امبول لازكس 😳😳 . طبعا يحتاج ننتظر ربع ساعة حتى يبدي يشتغل .
‏4- morphine اكو عليه اختلاف انه نطي او لا ، وإذا ردنا نطي علمود ايقلل التوتر وتوسعة الأوعية فبجرعة 2mg دايركت ، وكون نخلي عيننا على التنفس قبل لا نوصفه .
5- اذا شفنا المريض تعب كلش احتمال يحتاج endotracheal tube مع mechanical ventilation .
ميحتاج نبدي ACE بالطواريء على الرغم من فائدتها لكن منبدي بيها واحنا بالطواريء .
الأدوية الي نخاف منهن بالفشل القلبي هن NSIAD سواء selective او non selective و أيضا ca channel blocker , انحاول تبتعدن عنهن قدر الإمكان .
Dr. Mohammad zwain

راح انسولف بجم حلقة ان شاء الله عن
‏#emperical_therapy_in_ED
يعني العلاج قبل التشخيص ، في الطواريء الموضوع يختلف عن ردهات الباطنية والاستشاريات تكدر اتعالج المريض قبل لا تشخص السبب .
اول موضوع هو nausea and vomiting
خطوات العلاج هي :
1- تبدي Iv fluid لان لكوه يؤثر وممكن يوقف n&v وحده بدون ادوية .
2- اول دواء هو ondansteron الجرعة هي 4mg الامبول بيها 2mg/ml فإذا جانت بحجم 2ml نطيها كلها واذا جانت بحجم 4ml نطيها نصفها .
3- انعيد ondansteron مرة ثانية اذا ما شفنا استجابة من المريض بجرعة 4mg ايضا .
4- اذا ما فاد نطي metoclopramide بجرعة 10mg IV ، الامبول تجي 5mg/ml وبيها 2ml لذلك نطيها كلها .
5- انعيد metoclopramide وره نصف ساعة اذا ما استجاب .
6- لحد اهنا اذا ماكو استجابة كون نتاكد انه المريض ماعنده mechanical GIT obstructions وكون نستشير طبيب الاختصاص .
7- اذا تأكدنا انه المريض ماعنده obstruction نطي prochloroperazine المعروف باسم stemetil بجرعة 10mg Iv مرة وحدة ، الامبول بيها 12.5mg/ml وحجمها 2ml لذلك نطي ml واحد تقريبا ، مو واحد يجي ايكول هي الجرعة 10mgاشلون تطي 12.5 اذا تكدر بالطواريء تكعد تعزل هاي 2.5 mg فبراحتك 😅😅 .
8- اذا المريض بقى عنده أعراض بعد كل هذا العلاج يحتاج admission وتجرى له فحوصات وتحاليل .
Dr.Mohammad zwain

اليوم راح نحجي عن ابن عم n&v الي هو vertigo ضمن #empirical_therapy_in_ED
اكو شغلة مهمة قبل لا نبدي بالعلاج انه كون نفرق بين central و peripheral والفرق موجود في نهاية المنشور ، وهذا العلاج فقط للperipheral vertigo
خطوات العلاج :
1- نبدي مع anti histamine الي هو diphenhydramine المعروف تجاريا باسم Allarmine نعطي 30mg وبما ان الامبول بيها 10 mg لذلك نعطي ثلاث امبولات .
2- اذا ما فاد نستخدم 2nd line الي هم metoclopramide وأخوه الي هو ondansteron بالنسبة للondansteron اكو من يعتبره 1st line لذلك اعتمدوا على المتوفر جوه ايدكم .
3- اذا ما فاد نكدر نعطي للمريض lorazepam Iv بجرعة 1mg او diazepam oral بجرعة 2mg اربع مرات باليوم .
بالنسبة لcentral vertigo كون نحذر منه ونرسله MRI او CT .

اشلون انفرق بين central و peripheral
1- اذا الدوخة شديدة جدا فهاي تمشي ويه peripheral
2- اذا وياها nausea فهاي ايضا مع peripheral
3- اذا اكو auditory symptom مثل ضعف السمع او tinnitus ، ايضا peripheral
4- الصداع تمشي ويه central
5- اذا اكو CNS symptom تمشي مع central
اكو بعد نقاط اخرى لكن اكثر ما يميز الاثنين عن بعض ( من وجهة نظري ) هي النقاط المذكورة .
Dr. Mohammad zwain

اليوم راح انسولف عن coma
ضمن #empirical_therapy_in_ED
طبعا من الاشياء الي ادوخ بالطواريء وتحير اشلون تتعامل وياها .
1-اكو شغلة مهمة نكدر انسويهن بالبداية هي ان نقيس glucose ونطي hypertonic glucose اذا نازل .
2- بعدين اذا شكينا بي opioid overdose نكدر نعطي naloxone بجرعة 0.4mg وهذا هو الموجود في الامبول الواحد ونكدر نصعد الجرعة الى حد 10mg , يعني 25 امبول .
3- لا ننسى ان نراقب airway واذا المريض GCS 8 او اقل كون يتخلى اله ET-tube .
4- اذا شكينا ان المريض عنده infection واحتمال التهاب سحايا نحتاج نكتبله ceftriaxone مع vancomycin .
5- انحاول نفحص المريض وخاصة CNS فإذا عنده localizing sign فاحتمال جبير انه المشكلة structural ويحتاج neurosurgical intervention واذا ما كو localizing sign فالمشكلة احتمال اتكون metabolic او toxic الي اذا كدرنا نلكف سبب فبالإمكان ان يرجع المريض لوعيه بسرعة من خلال الادوية .
Dr. Mohammad Zwain

من اهم المواضيع ضمن حلقات
‏#empirical_therapy_in_ED
موضوع seizure
وطبعا غالب الي يشوفون شخص مشمور راح يرتبك ويروح عن باله شنو المفروض ايسويه ، نتذكر فقرة انه الي نكدر ان نقدمه للمريض في اثناء الشمرة قليل وهو :
1- انخليه على الأوكسجين ، لا تخلي orophayngial tube ويعتبر contraindicated لان راح ايسوي vomiting او ايكسر الأسنان واكو حل افضل منه وهو nasopharyngeal tube .
2- انخليه على الجهة اليسرى left lateral
‏3- IV line
4- نعطي diazepam Iv بجرعة 10mg وبما انه الامبول بيها 5mg/ml وبيها 2ml لذلك نطيها كلها ونكدر انعيد الجرعة بعد عشر دقائق . طبعا هسه بالجديد جاي IM midazolam 10 mg الي هو افضل من diazepam بكونه يعطى عضلي وهذا يوفر اهواي وقت .
-غالب seizure تنتهي قبل لا توصل للمستشفى واذا وصل وهو بعده مشمور فانخلي ابالنا انه هذا status epilepticus الي يعرف حاليا انه الشمرة المستمرة لأكثر من خمس دقائق . وفي هذه الحالة نحتاج انكمل الادوية الباقية .
‏5- 2nd line هو phenytoin اهنا الحساب اشوية صعب ، راح انجيب امبولين كل وحدة بيها 50mg/ml وكل وحدة حجمها 5ml يعني كل امبول بيها 250mg انخلي امبولين ب50ml normal saline الحصيلة الي صارت 500mg في 60ml (حجم الامبول +حجم NS) الحصيلة انه في كل ml اكو تقريبا 8mg دواء ، زين احنا أنريد نعطي الدواء بمعدل 30mg/min لذلك نحتاج نعطي 4ml الدقيقة والي اتساوي 240 قطرة في الدقيقة في microdrip يعني في كل عشر ثواني كون تنزل 40 قطرة .
6- اذا ما توقفت seizure نحتاج انكمل الى 3rd line الي من بينهن IV midazolam الي تحتاج endotrachial intubation و ICU admission .
Dr.Mohammad Zwain

اخير حلقة من سلسلة #empirical_therapy_in_ED
عن gastrointestinal bleeding
1- نخليله two IV line .
2- نمشيلة لترين normal saline فإذا بقى ضغطه قليل او بقى ينزف في هذه الحالة يحتاج دم .
3- نعطي دم وفقا لقاعدة 1:1:1 يعني باينت واحد packed RBC ، واحد بلازما ، واحد platelet .
4- نمشيلة 80mg omeprazole bolus dose وبما انه الامبول بيها 40mg نمشيلة أمبولتين على السريع ، وبعدين نمشيلة maintenance 8mg/h يعني انخلي امبول وحدة ام 40 mg في باينت NS بهاي الحالة صار في كل 100مل 8mg دواء ، يعني كون نخلص هذا 100 في ساعة وحدة ويطلع عدنا تقريبا 24 قطرة بالدقيقة .
5- نحتاج اندز المريض endoscopy في حالة significant bleeding .
Dr. Mohammad Zwain

اليوم نحجي عن #pulmonary_embolism
من المواضيع المهمة جدا في الطواريء.
اكثر شي ايخلينا انشك بوجودها هو acute dyspnea مع عدم وجود اي finding اخرى في physical examination , لكن قد يرافق ضيق النفس pleuritic chest pain ، hypoxemia , tachycardia او حتى shock .
قبل لا نرسل المريض اي فحص انحاول انقسمهم وفقا لwell’s score الي هو بسيط جدا وميحتاج اي تحليل ، فقط ستة نقاط تعتمد على history and examination وفقا للscore راح يتقسم المرضى الى highl, moderate and low risk
‏ 1- high risk: نعطي علاج راسا وبعدها نرسله CT
‏2- moderate risk : ندزه D-dimer .
‏3- low risk : نمرره خلال rule our criteria واذا طلع مستوفي هذه الشروط فاحتمال وجود PE ضعيف جدا .
- بالنسبة للعلاج :
1- اوكسجين
‏2- Iv fluid
‏3- heparin بنفس جرع acute coronary syndrome , او نعطي enoxaparin الي يفضل على heparin بجرعة 1.5mg/ kg , الأمبول بيها 60mg لذلك اذا جان وزن المريض 70 كيلو لذلك نعطي امبول ونص .
4- بالنسبة للthrombolytic نعطيه فقط في حالة massive PE الي يرافقها انخفاض في الضغط اقل من 90 ، بجرعة 10mg bolus و 90mg maintence خلال ساعتين .
Dr. Mohammad zwain

#علاج_hypoglycemia
الحالات الي نحتاج دائما نقيس السكر اول ما نشوف المريض :
‏1- seizure
‏2- coma
‏3- strock
‏4- disturb level of consciousness
‏5- cardiac arrest
في هذه الحالات نحتاج نقيس السكر بالبداية واذا طلع قليل نعطي :
1. 50ml من dextrose ابو 50‎%‎ نطيها دايركت وبما ان الامبول بيها 20ml لذلك نعطي امبولتين ونص
2. بعدها نعطي maintenance ابو 10‎%‎ واذا ما جان متوفر نكدر انخلي ابو 50‎%‎ في باينت glucose saline فراح يتحول الى ابو 10‎%‎
3. كون نحافظ على السكر فوق 100mg/dL
4. اذا ما حصلنا وريد نعطي glucagon 1ml عضلي او تحت الجلد .
5. ونعيد القراءة كل نصف ساعة لمدة ساعتين خاف ايصير عنده rebound hypoglycemia