المُحب دائماً يدور ع طريقه للكلام
تلقاه يرسل صور ، فيديو ، أحياناً
سؤال سخيف ، و أحياناً سؤال
عارف إجابته لكنه يستلذّ حتى لو كان شكله غبي اهم شي انه يسولف
« أنا لو إني معك ما أستلذ الكلام ، ماكان اسأل سؤالٍ أعرف إجابته » .

أنا إنسان اذا طاب خاطري من شخص
لا إرادي أصد عنه من كل الإتجاهات
و أسد أي باب بينااااا
بعد كومه محاولات يبرد قلبي و أصد
هذيك الصدة اللي لو أشوف هالشخص
قدام عيني كنيّ ما لمحته في حياتي كلها .

" حاولت أخلق
السوالف بأي
طريقه عشان
ما أنهي المحادثة
و أنتهت " .

رساله أخيره ......
بتتذكرني فجأه في زحام يومك
بيوم من الايام شخص يشبهني
يمشي قدامك أو صدى صوتي
بيرن في اذنك ، أوعدك انك بتدور
على شي يشبهني بيوم .

" أبيك تذوق بعض اللي
اذوقه
ابيك تحس في قلبي
و عروقه
ابي قلبك يعاني
و يتألم
عسى قلبك يكفر عن
ذنوبه " .

مو كل الناس تستاهل انك
تكون موجود لهم دايماً
و انك تضحي بجزء من وقتك
لهم و سعادتك عشان تواسيهم
أو تحاول تفرحهم ، مو الكل يستحقون انك تتعب لأجلهم و أنك تكون وقت ما يحتاجونك و وقت ما هم يقررون انك تكون موجود .

ما أحب مبدأ لا تعطيه أكثر من غلاه
عشان لا يتغلّى عليك ، و ما أحب الناس
اللي فعلا تشوف نفسها اول ما يبان غلاها
بعيونك ما احب اجلس اداري و اكتم و اخاف و احسب حساب زعلهم خصوصاً
شخص أحبه ابي افيض ابي امشي
و اعبر و اتكلم بمشاعري و ابي مشاعري
تتعزز و ترجع تفيض اتجاهي اضعاف .

انا اللي عطيت بغزاااااره
لين صرت فارغه
فارغه من كل شي و بالنهاية
ما لقيت إلا نفسي بالشدايد
لحاااالها و محد حولها
احارب احزاني و ضيقتي
و اواجه الكل برحابه صدر
و ابتسم و انا في داخلي
نااااار و انا اللي كنت احسب
لا ضاقت فيني بكون مسنّوده .

تفكيري هالفتره كله كيف ابدا اغيب
و ابعد عن كل شي
لا المكان مكاني ولا الناس ناسي
و كل شي حولي يتعبني بشكل يهلك
افكر كيف ابدا و من وين لاني ابي
اغيب غيااااااااب طويل و اترك
كل شي وراي و محد يعرف
عني شي  .

‏جاء في بالي وصف دقيق لـ الصديّق
" تجيّه حامل فوق أكتافك جبال ترجع وإنت ماغير شايل راحتك "وأحس إني محظُوظه لأن هالصديق اللي وصفته موجود بحياتي ❤️❤️ .

انا لو خاطري فيك كان جيتك
تحت عنوان " ما أخليّ شي بخاطري "
بس أنت مو بخاطري ، فهمتني ؟

أنا بالي طويل جداً اعاتبك مره
و مرتين و ثلاث و اصير اسامح
و أعطي فرص ، فرص من كثرها
ممكن ما تصدق بلحظه اني اقدر
امشي ، بس للأسف انا فعلاً اقدر
امشي ، أعرف انهي كل شي و أنحسب
بهدوء ، اعرف اقسى و ابعد و اتجاوز
و انسى و كأن شيئاً لم يكن طالما
ولا مره قدّرت قربي لك و ما قدرتني
لازم انسحب .

ما أفترقنا بس اتفقنا نبتعد
يمكن شهر ، يمكن دهر
يمكن نموت بلا وعد
و قلوبنا ظلت متردده
حنا لبعض بس ما نرجع ابد ! .