موضوع المسائل هنه موضوعين
شلون اطلع شحنة هاي النواة الي حجينه عليهه هسه بيهه عدد ذري وكتلي
شلون اطلع شحنتهه ونصف قطرهه وشلون اطلع حجمهه
الموضوع الثاني
هو شلون اطلع الطاقه إلى مربوطه بيهه النواة، النواة بداخلهه بروتونات ونيترونات هذا النيترون والبروتون شلون النواة محافظه عليهن بيا قوه
محافظه عليهن بقوة يسموهه بقوة الربط النوويه
ايضاََ راح ناخذ شلون نطلع قوة الربط النوويه
لكن هسه راح ناخذ شلون نطلع شحنة النواة ونصف قطر النواة وحجم النواة

هذا الموضوع الأول إلي هو شحنه ونصف قطر وحجم واي شي يجي بالوزاري يجي على هيج اشياء نفس النمط ونفس الفكرة بدون تغيير ماعدا ممكن يغير فقط أرقام
لكن الفكرة هي نفسهه بالضبط
تطبيق مباشر

قوانين طاقه الربط النوويه

الموضوع الثاني الي هو شلون نحسب طاقة الربط النووي كلنه اكو بداخل النواة بروتونات ونيتروناتهاي البروتونات والنيترونات شلون تبقه محافظه على ترابطهه وتناسقهه
نطلع طاقة الربط النووي مالتهه او من نريد نفكك هاي النواة إلى مكوناتهه الأصلية يعني نفصخ النواة
الطاقه المتحررة من هذا الفعل او من نريد نجمع هم يسموهه طاقه الربط النوويه
سؤال صريح يجي
احسب طاقة الربط النووية
ينطيني نواة ويكلي احسب طاقة الربط النوويه لهاي النواة
فهاي النواة احنه نسميهه المادة المقصوده أو الماده المعنيه او المادة المستهدفه
كتلتهه نرمزلهه بالرمز M

وكتلة النيترون نرمزلهه Mوبصفهه n صغيروني يعني كتلة النيترون هذه تعطى في السؤال
وكتله الإلكترون mأيضاََ ثابته تعطى في السؤال
ال C تربيع هي سرعة الضوء تربيع بس بالوحدات الصغيره الي هي ميكا الكترون فولط على يو الي هي وحدة الكتل الذرية هاي تحفضوهه 931 ثابته