مرحبًا بكم!

ستجد تفاصيل GradMap Workshop في هذه القناة 💬

سعداء باهتمامك .. 😁

ورشة عمل GradMap من إعداد مكتب شؤون الطَّلبة - قسم هندسة الحاسب الآلـي 💻

تقديــم :
م. سامي شعيب
م. عفراء أبوصبيع

كما ستتواجد معنا د. يسرى معتوق في هذه الورشة لتوضّـح لنا أهم اللوائح والإرشادات المتعلقـة بمشروع التخرج.

مـازال عندك فُرصة تعبِّي الفورم وتحجز كرسيك معانا، حني والخرِّيجين في انتظاركم.⏳

https://forms.gle/F7mZrc983JzKadQcA

📌 موعد الـworkshop يوم السَّبــت السَّاعـة 10:30ص بمدرّج النّوويّة 108.

12 hours left ⏳

Are you excited ? 🤩
#GradMap 📍

لو في معلومة غابت عليك أو سهيت عليها في ورشة GradMap ببساطة تقدر ترجعلها 🤩
العروض التقديمية لـ:
د. يسرى معتوق
م. سامي شعيب
م. عفراء أبوصبيع

#Grad_Map

في عالم السايبر، اللعبة بدت! 🎠

العالم اللي الغلطة فيه حتخسّرك كل شيء، فهل حتقدر تنجو؟

عدّاد اللعبة بدأ، تعلّم التكتيكات، وتعرّف على الحِيل باش ما تكونش الضحيّة القادمة! 🧧

#قريبًا
#Cybersecurity #EC_Workshops

من يوم 7 يبدأ العد التنازلي، واليوم نحن على بُعد خطوات بسيطة من الانطلاق الفعلي!

التاريخ: 11-1 إلى 13-1 (من السبت إلى الإثنين)
التوقيت: 2:00-4:00
المكان: قاعة 1

‏#Cybersecurity #EC_Workshops

لمحدوديّة المقاعد، تم فرز نموذج التسجيل واختيار العدد الكافي لحضور ورشة عمل Cybersecurity.

لذا يرجى تفقّد حساباتكم على التليجرام، لتتأكّد من إمكانيّة حضورك!

استنوا مننا هلبا مفاجآت وورش عمل جديدة ومختلفة، وما تنسوش تتابعوا قناة EC Workshops باش ما يفوت عليكم شيء لأن الورشة حتكون مسجّلة! 😁

#Cybersecurity
#EC_Workshops

🔹 ورشة Vibecoding
البرمجة مش مجرّد أوامر على شاشة..هي تفكير، إبداع، وترتيب، لكن السؤال.. هل الـAI قادر يديرلك code متكامل؟ هذا اللّي حنعرفوه، ونطبّقوه بروحنا في ورشة غدًا.
بعطاء: أ. محمد فضل

📌تنويه: للإستفادة من الورشة، تأكد من تثبيت code editor على جهازك.

لتثبيت VS code:
https://youtu.be/cu_ykIfBprI?si=dUlXkBBLRb4iANBD

🔹 ورشة Introduction to Networks
أنتَ مُدرك إنّ كل رسالة، صورة، أو مكالمة فيديو تمر عبر عالم كامل خفي اسمه “الشبكات”؟
في هذه الورشة حتكتشفوا أساسيات الشبكات والبوابة لعالم السايبر سكيورتي.
بعطاء: م. محمد إمبارك

مستقبلك ينبنى على جملتين، شن تعرف؟ ومن يعرفك؟

كل رقم تخزّنه الأجهزة ليه قصّة، وكل حساب على لينكدإن يفتح باب لفرصة.🌎

ولهذا جهّزنالكم ورشتين استثنائيتين:

🔹 How to use LinkedIn as a Student and Volunteer
مستقبلك المهني يبدأ من بروفايلك!
تتعلموا كيف تفتحوا حساب احترافي، وتستفيدوا منه دراسيًا وتطوعيًا لبناء شبكة علاقات قوية.🎉
📌 بعطاء: د.ساجدة سحلب.

🔹 Introduction to Data Analysis
البيانات هي “لغة العصر”.. واللي يفهمها يعرف كيف يحوّل كل الأرقام لقرارات ذكية.
📌 بعطاء: محمد العوزي

مهندس البرمجيات يرسم الطريق والـ UI\UX يزيّن المشوار🎨
ولأن نبوا نزيّنوا الطريق مش بس نرسموها، جهّزنالكم ورشتين:

🔹 Software Engineering
اكيدة سألت روحك شن الأفضل زعما الـBackend ولا الـFrontend؟

في هذه الورشة، حنكتشفوا مع بعض بشكل عملي الفرق بين الـBackend والـFrontend ونتعلموا كيفية استخدام Git لتنظيم المشاريع متاعنا.
بعطاء: م.طارق الإدريسي

🔹 UI/UX Design
التصميم مش بس شكل.. هو تجربة كاملة تبدأ من فهم المستخدمين والتفاعل معاهم وانعكاس لهوية التطبيق.
في هذه الورشة حنتعلموا كيف نصمموا واجهات تفاعلية وسهلة الاستخدام.
بعطاء: م.شهد بلحاج

📌تنويه: التدّريب عملي يحتاج جهاز لابتوب