📖Basic English📈

ကျွန်တော်တို့ Eight parts of Speech ကနေ လေ့လာခဲ့တာ sentence pattern နှစ်မျိုးထိ ရောက်ခဲ့ပါပြီ။အဲ့ နှစ်မျိုးမှာ ကွဲပြားခြားနားမှုက ရှိနေပါတယ်။အရှုပ်ဆို ရှင်းရမှာမို့ တစ်ဆင့် ရှင်းကြရအောင်ဗျာ။

Example sentences လေးတွေ ပြန် ရေးပေးပါ့မယ်။

Example (1) Tun Tun sleeps. 😴😴
Example (2) Tun Tun eats a cake. 🤤🥪

Sentences နှစ်ကြောင်း ဘာလို့ ကွဲပြားရတာလဲ။
ဘယ်သူ့ကြောင့်လဲ။ လေ့လာကြည့်ပါ။ sentences လေးတွေကို အလွယ်ဆုံး အရှင်းဆုံး ရေးထားပေးပါတယ်။

ပထမ example sentence မှာ
#ထွန်းထွန်းသည်အိပ်သည်။
ဒုတိယမှာ
#ထွန်းထွန်းသည်ကိတ်မုန့်တစ်ခုကိုစားသည်။

လေ့လာကြည့်မယ်ဆိုရင် အိပ်သည်ရဲ့ နောက်မှာ ထပ်ထည့်ပေးဖို့ စကားလုံး မရှိလည်း ရတယ်။
‼အထူးသဖြင့် object မလိုဘူးပေါ့။

ဒါဖြင့်စားသည်ရဲ့နောက်မှကျ‌တော့ရော။ သူ့နောက်မှာ 🍔 မုန့် /စားစရာ တစ်ခုခု ထည့်ပေးမှ အဆင်ပြေမှာပါ။
‼ဆိုလိုတာက object လိုတာပါ။

အိပ်သည်တို့ စားသည်တို့ ဆိုတာက verbs တွေပါ။
Verb မှာမှ ✅ object လိုတဲ့ verb,
မလိုတဲ့verbဆိုပြီးရှိ‌ပါတယ် #objectမလိုက်ရတဲ့verbကို
Intransitive verb လို့ ခေါ်ပါတယ်။
#objectလိုက်ရတဲ့verbတွေကျ
Transitive verb လို့ ခေါ်ကြပါတယ်။

အိပ်သည်နဲ့ စားသည်မှာ ဘယ် verbက transitive လဲ၊ intransitive လဲ ခွဲကြည့်လို့ အဆင်ပြေမှာပါ။

Sentence pattern တွေကို ပိုရှင်းအောင် ရေးပေးရရင် _

(1) Subject + Intransitive verb
(2) Subject + Transitive verb + Object

ဒီ pattern နှစ်မျိုးကို သုံးပြီး ကိုယ်တိုင် sentence တည်ဆောက်ကြည့်ပါ။ စာကြောင်းလေးတွေ တည်ဆောက်ကြည့်မှ ကျွန်တော်တို့ သိတဲ့ ဘယ် verb ကတော့ Transitive , ဘယ် verb ကတော့ intransitive ဆိုတာ ခွဲခြား သိလာမှာပါ။

အခြေခံကနေ ဖြေးဖြေးချင်း လေ့လာကြတာပေါ့ဗျာ...

📖Basic English📈

အများဆုံး မြင်တွေ့ရတဲ့ Sentence pattern နှစ်မျိုး (တစ်မျိုးကတော့ သိထားရုံပါ ) ကို လေ့လာခဲ့ပြီးပါပြီ။ခုတစ်ခေါက်လည်း ငယ်ငယ်လေးကတည်းက တွေ့ခဲ့ရတဲ့ ပုံစံတစ်မျိုးကို ထပ်ပြီး လေ့လာကြပါမယ်။

basic ကို သေချာအောင် သိရအောင်လို့ ထပ်လေ့လာတာပါ။ဘယ်အရာမဆို သေချာသိတာ အကောင်းဆုံးဖြစ်ပါတယ်။အောက်မှာရှိတဲ့ Sentences နှစ်ခုကို ထပ်လေ့လာကြတာပေါ့ဗျာ။

(1)Tun Tun plays basketball. ⛹️⛹️
(2)Tun Tun is a student. 🙇📖

Ok. Sentences နှစ်ကြောင်းပါ။ ဘာကွာခြားချက်ရှိလဲ။ ဘာကြောင့် ကွဲပြားရတာလဲ သိရဖို့ နောက်တစ်ခေါက် ထပ်ဖတ်ကြည့်ပါ။ ကိုယ်တိုင် ကွဲပြားတာလေး သိရင်ကို အဆင်ပြေပါပြီ။

ကွဲပြားတာက အရင်တစ်ခေါက်က လိုပါပဲ။ အရင်တစ်ခေါက်က ဘာကွဲပြားတာလဲ မှတ်မိရဲ့လားဗျ။ မမှတ်မိလည်း ခုပြန်မှတ်လို့ ရပါတယ်။ Verb ကွဲပြားတာပါ။အရင်ကတော့ Transitive နဲ့ intransitive ပေါ့ဗျာ။ခုတစ်ခေါက်ကကျရော ....

Sentence (1) ကို သေချာလေ့လာကြည့်ရင် အရင်တစ်ခေါက်က sentence pattern ကို သုံး ထားတာပါ။
Subject + Verb + Object
Verb က transitive ပါ။

Ok, sentence (2)။sentence (2) မှာလည်း Verb တစ်ခုပါတယ်။နောက်က ခံရတာ မဟုတဲ့အတွက် object လို့ ပြောလို့ မရတဲ့ Noun တစ်ခုပါတယ်။

အဲ့ Noun ကို ကျွန်တော်တို့က Subject Complement လို့ ခေါ်ပါတယ်။ Subject အတွက် ဖြည့်စွက်ပေးတာမို့ပါ။ Subject Complement တွေက Noun တစ်မျိုးတည်း မဟုတ်ပါဘူး။ Adjective တွေလည်း ပါဝင်ပါတယ်။

Example . Thiha is clever.
Clever ကလည်း subject complement ပါပဲ။သူကတော့ Adjective စကားလုံးပါ။

ကဲ နောက်တစ်ခု။ verb က ဘယ်လို အမျိုးအစားလဲ။ ဘယ်လို ခေါ်သလဲဆိုရင် အမျိုးအစားကတော့ subject နဲ့ subject complement ကို ချိတ်ဆက်ပေးတဲ့ verb ပါ။ ခေါ်ရင်တော့ linking verb လို့ ခေါ်ပါတယ်။

ဒီနေ့တော့ ဒီလောက်နဲ့ပဲ နားလိုက်ပါဦးမယ်ဗျ။

📖Basic English📈

Sentence pattern သုံးမျိုး ရှိခဲ့ပါပြီ။ပြန်ပြောပြရမယ်ဆိုရင်တော့ ...
1) Subject + Intransitive Verb
2) Subject + Transitive Verb + Object
3) Subject + Linking Verb +Subject
Complement

ဟုတ်ပြီ‌ဗျာ။ ဒီတစ်ခေါက်တော့ မှတ်ရတာ ခက်မယ် ထင်မိတယ်ဗျ။ ကြိုးစားကြည့်ရင်တော့ ရမှာပါ။ example sentence လေ့လာကြည့်ပါမယ်။

Tun Tun gives me a cake. 🥪🙄

ဒီတစ်ခေါက်တော့ ကျွန်တော် စားရတော့မယ်‌။ မစားခင်လေး Sentence pattern လေ့လာကြပါစို့ ....

ထွန်းထွန်းက ကိတ်မုန့်တစ်ခုကို ကျွန်တော်အား ပေးတယ်။ Tun Tun ကတော့ subject ပါပဲ။ gives က transitive verb ။ me က object ။ a cake ကြီးက....

A cake ကလည်း object ပါပဲ။ ဒါဆို ကျွန်တော်တို့က object နှစ်ခု ပါတဲ့ စာကြောင်းကို လေ့လာခဲ့တာပါ။ Object နှစ်ခုကို သေချာ ထပ်လေ့လာမယ်ဆိုရင် ပထမ object ( me ) က Indirect Object ၊ တစ်ဆင့်ခံရတဲ့ object ဖြစ်ပါတယ်။ ဒုတိယ object ( a cake ) က Direct Object ၊ တိုက်ရိုက်ခံရတဲ့ object ဖြစ်ပါတယ်။

အဲ့ Sentence pattern မှာ
Subject + Transitive Verb + Indirect Object +
Direct Object

ဒီနေ့တော့ ဒီလောက်ပါပဲ။ တစ်နေ့ထက် တစ်နေ့ အသိပညာ တိုးအောင် ကြိုးစားပါ ...
14/8/2020

📈 Basic English 📖
အရင် တစ်ခေါက်က Object နှစ်ခုပါတဲ့ sentence pattern ကို လေ့လာခဲ့ကြပါတယ်။ ဒီတစ်ခါလည်း အဲ့ sentence pattern အကြောင်းပဲ ဆက်ပါမယ်။ အရင်ဆုံး D.O(Direct Object) နဲ့ I.O(Indirect Object) အ‌ကြောင်း ရှင်းကြပါမယ်။

Pattern တစ်ခုနဲ့ဆို ပိုလွယ်မယ်ဗျ။ example sentence လေး တစ်ခုနဲ့ လေ့လာကြရအောင်။
I send an email to Ma Ma.

အထက်ပါ စာကြောင်းမှာ D.O နဲ့ I.O ကို ခွဲကြည့်ပါ။ an email ကို D.O လို့ သိနိုင်ပါတယ်။ သူက တိုက်ရိုက် အသုံးပြုခဲ့ရတဲ့ Object ဖြစ်နေတာကြောင့်ပါ။

ဒါဆို ကျန်တာကတော့ I.O ပဲ ဖြစ်ပါတယ်။ I.O ရဲ့ ရှေ့မှာ to သို့မဟုတ် for ကို အသုံးပြု ရေးသားကြပါတယ်ဗျ။

Sentence pattern က
>> Sub + Verb + D.O + to /for I.O

အရှင်းပြီးရင် အရှုပ်ပေါ့ဗျာ။ D.O ပြီးရင် နောက်က to I.O လို့ ရေးတာကို I.O ကို ရှေ့မှာထားရင် ဒီလိုပုံစံ ဖြစ်လာပါတယ်။

>> Sub + Verb + I.O + D.O
>> I send Ma Ma an email.

ကိုယ်ပိုင် sentence လေးတွေ တည်ဆောက်ကြည့်ပြီး အဆင်မပြေရင် page မှာ လာရောက်မေးမြန်းလို့ ရပါတယ်ဗျ။

အားလုံးပဲ အဆင်ပြေကြပါစေ .....

Basic English (Just 3 minutes)
ခုတစ်လော ပို့စ်တွေကတော့ object နဲ့ ပတ်သက်ပြီး ရေးသားထားတာပါ။ ဥပမာ - direct object နဲ့ indirect object တို့ အကြောင်း၊သူတို့ကို အသုံးပြုရင် ဘယ်နေရာမှာ ထားရမယ်၊ဘာတွေနဲ့ တွဲသုံးရမယ် စသည်ဖြင့် ပြောပြထားပါတယ်။ ပြန်လေ့လာလိုလျှင် အောက်က စာတန်းလေးကို နှိပ်ပြီး လေ့လာနိုင်ပါတယ်။

https://www.facebook.com/115583020142146/posts/160341475666300/

ကျွန်တော်တို့ အရင် လေ့လာခဲ့တုန်းက sentence pattern တစ်ခုကို မှတ်မိကြသေးလားဗျ။ subject complement ပါတဲ့ sentence pattern ပါ။ ပြန် မှတ်သားလို့ ရအောင် ရေးပြပါမယ်။

Sub + Linking Verb + Subject Complement

Subject မှာ သူ့ complement ရှိတယ်ဆိုရင် object မှာကော ရှိမလား ……?

ဟုတ်ကဲ့။ ရှိသလား မရှိဘူးလားဆိုတော့ ရှိပါတယ်။ Object Complement ရှိပါတယ်။ Complement ဆိုတဲ့ သဘောတရားချင်းကတော့ အတူတူပါပဲ။ ဒါကြောင့်မို့ ဘယ်လို သုံးကြလဲ လေ့လာကြည့်ပါ။ example ဖော်ပြပေးပါမယ်။

Sunflower makes May Phyu happy.🌻💁

Complement ဆို‌တဲ့ သဘောကို ထပ်ပြောပြရမယ်ဆိုရင် object ကို rename လုပ်တာ ဒါမှမဟုတ် object ဘာဖြစ်တယ် ဆိုတာကို ဖော်ပြပေးတာပါ။

‌example လေးမှာလည်း နောက်က happy က May Phyu ဘာဖြစ်တယ် ဆိုတာကို ဖော်ပြပေးပါတယ်။

Sentence pattern __
Sub + Verb + Object + Object Complement

အားလုံးပဲ အဆင်ပြေကြပါစေ …
#objectcomplement

Basic English
Sentence patterns တွေ အကြောင်း ပြောနေတာ အတော်များခဲ့ပြီ။ အမျိုးအစားပေါင်းလည်း (5) မျိုးထိ ရေးသားခဲ့ပါတယ်။ ခုတစ်ခုကတော့ နောက်ဆုံးပါ။ ကျွန်တော်တို့အားလုံး ငယ်ငယ်ရေးခဲ့တဲ့ စာကြောင်းလေးနဲ့ လေ့လာကြတာပေါ့။

Example - Nandar goes to school.
နန္ဒာ ကျောင်းသို့ သွားသည်။ ရေးထားတဲ့ example sentence ကို ‌eight parts of Speech နဲ့ ပြန်ချိတ်ကြည့်ရအောင်ဗျာ။ Nandar ကတော့ Noun ၊ goes ကတော့ verb ၊ to က Preposition ၊ school က noun - place noun ပါ။

Eight parts of Speech နဲ့ ချိတ်ပြီး sentence pattern နဲ့ ပြန်ချိတ်ရရင် Nandar က subject ၊ goes ကတော့ အတူတူပဲ verb ၊ to နဲ့ school ကို တော့ တွဲပြောရပါမယ် adverbial ။ သူကတော့ နည်းနည်း ကြားဖူးဖို့ ခက်ခဲမယ်။ အများစုက adverb လို့ပဲ သုံးကြတာမလို့ to school ကို adverb phrase လို့ သက်မှတ်လို့လည်း ရပါတယ်။

လူ သိနည်းတဲ့ adverbial အကြောင်း သိသလောက် ပြောပြပါမယ်။ သူကတော့ အချိန်တွေ၊နေရာတွေနဲ့ အမူအရာတွေကို ဖော်ပြပေးတဲ့ ၊ စာကြောင်းရဲ့ အစိတ်အပိုင်းတစ်ခုအဖြစ် လုပ်ဆောင်ပေးတဲ့ စကားလုံး တစ်လုံး သို့မဟုတ် စကားစုတစ်ခု ဖြစ်ပါတယ်။

adverbial နဲ့ adverb ကြားမှာ နည်းနည်းလေး ကွာခြားတာရှိပါတယ်။ အဲ့‌အကြောင်းကို နောက်မှ ဆက်ဖော်ပြပေးပါ့မယ်။

ခုတော့ sentence pattern ကို မှတ်သားလိုက်ရအောင်။
Sub + Verb + Adverbial

English sentence ရေးဖို့ sentence pattern (6) မျိုးကို လေ့လာခဲ့ပြီးပါပြီ။ Own sentence ကို တည်ဆောက်‌နိုင်ပါပြီ။

အားလုံးပဲ အိမ်မှာနေပြီး အင်္ဂလိပ်စာ လေ့လာနိုင်ကြပါစေ...
#adverbial

ဒီတစ်ခါမှာတော့ ........
Sentence တစ်ကြောင်းရဲ့အရေးကြီးဆုံးဖြစ်တဲ့ verb အကြောင်းကို ဖော်ပြပေးမှာဖြစ်ပါတယ်။

Verbကိုရေးပြီဆိုတာနဲ့ သူ့ရဲ့အဓိကဖြစ်တဲ့
Tense (ကာလ)ကိုလည်း ထည့်တွေးဖို့လိုပါလိမ့်မယ်။

အဓိကအားဖြင့် tenseသုံးမျိုးရှိပါတယ်။
ဒါတွေကတော့-
(1）Present tense (ပစ္စုပ္ပန်ကာလ)
(2) Past tense (အတိတ်ကာလ)
(3) Future tense (အနာဂတ်ကာလ) တို့ဖြစ်ပါတယ်။

အဲ့ tense သုံးမျိုးကိုထပ်ပြီး ဖြန့်ကျက်လေ့လာလျှင် နောက်ထပ် branchesများရှိလာပါတယ်။
စုစုပေါင်းကတော့(12)မျိုးရှိပါတယ်။သူတို့ကိုတော့ နောက်တစ်ပတ်မှပဲ ဖော်ပြပေးသွားပါ့မယ်။

ပထမဆုံးအနေဖြင့် ရိုးရိုးပစ္စုပ္ပန်ကာလဖြစ်တဲ့
Simple Present Tense ကို လေ့လာကြည့်ကြရအောင်။

ထိုကာလကို လုပ်ရိုးလုပ်စဉ်၊ဖြစ်ရိုးဖြစ်စဉ်အချိန်တွေမှာ အသုံးပြုပါတယ်။ထို့ပြင် မပြောင်းလဲတဲ့ ထာဝရအမှန်တရား (universal truth)တွေမှာလည်း အသုံးပြုပါသေးတယ်။

Pattern formကတော့ V-1，V-1（s,es) ပဲဖြစ်ပါတယ်။ Subject ကိုကြည့်ပြီးအနည်းဆိုရင် Verb မှာ s/es ထည့်ပြီး ၊အများမှာဆိုရင် s/es ထည့်ပေးဖို့ မလိုပါ။

Present simple tense လို့လည်း ခေါ်သေးတဲ့ ထိုကာလရဲ့ အချက်ပြစကားလုံး(signals)တွေကတော့ - usually, always, sometimes,once, twice အစရှိသည်တို့ဖြစ်ပါတယ်။

ဥပမာလေးကို လေ့လာကြည့်ကြရအောင်။
(1) Mg Mg always goes to the school on foot.
(2) The sun rises from the East.

အထက်မှာ ပေးထားတဲ့ examples တွေကို လေ့လာကြည့်ရရင် ----
example 1 မှာက signal word ( always ) ပါနေတယ်။ အမြဲတမ်း ကျောင်းသွားတဲ့ သဘောမို့ V-1 သုံးရတယ်။ Sub ဖြစ်တဲ့ Mg Mg က တစ်ယောက်တည်း အနည်းမို့ V-1 မှာ -es ထည့်ပေးရပါတယ်။

example 2 မှာလည်း ဒီလိုပါပဲ။ စကြာဝဋာ အမှန်တရား ( Universal truth ) မို့ V-1 သုံးရပါတယ်။ -s/-es ထည့်တာတော့ ကိုယ့်ဘာသာ ဆက်လေ့လာကြည့်ကြပါ။
အဆင်ပြေမယ် ထင်ပါတယ်ဗျ ……

Basic English

အရင်တစ်ပတ်က Present Tense အကြောင်း ပြောပြခဲ့ပြီးပါပြီ။ ခုတစ်ခါ ဖြစ်ခဲ့တဲ့ အကြောင်းအရာတွေ ရေးသားဖို့ လေ့လာကြပါစို့။ ဖြစ်ခဲ့တဲ့ အကြောင်းအရာဆိုတော့ ဖြစ်ခဲ့တဲ့ ကာလ၊အတိတ်ကာလ(Past Tense) ဖြစ်ပါတယ်။

အတိတ်ကာလ(Past Tense) ကို သေချာ ပိုင်းခြားလိုက်ရင် branches - 4 မျိုး ရပါမယ်။ ခုလေ့လာကြမယ့် Tense ကတော့ လေးမျိုးထဲက တစ်မျိုးဖြစ်တဲ့ Simple Past Tense ရိုးရိုးအတိတ်ကာလ ပါ။ Past Simple လို့လည်း ခေါ်ကြပါတယ်။

ကျွန်တော်တို့ Past Simple Verb ကို လိုချင်ရင် အများအားဖြင့် Verb တွေမှာ -ed ပေါင်းပေးရတယ်။
Example : worked, cleaned, posted

တစ်ချို့ ပုံစံမကျတဲ့ irregular verd တွေကတော့ တစ်မျိုးပေါ့။
Example : wrote, slept, got

ဟုတ်ပြီ။ ကို့ဘာသာ sentence ရေးရင် past simple ကို သုံးလို့ အဆင်ပြေနေပြီ ဆိုပေမယ့် Verb form မေးခွန်းတွေကြရင် ဘယ်လို သိရမလဲ။

အရင် tense (present simple) မှာ signal words အကြောင်းပြောခဲ့သလိုပဲ ခု past simple မှာလည်း signal words ရှိပါတယ်။ Signal words တွေက yesterday, in 2018, last night, last week, two days ago, before အစရှိသဖြင့်ပေါ့ဗျာ။

ကဲ example sentences တွေလေး လေ့လာကြရအောင်။အရင်လို ရှင်းမပြတော့ဘူး‌။ ကို့ဘာသာ လေ့လာကြည့်ပါ။ အဆင်မပြေရင် comments မှာ ဝင်‌ဆွေးနွေးပေါ့။ ဒါပေမယ့် အားလုံး နားလည်နိုင်မယ့် sentences တွေကိုပဲ ရေးပြမှာပါ။ 😁😁

(1) I phoned you last night.
(2) Thura wrote this story two months ago.

ဆက်လက် လေ့လာကြည့်စေချင်ပါတယ်ဗျ။🔥

Basic English
"Yesterday is gone.
မနေ့က ပြီးဆုံးခဲ့ပါပြီ။
Tomorrow has not yet come.
မနက်ဖြန်က ဖြစ်မလာသေးပါဘူး။
We have only today.Let us begin.
ကျွန်ုပ်တို့ ပိုင်တာ ဒီနေ့ပဲ ရှိတာ။
ဒါကြောင့် စတင်ကြပါစို။"
Mother Teresa
သိပ်ကောင်းတဲ့ စကားပုံလေးပါ။

ကျွန်တော်တို့‌ လေ့လာခဲ့တဲ့ Tense တွေပါပဲ။ အဓိက tense တွေက present (ပစ္စုပ္ပန်) , past (အတိတ်) နဲ့ ဖြစ်မလာသေးတဲ့ ကာလ (future) တို့ ဖြစ်ပါတယ်။ Present နဲ့ past အကြောင်းတော့ တင်ပြီးပါပြီ။ ခု future tenseကို အကြောင်း ဆက်လက်လေ့လာကြပါစို့။

Future tense ဆိုတော့ သူရဲ့ စာကြောင်းအဆုံးမှာ လိမ့်မည် နဲ့ ဆုံးပါတယ်။ ဒီတစ်ခါတော့ example ကို အရင်ပေးပြီး လေ့လာကြရအောင်။

E.g - Thuta will go to Singapore after Covid-19.

အခုအချိန်မှာ Covid-19 ကူးစက်ရောဂါချိန် ဖြစ်ပါတယ်။ ဒါကြောင့် လက်ဆေးကြပါ။

ဥပမာပေးထားတဲ့ sentence လေးက နောင် ဖြစ်လာမယ့် အချိန်အတွက် ရေးသားထားပါတယ်။ future tense တွေကို အနာဂတ်အချိန်တွေ အတွက်နဲ့ မျော်လင့်ချက်တွေ၊ ဆက်တိုက် ဖြစ်ပေါ်လာတဲ့ ဆုံးဖြတ်ချက်‌တွေအတွက် သုံးကြပါတယ်ဗျ။

သုံးထားတဲ့ verb ကို လေ့လာကြည့်ပါ။ အားလုံးပဲ ကြားဖူး မြင်ဖူးပါတယ်။အခုသုံးထားတဲ့ will go မှာ will က modal verb ပါ။

Future tense တွေ ရေးတဲ့ အခါမှာ modal verbs တွေကို အသုံးပြုပါတယ်။ အသုံးပြုပုံက modal verb + main verb ပုံစံမျိုး ဖြစ်ပါတယ်

Signal words ‌တွေ အကြောင်း ဆက်ပြောရအောင်ဗျာ။
Signal words - tomorrow, next week, next month, in 2021, expect, hope, believe , think , probably …

နောက်ဆုံး example sentence လေးနဲ့ နိဂုံး ချုပ်ပါမယ်။
I think you will be okay .
Photo : Mother Teresa

Pronoun Role

Noun တစ်ခုကို ထပ်ခါထပ်ခါ သုံးနေရရင် တကယ်အဆင်မပြေပါဘူး။

ဖတ်ရတဲ့သူ စိတ်ထဲမှာ ထောက်သလိုလို၊မှားသလိုလို၊ရိုးသလိုလို ဖြစ်နေတတ်ပါတယ်။ ‌ဒီလိုပဲ ရေးတဲ့သူဘက်မှာလည်း စာကြောင်းတွေက ထုံသလိုလို ထပ်သလိုလို ဖြစ်နေတတ်ပါတယ်။

‌Ko Chan Thar is rich. Ko Chan Thar can buy many cars. Ko Chan Thar can buy many condos.

How do you think about these sentences ? ကျွန်တော်ပြောခဲ့သလို ခံစားမိလား။ တစ်ခုခုပေါ့။

အဲ့တာတွေအတွက် ဖြေရှင်းနည်း ရှိပါတယ်။ ဖြေရှင်းပေးနိုင်မည့် နည်းကတော့ ခေါင်းစဉ်မှာပါ။

နောက်တစ်ရက်မှ ဆက်လေ့လာကြပါစို့။