ርዕሰ መስተዳድር አሻድሊ ሀሰን ለመላው የክርስትና እምነት ተከታዮች የእንኳን አደረሳችሁ መልዕክት አስተላለፉ
***************

የቤኒሻንጉል ጉሙዝ ክልል ርዕሰ መስተዳድር አሻድሊ ሀሰን ለመላው የክርስትና እምነት ተከታዮች ለገና በዓል የእንኳን አደረሳችሁ መልዕክት አስተላልፈዋል።

ርዕሰ መስተዳድሩ በእንኳን አደረሳችሁ መልዕክታቸው፣ የእምነቱ ተከታዮች በዓሉን ሲያከብሩ በኃይማኖታዊ አስተምህሮው መሠረት በልደቱ ያገኙትን በረከትና መዳን፣ ትህትናና ፍቅር በተግባር በማሳየት ሊሆን ይገባል ብለዋል።

ለሀገራችን ሠላም በአብሮነት መቆም አለብን ያሉት አቶ አሻድሊ፤ የሀገርን ብልጽግና ለማረጋገጥ የተጀመሩ ሁሉን አቀፍ ጥረቶችን በተባበረ ክንድ ዕውን ማድረግ እንደሚገባ ተናግረዋል።

በክልሉ ሠላምን ለማረጋገጥ በተሰሩ ሥራዎች አመርቂ ውጤት መገኘቱን ጠቅሰው፤ ሰላሙን ዘላቂ ከማድረግ ጎን ለጎን እየተሰሩ የሚገኙ የልማት ሥራዎችን ለማስቀጠል በጋራ መትጋት ይጠበቃል ብለዋል።

የእምነቱ ተከታዮች የልደት በዓልን ሲያከብሩ አብሮነትን በማጠናከር፣ ፍቅርና ይቅርታን በማጎልበት፣ የተቸገሩትን በመርዳት ሊሆን እንደሚገባም መግለጻቸውን የክልሉ ኮሙዩኒኬሽን መረጃ ያመላክታል።

ለመላው የክርስትና እምነት ተከታዮች እንኳን ለበዓሉ አደረሣችሁ ያሉት ርዕሰ መስተዳድሩ፣ በዓሉ የሠላም፣ የፍቅር፣ የደስታ እንዲሆንም ተመኝተዋል።

ገናን በኢቢሲ ዶትስትሪም
#etv #EBC #ebcdotstream #Ethiopia

ከንቲባ አዳነች አቤቤ የእንኳን አደረሳችሁ መልዕክት አስተላለፉ
**************

የአዲስ አበባ ከተማ ከንቲባ አዳነች አቤቤ ለኢየሱስ ክርስቶስ የልደት በዓል የእንኳን አደረሳችሁ መልዕክት አስተላልፈዋል፡፡

ከንቲባዋ በማኅበራዊ ትስስር ገጻቸው ባስተላለፉት መልዕክት፤ ኢየሱስ ክርስቶስ በሰው ልጆች እና በአምላክ መካከል የነበረውን የጥል ግድግዳ አፍርሶ በምህረት፣ በይቅርታ እና በታላቅ ፍቅር ወደ ምድር መምጣቱ ሰላምን እና ፍቅርን ለምድር እንዲሁም አብሮነት እንዲጎለብት ምሳሌ ለመሆን ነው ብለዋል::

ስለዚህ በዓሉን ስናከብር የኢየሱስ ክርስቶስን ምሳሌነትን በመከተል የሰላም እሴቶችን እየገነባን፣ ፍቅራችንን ይበልጥ እያጎለበትን እንዲሁም አብሮነታችንን እያጠናከርን ሊሆን ይገባል ሲሉም አስፍረዋል::

በዓሉን ስናከብር ያላቸው ለሌላቸው ማዕድ በማጋራት ፍቅር፣ መተሳሰብና አብሮነት በሚገለጽበት መልክ እንዲሆን ሲሉም ጥሪ አቅርበዋል፡፡

ከንቲባዋ በዓሉ የሰላም እና የደስታ በዓል እንዲሆንም ተመኝተዋል፡፡

አቶ ቡልቻ ደመቅሳ ሲታወሱ - ክፍል አንድ #Politician_Bulcha_Demeksa https://youtu.be/7m6lHv7ovjQ

አቶ ቡልቻ ደመቅሳ ሲታወሱ - ክፍል ሁለት #Politician_Bulcha_Demeksa https://youtu.be/qJIN11UVin0

ከንቲባ ከድር ጁሀር ለገና በዓል የእንኳን አደረሳችሁ መልዕክት አስተላለፉ
********************

የድሬዳዋ ከተማ አስተዳደር ከንቲባ ከድር ጁሀር ለመላው የክርስትና እምነት ተከታዮች ለገና በዓል የእንኳን አደረሳችሁ መልዕክት አስተላልፈዋል።

ከንቲባው በክርስትና እምነት ተከታዮች ዘንድ በታላቅ መንፈሳዊ ድምቀት የሚከበረው የገና በዓል የስጦታ እና የልግስና በዓል መሆኑን ገልጸዋል።

በመሆኑም በዓሉን ስናከብር በተለያዩ አስቸጋሪ ሁኔታዎች ውስጥ ያሉ ወገኖችን በተለይም ጧሪና ደጋፊ የሌላቸው አቅመ ደካማ አረጋውያንን ፣ ወላጆቻቸውን በተለያዩ ምክንያቶች ያጡ ህጻናትን ፣ ታምመው አልጋ ላይ የዋሉ ሕሙማንን በማሰብና የበዓሉ ደስታ የእነሱም እንዲሆን በማድረግ ልናሳልፍ ይገባል ብለዋል።

ከንቲባው በዓሉ የሰላም የፍቅር ፣ የጤና ፣ የብልጽግና የመደጋገፍና የመተጋገዝ ይሁንልን ሲሉም መልካም ምኞታቸውን መግለጻቸውን የአስተዳደሩ ኮሙዩኒኬሽን መረጃ ያመልክታል።