8ቱ የኢየሱስ ክርስቶስ የልደት በዓል አከባበር ልማዶች በዓለም ዙሪያ
************************

ቱሪዝም ላይ ትኩረቱን አድርጎ የሚሰራው ሎንሊ ፕላኔት የተባለው ድረገጽ “8 የኢየሱስ ክርስቶስ ልደት በዓል አከባበር ልማዶች ከዓለም ዙሪያ” በሚል ርዕስ ስር ባስነበበው ጽሁፉ ኢትዮጵያን ጨምሮ በገና ሰሞን ለየት ያለ የአከባበር ባሕል ያላቸውን አገራት ልምዶች አካፍሏል።

ኢትዮጵያ የተካተተችበት ይህ የኢየሱስ ክርስቶስ የልደት በዓል አከባበር ባህል ምን ይመስላል?

1. ታኅሣሥ 29 ቀን (በጃንዋሪ 7) የሚከበረው የኢትዮጵያ ገና
“መጽሐፍ ቅዱስም ሆነ ታሪክ እንደሚነግረን ሦስት ጠቢባን ለተወለደው ሕጻን እጅ መንሻ ለማቅረብ በኮከብ እየተመሩ ከምስራቅ ወደ ቤተልሄም ሄዱ፡፡” እናም እነዚህ ሦስት ጠቢባን ከእስያ፣ አውሮፓ እና ኢትዮጵያ የሄዱ እንደነበሩም ይነሳል። ብዙ ኢትዮጵያውያን ግን ሦስቱ ጠቢባን (12 ናቸው የሚሉም አሉ) በሙሉ ኢትዮጵያውያን ናቸው ብለውም ያምናሉ ይላል ድረ-ገጹ በጽሁፉ።

የኢትዮጵያ ቀን አቆጣጠር ከጁሊያን የዘመን ቀመር ጋር የሚስማማ ነው የሚለው የዚህ ድረ ገጽ ዘገባ ይህም በመሆኑ የክርስቶስ ልደትን በታኅሣሥ 29 (January 7) እንዲያከብሩ አስችሏቸዋል ብሏል፡፡ እናም ኢትዮጵያውያን በዓሉን በሚያከብሩበት ጊዜ ነገሥታት የሚያስመስላቸውን ነጭ በነጭ ለብሰው፣ ጥለት ያለበት ነጠላ አጣፍተው፣ ወደ ቤተክርስቲያን በመሄድ እንደሚያከብሩት ነው ያተተው፡፡

ሙሉ ፅሁፉን ለማንበብ ማስፈንጠሪያውን ይጫኑ
https://ebc.et/newsdetails.aspx?newsid=9167

የበዓል ዋዜማን ከእኛ ጋር ያሳልፉ
***********

ዛሬ በኢቲቪ መዝናኛ ቻናል ምሽት ከ12፡00 እስከ 4፡30 ሰዓት

የአዕላፋት ዝማሬ፣ ከቦሌ መድኃኔዓለም ቤ/ክርስቲያን

የሰላም ልዑል የኳየር ኮንሰርት ከጊዮን ሆቴል

ዝማሬ ከቅዱስ ዮሴፍ ካቶሊካዊት ቤ/ክርስቲያን የዋዜማችን ድምቀቶች ናቸው፡፡

ሸጎሌ ከሚገኘው ዋናው የኢቢሲ ስቱዲዮ ጨምሮ ከአራቱ የክልል ስቱዲዮዎቻችን ባሕርዳር፣ ወላይታ፣ አሶሳ እና ጅማ የተለያዩ በዓል በዓል የሚሸቱ መረጃዎችን በቀጥታ ስርጭት ወደ እናንተ እናደርሳችኋለን፡፡

የዋዜማውን የምሽት ድባብ ከተለያዩ አዲስ አበባ አካባቢዎች እንቃኛለን፡፡

ዋዜማውን ከእኛ ጋር ብታሳልፉ ታተርፋላችሁ፡፡

በቴሌቪዥን መስኮት የመዝናኛ ቻናላችሁን ክፍት አድርጋችሁ ጠብቁን እንዲሁም በዶትስትሪም የመዝናኛ ፌስቡክ ገፃችን የዋዜማ ዝግጅቱን በቀጥታ መከታተል ትችላላችሁ፡፡

መልካም በዓል!

የገና በዓል ገበያ ድባብ በአዲስ አበባ
*************

በአዲስ አበባ በጉለሌ እና ሾላ ገበያ አካባቢዎች የቁም እንስሳትና የተለያዩ የምግብ ፍጆታዎች ግብይት በፎቶ፡-

📷 ኢቢሲ ዶትስትሪም

የአቶ ቡልቻ ደመቅሳ የአደራ መልእክት

"ከዚህ ምርጫ በኋላ ለአገሬ የምመኘው ሰላም፣ አንድነት እና ብልፅግና ነው፡፡ እኔም በ91 ዓመቴ በምርጫው የተሳተፍኩኝ ሲሆን ለመላው የኢትዮጵያ ህዝብ የማስተላልፈው መልእክት የአገሪቱን ሰላምና አንድነት እንድትጠብቁ አደራ እላለሁ፡፡ አገር ከፖለቲካ ፓርቲዎች በላይ ናት፡፡"

አቶ ቡልቻ ደመቅሳ ሰኔ 14 ቀን 2013 ዓ.ም በተካሄደው ሀገራዊ ምርጫ ለኢትዮጵያ ህዝብ ያስተላለፉት መልእክት