‏ما اخاف الوداع اللي معه دمعه وتلويح
‏اخاف الوداع ، اللي ما جهزت له دمعه .

‏"إحفظ ملامح وجهه إن لازم الصمت
‏يمكن ما عاد تشوف وجهه بعدها"
‏محمد بن ماجد يشوف الصمت علامة للرحيل، ماهو علامة للرضا.

عتابك عذاب و دمعتينك فراق و ضيق
‏طلبتك تراني منكسر لا تضايقني

‏لا تزعل ليا مني سكت و بلعت الريق
‏وش أكبر من أني أحلف و لا تصدقني

‏أنا إنسان ما أملك سد مارب وضلع طويق
‏لكني معك لو وقفتي معك تغرقني

‏ولا تلحقك شكة من البعد و التفريق
‏علي نذر لين أموت ما قلت فارقني

‏معك معك ما أعرف المجامل و لا التلفيق
‏على ما تبي نفسك أخذني و وهقني

‏أنا من التعب ما نمت ليلة عشان أفيق
‏طموحي يقدمني و الأقدار تفهقني

‏رسمت أمنياتي و أمنياتي تبي تحقيق
‏تجي ما تجي،مدري،عسى الله يوفقني

‏ليه أزعل و أنا ابن آدم لو أطيق ما لا أطيق
‏تدور السنين و سارق العمر يسرقني

‏نسفت الهموم و قلت يا الله بالتوفيق
‏و لحقت الأمل يوم إن الأوهام تلحقني

‏أبكتب على جرح أقرب الناس لا تعليق
‏ما والله أخون في رفيقٍ مرافقني

‏-حمود أبو عوينة

‏كنت أسمع الأبيات و أتأثر ويوم قريت القصيدة كاملة و عرفت قصتها عرفت أن ما جاء من السيل إلا أوله :

‏اصبري يا عين لا تبكين
‏واعتنز يا قلب لا تنظام

‏ما على وجه البسيطة زين
‏والعبر في دورة الأيام

‏دورها ماشي على الباقين
‏وقبلنا ما حققوا الأحلام

‏ذي حياة ابن آدم المسكين
‏لو فرش ريش النعام ونام

‏ما درى ان بقعاء لها وجهين
‏وقسمها فالطيب المقدام

‏ولو فقدنا ربعنا الغاليين
‏ما نكسنا لاجلهم الأعلام

‏فعلهم يبقى ليوم الدين
‏نفتخر فيهم تفاخر يام

‏أنشدوا من هم فجر لاثنين
‏وقفة تشهد لها الايام

‏ساعة فيها الشجاع يبين
‏ما يوقفها سوى الضرغام

‏انثنوا دون الخوي صفين
‏وحطوا الأنفس ذرى وحزام

‏وقفوا من دونه الوافين
‏والعمار يسومها السوام

‏ارخصوا الارواح للشارين
‏وباعوا الدنيا بقطعة خام

‏لبسونا تاج عز ودين
‏وعلقوا فوق الصدور وسام

‏ليتها رده على الشرهين
‏والسيوف ام النصاب حسام

‏كان للرده علينا دين
‏ولا لحقنا شرهة اللوام

‏ما علينا والعمر يومين
‏والوعد لأهل الفخر قدام

‏طبعنا من اول وذلحين
‏نرد حوض الموت ورد هيام

‏يا حلو مدري يا حبيبي يا حبيبي يا حلو
‏من باب دافع الاشتياق اللي تبي منه اختره

‏أي والله أحبك و صايبني على حبك غلو
‏أشد من غلو التزام الدين عقب الهسترة

‏-الظاهرة : سعد ابن جدلان

كل الشكر لك يا مطحس بن حمد على بيتك يوم تقول :
‏عط الراي قلبك شف هوى القلب وين و هاو
‏ترا السعي في غير المشاهي هو التوهة

‏والبيت اللي يقول :
‏اخذ من خضار العمر صبرٍ على غبراه
‏ترا أجمل سنين العمر ماهيب منعادة

‏من يوم ما خليت ذا البيتين لوحات ارشاد في الحياة و أنا ذايق العافية.

وباعد بيننا وبين القاسية قلوبهم والحاسدة أعينهم والكاذبة السنتهم ومشاعرهم وقرّب الينا من يحفظ الود ومن يصون العشره ويجبر الخاطر ولا ينسى الفضل ياللّه.

مرحبّا .

‏يا لايمي يوم صرت اليوم وحداني
‏عن كثرت الناس تكفيني هواجيسي

‏أنا ما أعرف أتبع المقفين بلساني
‏وشلون تبغاني أتبعهم ب أحاسيسي ؟

‏أعرف اللي أكثر هذي العالم تسويه
‏لكني نبيلٍ يردعه خوفه من الله

‏لو إن كل طرقٍ يطرق فـ بالي أغنيه
‏يجوز أدخل التاريخ و أطلع من الملة
‏_ عبيد فهيد

‏خطمتها وقصرت بالقيد يدّها
‏وأردّها .. ولا زال ترثع لا ذالحين
‏" هوى النفس "

‏يا شين اندفاعي بالغلا اللي مهو مضمون
‏يبدّله وقتي كره و افضّها سيره

‏تحلويت مرّ احباب قلبي وانا مغبون
‏و صدّوا وانا صدّيت من ديره لـ ديره

‏تمثنيت مادٍ يلهد الصامل الدندون
‏و كسبت الرهان و شفت من ربّي الخيره

‏لو انّ انتصاري عقب الاحباب ماله لون
‏شهادة يتيمٍ … ما تنومس بها غيره

مرحبّا .

‏ما تبعت احساسي اللي كان صح وكنت غادي
‏بس انا ماهو بكل احساس لا جاني .. بطيعه

‏صرت مثل اللي ظروفه حدته يصبح حيّادي
‏ان سكت ضيعه واذا عدد علومه فيك .. ضيعه !

‏لو جحدني كل شخصٍ فوق سطح الارض : عادي
‏انت جحدانك ما يرضي " لا سلوم ولا شريعه "

لما توصل لمرحلة مو بس تستكثر فيه العتب المباشر، تستكثر فيه حتى القصيد اللي فيه لمحة عتب

هنا تراك وصلت لمرحلة خطيره :)

‏"معرّض صدري لـ رش المطر و ذعذاع الهبوب
‏ ودي إن المطر يغسل قلبي من شيءٍ يحسّه"

‏ساعة أستجابة:
‏"عسى الله يقبل ما دعَت به يديني الثنتين
‏ و يغفر جميع ذنوب نفسي . . ومن يقرا".