اللهّم في يوم الجمعه أرحم من أخذهم الموت وإجعلهُم يبتسمون فرحاً فيّ جنتك .

‏"ورا ليل المدينة يا عتيم الدور
‏عيونٍ خاويه، وقلوب مهجوره

‏كأن الحظ حارس والنصيب السور
‏تشيخ الأمنية.. وتموت مكسوره"

‏ضحايا المعارك موت شعب وخرابّ أوطان
‏وضحايا الهوَى لا عاشوا أهله ولا ماتوا.

‏صديقي صاحبي غربة شعوري موطني منفاي
‏حبيبي لوعتي جرحي خفوقي جنتي ناري

‏فخامة سيدي صاحب جلالة خافقي مولاي
‏امير الشوق لا صاحب سموه واجمل اقداري

‏تراتيل الغلا سيد جروحي مختصر معناي
‏سيادة هاجسي منبر حروفي جرحي العاري

‏شواطي غربتي صمت اغترابي منتهى دنياي
‏مواري بسمتي ضحكة حياتي موطن اسراري

‏نهاياتي بداية منتهاي ومنتهى مبداي
‏مصيري حاضري قصة حياتي موجز اخباري

‏احبك واسبر اغوار المواجع وانتثر بغناي
‏اترجم لك شعوري والمواجع تسبر اغواري

‏حبيبي يا كثر صبري عليك ويا كبر بلواي
‏نفذ صبري على جال انتظارك وانت بي داري

‏تغيب وتسكن عروش الخفوق ودفتري واشياي
‏تنطحت الدروب وكل شي يجيب لك طاري

‏انا ما اقوى فراقك كيف تقوى تحتمل فرقاي
‏حسافه ما توقعتك تبيع وعاشقك شاري

‏تراك اول غلا يسكن حشاي ويستحل اقصاي
‏معك تحلى مشاوير الشقى لو طال مشواري

‏فداك ايام عمري والزمان اللي مضى والجاي
‏تصدق . كل ما زدت بجفاك يزيد مقداري

‏معك مركب غرامي ما سأل عن منتهى مرساي
‏بكيفك خذ مجاديف العمر يا غربة اسفاري

‏كتمتك وانكسر صمت القصايد واختصرت اخطاي
‏تعال اسمع معي نبض الخفوق وصوت قيثاري

‏تجهمت الطريق وما وصلت اخر حدود مناي
‏على صدر المسافه كل خطوه تقصر اشباري

‏كتبتك يلعن اسلاف القصيد وتنكسر يمناي
‏اذا اني ما قدرت ارضى غرورك بأصدق اشعاري

‏افجر للحزن صمت المواجع وان ضمنت بكاي
‏اغنيها على لحن انكساري واسر يا ساري

‏قمت أشوف أن التظاهر بالطرب يجهدني
‏يعني الحل الوحيد أعطي القصيد عنانه !؟

‏بأشرح ظروفي وعقبه لا حد ينشدني
‏من لقى له مستريح يستريح وزانه

‏أطلق الأقدام وأنا ضيقي مقيدني
‏كني اللي يطلق الأقدام في الزنزانه

‏والهوى كنه إلا نسنس علي يقصدني
‏فيه أحد معطيه عنواني بدل عنوانه ؟!

‏القلق سهر عيوني والتعب رقدني
‏ويل من سكر على الحزن الرقيق أعيانه

‏ويوم بان الصبح قال الحزن : زدني زدني
‏قلت : هون البارح وحيه وحي أحزانه !

‏غاليٍ على الوصل عودته وعودني
‏فاقده ، ليته معودني على فقدانه

‏بس أربه مثل ما أنا فاقده فاقدني
‏البرود أشد من صده ومن هجرانه

‏البلا كانه سمح مني وهو واعدني
‏ماتضم أيديه عقب أيديّ غير أكفانه

‏ليت ثقلي في بداياتي معه .. جودني
‏عادها " حي الله الشاعر وصح لسانه "

‏- علي آل صبيح ⁦

‏يالمعطي من الخير لا تزعل إذا شراً تنول
‏حتى و لو ينسونه العالم ترى الله ما نساه

‏شفني كثر ماني من الخذلان بجفوني ذبول
‏للحين أحب الظن الأبيض لو يضيعني وراه

‏و أفرح إذا ما ردو المعروف أحياناً ، وأقول :
‏إبي جزائي كله من الله ولا أثمن من جزاه
‏
‏ إبي هدى ربي غنى ربي و إبي حسن القبول
‏و إبي ستر ربي ، أجر ربي ، عفو ربي ، رضاة

‏ياليت فزاتي لحيّ الضيف و أصوات الطبول
‏ يفزها قلبي اذا حيّا المؤذن عالصلاة

‏يارب في قلبي من الرعشه مثل دبك الخيول
‏يارب في عقلي من الوسواس ما بيّح خفاه

‏يارب أنا لا قوةً بيدي و لا بيّدي حول
‏يارب أنا الغرقان بالدنيا و أبي طوق النجاة

‏ياربي أحبك و أحب الدين واحب الرسول
‏وأتعوذ من ابليس وجنودة و من دربً مشاه

‏ابي من الدنيا بياضً يسمح لوجهي دخول
‏الجنة اللي تجمع أهل الله بوجهه وبلقاه

‏يا حبيبي وانت عُمر وسعة صدر وهَنا
‏وحبّك اسما من خرافات ربعي ياهلي

‏واحدٍ روحه وروحك على الوِد اخدنا
‏" لا تذوّقه العزاير وهو ماهو شلي "

‏ضمّني في سكرة العشق يا عود القنا
‏ضمّةٍ تبهج ضميري و تمتص زعلي

‏ايه اقدّس سحر عينك وخصرك لا انثنا
‏مثل تقديس الروافض لـ بو طالب علي

مرحبّا .

‏والله مايودع صناديد الرجال مهبّل
‏كون نظرة عينك اللي مالها متصّدي

‏فيك شيٍ يشبه الخوف .. ياعذبّ اللما
‏لا قدر أخفض له جناحي ولا أحَذفه وراي

‏ما كان للشّعر طاري لين ثار الشعور
‏وما صرت كلّي عذوبه لين ذقَت العذاب

‏لا زعلتي عاتبي لا تسكتين
‏المحبه ماهي تعرف السكوت

مايجري خطوة المتزاعلين
‏غير بكيٍ فـ الضمير بدون صوت

‏حرري حكيٍ من غيره سجين
‏وأجرحيني .. أجرحي ماراح أموت

‏حكيّك أجزل من قصيد الأولين
‏وقلبك أتّرف من خطوط العنكبوت

‏البشر .. يا مقبلين أو راحلين
‏والأماني تْمر وتمر .. وتفوت

‏بهذلتنا .. سالفه غبر السنين
‏والظروف اللي ماتقدرها البخوت

‏لك علي .. أثبت معك والله يعين
‏الثبوت .. اللي ما يشبّه له ثبوت