‏يامجمول ماحنا من الوقت مرتاحين
‏ظروف الليالي كل يوم لها طاري

‏لياجيت يمك عطني من القصيد الزين
‏وسولف علي ولاتنشد عن اخباري

‏سوالفك خمرٍ منقطع من نبيذ التين
‏ونظرة عيونك طلقةٍ من يد مثاري

‏انا اجحد غرامك وانكره والعرب دارين
‏ياكثر جهلي يوم احسب ان ماحدٍ داري

‏- خالد بن ماطر

‏"أتركيني بين الأحلام، أنا احب الخيال
‏الخيال احلى من الواقع.. الواقع مرير"

‏وأنت جالس لحالك وتتأمل الحياة وتاخذ نفس عميق، يطري عليك بيت سليمان المانع يوم قال:
‏"أنا أتنفس وحدتي بعض الأحيان
‏ألقى بها الحلم الصغير المثالي"

الحالة الحالية:

(الندوب اللي بصدري تالفه)
فلا يرجى شفاءها ولايخشى ألمها لم تعد تؤثر ابداً انتصاراً مني عليها و زهداً فيها و اشمئزازاً من الذين خلفوها لم تكن ايديهم ثمينه لكي تخلف اثراً حي بل تركوا اثراً يثير الإشمئزاز و رخيصاً مثلهم تماماً.

‏خدينة الروح سلابة غرام القلوب
‏عليك وصل الليالي تبني أمالها

‏من يملك مشاهدك ما فكر أنه يتوب
‏وش عاد لا أستعذب الكلمات بجدالها

‏فيها الجمال الطبيعي والمفاتن تجوب
‏ما يجعل العالم تسولف على حالها

‏عيونها كنها سطوة مداين حروب
‏ما يستثير الرموش إن داعب ظلالها

‏يعتاظ فيها الفقير ويستقيم الكذوب
‏تشابه الحسنه اللي بعشرة أمثالها

‏يا ذنب لحيت لجله عن كبار الذنوب
‏والله يغفر الذنوب بزِينة أعمالها

‏كل المسافات يمك والسكك والدروب
‏وحتى حروف الشعر ما تروح من بالها

‏أخيط من نزف شعري لك من الود ثوب
‏ما يجعل اللي سمّعه يقدس جلالها

‏الايام ظلما والليالي ، عديمة راي
‏مشاويرها حرمان و دروبها حرة

‏خذت مني أغلى ما تمنيت في دنياي
‏و خلت لي اللي ما تعوّذت من شره

‏أنا بخير والله لو معي ذاكرة نساي
‏ماهي بـالحنين ولوعة الوجد مضطرة

‏تفاصيل ما ترحم وقوفي ولا ممشاي
‏وجعها يجي ويروح و يعاود الكرة

‏سلامي على المتحكمة بـ زعلي ورضاي
‏وعلى الغرة اللي طوّقتني على غرة

‏هذي جرته في مرتع الصدر رايح جاي
‏من أبسط حقوق الحر خطواته الحرة

‏يا محبوبتي لا زال كوعي على مركاي
‏تحلويت صكات الليالي و هي مرّة

‏أنا أجر قلبي مع طريقك وأجر خطاي
‏وأخاف أجرحه ويسيل دمي على الجرة

‏بعدك الليالي صوتها صوت عازف ناي
‏يهيّض جروح القلب ويقلّب ، صوره

‏اذا ما بقى حنيةٍ تستعيد ، قواي
‏حنانيك باللي يقطع الشوق بـ المرة

‏لو الموت مرّة ك ما تعنّيت في دنياي
‏أنا أشوف لي حيّين ماتوا مية مرة

‏ياساري الليل ليلك ما يسد اللزوم
‏انا اللي لا حده الوقت وتضايق سرَح

‏ماعاد ألوم ولا عاد اقبل من الناس لوم
‏مبطي وانا خاطري لا سج ولا انشرَح

‏عندي ضغوطات نفسية وعندي هموم
‏يمكن لو اعدّها على الجماد انجرح

‏لا تنشدوني وانا ف عيوني من الرسوم
‏اللي يضم الحزن ولا يضم الفرَح

الاحداث الاخيره كلها حيرة وحرب اعصاب
‏وقلبٍ ما يرجعه لحياته .. غير مطلوبه

‏يوم قال :

‏خلوا المظلوم يستعطف اللي يظلمه

‏من يوم تقرأ ذا الشطر تدري ان الشاعر يمهد ، لأبيات مليانه
بالعاطفه :

‏- ان بغيتيني طفل وان بغيتيني حبيب
‏والله إن حتى الخطا من سموّك مكرمه .

‏ - طعنتك في جوفي ألذ من شخب الحليب
‏شخب معطارً على حوارها .. مترزّمه .
‏
هذا هو التمهيد : شد انتباه المستمع قبل الاستماع الى باقي القصيدة .

#خالد_مبارك .

‏رح فمان الله من شكّي وظنّي
‏وانا في وجهه من جروحك وطبّك

‏وان خذتك المغريات يكفي اني
‏كان عندي كل شيّ .. وكنت احبّك

‏ياشين الطواري لا تلافت بصدر الصلف
‏وقامت على مايكره الخاطر تحده

‏تعاقب على صدر المعنى سوات الشلف
‏ليا صد هجمه جات عشرين مرتده

‏وتتالت على عوج .. الحنايا وسوت حلف
‏مع الضيقه اللي تسكن الصدر من مده .

‏"يا الله أغفر ماسبق من كل ذنب وما توخَّر
‏ماطلب عبدك رضاك ومغفرتك إلّا مخافه"

عزاي للي م يستمّع لـ كمال حمديّ❤️👨🏻‍🦯.

‏"خذني على قد عقلي في طريق الغرام
‏إن كانك أعمى بصيرة خذني أعمى بصر

‏من كثر ما نرتحل بين الديّر والأنام
‏ما عاد ندري نصلي جمع ولا قصر

‏إن كان حبك هزيمة ؟ ، فالهمام الهمام
‏يا مرحبا بالهزيمة في طريق النصر

‏انا اغرب إنسان في الدنيا عليّ الحرام
‏عجزوا على ذبحي الناس وذبحني خصر"

‏ولا لي في مشاويرك؛ مسافة دمعة وتنساب
‏فقدتك كنك الأخو الكبير، وطول الغيبة

‏على الله يوم حطيت الليالي بين ضرس وناب
‏وهقيتك وأنت علمٍ، كم لي أوديه وأجيبه؟

‏مضى وجهٍ قديم، وضحكٍ إن ضِل الزمان وتاب
‏أعرف إني لو تميل المساعي عنك حاضي به

‏حزين إني بعد قلبٍ تساقى علمك ولا شاب
‏تشوف إنه جفاف وهو يشوفك من مشاريبه

‏تعب حتى يدور لك؛ عذر، مع كثرة الأسباب
‏ترى ما هو عدوك، يوم عينك؛ ما تهلي به

‏يعرف الفقد، والليل الطويل،ونظرة الكذاب
‏مثل ما هو يعرف إنك هوى داره، وتغريبه

‏تسربل لك جيوش، ولا توقى قبل لا يرتاب
‏نطح صدر الجموع، وهب ذكره، وأهتوى غيبه

‏لقى في نظرتك علم، ولقى في ما لقاه غياب
‏وقلط صدره حقوق العتاب، وجت معازيبه

‏أنا لو ضاعت الدنيا وراك؟ وزادت الأتعاب
‏أجي كني؛ صباحٍ، كل هالعالم تهذري به

‏يمر الصوت، وأتخلخل مداك، ولا قفلت الباب
‏تجي مثل السحاب اللي يفز القاع من صيبه

‏وترحل، ما لحقك إلا القصيد وشرهة الطلاب
‏وقلبٍ ما يخونه فـ الحياة إلا تجاريبه

‏أنا ماني بـ عاقلك الدروب، ولا رضيت أحباب
‏حزين إني أشوفك؛ حق، وأنت تشوفني ريبة

‏جزيت، وفز قلبي؛ أثر قلبي.. ما نساك وتاب
‏حكيت؛ وضاع صوتي، في رجاك وضاعت الهيبة

‏ولا عاد السهر ملفى، ولا عاد السنين أصحاب
‏تحاشيت المكان، ولا فقد سمعي؛ تراحيبه

‏ تجودت بـ سفر ليلك،"وأنا أقول القمر ما غاب."
‏يا عنك إن القمر لو غاب، من هو عاد بـ يجيبه

‏لو إن الغيمة أقفت، ما تلحقت الهبوب عتاب
‏أنا حتى الجفاف إن كان في طارفك؟ راضي به

‏غلق الصبر والوقت انتهى يامليحه
‏مابقى في مراكيض الهوى شوط ثاني

‏جازعٍ من نسم صدرٍ ذبحني فحيحه
‏ومن تفانيّ مع شخصٍ مهو بمتفاني

‏ودي اني حفظت من البخاري صحيحه
‏ولااحفظ شعر بشار وصريع الغواني

‏سامح من القصيد ومن نبطه وفصيحه
‏ومن بحور الخليل ومن بحور المعاني

‏بس لامرني شي يهيْض القريحه
‏ابتسمت ودريت ان الزمن ذا زماني

‏ليه حتى الشمال اللي يجيني بريحه
‏ليه ماعاد ذعذع لي ولاعاد جاني

‏رحت اهني عقول العالم المستريحه
‏ماوطاها من اسباب الهوى ماوطاني

‏من حرمني زهر نبتت خزامه وشيحه
‏لااصرمت عشبته ماجيت له لو دعاني

‏جرة خطاي في روضة غلاه الفسيحه
‏لو تبع جرتي في وقتها قد لقاني

‏فاقد الشي لايعطيه ماهي صحيحه
‏هذا انا فاقده واعطي ولااحدٍ عطاني

‏الصبر يفطر كبود وقلوب جرعات الحنين
‏كيف فإبن آدم اللي على كبده المرّ إنزوى

مسّيتوا بالخير .

‏على الطريق اللي نهاياته بدايات انطلاق
‏يبدا الخيال يعيش جوه والقديم يجدده

‏خلوني اخذ راحتي وارتاح من ضيق الخناق
‏محتاج لي سجّه تعيد الراحه المستبعده

‏يالمهم اللي محد يملى مكانه في غيابه
‏فالهواجس والمشاعر دايم لْك الأولويَّه