كان حظي طيب وجابك، الله يطربه
‏والله إن اغفر ذنوبه بعدها لو يخيب

‏وش تبي تعرف من اللي غرامك يشربه
‏مثل ما تشرب هل الرمله الماء والحليب

‏لو يشوف الموت يقربك وألا تقربه
‏حط نفسه بينكم فالشباب وفالمشيب

‏انت حب التوبه اللي طلع من مغربه
‏قفل أبواب المحبه وصار اغلى حبيب .

- خالد مبارك .

‏يا مشاريهي على ويش اتشره
‏طاب فال الليل ماطيّبت فالي
‏
‏مابقى لي قلب تبقى فيه حرّه
‏راح لـ اللي ماعرف قيمة وصالي
‏
‏قال لي وصالك مثل قهوتك مّره
‏قلت منهو قال لك فرقاك حالي

‏لو يطيح النجم من عمق المجرّه
‏ما يطيح الغالي من عين غالي

‏جاني يدور مسره والمسره
‏لو ادل ادروبها سرّيت حالي .

‏أشكر الله ثم نفسك ثم والديك، على ما أنت عليه الآن
‏ما زلت متماسك في قيمك، ومبادئك
‏لم تنجرف خلف التفاهات، ولم تجعل من نفسك "أضحوكة"
‏مُتشبث بإحترامك لذاتك..
‏فإننا بزمن المرء يفتقد ثمن كرامته.

‏لله درّي .. على الصبر و على الاعتياد
‏أواجه الوقت صلب وخاطري ما حكى

‏انا أكثر إنسان تشكي له قلوب العباد
‏وعلى كثر ما يواسيهم ما عمره شكى

جالسً معكم واهوجس وسجيت وسريت
‏رحت كلي ما بقى الا عيوني وجسدي . .

‏في كنف بشت الطواري والسهر واللّوعه
‏عشت ياحزن الضمير اللي ماهوب هْويّن
‏
‏البدايه ضيق بال وضحكةٍ مصنوعه
‏والنهايه وقعها تحت المحاجر بيّن
‏
‏من حوالي حول وطعون الشقى متبوعه
‏مايعالجها طبيب .. ولا تلاوة ديّن
‏
‏ناهبٍ جور الزمان حقوقي المشروعه
‏وفاقدٍ وجه السماحه والجناب الليّن

‏سجّة القلب القديمه كنّها مقطوعه
‏ولذّة النوم الحقيقيّه ماعاد تْعَيّن

‏علّموني يا جماعه علوم الغايبين
‏والله إن كبدي عليهم رمادٍ في رماد

مرحبّا .

‏ياحبيبي يبلغ الشوق فوق المحتمل
‏كان مانالت رضاك القصايد , خلها

‏الذوايق كسبها هم وارضاها حمل
‏والمشاعر ٫ كلمتينٍ تجي ف حلّها

‏ويش أبي فالليله اللي قمرها مكتمل
‏لا خذيت من الليالي , قمرها كلها . .

‏"ترا من فقد بسمتك ما عاضته قمرا الليال
‏أنا تبسّامك هو اللي كان يضوي لي درُوبي"

‏لا كبر عمري و لا تغيّر مكاني
‏ليه أحس إني أنا ماني بـ آنا ؟

‏صرت أصور واحفظ الصوره عشاني
‏واجمع الذكرى على العشره ضمانه

‏و صرت آحب الحزن بالحان الاغاني
‏من عقب طيران لحن الخيزرانه

‏و صرت أخاف البرق وادعي في مكاني
‏بعد ما اركض للمطر و أغرق شطانه

‏و صار عندي للمجامل وجه ثاني
‏من بعد ما صرت اخاف من الميانه

‏و اعشق الوحده و احس انها أماني
‏من لقى في وحدته غيري امانه

‏اهلي خلاني و ربعي أخواني
‏والبشر كلً وله قدرة و شانه

‏لي متى واهم البحر و انا المواني
‏لي متى روحي من الشرهه جبانه

‏مشكلةْ قلبي على طارف لساني
‏" يوم كلً حاجته تحكم لسانه "

‏من خذا مني ، تجمّل لو نساني
‏في زمن رد الجمايل بـ الاهانه

‏ما يعيش بـ هالزمن غير الاناني
‏صارت الانفس تميّل للخيانه

‏لازم اربي على القسوة حناني
‏دام عاب الوقت بالطيّب حنانه .

‏هاجس الليلة عبارة عن:
‏"مرّت علي أيام بعده وأنا أقول
‏إن كان هذا حلم صحوني منه".

‏تمرّك دورة الارض .. و خطاوي العابرين كْثار :
‏و على رجوى يمرونك ( ربيعك كم زهى ورده ) !

‏جلست و نظرتك ترقب و في قلبك زحام اعذار :
‏تواسي نفسك بـ نفسك ( حبيبي ما نسى وعده ) !

‏لو ان العمر فات .. و ماتت اللهفه بدون انذار :
‏و شتا الوحده سكنك ، و يا قساه و يا قسى برده !

‏تحاول قد ما تقدر ... تبي تفهم وش اللي صار ؟
‏و يمر الوقت فيك و تكثر اسألتك من الوحده !

‏و لا تلقى الجواب اللي يطفي في .. فؤادك نار :
‏و ساعات انتظارك ( تطعنك ) و تزيد بك حِده !

‏كذا لييييين اتأكد بـ انهم خلوك .. و انت البار :
‏هذاك اللي كبر .. وافي لهم ... و اختارو الصده !