Дзяўчаты, якія збіраюцца пераплыць Ла-Манш, запусцілі чэлендж

Гатовыя далучыцца?

З 1 па 31 сакавіка дзяўчаты арганізавалі плавальны чэлендж і запрашаюць прыняць удзел усіх ахвотных:

«У сакавіку мы возьмемся за нешта больш маштабнае, чым проста трэнаванне
Мы ўдзельнічаем у UltraSwim 33.3 #11VIRTUAL і за месяц праплывём тэарэтычна найкарацейшую адлегласць Ла-Манша – 33,3 км».

Вам не абавязкова плыць усе 33,3 км – можна выбраць свой фармат:

• 🏊 1 км – нават адна значнае трэнаванне ў гэтым месяцы
• 🏊‍♀️ Палова Ла-Манша – 16,65 км
• 🌊 Поўны Ла-Манш – 33,3 км
• 🔥 Два Ла-Маншы – 66,6 км

Падрабязнасці –

тут.

Марыя Жодзік перамагла ў чэмпіянаце Польшчы

Беларуска, з польскім пашпартам, не мела сабе роўных на чэмпіянаце Польшчы па лёгкай атлетыцы ў памяшканні. 29-гадовая спартоўка заваявала залаты медаль у скачку ў вышыню, узяўшы планку на вышыні 1,95 м. Жодзік спрабавала пабіць уласны асабісты рэкорд у зале, але безвынікова.

Лёгкаатлетка выступае за KS Podlasie Białystok. У мінулым годзе яна прадстаўляла Польшчу на камандным чэмпіянаце Еўропы, дзе заняла 2-е месца з вынікам 1,97 м. У фінале скачка ў вышыню на чэмпіянаце свету ў Токіа яна ў трэцяй спробе ўзяла вышыню 2,00 м, пабіўшы свой асабісты рэкорд і заваяваўшы тытул віцэ-чэмпіёнкі свету.
Спартоўка нарадзілася ў беларускіх Баранавічах, і раней выступала за Беларусь. Але ў 2020 годзе падтрымала беларускі народ – падпісаўшы ліст за сумленныя выбары і супраць гвалту, а пазней выказалася супраць вайны в Украіне.

З 2022 года Жодзік жыве ў Польшчы. Улетку 2024 года яна атрымала права афіцыйна прадстаўляць гэтую краіну на міжнародных спаборніцтвах.

Вы толькі паглядзіце, як у Барысаве адкрываюць салон ксеракопіі

Усе, хто з’ехаў у Польшчу, Літву і Нямеччыну, імкліва збіраюць валізкі і ляцяць у Барысаў на гэтае свята жыцця.

Мінспорту рэжыму забараніла прыватнаму клубу выехаць на зборы за мяжу

Такой дзікасці няма ні ў адной еўрапейскай краіне.

Уладальнік чэмпіёна Беларусі па футболе Арцём Леонаў распавёў, што клуб так і не змог выехаць на запланаваныя зборы.

«Хацелі выехаць на замежны трэніровачны збор. Планавалі ў студзені на 20 дзён адправіцца на Кіпр, у Лімасол, згуляць з моцнымі камандамі, каб лепш падрыхтавацца да еўракубкаў, аднак Міністэрства спорту забараніла».

Раней беларускія клубы рэгулярна рыхтаваліся да сезона за мяжой, але ў апошнія гады ім гэта забаранілі. Нагадаем, што Міністэрствам спорту Беларусі кіруе былы ахоўнік Лукашэнкі Сяргей Кавальчук.

Беларускі гумар – гэта моц!

Блогер зняў відэа ў якім адказаў жанчыне, якая не змагла прачытаць верш Уладзіміра Карызны з падручніка для другога класа.

Вы яшчэ шукаеце працу?

Маем прапанову для будаўнікоў. Нашы партнёры атрымалі вялікую замову на будоўлю ў Польшчы, і гаспадар фірмы беларус – шукае добрых працаўнікоў маналітных работ.

Праца на 3-4 месяцы, заробак ад 8 тысячаў злотых, бясплатнае жытло, машына. Праца ў Белай – Падляскай. Шукаюць беларусаў, якія ўжо маюць візу альбо міжнародную абарону.

Звяртайцеся альбо напішыце нам.

Тэрарысты ў Беларусі адпусцяць 18 чалавек

15 з іх асуджаныя за палітыку.
Захапіўшы ўладу ў Беларусі Лукашэнка вырашыў згуляць у добрага цара.
Да свята 8 сакавіка з палону вызваляць 18 асобаў, захопленыя яго сілавікамі, сярод вызваленых - 11 жанчын. Адна з жанчын – цяжарная.

У Беластоку з'явіцца першы ужэндамат

Пра гэта паведаміў намеснік прэзідэнта Беластоку Рафал Рудніцкі.

Каля гарадской управы на вуліцы Слонімскай ідзе мантаж першага ўжэндамата Беластоку. У ім можна будзе атрымаць, сярод іншага, пасведчанне аб рэгістрацыі, рэгістрацыйную табліцу для велабагажніка, а магчыма нават і пасведчанне кіроўцы.

Даша праваліла стральбу

Пасля Алімпіяды ў біятланістак аднавіліся спаборніцтвы.

Сёмы этап Кубка свету праходзіць у фінскім горадзе Контыёлахці. 5 сакавіка адбылася індывідуальная гонка на 15 км з чатырма агнявымі рубяжамі.

Беларуска Дар’я Далідовіч дэбютавала на гульнях у Італіі не выступала і толькі нядаўна стала выступаць на этапах Кубка свету па біятлоне. Гэтым разам у Дар'і выйшаў найгоршы старт, ажно 7 промахаў і апошняя 96-ае месца.

Нагадаем, што 21-гадовая спартоўка адмовілася прадстаўляць лукашэнкаўскую Беларусь і дамаглася права выступаць у статусе бежанкі. Дар’я разам з бацькам, знакамітым лыжнікам Сяргеем Далідовічам, была вымушана з’ехаць з роднай краіны з-за палітычнага пераследу. Цяпер яна жыве і трэнуецца ў Польшчы.

А вось біятланістаў, якія прадстаўляюць рэжым Лукашэнкі да афіцыйных стартаў не дапускаюць.

З беларускай сталіцы запусцяць новыя аўтобусы ў Еўропу

Цяпер з Менску грамадскі транспарт будзе ездіць у Кельце, Люблін, Радам і нават Мюнхен.
26 сакавіка запланаваны рэйс Менск – Кельце, і ў Радам праз Люблін. А што пятніцы з 27 сакавіка аўтобус аправіцца ў Мюнхен.
Самы час прыехаць у Польшчу і Нямеччыну на працу.

У Польшчы зноў плануецца правядзенне турніру памяці Мікіты Крыўцова

Яго плануюць правесці летам.

Мікіта Крыўцоў – беларускі футбольны фанат, забіты cілавікамі падчас пратэстаў у жніўні 2020 года
Фанат «Маладзечна» Мікіта Крыўцоў перастаў выходзіць на сувязь з сям’ёй і сябрамі 12 жніўня 2020 года

Праз дзесяць дзён яго цела знайшлі ў менскім лесе. «Следчыя» сцвярджаюць, што слядоў гвалту няма, і называюць афіцыйнай прычынай суіцыд. Крымінальную справу па факце смерці так і не завялі. Яго сябры не вераць у гэтую версію.

Сябры Мікіты і фанатская супольнасць Беларусі стала праводзіць у Варшаве футбольны турнір памяці Мікіты Крыўцова. Апошні такі турнір прайшоў у 2024 годзе, яго пераможцам стала каманда TI:Exile.

Вас паставяць перад фактам

З 1 ліпеня 2026 года ў плацежных квітанцыях жыхароў Менску з’явіцца новы пункт: падатак на сабаку. Плаціць яго абавяжуць не толькі ўладальнікаў зарэгістраваных жывёлінаў, але і тых, хто проста трымае гадаванца ў кватэры.

А калі не заплаціць — вас чакае штраф.

Але мы знайшлі для вас рашэнне.

Дырэктар «Дому берасцейскага бусла»: Дзякуй усім за падтрымку

«Дом бусла» будзе працаваць.

Улады хацелі закрыць прыродаахоўную ўстанову, але пад ціскам грамадскасці былі вымушаныя перагледзець сваё рашэнне. Цяпер яны не толькі не закрываюць «Дом берасцейскага бусла», але і прапанавалі арганізацыі новае, выдатнае месца.

Пра гэта паведаміў дырэктар цэнтру дапамогі птушкам і жывёлінам Дзмітрый Аўдзееў.

У Беластоку зноў пройдзе футбольны квіз

Другая гульня гэтага сезону «Татальны футбол» пройдзе ў наступны панядзелак 16 сакавіка. «Беластоцкія Дзікі» і гэтым разам пазмагаюцца за перамогу.

Першы футбольны квіз «Татальны футбол» прайшоў 23 лютага. Мерапрыемства адзначылася бліскучай арганізацыяй і цёплай, сяброўскай атмасферай.
Сем каманд на працягу амаль двух гадзін вызначалі наймацнейшага. Удзельнікі дэманстравалі свае футбольныя веды, логіку і памяць, адказваючы на пытанні віктарыны: пра галы Раналду, братоў Хэдзіраў, не забыліся пра Касільяса і нават пра сціплы клуб «Кальяры».
У выніку перамогу атрымала каманда «Чалоба и Дисаси», другое месца занялі «Выпадковыя людзі», а трэцяе – «Беластоцкія Дзікі».