«Belavia» абвясціла пра касмічныя зніжкі на палёты ў Тбілісі — $285 за білеты туды і назад са скідкай 50%.

Мы пашукалі і знайшлі: з Варшавы у сталіцу Грузіі без зніжак — туды-назад — за $185.

Тым часам борт «Belavia» завіс ў Дубаі і не можа вылецець, а 1 сакавіка рэйсы ў Ізраіль адмененыя.

Закрытая паветраная прастора над большасцю краін Блізкага Усходу.

🎬 Што паглядзець на выходных

Набірае папулярнасць новы польскі міні-серыял «Ołowiane dzieci». Фільм Netflix трапляе ў топы праглядаў.

🎞 Стужка «Свінцовыя дзеці» натхнёная рэальнымі падзеямі. Яна расказвае гісторыю маладой лекаркі, Ёланты Вадаўскай-Круль, якая заўважае, што дзеці, якія жывуць у прамысловым металургічным раёне, маюць хваробу, выкліканую атручваннем цяжкімі металамі. Пасля гэтага адкрыцця гераіня спрабуе ратаваць хворых дзяцей і сутыкаецца з агрэсіўным камуністычным дзяржаўным апаратам.
Фільм пераносіць гледача ў індустрыяльную атмасферу Верхняй Сілезіі 1970-х гадоў. Менавіта тут, у рэаліях рабочага рэгіёну, пераплятаюцца небяспечны палітычны ўплыў і сацыяльная місія доктаркі Вадаўскай-Круль.

🙌🏻 А мы перадаем прывітанне берасцейцам, якія з 2018 па 2020 год змагаліся супраць будаўніцтва акумулятарнага заводу ў сябе ў рэгіёне.

«Пагоня» атрымала перамогу ў спарынгу💪

Беларуская каманда планавала правесці 1 сакавіка першую гульню ў чэмпіянаце Польшчы, але замест яе адбыўся спарынг.

Ёсць перамога 2:1 над камандай «Sobienie Jeziory».

Вы можаце падтрымаць каманду, і нагадаем, што ў аднаго спонсараў першага беларускага клуба ў польскім футболе для вас ёсць праца.

Гэта акцыя беларусаў у Польшчы?

Не, гэта гуляе жаночы валейбольны клуб ЛКС Лодзь.
А выглядае як гульня зборная Новай Беларусі!

Дзяўчаты, якія збіраюцца пераплыць Ла-Манш, запусцілі чэлендж

Гатовыя далучыцца?

З 1 па 31 сакавіка дзяўчаты арганізавалі плавальны чэлендж і запрашаюць прыняць удзел усіх ахвотных:

«У сакавіку мы возьмемся за нешта больш маштабнае, чым проста трэнаванне
Мы ўдзельнічаем у UltraSwim 33.3 #11VIRTUAL і за месяц праплывём тэарэтычна найкарацейшую адлегласць Ла-Манша – 33,3 км».

Вам не абавязкова плыць усе 33,3 км – можна выбраць свой фармат:

• 🏊 1 км – нават адна значнае трэнаванне ў гэтым месяцы
• 🏊‍♀️ Палова Ла-Манша – 16,65 км
• 🌊 Поўны Ла-Манш – 33,3 км
• 🔥 Два Ла-Маншы – 66,6 км

Падрабязнасці –

тут.

Марыя Жодзік перамагла ў чэмпіянаце Польшчы

Беларуска, з польскім пашпартам, не мела сабе роўных на чэмпіянаце Польшчы па лёгкай атлетыцы ў памяшканні. 29-гадовая спартоўка заваявала залаты медаль у скачку ў вышыню, узяўшы планку на вышыні 1,95 м. Жодзік спрабавала пабіць уласны асабісты рэкорд у зале, але безвынікова.

Лёгкаатлетка выступае за KS Podlasie Białystok. У мінулым годзе яна прадстаўляла Польшчу на камандным чэмпіянаце Еўропы, дзе заняла 2-е месца з вынікам 1,97 м. У фінале скачка ў вышыню на чэмпіянаце свету ў Токіа яна ў трэцяй спробе ўзяла вышыню 2,00 м, пабіўшы свой асабісты рэкорд і заваяваўшы тытул віцэ-чэмпіёнкі свету.
Спартоўка нарадзілася ў беларускіх Баранавічах, і раней выступала за Беларусь. Але ў 2020 годзе падтрымала беларускі народ – падпісаўшы ліст за сумленныя выбары і супраць гвалту, а пазней выказалася супраць вайны в Украіне.

З 2022 года Жодзік жыве ў Польшчы. Улетку 2024 года яна атрымала права афіцыйна прадстаўляць гэтую краіну на міжнародных спаборніцтвах.

Вы толькі паглядзіце, як у Барысаве адкрываюць салон ксеракопіі

Усе, хто з’ехаў у Польшчу, Літву і Нямеччыну, імкліва збіраюць валізкі і ляцяць у Барысаў на гэтае свята жыцця.

Мінспорту рэжыму забараніла прыватнаму клубу выехаць на зборы за мяжу

Такой дзікасці няма ні ў адной еўрапейскай краіне.

Уладальнік чэмпіёна Беларусі па футболе Арцём Леонаў распавёў, што клуб так і не змог выехаць на запланаваныя зборы.

«Хацелі выехаць на замежны трэніровачны збор. Планавалі ў студзені на 20 дзён адправіцца на Кіпр, у Лімасол, згуляць з моцнымі камандамі, каб лепш падрыхтавацца да еўракубкаў, аднак Міністэрства спорту забараніла».

Раней беларускія клубы рэгулярна рыхтаваліся да сезона за мяжой, але ў апошнія гады ім гэта забаранілі. Нагадаем, што Міністэрствам спорту Беларусі кіруе былы ахоўнік Лукашэнкі Сяргей Кавальчук.

Беларускі гумар – гэта моц!

Блогер зняў відэа ў якім адказаў жанчыне, якая не змагла прачытаць верш Уладзіміра Карызны з падручніка для другога класа.

Вы яшчэ шукаеце працу?

Маем прапанову для будаўнікоў. Нашы партнёры атрымалі вялікую замову на будоўлю ў Польшчы, і гаспадар фірмы беларус – шукае добрых працаўнікоў маналітных работ.

Праца на 3-4 месяцы, заробак ад 8 тысячаў злотых, бясплатнае жытло, машына. Праца ў Белай – Падляскай. Шукаюць беларусаў, якія ўжо маюць візу альбо міжнародную абарону.

Звяртайцеся альбо напішыце нам.

Тэрарысты ў Беларусі адпусцяць 18 чалавек

15 з іх асуджаныя за палітыку.
Захапіўшы ўладу ў Беларусі Лукашэнка вырашыў згуляць у добрага цара.
Да свята 8 сакавіка з палону вызваляць 18 асобаў, захопленыя яго сілавікамі, сярод вызваленых - 11 жанчын. Адна з жанчын – цяжарная.

У Беластоку з'явіцца першы ужэндамат

Пра гэта паведаміў намеснік прэзідэнта Беластоку Рафал Рудніцкі.

Каля гарадской управы на вуліцы Слонімскай ідзе мантаж першага ўжэндамата Беластоку. У ім можна будзе атрымаць, сярод іншага, пасведчанне аб рэгістрацыі, рэгістрацыйную табліцу для велабагажніка, а магчыма нават і пасведчанне кіроўцы.

Даша праваліла стральбу

Пасля Алімпіяды ў біятланістак аднавіліся спаборніцтвы.

Сёмы этап Кубка свету праходзіць у фінскім горадзе Контыёлахці. 5 сакавіка адбылася індывідуальная гонка на 15 км з чатырма агнявымі рубяжамі.

Беларуска Дар’я Далідовіч дэбютавала на гульнях у Італіі не выступала і толькі нядаўна стала выступаць на этапах Кубка свету па біятлоне. Гэтым разам у Дар'і выйшаў найгоршы старт, ажно 7 промахаў і апошняя 96-ае месца.

Нагадаем, што 21-гадовая спартоўка адмовілася прадстаўляць лукашэнкаўскую Беларусь і дамаглася права выступаць у статусе бежанкі. Дар’я разам з бацькам, знакамітым лыжнікам Сяргеем Далідовічам, была вымушана з’ехаць з роднай краіны з-за палітычнага пераследу. Цяпер яна жыве і трэнуецца ў Польшчы.

А вось біятланістаў, якія прадстаўляюць рэжым Лукашэнкі да афіцыйных стартаў не дапускаюць.