Калі вы шукалі працу ў сферы будаўніцтва, знайшлі для вас цікавую прапанову

Нашы партнёры з фірмы Tlbud шукаюць аддзелачнікаў, якіх падобна чакае вельмі крутая камандзіроўка.

🇩🇪 Гамбург – другі па велічыні порт у Еўропе, у якім адчуваецца атмасфера марскога гораду. Ён пранізаны каналамі ды рэкамі, а мастоў тут больш, чым у Венецыі і Амстэрдаме разам узятых.

Калі ў вас усё ў парадку з рукамі і вы ўмееце якасна рабіць унутраннае аздабленне, то зможаце не толькі атрымаць задавальненне ад атмасферы Гамбургу, але і добра зарабіць.

👉🏻Проста патэлефануйце +48530810130 або напішыце.

Расейка з’ездзіла на пяць Алімпіядаў за грошы беларускіх падаткаплатнікаў

Найлепшы вынік – 20-е месца.

Расейка з беларускім пашпартам, гарналыжніца Марыя Шканава, на XXV зімовых Алімпійскіх гульнях у Італіі ў слаламе 18 лютага заняла 43-е месца з 95 спартовак. 36-гадовая Шканава зрабіла адну спробу, не змагла прайсці далей і цяпер вяртаецца дадому.

Яшчэ адзін правал 🤷🏻‍♂️

Ганна Гуськова толькі восьмая ў фінале, а ў Беларусі фактычна не засталося шанцаў на медалі зімовай Алімпіяды.

Чэмпіёнка Пхёнчхану-2018 і срэбная прызёрка Пекіну-2022 у Італіі заняла восьмае месца, і не трапіла ў галоўны фінал. Цікава, што ў ім не было еўрапеек: тры прадстаўніцы Кітаю (перамагла Сюй Мэнтаа), дзве амерыканкі і Даніэла Скот з Аўстраліі – яна заваявала срэбра. Скот трэнуе беларус Зміцер Дашчынскі. Сам 48-гадовы Зміцер двойчы прыносіў Беларусі алімпійскія медалі. У 2020 Дашчынскі падтрымаў беларускую Рэвалюцыю, а цяпер ужо чатыры гады паспяхова трэнуе зборную Аўстраліі

Сталі вядома імёны ўдзельнікаў дэкламатарскага конкурсу да дня роднай мовы

Пяты юбілейны конкурс пройдзе 24 лютага ў Беластоцкім тэатры лялек і пачнецца ў 17.00.

З фіналістамі конкурсу можна азнаёміцца тут.

Апроч спаборніцтва дэкламатараў вас чакае спектакль «Brydkie kačenia» («Брыдкае качаня») у выкананні Тэатра Czrevo! Гэта кранальная падляская версія казкі Х.К.Андэрсэна, расказаная з пункту гледжання маці. Яна апавядае гісторыю пра сталенне, іншасць і патрэбу ў прыняцці.

Мікалай Статкевіч на свабодзе

Цяпер ён дома ў Менску. Здымак з ФБ жонкі Статкевіча Марыны Адамовіч апублікавалі шэраг незалежных СМІ.
Марына напісала, што палітык перажыў у зняволенні інсульт.

Нагадаем, Статкевіча спрабавалі вывезці за мяжу 11 верасня 2025 года, але ён адмовіўся пакідаць Беларусь і выбіў дзверы аўтобуса на мяжы з Літвой, пасля чаго яго вярнулі ў глыбоцкую калонію. Цяпер, здаецца, палітык дабіўся вызвалення без дэпартацыі.

Вазьмі сабе Бекона

Бекон – адзін з катоў-мадэляў, якія прынялі ўдзел у фотасесіі для выставы пад дэвізам

«Падары сабе раскошу безумоўнай любові».

Выставу можна паглядзець у падземным пераходзе на скрыжаванні вуліцы Сянкевіча і алеі Пілсудскага ў Беластоку.

Бекон – кот-хлапчук, галодны ад самага нараджэння. Ён чакае свой любячы дом у прытулку для жывёлінаў у Беластоку.

Беларусы па ўсёй Польшчы адзначаць дзень Роднай Мовы

У Гданьску 21 лютага ў Europejskie Centrum Solidarności, pI. Solidarności 1 – беларуская дыктоўка і выступ Максіма Знака. Пачатак 18.00.

У Варшаве краме «Вырай» 21-га лютага ў 16.00 дыктоўку прачытае Зянон Пазняк.

На наступны па адрасе 11:45 па адрасе Żuromińska 2 адбудзецца яшчэ адна дыктоўка. Арганізатары распавядаюць:

Напішам урывак з прамовы арцыбіскупа Тадэвуша Кандрусевіча. Сёлета, з нагоды 80-годдзя пастыра, мы выбралі менавіта гэты тэкст. Ён будзе блізкі кожнаму беларусу – незалежна ад рэлігійнасці, канфесіі ці поглядаў

Цікава, што  пераможцаў чакаюць вельмі крутыя прызы: квіткі ў аквапарк, на канцэрт NaviBand і Centrum Nauki Kopernik.

Як заўжды насычанае культурнае жыццё ў Беластоку. Хаб Новая Зямля, ul. Św. Rocha 5, lok. 32.

21 лютага ў 18.00 на сустрэчу запрашаюць Яраслаў Іванюк і Уладзімір Арлоў – тэма: «Каласы пад сярпом тваім» – кніга для кожнага беларуса.

На наступны дзень у 17.30 – вас чакае паэтычна–музычная вечарына паэткі з Нальшчанскага краю Алы Клемянок.

А 24 лютага – фінал дэкламатарскага конкурсу.

У спецыяльным эфіры «Белсату» 21 лютага Лявон Вольскі будзе чытаць дыктоўку. Пачатак у 10.05 паводле Варшавы.

А што будзе адбывацца ў вашым горадзе? – пішыце ў каментарах.

Улады Беластоку падтрымалі акцыю прымеркаваную да чацвёртай гадавіны пачатку пoўнамаштабнай вайны

22 лютага, у нядзелю, Беларуская дыяспара ладзіць у Беластоку мітынг салідарнасці з Украінай, прымеркаваны да чацвёртай гадавіны пачатку пoўнамаштабнай вайны.
Акцыя «Разам супраць расійскай агрэсіі» пройдзе а 16.00 на Рынку Касцюшкі, у ёй возьме ўдзел намесніца прэзідэнта горада Эліза Агнешка Цыбулька. А 24 лютага з 18:00 да 22:00 будынак Музея Памяці Сібіры будзе падсвечаны ў колерах сцяга Украіны.

BKS Pahonia паказала новы лога і аб'явіла пра старт збору на каманду⚽️

У мінулым годзе клуб заснаваны беларускімі мігрантамі – BKS Pahonia, дабіўся здаецца не магчымага – атрымаў дазвол гуляць у польскім чэмпіянаце пасля двух гадоў змагання. Цяпер клуб ідзе далей – ён хоча павышэння ў класе.

Мы – амбіцыйная каманда, якая змагаецца за выхад на вышэйшы ўзровень спаборніцтваў. Кожны трэнінг, кожны матч – гэта крок бліжэй да нашай мэты.

Каманда збірае грошы на аплату працы трэнераў, арэнду пляцовак для трэнавання і гульняў,
арганізацыйныя і лігавыя ўзносы і іншае.

Нарвежцы - лепшая каманда на зімовых гульнях 🇳🇴

Яшчэ два дні і зімовая Алімпіяда стане гісторыяй. Толькі цуд можна не дазволіць Нарвегіі выйграць у медальным заліку. Дарэчы, скандынавы ўставалі новы рэкорд па колькасці медалёў на зімовых гульнях. А на другое месца ў медальным заліку выйшлі амерыканцы, які абышлі гаспадароў. Агулам медалі Алімпіяды 28 краінаў.

Усё больш краінаў і арганізацыяў заяўляюць пра байкот цырымоніі адкрыцця Паралімпійскіх гульняў

Нагадаем, што МОК дапусціў да ўдзелу ў Паралімпіядзе чатырох беларусаў і шасцярых грамадзян Расеі. Больш за тое, яны выступяць з сцягам, гімнам ды іншымі дзяржаўнымі атрыбутамі.

У сувязі з гэтым пра байкот цырымоніі адкрыцця Паралімпійскіх гульняў ужо заявілі: Польшча, Украіна, Чэхія і Эстонія, Літва, Латвія, а таксама Камісар Еўракамісіі па спорце Глэн Мікаллеф:

– Пакуль працягваецца захопніцкая вайна Расеі супраць Украіны, я не магу падтрымаць аднаўленне нацыянальных сімвалаў, сцягоў, гімнаў і форме, якія непарыўна звязаныя з гэтым канфліктам,

А ў заяве Чэшскага Паралімпійскага камітэту сказана:

«Мы не згодныя з удзелам расейцаў і беларусаў у Гульнях. Мы заўсёды выступалі супраць іх вяртання ў любой форме. Пакуль агрэсія ва Украіне працягваецца, іх атлеты не маюць месца на міжнародных спаборніцтвах».

Чакаецца, што на байкоту будуць далучацца ўсё новыя краіны.

📆 Гульні пройдуць з 6 па 15 сакавіка

Упершыню ў гісторыі прадстаўнікі беларускага спорту вяртаюцца з Алімпіяды дадому без медалёў.

Рэпрэсіі прыводзяць да дэградацыі. Беларускія футзалісты праваліліся на чэмпіянаце Еўропы, а на зімовай Алімпіядзе ў нейтральных спартовак з Беларусі – 0 медалёў, а найлепшы вынік – шостае месца.

Апошні шанец знік за дзень да закрыцця зімовых Гульняў – Маріна Зуева ў паўфінале мас-старту ў канькабежным спорце заняла адзінаццатае месца і не змагла пазмагацца за медалі.

Пра што можна казаць, калі трэнер найлепшай на гэтай Алімпіядзе беларускай спартоўкі – Сяргей Мінін – быў вымушаны сам купляць квіткі па 180 еўра на спаборніцтвы, бо беларуская бок не акрэдытаваў трэнера на Алімпіяду, паколькі ў яго не склаліся адносіны з так званым «рэжымным» міністрам спорту Кавальчуком. У выніку трэнер выехаў з краіны.

Як з'ехаў трэнаваць зборную Аўстраліі і Дзмітрый Дашчынскі, і цяпер у фрыстайле на алімпійскі подыум падымаецца не беларуская спартоўка, як гэта адбывалася бесперапынна з 1998 года, а аўстралійка Даніэла Скот.

Нарвежцы – лепшыя ў зімовым спорце🥇
З 116 камплектаў узнагародаў на зімовых гульняў 2026 разыграна 109. Цяпер няма сумневу – галоўныя каралі зімовых відаў спорту – нарвежцы. На гэтых АГ – яны заваявалі ажно 40 медалёў –(а 18 з іх залатыя) – усё гэта рэкорды. А за апошнія тры Алімпіяды Нарвегія заваявала 116 медалёў і 48 з іх – залатыя.

Гэта на 43 болей, чым галоўныя канкурэнты – немцы. Якія на гэтай Алімпіядзе пакуль толькі шостыя. А другое месца займаюць амерыканцы, і ў іх дакладна будзе яшчэ адна медаль, у мужчынскім хакеі.

Нагадаем, пра суперфінал Канада – ЗША. На трэцюю пазіцыю пасля перамог у канькабежным спорце выходзяць галандцы, яны пасунулі на чацвёрты радок гаспадароў. А медалі ёсць Алімпіяды ў прадстаўнікоў 29 краінаў і ў аднаго нейтральнага спартоўцы. Упершыню ў гісторыі ніводнага медаля няма ў Беларусі.

«Беластоцкія Дзікі» запрашаюць разам з імі ўзяць удзел у футбольным квізе

У Беластоку вечарам 23 лютага пройдзе футбольны квіз «Татальны футбол». У ім возьмуць удзел «Беластоцкія Дзікі». Мы запрашаем аднаго з Вас далучыцца да нашай каманды. Проста напішыце.

Беларускі ўзялі ўдзел у чэмпіянаце Літвы па зімовым плаванні

Дар'я Сліж і Марыя Калесава-Гудзіліна праплылі 50 метраў у вадзе +1°C, пры тэмпературы паветра -10.

Гэта прадстаўніцы той самай знакамітай групы беларускіх дзяўчат, якія плануюць у чэрвені пераплыць ЛаМанш.

Вось, што дзяўчаты самі распавядаюць пра сябе:

Дарʼя Сліж:

Я ніколі не любіла плаваць. У 2019 годзе мне забаранілі бегаць, ровара ў маім жыцці яшчэ не было. У бегавой школе быў напрамак па плаванні. І я вырашыла набыць слот у Марсэль – плыць праз 5 месяцаў. Сябра сказаў: паспееш навучыцца, калі не будзеш прапускаць. Я прапусціла два месяцы. На масавым старце ў мяне здарылася панічная атака. Пачаўся шторм. Я задыхалася, але даплыла брасам. І пакуль плыла, вырашыла: трэба ўсё ж навучыцца. У 2025 годзе я зразумела, што 10 км больш не гучыць нерэальна і праплыла іх.

Марыя Калесава-Гудзіліна:

Я проста хацела не баяяцца вады. Цяпер трэнуюся 6 разоў на тыдзень. Я ўвогуле не пра спорт. Я пра права. Права быць сабой, пачаць з нуля, выбіраць свой шлях.

Відэа: instagram.com/belswimsisters