У Беласток прыедуць зоркі сусветнага футболу

Пасля АЯКСа і «Беціса» у Беласток гуляць з "Ягелоніяй" едзе італьянская «Фіярэнціна». Гульня ў рамках Лігі Канферэнцыяў пройдзе 19 лютага. І хоць «фіялкі» правальна пачалі сезон, цяпер яны выходзяць з крызісу. Адзначым, што з чатырох розыгрышаў Лігі Канферэнцыяў «Фіярэнціна» двойчы дабіралася да фіналу, але там саступала⚽️

Пяць галоўных зорак італьянскага клуба па версіі DzikMedia:

Давід дэ Хэа, Іспанія, брамнік, 35 гадоў, капітан каманды🇪🇸

Давід дэ Хэа капітан і лідар італьянскага клуба, але большая частка яго кар'еры прайшла ў ангельскім «Манчэстэр Юнайтэд»: 12 сезонаў і 415 гульняў, і 8 трафеяў – чэмпіён Англіі, уладальнік Кубка Англіі і Кубка Англійскай лігі, пераможца Суперкубка Англіі, а таксама пераможца Лігі Еўропы і Суперкубка УЕФА. Чэмпіён Еўропы сярод гульцоў да 17 гадоў, і двойчы чэмпіён Еўропы да 21 года. Удзельнік Алімпійскіх гульняў.

Эдзін Джэко, Боснія і Герцагавіна, форвард, 39 гадоў🇧🇦

Найлепшы бамбардзір у гісторыі зборнай Босніі і Герцагавіны – 72 галы ў 145 матчах. Чэмпіён Нямэччыны, Англіі і Італіі. За кар’еру забіў больш за 300 галоў.

Дадо, Бразілія, абаронца, 27 гадоў🇧🇷

У гэтага хлопца не так шмат тытулаў, але ён – адзін з лідараў «Фіярэнціны». Гэты бразілец носіцца па ўсім фланзе ад адной штрафной да другой і валодае выдатным ударам. У Еўропу пераехаў у 2016 годзе і чатыры гады выступаў ва Украіне за данецкі «Шахцёр». На яго продажы ўкраінскі клуб зарабіў амаль 20 мільёнаў еўра.

Мойзэ Кін, Італія, форвард, 25 гадоў🇮🇹

Уваходзіць у склад зборнай Італіі, выступаў за мяжой у Англіі і Францыі. З ПСЖ выйграў Кубак і Суперкубак Францыі, пасля чаго вярнуўся на радзіму і двойчы з «Ювэнтусам» стаў чэмпіёнам Італіі. У мінулым сезоне Мойзэ Кін перайшоў у «Фіярэнціну», забіў 19 галоў і стаў другім бамбардзірам чэмпіянату Італіі.

Марка Брышыані, Італія, паўабаронца, 25 гадоў🇮🇹

Першы зімовы навічок «Фіярэнціны», узяты ў арэнду ў «Аталанты». Уваходзіць у склад зборнай Італіі. Разам з «Аталантай» выйграў еўрапейскі трафей.

Вось такі нязвыклы дзік гуляў учора па Варшаве 🐗

Адмыслоўцы рэкамендуюць не карміць дзікіх жывёлінаў і не падыходзіць блізка!

У Вільні адбудзецца сустрэча з Паўлам Севярынцам

Падзея пройдзе 22 студзеня.

Месяц таму палітык, пісьменнік і публіцыст быў вызвалены з гарадзенскай турмы і прымусова дэпартаваны з Беларусі. Агулам за жыццё Павел правёў у лукашэнкаўскай няволі больш за 11 гадоў. Севярынец – аўтар 13 кніг, мноства артыкулаў і вершаў. Апошнія 5,5 гадоў Паўла дома чакалі жонка Вольга і сын Францішак. Цяпер яны разам у Вільні і запрашаюць на сустрэчу.

"- Нас вывезлі з Беларусі і захлопнулі дзверы. Але ў нас ёсць ключ. Мы ведаем, як адчыніць краіну. Мы ведаем, як узламаць імперыю. Дзеля чаго беларусы сядзяць у турме? Дзеля чаго беларусы апынуліся на эміграцыі?"

- сказаў DzikMedia палітык і пісьменнік.

📆 Сустрэча з Паўлам Севярынцам: 22 студзеня, чацвер, 18:00. Віленскі дом нацыянальных аб’яднанняў, Raugyklos g. 25, заля на 2 паверсе.

Беларускія футбольныя клубы зноў не выпусцілі за мяжу – і еўрапейскія санкцыі тут ні пры чым.
Іх увялі чыноўнікі рэжыму⚽️

Пакуль большасць еўрапейскіх каманд рыхтуецца да сезону ў Турцыі, на Кіпры ці ў Іспаніі, беларускія клубы вымушаныя заставацца дома.

Так, чэмпіён Беларусі МЛ Віцебск планаваў збор на Кіпры, але не атрымаў дазволу. Гэта датычыцца нават клубаў з прыватным капіталам. Пра немагчымасць якасна падрыхтавацца да сезону ў эфіры прапагандысцкіх каналаў распавёў дырэктар віцебскага клуба Віктар Фаўстовіч.

«Мы хацелі правесці збор на Кіпры, але пытанне не вырашана, таму застаёмся ў Беларусі. Змянілася заканадаўства. Нарматыўна-прававыя акты ад Міністэрства спорту. Мы абавязаныя ўзгадняць выезды з Міністэрствам спорту. Таму застаёмся дома»

.
Калі да 2020 года беларускія клубы маглі праводзіць зборы за мяжой, то пачынаючы з 2021 года дзяржава забараніла ім гэта рабіць. Як вынік – Беларусь губляе месцы ў міжнародных турнірах: у гэтым годзе замест чатырох клубаў у еўракубках выступяць толькі тры.

Мы думаем пра вас, няхай ваша стойкасць і сіла натхняюць усіх нас

У Беластоку нагадалі пра палітвязняў

Беларуская дыяспара Беластоку павіншавала палітвязняў з Днём народзінаў. Пасланне ад дыяспары, сярод якіх хапае былых палітвязняў, выглядае так:

" - Няхай студзеньскі холад не аслабляе ваш дух, а толькі ўмацоўвае яго. Мы ведаем, як вам цяжка. У гэтыя дні думаем пра вас і памятаем пра вас заўсёды. Няхай ваша стойкасць і сіла натхняюць усіх нас, і няхай гэты дзень прынясе вам цяпло, надзею і падтрымку".

Толькі за мінулы тыдзень палітвязнямі ў Беларусі праваабаронцы прызналі 28 чалавек. Таксама праваабаронцы паведамляюць па 115 палітвязняў, якіх перавялі на турэмны рэжым, і 73 выпадкі, калі людзей асудзілі па артыкуле 411 КК. Нагадаем, што па гэтым артыкуле людзей у лукашэнкаўскім палоне можна трымаць практычна бясконца.

Яшчэ дзве беларускі дапушчаныя да Алімпіяды ў Італіі 🇮🇹

Права выступіць на зімовых Алімпійскіх гульнях заваявалі маладыя прадстаўніцы фрыстайла – 21-гадовая Анастасія Андрыянава і 22-гадовая Ганна Дзяруга.

Чатыры гады таму на Алімпіядзе ў Пекіне Андрыянава заняла 12-е месца, а Дзяруга – 24-е.
Нагадаем, што да ўдзелу ў Алімпійскіх гульнях-2026 дапушчаныя ўсяго сем беларускіх спартовак. Яны выступаць у нейтральным статусе.

Зімовыя Алімпійскія гульні ў Італіі пройдуць з 6 па 22 лютага 2026 года (Мілан – Корціна-д’Ампецца).

У Польшчы 21 студзеня Дзень бабулі (Dzień Babci), а Дзень дзядулі ( Dzień Dziadka) – 22 студзеня.

Гэта папулярныя сямейныя святы, падчас якіх унукі віншуюць сваіх бабуль і дзядулеў, падарыць кветкі і невялікія падарункі. У дзіцячых садках і школах арганізоўваюцца святочныя мерапрыемствы і выступленні да гэтага дня.

Рэжым лукашэнкі скраў у тысяч беларусаў магчымасць быць разам са сваімі бацькамі, бабулямі і дзядулямі. Яны не могуць паехаць у свой родны дом, а нашы родныя часта не могуць прыехаць да сваіх дзяцей і ўнукаў за мяжу. І гэта, безумоўна, трагедыя і моцная псіхалагічная траўма. Адзінае, што застаецца – патэлефанаваць сваім родным і сказаць некалькі цёплых слоў.

Як вы падтрымліваеце сувязь са сваймі роднымі?

У Беластоку пройдзе выстава прысвечаная 70-годдзю тыднёвіка «Ніва»

Першы нумар выдання пабачыў свет у 1956 годзе.

Урачыстае адкрыццё выставы адбудзецца 30 студзеня ў Падляшскім музеі ў Беластоку (Ратуша, Рынак Касцюшкі, 10) і пачнецца ў 18.00.
Арганізатары анансуюць падзею гэтак:

" - На выставе будуць прадстаўленыя фатаграфіі з архіва рэдакцыі за 1956–2000 гады, што ствараюць выразны і шматаблічны партрэт беларускай супольнасці праз выявы твараў, суровыя пейзажы Беласточчыны ды дынамічныя фабрычныя рэпартажныя кадры. У гэтых чорна-белых здымках можна адшукаць знаёмыя месцы ці ўспаміны з уласнага дзяцінства. То паспрабуйце!"

Працаваць выстава будзе да 26-га красавіка.

Новая хваля рэпрэсій у Беларусі, цяпер у фокусе сілавікоў таксісты

Іх масава выклікаюць у Следчы камітэт у Берасці і прымушаюць даваць сведчанні супраць кіраўнікоў фірмаў, якія займаюцца перавозкамі пасажыраў – паведаміла крыніца DzikMedia.

"- Месяц таму выклікалі ў УДФР і пыталіся, ці не атрымліваем мы грошы ў канвертах. Але цяпер сітуацыя куды горш. Мяне выклікалі ў Следчы камітэт і сказалі, што заведзена крымінальныя справа аб не сплаце падаткаў у буйным памеры ў дачыненні некалькіх кіраўнікоў фірмаў таксі. Я пакуль сведка, але гэта пакуль. І трэба сказаць, што мы атрымлівалі грошы ў канвертах, што ў канцы змены не ўсе грошы здавалі, у журнале подпіс не ставілі і што гэта ўсё па загаду кіраўніцтва".

- кажа наша крыніца.

Гэта стала ўжо сумнай традыцыяй

У Беластоку пройдзе акцыя салідарнасці з Анджэем Пачобутам. Журналіст і дзеяч польскай меншасці ў Беларусі знаходзіцца ў лукашэнаўскім палоне больш за чатыры з паловай гады.

Мерапрыемства пройдзе 26 студзеня ў панядзелак у самым цэнтры Беластоку ў скверы каля помніку Ежы Папялушкі, і пачнецца ў 18.00. Калі прайшла першая падобная акцыя вясной 2021 году, людзі спадзяваліся, што журналіст хутка будзе на свабодзе, але Пачобут у няволі з 25 сакавіка 2021 года.

Хочаш згуляць у гульню?

Арганізатары кажуць, што гэта не проста гульня – а пошук сапраўдных скарбаў нашай супольнай спадчыны. І для гэтага нават не трэба выходзіць з дому.
Гульня «Скарбы нашай гісторыі»адбудзецца 25 студзеня. Гісторыя, культура, легенды і знакамітыя асобы Беларусі і Падляшша - усё гэта чакае цябе ў займальным падарожжы, дзе логіка і веды будуць працаваць на поўную.