Sukut qil. Ichingdagini tilga chiqaraverma. Tilga chiqarsang, ko‘ngling jo‘shaveradi, havotir ortaveradi va kutish yanada qiyin bo‘ladi.

Sukut qil. Ko‘p gapirma. Kamroq so‘ylaki, ishimiz oldinga siljisin. Oz so‘ylaki, Haqqa qarshi yanglish kalom chiqmasin.

Sukut qil. Bir alif miqdoricha sukut. Kutishdan boshqa choramiz bo‘lganida, seni to‘xtatmasdim, ishon menga. Lekin, boshqa choramiz yo‘q. Unutmaki, dori kuttirib ta'sir qiladi, hatto gul ham vaqtidan avval ochilmaydi.

Sukut qil. Bu qish bahorga do‘nguncha. Bu tashvishning ortidan farog‘at kelguncha. Va yuzimiz diydor yoshlari bilan namlanguncha.

Sukut qil. Seni sendan ham yaxshi bilgan Robbingning hukmi voqe' bo‘lgunga qadar. Nasibang kelguni qadar. Erishmaganlaring sening nasibang emasligini bilganing qadar sukut qil.

Sukut qil. Har sukuting javob bo‘lsin. Har sukuting sabring bo‘lsin. Har sukuting duo bo‘lsin.

👉Kuchli insonlar doim BAXTLI ko‘rinadilar,
Garchi, BAXTSIZ bo‘lsalar ham…

👉Kuchli insonlar doim jilmayadilar,
Garchi, jonlari AZOB cheksa ham...

👉Kuchli insonlar kechiradilar,
Garchi, KECHIRISHNI xohlamasalar ham...

👉Kuchli insonlar yengilmaydilar,
Garchi, HOLDAN to`ysalar ham...

👉Kuchli insonlar xafa bo‘lmagandek ko‘rinadilar
Garchi, QALBLARI yig‘lasa ham!

𝑆𝑎𝑏𝑟 (الصبر) 🤍

Turfa jilo, turfa libos, turfa yuzli,
Makrga in, nayranga kon, shisha koʻzli,
Bir kun jonga xanjar boʻlar shirin soʻzli,
Yomonlardan asra meni yaratganim!

Koʻngil olib, undan qurol yasarlardan,
Bagʻring kesib, soʻngra tuz ham bosarlardan,
Oʻzing yozgan husni hunuk “asarlardan”
Yomonlardan asra meni yaratganim!

Yuragi muz, ishqni oʻyin qilarlardan,
Alloh uyin oyoq osti bilarlardan,
Tuygʻularing ermak qilib kularlardan,
Yomonlardan asra meni yaratganim!

Bir oʻzi kim nechta axdni buzarlardan,
Qabihlikda shaytondan ham oʻzarlardan,
Nafratlaru, ofatlaru, xazarlardan,
Yomonlardan asra meni yaratganim!

Zulmat uyin eshigin yop, ziyo bergin,
Mushkianbar isli yorga qiyo bergin,
Koʻzlarimga bir asli toʻtiyo bergin,
Yomonlardan asra meni yaratganim!

🍁Mening qismatim ne, sening koʻzing ne,
Gullar ifori ne, sening soʻzing ne.
Men seni hech qachon sevmaganman de,
Soʻngra...
Soʻngra hammasiga koʻnganlarim koʻr!

Yursang izlaringni oʻpgan gard boʻlib,
Oʻsha davosi yoʻq, shirin dard boʻlib,
Ne-ne sogʻinchlarni yenggan mard boʻlib,
Gah desang kaftinga qoʻnganlarim koʻr!

Ketsang, koʻz ichida koʻzing qoʻmsasam,
Jonimni sim qilgan sozing qoʻmsasam.
Sening rosting emas, yolgʻoning qasam,
Qadrin bilmas gado boʻlganlarim koʻr!

Shamol titkilasa kullarni sochib,
Soʻng uchqun tashlasa koʻnglimni ochib,
Olovga aylanib, olovdan qochib,
Gulxandek gurillab yonganlarim koʻr!

Zorim, qaylardadir mensiz ham hushsan!
Orzu choʻqqisiga in qurgan qushsan.
Izlab kelsang bir kun yodinga tushsam,
Sen ketgan kuniyoq oʻlganlarim koʻr!

🌿"Qo'lingni sindir, oyog'ingni sindir.
Kerak bo'lsa bo'yningni sindir, ammo bir qalbni sindirma.
Qalb sindirganni tahorati o'tmas, namozi bo'lmas...!"

-Yunus Emro

🌿Oʻylaysanki, mensiz unga ogʻir juda,
Oʻylaysangki, yurolmaydi yoʻlin topib.
Adashasan, taxminlaring gʻirt behuda,
Yashayapman xayolingni oʻpib-oʻpib!

Oʻylaysanki...
Oʻzingga ham tila toʻzim,
Soʻz boʻlasan sogʻinchlarning qoʻshigʻiga.
Men yuragim zindoniga kirib oʻzim,
Gʻurur degan qulf soldim eshigiga.

Oʻylaysanki, mensiz nafas ololmas u,
Oʻylaysanki, yaxshi koʻrdi, kecholmas hech,
Bir kun meni yoʻqotganing anglaysanu,
Kech boʻladi, vafosizim, juda ham kech...!

Oʻylaysanki, dosh berolmay hijronimga,
Uzr bilan kelar hali egib qaddin.
Adashasan, qaytib boʻldim osmonimga,
Men Xudoning huzuriga ketib boʻldim!

🌿Alloh seni Sevsa, senga sukunatni ehson qiladi...
Sukunat shunday bir holat-ki, baxt, rozilik, kuchlilik, oʻziga ishonch, oqilona ish tutish, Haqni koʻra bilish bular sakinatga ega boʻlish bilan boʻladi. Hamma narsani yoʻqotsang ham, baxtiyor qolaverasan...

Unutma! Alloh seni sevsa, seni jim - jit qiladi, chunki ishqning boshqa bir nomi ham sukut qilishni bilmoqdir.
Chunki til jim qolsa, qalb soʻzlashadi. Qalb bilan esa faqat va faqat ALLOH soʻzlashadi.

🌿Seni, eng yaxshi Alloh biladi.
Qolganlar esa yo yanglish anglaydi, yo sen toʻgʻringda kamroq biladi.
Seni baxtsiz qilganlar sababidan baxtsiz boʻlma, baxtiyor boʻladigan zamoning ham keladi.

🍁Seni baxtsiz qilganlarni koʻrib barchani oʻshanday deb oʻylama, seni baxtiyor qiladigan (inson) ham keladi.

🍁Bugun juda koʻp dardim bor dema, u dardni senga bergan Allohning, darmonni beradigan kuni ham keladi.

🍁Sen Robbingga duo qil!
“Duo qilsam nima boʻlardi?”-dema, duoying qabul boʻladigan kun ham keladi...

- Jaloliddin Rumiy

10 ballik og'riq🙂💔

🌿Men Quyosh qiziman, Samo farzandi,
Sarvarim nur qilib yaratgan illo,
Har dilga bir tolim yoʻl topa olsam,
Zulmatlar chekingay, ALHAMDULILLO!

Men sasman, ohimdan portlar yuraklar,
Buloqman koʻrlarning koʻzini ochgan.
Razolat oʻt yoqqan gardun boshidan,
Bulutman ilohiy yomgʻirin sochgan!

Tuproqman boshimdan oʻtar karvonlar,
Diydorga eltguchi bardosh, sabrman.
Birovga aytilmas har dilning mahzun,
Dilgir dardlarini yutgan qabrman.

Qoʻshiqman tinglanar qayta va qayta,
Giyohman boshini koʻtargan yerdan.
Koʻz yoshi siyohin surkatgan qogʻoz,
Shoirlar tugata olmagan sheʼrman.

Kelaru ketarda darkormanmi,yo?
Beshigu,tobutda tinglar qoʻshiqman.
Oʻquvchim, men sizning har biringizni,
Va yana Tangrimni sevgan OSHIQMAN...
#Durdona

— Alloh uchun sevishlikdir bu😊