تجربتي مع رحلتي الى البحرين التي كانت شبه مستحيله..
لكن بالعزيمه والارداة صارت ..
بعد عناء ذهبت الى البحرين كان وقتها اخر يوم اختبار لولدي..
رحنا انا ومرةوحماي كان يوووم ممتع ومتشوقين لرؤيه المدرسه..😂
المهم رحنا وقدمنا الاوراق وانا وقتها بصراحه احاتي ع سالفه العقد وطول الطريق احفظ مقري ووين ساكنه والحي ع بالي بيختبرني😁
المهم سالني عندك عقد،؟ جاوبت اي
وانتهى الموضوع ههههههه
ماقول الا ياخسارة ع المذاكرة
المهم عدت الامور بسلام وتم تحديد موعد المحاضرة اول يوم رمضان
ورحنا متشوقين كالعادة ومتلهفين
وكنا نشوف البنات وندعي لهم ونتمنى هاليوم الي نكون في مكانهم
والحمدالله بدا يتحقق
خلصنا محاضرة وع طول تدريب
اخذنا اي سواق بسبب ظروف..
المهم انا كان المدرب قمه الاخلاق ومحترم وتدربت معه ٤ ساعات وعرفت كل القوانين وكان يقولي انتي شاطرة ووممتازة
بس شاءت الظروف😫اني اغير المدرب بسبب ظروف شخصيه
واخذت المدربه مريم الحرم😅
الي مدحوها لي الاغلب
بصراحه..تتعب القلب ماترد الا بعد عنااااااء
اول يوم معها شغلتني دريول..
المهم انا ساكته.. وطلعتني الشوارع ماظل حي مارحته
قالت لي انتي شاطرة ممتازة..
بصراحه ماتعلمت ولاشي منها
لان خلال ٤ ساعات تعلمت مع المدرب صادق علي
كان يرد بسرعه.. يتصل للتاكيد الموعد..
المهم
بدات مشووار التدريب..
وكنت اروح مواصله زوج وعيال ..
وكانت اغلب تدريباتي الساعه ١١ تعب ولا كنت اتدرب متواصل يعني بالشهر اروح مرة اومرتين
المهم حان الوقت للاختبار.. وطلعت لدوار المدرسه مدري وين رحت
وخبصت الدنيا وغيرت مسار
وعطاني ٨ ساعات
وبعد شهر رجعت تدريب وجا وقت اختباري
ع طول طلعت لبرة المدرسه ونجحت وجل الباركنق مدري وش جاني ماعرفت اتصرف ورسبت باركنق بس ورجعت خايبه مرة ثانيه وبعدها قلت الثالثه انجحححح
بعد عناء وشهر حجزت ورجعت
ونادوووني ممتحن قالت لا
ابي مممتحنه قال لييش
قلت له حكم القوسع الضعيف
المهم قلت شورك وهدايه الله عيونه تقولي خليك ع الي الله اختارك
طلعت للباركنق بمغضه عين نجحححححت
اقولكم جلس يوقع قلت نجحت ها
قال بصووووت عالي اي نجحححححتي سهله شفتي
انا قلت له اصبر اخذ نفس
وبعدها نزلت اتبسم واضحك ودي اقوول للعالم انا نجحت..
الف الحمدالله يارب
هذا نهايه نجااحي
اشكر امي واخواني الي دايما كانوووا معس ويشجعوووني
واشككككر نفسي الي تحممملت التعب
ونصيحه لاتيأسي ..رسبتي مرة اومرتين الثالثه نجاح باذن الله
كل طييحه تعلمك اخطائك
🥰🥰🥰🥰

مدربتي مريم الحرم
الله يوفقها تعبت معي بس ماكانت قد المكانه الجوال ع طول بيدها وتهزاء
بس تحممملت لان ماقدر اغيرها لان عرفت لها وعرفت لي🤣

تجربة نجاح منقولة....


ربي لك الحمد والمنه على ماتفضلت علي بجميع النعم
والقياده من النعم الجميله التي من بها الله علينا حتى ننجز اعمال بانفسنا ونقضي حاجاتنا في الوقت الي يناسبنا
(🌸تجربتي مع تعلم القياده 🌸)
طلبت مني اختي ام حاتم الله يجزاها خير ان ارافقها في التسجييييل
ووافقت من باب تغييبر الجو ومرافقه معها الا ان تشجيعها لي بالتسجيييل معها دفعني ان
افكر بالموضوع وفعلا سجلت
وحضره المحاضره بتاريخ 20/6/2019
بحثت عن مدربه وكنت مصره على ان تكون مدربتي امرأة عشان اخذ راحتي فعلا نسقت مع احدالمدربات
وعملت لي جدول قالت بتبدأ معي بعد ٣اسابيع وانتظرتها
واول يوم تدريب اكلمها ولاترد مادري وش ظروفهالكن لضيق الوقت
بحثت عن مدربه اخرى اتفقت معها ونظمت لي جدول عجبني وقتها واهتمامها قالت تبدا بعد ٣اسابيع قلت اوكى بدأت معها واخذت ٦ساعات
ماطلعتني بره خلال ٦ساعات
تكلم كثير بالجوال
اسمع البنات يتكلموا عن اشياء انا ماعرفها
فكرت ابحث عن وحده ثالثه
لكن ولا وحده ردت وفي يوم معي بالنقل زميله مدحت مدربها وعطتني رقمه
وهو مدربي واستاذي
عبد اللطيف بوحمد
(٧٨١)كل الشكر والتقدير لشخصه الرائع كان صبور معي ودقيق ويكرر لين اعرف
كانت معاناتي اني اتدرب ساعتين بالاسبوع فقط بسبب ان دوامي بمنطقه القصيم ٨ساعات المسافه متعبه بعدين اخذ في مشوار البحرين ٤ساعات رايح جاي
واصلت رغم التعب دخلت اختبار بعد ٢٤ساعه تدريب
نجحت داخل المدرسه ورسبت بره
رجعت وتدربت مع مدربي ٨ساعات
والحمد لله اليوم حققت النجاح
الي كنت انتظره
اهدي نجاحي لابنائي الي تحملوا بعدي عنهم والتقصير بحقهم
ولامي وابوي وكل اخواتي الي شجعوني
وكل الشكر والتقدير لقائدات قروب التدريب
الي تفانوا في خدمتنا وتشجعينا
ربي يسعدهم سعادة الدارين😘🌸🌸💕
بتاريخ 10/6/استلمت الرخصه
الله يعطيني خيرها ويكفيني شرها

فديوهات شرح الدوار للمدرب علي الهندي بالاشراف والتعاون مع المدرب جعفر علي ال بطي ☝️

💳✍🏻تجربة نجاح ✍🏻💳 اليوم الاثنين7/10/2019. الأستاذ والاخ محمد سلمان ابوجاسم🚘867🚘 بدايت مشواري كان بعد المحاضره بتاريخ 30/6/2019 مع مدرب تدربت معها 18 ساعه وكان كثير عصبي ويوترني وشاءات الظروف انا يكون عنده حالة وفاه ويوقف تدريب لي مع انا باقي ع اختباري أسبوع وانا مابعد اكمل ساعاتي وكلمت كذا مدرب والكل يعتذر لشدة الازدحام ع المدربين وكانت اسمع عن بوجاسم وانا ممتاز بالتدريب واشوف له تجارب نجاح وكان واسمع عن تعلميه وتدريبه وانا ناس كثيره نجحوا بفضل تعليمه وكان املي الاخير اكلم محمد سلمان بوجاسم مع انا كنت اعرف انا مزحوم بس قالت بحاول وكلمتها وشرحت له الظروف وماقصر اخذني رقم ازدحامه وتدربت عند 4 ساعات كانهم 8 ساعات فهمت ع شرحه المبسط للدوار وكيف تحويل المسار وكيف الدخول والخروج وقدمت ع الاختبار ورسبت داخل المدرسه تاريخ 30/7/2019وع طوال كلمتها وحجزلي الاختبار تاريخ 7/10/2019وكنت متشوقه للتدريب مع بوجاسم ع قد ماسمعت عنه وتدربت عندها 8 ساعات لمدة 4 ايام سهل لي السياقه وكان التدريب معها متعه يشجعني اني انتظر اليوم الثاني للتدريب بفارغ الصبر حط لي جدول في 4 الايام من فهم الدوار والفات والتعامل مع المرتفعات والريوس وتعديل في الريويس والتعامل مع الشارع والاشاره وعلمني ع مسار الاختبار وخلصت وجاء يوم الاختبار وكان حريص ع تشجيعي وتعزيز الثقه بنفسي والانتباه والتركيز وعدم الخوف او التوتر ودفع الصدقه ودربني ونزلت في قاعة التسجيل بعيد عن قاعة الاختبار وتوترها لان باقي ع اختباري ساعه استغليت الوقت بالدعاء والصلاه ع محمد وقراءة دعاء الحجب ودعاء الحفظ مع الصلوات والتوسل بام البنين لتسهيل اموري الاختبار وجاء الوقت وذهبت الي قاعة الاختبار وقدمت ع الاختبار وانا عندي ثقه بالنفس وراحه نفسيه الحمدالله نجحت والريوس جبتها من اول مره ع تعليمات بوجاسم والفضل يعود الي الاخ والمدرب العزيز بوجاسم وكان نجاحي يعتبر نجاحه وتعبه لان ماقصر وكانت سعدتي بنجاحي سعاده له صراحه تعب معاي ماقصر نعم الاخ ونعم المدرب الخلوق كلمة شكر قليله في حقه انصح كل مدربه تريد تدرب وتتعلم صح السياقه تاخذا بوجاسم الله يعطي الصحه والعافيه وطولة العمر ويرزقها من اوسع ابوابها ويفرجلها كل شده ويسعدها قد ماسعدنا بالتعليم💳✍🏻تجربة نجاح ✍🏻💳 اليوم الاثنين7/10/2019. الأستاذ والاخ محمد سلمان ابوجاسم🚘867🚘 بدايت مشواري كان بعد المحاضره بتاريخ 30/6/2019 مع مدرب تدربت معها 18 ساعه وكان كثير عصبي ويوترني وشاءات الظروف انا يكون عنده حالة وفاه ويوقف تدريب لي مع انا باقي ع اختباري أسبوع وانا مابعد اكمل ساعاتي وكلمت كذا مدرب والكل يعتذر لشدة الازدحام ع المدربين وكانت اسمع عن بوجاسم وانا ممتاز بالتدريب واشوف له تجارب نجاح وكان واسمع عن تعلميه وتدريبه وانا ناس كثيره نجحوا بفضل تعليمه وكان املي الاخير اكلم محمد سلمان بوجاسم مع انا كنت اعرف انا مزحوم بس قالت بحاول وكلمتها وشرحت له الظروف وماقصر اخذني رقم ازدحامه وتدربت عند 4 ساعات كانهم 8 ساعات فهمت ع شرحه المبسط للدوار وكيف تحويل المسار وكيف الدخول والخروج وقدمت ع الاختبار ورسبت داخل المدرسه تاريخ 30/7/2019وع طوال كلمتها وحجزلي الاختبار تاريخ 7/10/2019وكنت متشوقه للتدريب مع بوجاسم ع قد ماسمعت عنه وتدربت عندها 8 ساعات لمدة 4 ايام سهل لي السياقه وكان التدريب معها متعه يشجعني اني انتظر اليوم الثاني للتدريب بفارغ الصبر حط لي جدول في 4 الايام من فهم الدوار والفات والتعامل مع المرتفعات والريوس وتعديل في الريويس والتعامل مع الشارع والاشاره وعلمني ع مسار الاختبار وخلصت وجاء يوم الاختبار وكان حريص ع تشجيعي وتعزيز الثقه بنفسي والانتباه والتركيز وعدم الخوف او التوتر ودفع الصدقه ودربني ونزلت في قاعة التسجيل بعيد عن قاعة الاختبار وتوترها لان باقي ع اختباري ساعه استغليت الوقت بالدعاء والصلاه ع محمد وقراءة دعاء الحجب ودعاء الحفظ مع الصلوات والتوسل بام البنين لتسهيل اموري الاختبار وجاء الوقت وذهبت الي قاعة الاختبار وقدمت ع الاختبار وانا عندي ثقه بالنفس وراحه نفسيه الحمدالله نجحت والريوس جبتها من اول مره ع تعليمات بوجاسم والفضل يعود الي الاخ والمدرب العزيز بوجاسم وكان نجاحي يعتبر نجاحه وتعبه لان ماقصر وكانت سعدتي بنجاحي سعاده له صراحه تعب معاي ماقصر نعم الاخ ونعم ‘ ويفرجلها كل شده ويسعدها قد ماسعدنا بالتعليم هذا رقم المدرب +973 3325 3277

تجربه نجاح 🚘 كان بدايه مشوارى فى 18/12/2018 تدربت مع مدربه وكنت اجى للتدريب بين فتره وفتره وبديت معها وكانت البدايه ماشيه تمام وما علامها وكانت تقولى سواقتك حليوه وانا عندى خلفيه ومتعلمه السواقه ع يد زوجى الله يخليه لى وبعد ساعات طويله بدت تتهاون فى التدريب والمعلومات وما كنت استوعب لانها تمر مرور الكرام ما اقول سيئه لكن ما كانت تثرينى بالمعلومات اللازمه وطول فتره التدريب بس ندور بالمدرسه لحد ما خلصت الساعات المطلوبه وحجزت موعد للامتحان وكنت ضعيفه بالدوار ماقدرت استوعبه وكنت متخوفه ومرت على فتره الانتظار للامتحان بترقب وخوف وما كانت تبث فينى الثقه بالنفس وتعزيز الذات ،،وكانت معصبه يوم حجزت قالت ما تحجزين من كيفك يمكن اطلع اسافر اروح المهم جا وقت الامتحان ،،والمفترض اخذ ساعتين قبل الامتحان ما عطتنى الا ساعه وربع وندور بس ونزلت لمبنى الاداره وانا غايبه عن اللى حولى من الخوف والتوتر وبعدها جاتنى الممتحنه وطلعنا واخذت وضيعتى بالسياره ومشينا وطلعنا من الباركن الثالث ورحنا ع الاشاره الضوئيه ودخلنا ع الدور وقالت دبل يسار ودخلت وارتبكت ومادخلت المسار الصح وع طول طلعتنى الاداره وعطتنى 8 ساعات ورجعت وانا ابكى ومقهوره وافكر بزوجى والتعب واروحه وتركى بيتى وعيالى وبعدها قلت خيره ورجعت ،،وبعدها توقفت 4شهور زى الحاله النفسيه وجاتنى ظروف صحيه ،،وبعدها زوجى شجعنى واختى قالت لى عن مدربها بو جاسم وانا ممتاز واكثر من رائع وعطتنى رقمه وكلمته مع الاسف اعتذر قلت له ابي مدرب مثلك وشرواك ،،ماقصر عطنى مدربي ومعلمى حسن ابو زينب الله يجزاه خير ما قصر وافق وكان يقول شوفى الوقت المناسب لك وفعلا جيت لعنده واخذت 4ساعات الاولى ،،وش اقول شهادتى فيه مجروحه رائع واكثر ولو اتكلم ما اوفيه حقه تعامل واخلاق وذمه وضمير انسان جدا راقى ورائع اثرانى بمعلومات والله اخذت 8ساعات عن 22ساعه دربنى واحسن تدريبى ورفع من معنوياتى وعزز الثقه فينى وقالى انتى بتنجحين لانك قدها وفعلا صدق ودخلت قروب الاجتياز اللى كان له دور فى تعليمى الدروس وتعزيز الثقه اكثر والنجاحات اللى اشوفها اصبحت انسانه قادره باذن الله ع النجاح وفى يوم 8اكتوبر وقت امتحانى وكنت مرتاحه وكلى ثقه بنفسي ،،ودخلت الامتحان وتكلل بالنجاح والحمدلله ،،واهدى نجاحى اولا لزوجى الله يخليه ثم مدربي حسن ابراهيم حسن على بو زينب رقمه879 ثم للقروب الرائع اللى عزز فينى القدره ع النجاح ، وكل من دعمنى،،متمنيه لباقى الاخوات النجاح ✍🏻وفاء الحمود ❤

قصة نجاح طالت وبعد عناء
قبل عام الا كم يوم فقط ..
سجلت في مدرسة القيادة وكنت حامل في الشهر ٧ وعندما علمت مدربتي رفضت تدريبي بسبب الحمل وقلت لعله خيرة لي لسلامتي وسلامة جنيني .. اكملت بعد ولادتي بعد مضي ٤ اشهر من الولاده

كلمت مدربه مشهوره ريم الملا وماشاء الله عليها اخلاق غنية عن التعريف .. ولكن بعد ما أنهيت ساعاتي وتم اختباري طلع لي الممتحن رجل وكان الكل يقول رجال يعني ناجحه ف انبسطت حقيقة قلت خلاص اني ناجحه .. بعدين سبحان الله ركبت السياره ضبطت الكرسي والمرايات والحزام وانطلقنا .. وداني الطلعه الثانيه يسار وكان زحمة المدرسة جداً واني الحقيقة مرتبكة ع الاخر مو متعوده من رجال يكون جنبي وكان اسلوبه صعب لمن يعطي الامر كأنه يصرخ عليي المهم اني ماشفت الدنيا كلها لفتين ورجعني وعطاني ٨ ساعات 💔 حقيقة انصدمت جداً لانه الكل كان يقول فلانه ناجحه مايحتاج وهذا الشي الي أزمني كانت صدمة للجميع ..

خلجات في خاطري ..

ليتني استيقض صباحاً وقد خلعت هموماً احتوتني .. ليت الصباح يعود باكراً وتشرق شمس السعادة محققة حُلم لا تذبحه قافلة الايام عذ مسرعاً مرفرفاً محلقاً مهللاً لفرحة دائمه تحتويني .. لا أرجع فيها كسيرة ذليلة خائبة على ارضً احتوتني حقبة من الزمن وادخلت اضواء الفرح ع عيناي ..

يوم ما حتماً ستحين النهاية وللبقية حكاية فقد اشتقت لنقطة تنهي قصتي بفرح ..



بعدين غيرت المدربه عشان اكسر حاجز الخوف وفي نفس الوقت اتعلم امور مختلفه كانت تنقصني مثل الدوار .. والحمد لله
كلمت المدرب القدير * علي الحلو*
ووافق يدربني والحمد الله من اول يوم اكتشف ايش ينقصني وركز ع الدوار للين ما بصمته ولله الحمد .. وكان دايم يمدح سواقتي وقول ماشاء الله ماتستاهلي الرسوب اكيد كنتي مرتبكة واضح .. وبعديت اخر يوم تدريب كان امتحاني حقيقة رجع الخوف حتى المدرب يقول اليي ركزي ويش فيش لاتخلي الخوف يصيطر عليش من جديد تأزمت .. ووصلنا المدرسة للإختبار وانهالت ادموعي ع الارض 😭
مسحتها وقلت اعوذ بالله من الشيطان وربي فوق ماراح يخيبني 🤲🏻

دخت قاعة الانتظار وفي تمام الساعه ١٠:١٥ دقيقه نادوني وطلع لي ممتحن وشكله مريح واهم شي ماكان لابس الكبوس الي يسبب ليي قلق قلت ان شاء الله خير 😻

ركبنا وصليت ع محمد وآله عدلت الكرسي وضبطت المرايات وربطنا الحزام وقال اليي استعديتي قلت اليه ان شاء الله ننطلق ..

رحنا سيده وهو كان يعطيني الاوامر وأشر بأيده وداني الطلعه الثانيه يمين وبعدين ع الاشاره الضوئيه يسار يوتيرن ورحنا ع الدوار وقال اليي دبل يسار يوتيرن وعلى طول طلعني الدوار الصغير بره المدرسه خلاص بغيت اصيح حسيت كني مسجونه وطلعت من السجن 😭😭 افرحت لحدي واخدني الحماس طلعنا ع دوار الفخار يوتيرن ولا طلع كلب أجلكم الله علينا والحمد الله قام الممتحن يضحك عليه مروق 😹
وبعدها رحنا الاشاره يوتيرن ورجعنا ع المدرسه وعلى طول باركن من أول محاوله ممتازه قال اليي خلاص نرجع وقفنا في البركنات من جديد وقال اليي روحي مكتب واحد 😭😭 خلاص نزلت ماني عارفه اصيح اضحك اصرخ اموت فيي فرحة مو طبيعيه ..

كل الشكر لربي الكريم و زوجي الي كان الداعم الاول والدافع لنجاحي وكل اهلي وامي وابويي واخوتي وكل حبايبي وهذا لقروب العظيم كلكم شكراً ومليون شكر ربي يرزق كل انسان طموح النجاح وعيش الفرحة . 😭❤

وهاهي النقطة وضعت في نهاية القصة 😭❤

٠٠٠٠ قصة نجاح منقولة....
الحمدلله رب العالمين
في يوم الخميس ١٠/١٠/٢٠١٩
كان نهاية مشواري مع مدرسة تعليم السياقة بالبحرين و قد تكلل بالنجاح ربي لك الحمد والشكر

بدات رحلتي بالتسجيل طبعا و الكل يعرف خطواته ومتطلباته
وعطوني موعد للمحاضرة تقريبا في ٢٠/٨
اتفقت مع مدربة تبدا تدريبي بعد اسبوع من المحاضرة لكنها اعتذرت عدة مرات

فتركتها و لاني مكلمة حدود ٣٣ مدربة فجاه ارسلت لي المدربة فاطمة القطان (ام عادل) انها تقدر تدربني
وفعلا تدربت معاها من ٢٧/٨ الى يوم امتحاني
اخذت عندها ال ٢٢ ساعة كاملة

مدربتي ونعم المرأه اخلاق و التزام و اخلاص شديد في العمل من تركب السيارة الى ان ينتهي الوقت و هي تشرح وتعيد وتزيد ، حنونه. غير عصبية و خفيفة دم بعد💕
صراحه مااقدر اوفيها حقها مااقول الا الله يجزيها الجنة
طبعا دربتني على كل شي حتى الريوس كنت مو فاهمه طريقتها وحالتي حاله و في الامتحان ضبطت معاي من اول مرة 😍 طريقتها رائعة

الامتحان
ناداني الممتحن وكان رجال خلوق جدا ومتسامح رحم الله والديه وجزاه الله خير
مساري ماتذكره حيل بس طلعت من المخرج الثاني يسار
ثم لفيت يمين
ولفلف فيني شوي ووداني المرتفع القديم يسار ثم دخلني الدوار يوتيرن شارع المكاتب ثم خرجنا من المدرسة
كان ادائي الحمدلله زين داخل المدرسة
بس المؤشر طفى فقال لي تاخرتي في تشغيله
و توجيهاته واضحه تماما و اسلوبه رائع وهادي ومريح
بعدها طلعني دوارالفخار يوتيرن ثم الاشاره الضوئيه يوتيرن كان زحمة جدا مو عد امتحاني ٣:٣٠ بس نادوني ابكر
ورجعت للباركات وضبط معاي من اول مرة
ورجعت السيارة مكانها وطفيتها

وقال لي روحي مكتب ١

والحمدلله استلمت الرخصة وانا طايره من الفرح

نجاحي اهديه لنفسي اللي تعبت و اجتهدت و لمدربتي الغالية ام عادل فاطمة القطان ((٩٦٥))
ولزوجي الداعم النفسي والمادي و لاهل زوجي و مرت حماي و بناتي اللي تحملو معاي ماقصرو ولأهلي و صديقاتي ودعواتهم و اكيد للاخت مشرفتنا حوراء الحبيبة و للأخت فاديه و للقروب كله ربي يسعدكم استفدت حيل من اسئلة البنات و المقاطع جدا جدا مفيدة ، حتى للمواصلات والله ممتنة للجميع


💕

انصحكم بالتدريب المتواصل و الممارسة في السعوديه لحالكم
وانصحكم بعدم الاستعجال في الامتحان والاهتمام بالمؤشر و عدم الخروج ع المركبات
كذلك حبيت اخبركم ان سيارة الامتحان جدا سريعة وخفيفة فانتبهو 💕




+973 39254942
فاطمة القطان (ام عادل)
الرقم التدريبي ٩٦٥

المتدربة دلال
تجربتي مع رحلتي الى البحرين التي كانت شبه مستحيلة كانت تجربة مكلله بالتعب ومحاتات عائلتي
لكن بالعزيمة والإرادة صارت واقع حيثُ سجلت في شهر ذوالحجة واعطوني موعد محاضرة بعد شهر كان شهر محرم تاريخ ٣/٩/٢٠١٩ في هذا الاثناء قمت بالبحث عن مدربة لكن باء البحث بالفشل فتجهت ابحث عن مدرب بعد موافقة زوجي ورُأيت زوجي للمدرب معي وكنت ادعوا ربي يوفقني بي مدرب خلوق ومحترم والحمد الله ربي العالمين لقيت مدرب في قمت الاخلاق ومحترم ويدرب بي ذمة وضمير ويتابع اغلاطك ويكرر لك من دون ملل وتحمل اسألتك والحمد الله ما اضطريت اغيره ابد وعلى فكرة انا اسوق لي سنة بس من دون رخصة كنت انزل الحسا وارجع الدمام طبعا مع زوجي او ولدي قلت لي مدربي لمن سألني على هذا الاساس بدأ معي بالعلامات والقوانين وكان ملتزم بالمواعيد والوقت وكنت متفقة معة اخلص خلال هذا الشهر شهر محرم لانه زوجي ماخذ اجازة شهر علشان يكون مع اعيالي بالبيت بحكم اني بعيدة عن اهلي واهل زوجي فما كان لي معين غير زوجي وانا اروح مواصلات وكنت اخذ فترت تدريبي متواصلة ومتفرقه بس علشان اخلص والحمد الله كملتها وفي هذا الاثناء طلب مني المدرب اخلي يومين قبل الاختبار ودائما مدربي يشجعني ويقول لي انتي ممتازة وراح تنجحين
وبعدها جاء وقت الاختبار وكان يوم الاحد اكتوبر / صفر تاريخ
١٣/١٠/٢٠١٩ الساعة ثلاث ونص ذهبت قبل الموعد بعدها نادوني قبل الوقت بي ٢٠دقيقة
كانت ممتحنة وكان مساري من باركن الممتحنين من الطلعة الثانية يسار بعدها دوار يوتيرن بعدها خروج من المدرسة الى دوار الفخار يوتيرن الى الاشارة يوتيرن بعدها الى المدرسة الى الباركن وجبته صح وبعدها قالت لي نزلي وروحي مكتب واحد ولا خبرتني بالنجاح ملحوضة كانت الممتحنة تناظرني طول الوقت ولا انشغلت بالكتابة الا بعد ما خلصت مسارى طبعا
الموظف الي بالداخل قال لي اني نجحت وبعدها كملت اوراقي واخذت الرخصة ورجعت بيتي وانا منتصرة شعور النجاح شعور جميل

مدربي موسى مبارك بو عبد الرحمن رقم لوحة التدريبية ٨١٧
اهدي نجاحي الى معلمي الاول زوجي الغالي الي صبر عليا وتحمل معي عناء ذهابي وترك المنزل علية والثاني لولدي
ولي امي واخواتي واخواني الي كانو بجنبي

... قصة نجاح منقوله..

الحمدلله يارب
قصتي بعدالجهد والتعب والمشقه .كانت رحلتي للبحرين شبه المستحيل لانا اخواني موجودين والسواق يقومون بواجباتي. بس لازم يمر، الواحد، بظروف ولازم يتعلم وياخذالشي، بيدة. بدءت اتفاهم مغ اخواني والحمدلله وافقو اني اروح البحرين اتفقت مع صديقتي نروح مع بعض بس شالله القدر ماقدرت اكمل الروحة معاها جاتني، سفرة واهي راحت وقدمت وتدربت وانا لسة ورجعنا من السفرولسه العزم فيني علي الروحة و كلمت مجموعة النجاح والحمدلله الله صخرلي احدالشباب ابراهيم ماقصرمعاي خلص اوراقي كامله وقف معاي مثل الاخ اخذت موعدللمحاضرة ووصرت ابحث عن مدرب هادي يعلمني من الصفر ويكون هادي، مايصارخ ويوصل المعلومة بكل، هدو، وكلمت اكثر من 10مدربين الاملتزم والامايقدر والحمدلله اتفقت مع المدرب عادل الذوادي (740)التزمت معاه من اخرشهر ذوالقعدة بالتدريب ودربني وصرت اسوق بالبلد مع اخواني والكل يقول سواقتك ماشأأالله حلوة وهادئيه وبعدها وقفت فترة لظروف كان اختباري الاول لمن توفيت السيدة وجاتني نفس الصاعقة ماقدرت ادخل الامتحان وبعدها المشرفات ماقصرو معاي دخلت اقروب التجاوز ومن القروب والمشرفات والانجازات استفدت منهم ورجعت بعد15محرم واخذت ساعات زيادة والمدرب ماقصرمعاي، يحفزني بكلماته التشجيعيه والمحفزة وقالي احجزللاختبار والحمدلله صاروقت امتحان الاثنين 14/10الساعه 6المغرب وتدربت قبلها بساعتين ورحت انتظر دوري ونادوني والحمدلله ممتحن من الجنة وجهة سمح وطيب مرررة وسهل
علي المسار سهل مرة من الباركات الي وسط المدرسه بعدها الدوار يسار وعلي طول، للدوار الصغير خارج المدرسة ويوتيرن الرملي والاشارة الضوئيه ومن ثم الريوس من اول مرة صح والحمدلله انتهت رحلتي بالنجاح .واشكرا امي علي دعواتها واخواني علي تحفيزهم واختي دعمها اقوي شي لي ولاانسا المدرب كلمة شكرا قليل، بحقة وللمجموعة النجاح كامله وبالاخص ابراهيم ولجميع المشرفات ولقروب الاجتيازماقصرتو الله يوفقكم
اختكم/رقيه

ََ.... قصة نجاح منقوله...

بسم الله الرحمن الرحيم
اللهم صل على محمد وآل محمد
ابتدأمشواري بالبحرين من شهر سته اخذت محاضرتي وتوقفت على امل يطلع اسمي بشرق وبعد عدة محاولات بائت تجربتي بالفشل بالتواصل مع المدرسه ووقتها قررت اروح اكمل تدريب واخترت مدرب ممتاز كان متساعد معي بالوقت وايام التدريب وبحكم ضروف عملي وضروفي الخاصه اكملت ساعات تدريبي والشكر لمواصلات اخوي حيدر ماقصر حتى باقسى الظروف وجزاه الله خير الا ان حان وقت اختباري تاريخ 26/9وكانت ممتحنه وللاسف لم اجتاز الامتحان ولما ايأس اكملت ساعات التدريب 8ساعات وحجزت الامتحان الثاني تاريخ 15/10كان في الساعه سبع ونص والحمدلله كان وصولي للمدرسه بالوقت وطلع لي ممتحن جزاه الله خير وجه يوحي بالراحه النفسيه وكان طيب طلعت من الباركات الطلعه الثانيه يسار ووداني المرتفعات واخذت اليمين ودخلت على الدوار يمين على الاشاره الضوئيه وطلعت بعدها من البوابه الغربيه على طول دوار الفخار يوتيرن والاشاره يوتيرن ورجعت المدرسه على الباركن على طول من اول مره جبته ورجعت الباركن على مكتب رقم 1اشكر كل من ساهم بنجاحي زوجي واولادي واشكر قروبات الدكتوره مروى الحرز والمشرفات الموجودات بالقروب كانوا عون وافضل الاخوات جزاهم الله خير الجزاء بما بذلوه لصالح المتدربات ونصيحه لاخواتي وعن تجربه لاتجعلي الفشل يضعف من عزيمتك بالعكس لعلا الله اراد لك الافضل
مع الارادة والاصرار تتحدي الصعاب 😘🌹
متدربه مشاركه من قروبات الدكتوره مروى جزاها الله هي والقائمين عليه خير الجزاء شكر خاص لقروبات الدكتوره مروى

.... قصة نجاح منقوله..

بسم الله
ولله الحمد على عظيم شكره وامتنانه

منذ ان جاء قرار السياقه وانا من اشد المؤيدين بحكم اني موظفه وعندي اطفال وعمل زوجي طويل وكنت استقدام سائقين وعندكم علم بمشاكل السائقين
قررت اتعلم السياقه مع العلم كان زوجي معارض بحجة عندي سواق ولكن مع الاصرار وافق ولله الحمد
ذهبت بالاجازة تحديدا نهايه شهر شوال وسجلت واخذت المحاضرة
وجلست اسبوعين ابحث عن مدربه الى ان حصلت وتدربت معها ١٨ ساعه تدريبها ممتاز وتوصل المعلومه بطريقه سهله لكن متعبه جدا مواعيدها غير مضبوطه ومرة كنسلتني وانا بالبحرين
وقررت اغيرها واخذت مدربه اخرى تجنن طيوبه وخلوقة كملت معها المشوار
وكان موعد اختباري ١٤٤٠/١٢/١٧ صادف اول يوم دوام لي الاختبار الساعه ٦م لكن على ماطلعت ورحت البيت ومشيت البحرين وصلت متاخره على الساعه ٦.٣٠ ومارضوا يدخلوني للاختبار
ومنها قلت خلاص مابكمل
لاني اسوق وكل مكان اروح ولكن جاء يوم وانا رايحه للعمل يوجد نقطه تفتيش وطلب مني العسكري الرخصه وتوهقت
ومنها اصر علي زوجي اجدد الاختبار
وبالفعل جددت الاختبار واخذت ساعتين تدريب اضافيه مراجعه لما تدربته من قبل
واليوم كان اختباري الساعه ٩ ص
ناداني ممتحن ع الساعه ٨.٤٥
ركبت السيارة واستعديت ومجرد ماطلعت قال لي بريكك قوي ومارديت علية
وداني الدوار يسار ثم اعادة لي دبل يسار وعند التحويل صرخ يقول انتي سريعه ما ابي هالسرعه وبرضوا مارديت علية
ثم طلعني خارج المدرسة دوار الفخار دبل يسار وعند التحويل صرخ بصوت عالي قالي راسبه ارجعي للمدرسة
لاني اخذت يسار بدل دبل يسار
وطول الوقت انا ساكته ثم لف فيني وماذكر وين رحت وداني اشارات وطريق طويل ثم رجعني الباركات وجبته من اول مرة مده اختباري ٤٠ دقيقه 😔
واخر شي قال لي وش رايج ناجحه ولا راسبه
قلت له اللي تجوفه انا عن نفسي اعرف اسوق وجايه البحرين بسيارتي ويمكن توترت غيرت المسار لاني مو متعودة اركب مع رجال
قال لي انزلي وانتظريني مكتب ١
والحمد الله رحت وقال لي ناجحه
اخيرا اتقدم بالشكر لله ثم لزوجي واهلي وامي الغالية اللي تمسك اولادي في تدريبي وعملي
وكل الشكر لقروبات السياقه وللدكتورة مروه الحرز وجميع القائمين عليه
بصراحه منذ ان انقطعت مدة شهرين كنت اشاهد الفيدوهات واتعلم منها وكاني لم انقطع عن المدرسة
الله يجزاكم خير الجزاء واطال الله في اعماركم ❤❤❤
اختكم / ابتسام

.. قصة نجاح منقولة ..

الحمدالله الذي بحمده تدوم النعم
والحمدالله على البلاغ والتمام
بالبدايه مع صدور قرار القيادة للمرأة ماكنت افكر ابدا انه أخوض التجربة لانه عندي فوبيا من السيارات والتريلات وظليت فترة كذا بعدها شفت رابط حق مدرسه شرق وسجلت فيها مع القوم على قوله المثل والله انا ما افكر وظليت تقريبا سنه كامله ماعندي اَي قرار على القيادة فجأة مع الظروف الي صارت لي جاني الحماس وانه ابغى اسوق وقلت لزوجي وتفاجئت من رده مافي امل اخليش تسوقي وسكت عنه بعدها شفت قروب حق مواصلات انضميت له وقَعَدت استفسر عن طريقة التسجيل والإجراءات يوم ثاني في الليل كلمت المواصلات وحجزت لي مقعد معاهم وفاجئت زوجي وقلت له بكرة ترى باروح البحرين اقدم قال كيف ومافي روحة قلت له انا حجزت لي مواصلات ومافي نقاش في الموضوع ورحت يوم ثاني وقدمت وتفاجئت انه المحاضرة بسرعه كانت بعد اسبوع على طول رجعت وسئلت عن ارقام مدربات بحكم زوجي قال بشرط تاخذي مدربه وردت علي بنت عمي ومدحت لي مدربتي العسل بدريه القحطاني وكلمتها والحمدالله حصلت لي موعد معاها انه أتدرب نفس يوم المحاضرة وطبعا كانت المحاضرة تاريخ ٧/١٠ حضرت المحاضرة وتدربت والحمدالله كان يوم جميل وشعور جميل اول يوم رجعت البيت ورجعت كلمت المدربه انه ابغى جدولي متواصل افضل بحكم انه اني اجازة ماعندي دوام بس قالت لي للاسف ماعندي مجال كلش قلت لها خلاص رتبي لي جدول وقت ماتفضي قالت عندي لشهر الجاي قلت لها اوك انا باسافر الحج وبس ارجع بكمل معاج والحمدالله رتبت لي جدول سافرت ورجعت من السفر يوم الجمعه وكان ابتدي تدريب الاثنين طبعا رحت وانا تعبانه ومريضه ماركزت ابدا في التدريب وقالت لي المدربه شرايج ترتاحي هالاسبوع ونكمل الأسبوع الجاي قلت لها كيف واختباري قريب اخاف ما اخلص قالت لا تحاتي برتب لج وفعلا رتبت لي جدول جديد ورجعت الأسبوع الي بعده أتدرب وكانت ايّام متواصلة يوميا اروح وارجع في نفس اليوم وتعب لانه بديت دوام خلصت ساعات التدريب تاريخ ٢/٩ والاختبار ٣/٩ في محرم دخلت الاختبار وجاني ممتحن شديد ونفسيه رسبني ظلم وغير الأكشنات الي صارت لي الدفتر ضاع. المواصلات مارجعوني رجعت ونفس اليوم حجزت للاختبار الثاني وكلمت مدربتي انه ترتب لي ايّام تناسب مع وقت الاختبار ظليت شهر مارحت أتدرب بحكم مدربتي ماخده اجازة وقفت حتى عن الطلعه في السعوديه ودخلت في أزمة اكتئاب وصارت نفسيتي تعبانه وكرهت حتى التدريب وقريب الاختبار قلت خلاص ماباروح وباكنسل بس الحمدالله الاخوات والمشرفات ماقصرو وياي عطوني طاقه انه ارجع ورجعت تاريخ ١٧ /١٠ اخدت تدريب ٦ ساعات فقط وظليت في البحرين ٤ ايّام ودخلت الاختبار الثاني تاريخ ٢٠/١٠ يوم جديد ومميز الاحد رحت قبل وقتي بنص ساعه وظليت انتظر لين ٥ ونص ماحد نادا عليي بعدها ٦ الا ربع اسمع اسمي سكينة حميد قمت اركض الا يقول لي راح اختبر قبلش واحد وارجع لش شفت شكله اطمئنيت رجعت سجلت وانتظرته لين ٦ وربع رجع نادا علي وقمت عطيته دفترين والبطاقة وركبت السيارة وضبطت اموري وقال لي مستعده قلت له اَي قال ارجعي ريوس طلعت ريوس وطلعني من الطلعه الثاني وقال لي يسار طلعت يسار وكله سيدة بعدين قبل الدوار في يمين قال لي دخلي يمين دخلت يمين وفِي هذا الشارع ظل ساكت عني يسولف في الجوال. صرت اسوي شي ذاتي من نفسي لين رجعت على نفس الشارع الي دخلت منه جينا للدوار قال لي دبل يسار سويته قال لي يمين الا هو البوابه الرئيسيه طلعنا شفت علامه قف وقفت فترة طويله الا يقول لي اطلعي له طلعت قال لي يسار ودبل يسار دوار الفخار اخدته بعدها قال يسار ودبل يسارالاشارة واحنا واقفين ننتظر الإشارةقعد يسولف ويضحك وياي ويسئلني كيف دراسه في البحرين وشرايش فيها وسئلتني عن سالفه الدفترين والا شفته كاتب في الدفتر ناجحة الا يقول ليش اللقافه عيونش في الشارع قعدت اضحك فتحت الإشارة اخدت يوتيرن بعدها دخلت المدرسه يمين وعلى الباركات وقفت عدلت المرايات قلت له عادي انزل النوافد عشان اشوف واضح قال عادي نزلتهم ودخلت البارك صح ع طول قال يالله يسار بركني سيارة وقفنا قال لي مبرووووووك روحي انتظري مكتب واحد ورحت اركض وفِي اثنين من الممتحنين قاعدين على عتبه الباب الا يضحكو علي ويقولو شوي شوي لا تطيحي
رحت مكتب واحد ورحت وخلصت إجراءات الرخصه الحمدالله واستلمتها بسرعه 😍😍😍
اشكررررر مدربتي الجميلة العسسسل بدريه القحطاني ام الزوز على صبرها وتحملها لي
اشششششششكر طاقم القروب كله على جمال ارواحهم وبالخصوص الأستاذة حوراء ماقصرت معاي ابدددددا
واششششششششكر الأستاذة فاديه على وقفتها معاي ما أنساها ليها ابددددددا

احبكمكككم كلكم وراح اشتاق ليكم وراح افتقد الأيام الي قضيتها معاكم 😩😩😩

المكافحة /سكينة حميد 💪🏼💪🏼💪🏼💪🏼😈😈

... قصة نجاح منقولة ..

اللهم صل على محمد وآل محمد

بعد السماح للقياده للمرأة ماكنت متحمسه اسوق مع اني موظفه ،، يوم فتح تسجيل النموذجيه سجلت وبديت اتعلم مع زوجي في القطيف وانتظرت كم شهر يوم شفت ااسالفه تأخرت سجلت في تبوك تحديد مهاره،،
ماكنت مقتنعه بالبحرين عشان المشاوير لين ما استشرت غناتي الدكتوره مروه ونصحتني بالبحرين وغيرت رايي اتوكلت على الله ورحت سجلت يوم ١٩ اغسطس محاظرتي كانت في ١٥ سبتمبر اتفقت مع مدربي اللي سمعت عنه من قروب وحده اللي مدحته نفس اليوم اتدرب،،
الحمدلله طلع هادي وشرحه ممتاز وافهم عليه مدح سواقتي من اول يوم 🤭
مرت ايام التدريب جميله وكل شي من احسن مايكون الين وصلنا اخر يوم تدريب كنت رايحه متوتره فجأه مدربي يقول انا اليوم الممتحن بعطيش اوامر وانتين نفدي واذا غلطتي بضرب بريك حسيت اني في امتحان حقيقي وطبعا اول مابديت بغلط ومسك بريك قالي رسوب 🤭🤣 بعدين توالت الاخطاء حتى اللي ماكنت اسويه بدايه تدريبي سويته ماخليت شي ماغلط فيه 🤗 بس الباركنج اللي ضبطه ،،
نهاية التدريب قال لي المدرب كل اللي اخطأتي فيه اليوم ماراح تسوينه يوم الامتحان وكان يضحك 😭
جا يوم امتحاني 20اكتوبر ،،
حاولت اسيطر على التوتر واركز في امتحاني كنت اغمض عيوني واسوي مسارات في بالي وامشي فيها لاني حفظت المدرسه ،، والحمدلله جاتني ممتحنه زينه بس كانت مستعجله كله تبغاني اسرع وترتني قليلا بس كنت قدها ونجحت من أول مره الحمدلله .
مدربي القدير ،، *فوزي الجنيد*
ومدربي الاول زوجي
والدكتوره مروه وقروباتها الجميله والمشرفات اللطيفات كل الشكر ليهم على مجهوداتهم وتفانيهم ❤🌹

.. تجربة نجاح منقوله ..


الحمدلله حمدا تستديم به النعم. الحمدلله حتى يبلغ الحمد منتهاه. بفضل من الله في يوم الأثنين ٢١ أكتوبر حصلت على الرخصة البحرينية من بعد التعب والصبر . أشكر مدربتي أم نوح ٥٩٢كانت نعم الأخت والمدربة . سجلت في شهر شوال وعطوني موعد المحاضرة بعد أسبوعين. جلست ابحث عن مدربة وبعد فترة ردت عليي مدربة تدربت معاها ٢٢ ساعة . في البداية كان تدريبها جيد جدا واكتسبت منها أشياء واجد لكن ما كانت تأخذني ساعتين كاملين وهذا كان من ضمن شروط التدريب عندها انها تأخذني ساعة ونص واحيانا أقل مع اني اعطيها أجر الساعتين شئ آخر ما عجبني فيها اصرارها على ان كل شئ تقوله هو الصح بما معناه لا تسمعي ولا تشوفي فيديوهات لأحد بس انا ما كنت أسكت كل مرة اسألها واناقشها بعد ما خلصت ٢٢ ساعة أختبرت ورسبت .. خواتي قالوا لي غيري المدربة ما دام انش رسبتي بعدين كلمت اكثر من عشرين مدربة ولا حصلت الكل يعتذر لأنه كان إجازة صيفية ومضغوطين وانا كنت أبغى اخلص ٨ ساعات علشان آخذ الرخصة قبل دوام المدارس.. اضطريت ارجع لها نفسها . حسيت خلال ها ٨ ساعات خلاص زهقت مني بس كنت اصبر حالي أبغى أفتك. بعد ما خلصت امتحنت المرة الثانية ورسبت كان ممتحن ورسبني علشان أخطآء تافهة وعطوني ٦ ساعات . قررت ادور مدربة ثانية سمعت عن أم نوح وكلمتها قالت لي ما عندها مجال الا اذا بنتظر . انتظرتها ٣ أسابيع وبعدين اخذت الست ساعات معاها . كانت روعة وهادية وما تعصب وتناقش بهدوء. دخلت الإمتحان الثالث بعد ما خلصت الست ساعات ونجحت الحمدلله . كان مساري سهل جدا من الباركات يسار على الدوار يسار بعدين البوابة يسار وطلعت بره المدرسة دوار الفخار يسار يوتيرن ورجعت المدرسة للباركينج وجبته من المرة الأولى.بالصدفة أم نوح شافتني من بعيد وانا اسوي الباركينج وكانت فرحانة حدها عشان نجحت واتصلت باركت لي . أشكر طاقم القروب جميعا والمشرفة حوراء على جهودهم الكبيرة مع أني كل مرة ارسب أقول ما برجع مرة ثانية لولا مساندتكم.

يعطيكم العافيه جميعا تجربتي كانت في بدايه كنت خوافه درجه اولى ومستحيل اركب سياره واسوق ويوم طلع القرار تحمست اني اتعلم وسبب اني نقلت سكن غير بعيد عن اهلي وبصعوبه احد يوديني ويجيبني بعدها تحمست طلعت اول طلعه مع بنت حماتي كانت دارسه في امريكا ومتعلمه ماهره علمتني اول طلعه لو مامسكت سياره كان بس طيرت اربع سيارات موواجد بعدها سجلت البحرين وتحمست للتدريب تدربت اربع ساعات عند مدربه وماشاء الله عليها بس سحبت عليه يوم وانا داخل البحرين قالت ماقدر ادربك عندي ظروف وقلت لها انا الحين في بحرين صرفيني وماقصرت جابت لي مدرب اخلاق وذوق وتدريب وماقصر معايه كفى وفاء طبعن السلبيات الي صادفتني تعب المشوار وبذات اذا رحت مع قروبات اتبهدل في طول الوقت انا الي دربني بعد اكثر اخذت سياره اجار وتدربت فيها في الحساء اروح واجي دوام ومغامرات واكشنات بس تعلمت وجيت اليوم وتدربت اخر ساعتين وثبت معلومات مساري كان جدا سهل ورايق مع كنت متوتره مليون واشجع في نفسي انا ممتنه للنجاح اناناجحه انا بطله لين عدت والحمدالله مساري طلعت من طلعه ثانيه ورحت دوار الشجره وبعدها طلعت برا مدرسه ورحت دوار الفخار ورجعت مدرسه ورحت عند ريوس ورجعت مواقف وكتب لي ناجحه اتجهي داخل مكاتب المغامره كانت جميله وممتعه استمتعت فيها جدا تعرفت على ناس عسل ومجموعات حلوه ومشرفات القروب فوق العسل ماقصرو معايه في كل لحظه